اغتصاب معلن

28

# ﺃﻏﺘﺼﺎﺏ _ ﻣُﻌﻠﻦ ‏[ 28 ‏]
ﺑﻘﻠﻢ / ﺳﺤﺮ ﺳﻤﻴﺮ ......
_ ﻣﺸﻜﻠﺘﻚ ﻋﺸﺎﻥ ﺍﻧﺘﻲ ﻃﻴﺒﻪ ﻣﺎ ﺷﺪﻳﺪﻩ
ﻡ ﺑﺘﻘﻴﻔﻲ ﺗﺎﺧﺪﻱ ﺣﻘﻚ ﺩﺍﺍ ، ﺑﺘﻤﺸﻲ ﺣﺘﻲ ﻟﻮ ﻋﻠﻲ ﺣﺴﺎﺏ ﻧﻔﺴﻚ ﻳﺎ ﺳﻠﻮﺍﻥ
* ﻭ ﻋﻠﻲ ﻓﻜﺮﺓ ﺣﺘﻲ ﻟﻮ ﻣﺸﻴﻨﺎ ﺧﺒﺎﺹ ﺍﻟﺮﺟﺎﻝ ﺍﺗﻜﻠﻤﻮ ﻭ ﺍﻣﻲ ﺳﺎﻟﺘﻨﻲ ﻛﺘﻴﺮ ﻭ ﺩﺍﻳﻤﺎ ﺑﺤﺴﺴﺎ ﺍﻧﻲ ﻣﻮﺍﻓﻘﻪ
_ ﻓﻲ ﻛﻞ ﺍﻻﺣﻮﺍﻝ ﺍﻧﺘﻮ ﻟﺴﻪ ﻋﻠﻲ ﺍﻟﺒﺮ ..
‏( ﻓﻲ ﺟﺎﻧﺐ ﺗﺎﻧﻲ ‏)
_ ﺣﺴﺎﻡ ..
* ﺍﻳﻮﺓ ﻳﺎ ﺣﺎﺗﻢ ﺧﻴﺮﺭ ! ‏( ﺣﺎﺗﻢ ﺍﺧﻮ ﺣﺴﺎﻡ ﺍﻟﺼﻐﻴﺮ ‏)
_ ﻭﻟﻴﺪ ﺻﺤﺒﻚ ﺗﺤﺖ
* ﻭﻟﻴﺪ !! ﻏﺮﻳﺒﻪ ، ﻃﻴﺐ ﻧﺎﺯﻝ ﺍﺳﻲ ..
* ﺑﻌﺪ ﻋﺸﺮﺓ ﺩﻗﺎﻳﻖ *
* ﺍﻭﻭﻭﻭﻩ ﻭﻟﻴﺪ ﺍﻟﺨﺒﺮ ﺍﻟﺼﺤﻪ ﻭﺍﻻﻣﻮﺭﺭ
_ ﺣﻤﺪﻟﻠﻪ ﺑﺨﻴﺮ ﻣﻌﻠﻴﺶ ﻟﻮ ﺟﻴﺖ ﻓﻲ ﻭﻗﺖ ﻡ ﻣﻨﺎﺳﺐ
* ﻳﺎﺥ ﺩﺍ ﻛﻼﻣﻚ ﺍﻟﺒﻴﺖ ﺑﻴﺘﻚ ﻱ ﺯﻭﻝ
_ ﻟﻘﻴﺖ ﻧﻔﺴﻲ ﻗﺮﻳﺐ ﻣﻦ ﻫﻨﺎﺍ ﻗﻠﺖ ﺍﻋﺪﻱ ﻋﻠﻴﻚ
* ﺑﻴﺘﻚ ﻓﻲ ﺍﻱ ﻭﻗﺖ ، ﻛﻴﻒ ﺍﻟﺤﺠﺔ ؟
_ ﺣﻤﺪﻟﻠﻪ ﺑﺨﻴﺮ ، ﺍﺳﻤﻌﻨﻲ !
* ﺍﺣﻜﻲ
_ ﺍﻟﻔﺘﺤﺖ ﻟﻲ ﺍﻟﺒﺎﺏ ﺩﻱ ﻣﻨﻮ ؟ .
* ﻓﺘﺤﺖ ﻟﻴﻚ ! ﻣﻨﻮﻭ ﻛﻴﻒ ﻣﺎ ﻓﻬﻤﺘﻚ
_ ﺧﺦ ﺧﻼﺹ ﺑﻬﺰﺭ ﺳﺎﻱ
* ﻭﻟﻴﺪ ﻫﺎﺍﺍ ﺍﺭﻛﺰ ﻭ ﺷﺪ ﻗﺎﺷﻚ ﺍﻧﺖ ﻑ ﺑﻴﺘﻲ ..
_ ﺍﺳﻒ ﺍﻧﺖ ﻓﻬﻤﺘﻨﻲ ﻏﻠﻂ
* ﺍﻣﻤﻤﻤﻢ
_ ﺍﻟﻤﻬﻢ ، ﺍﻧﺎ ﻋﻘﺪﻱ ﺑﻌﺪ ﺍﺳﺒﻮﻉ ﻭﺍﻟﻌﺮﺱ ﺑﻌﺪﻭ ﺏ ﺍﺳﺒﻮﻋﻴﻦ
* ﺷﺸﻨﻮ ؟ ﻓﺠﺎﻩ ﻛﺪﺍﺍﺍ ؟
_ ﺍﻱ ﻓﺠﺎﻩ ﻛﺪﺍ ﺍﺳﺎﺳﺎ ﺍﻧﺎ ﻡ ﻣﺴﺆﻝ ﻋﻦ ﺍﻱ ﻗﺮﺍﺭ ﻛﻞ ﺣﺎﺟﻪ ﺍﻟﻮﺍﻟﺪﻩ ﻗﺎﻣﺖ ﺑﻴﻬﺎ
* ﻃﻴﺐ ﻛﺎﻥ ﻛﻠﻤﺘﻨﻲ ﺟﻴﺖ ﻣﻌﺎﻙ ﻱ ﺯﻭﻝ
_ ﺗﺠﻲ ﻣﻌﺎﻱ ﻣﻦ ﺣﺒﻲ ﻑ ﺍﻟﺰﻭﺍﺝ ﺩﺍ ﻳﻌﻨﻲ ﺗﺼﺒﺮ ﻋﻠﻲ ﺑﺲ ﺣﻖ ﺣﺮﻗﻪ ﻗﻠﺒﻲ ﺩﺍ ﻭﺍﻟﻠﻪ ﺍﻻ ﺍﻃﻠﻌﻮ ﻣﻦ ﻋﻴﻮﻧﺎ ﺍﻻﺗﻨﻴﻦ ، ﻭﺍﻟﺒﺤﺮﻕ ﺍﻟﻘﻠﺐ ﺟﺪ ﺍﻣﻲ ﻣﺼﻤﻤﺔ ﻧﻌﻤﻞ ﻟﻴﻬﺎ ﻋﺮﺱ ﻭ ﺷﻴﻠﻪ ﻭﻗﻮﻟﺔ ﺧﻴﺮ ﻭﺍﺭﻳﺎﺡ ﻭﻛﻠﻮ ﺯﻳﻬﺎ ﺯﻱ ﺍﻱ ﺑﺖ ﻭ ﺩﻱ ﻛﻠﻬﺎ ﺧﺴﺎﺭﺓ ﻟﻲ ﺍﻧﺎ ﻡ ﺑﺘﺴﺘﺎﻫﻞ ﺩﻱ ﺭﺑﻊ ﺍﻟﺤﺎﺟﺎﺕ ﺩﻱ
* ﻭﻟﻴﺪ ﻻ ﺍﻟﻪ ﺍﻻ ﺍﻟﻠﻪ ، ﻟﻴﻪ ﻳﺎﺥ ﻣﺎﻑ ﺑﺖ ﺭﺧﻴﺼﻪ ﻳﺎ ﺯﻭﻝ ﻃﺎﻟﻤﺎ ﻋﻨﺪﻫﺎ ﺍﻫﻞ ، ﻭﺍﻧﺖ ﺯﺍﺗﻚ ﻛﺮﺍﺟﻞ ﻛﻴﻒ ﺗﻘﺒﻞ ﻋﻠﻲ ﻧﻔﺴﻚ ﺗﻌﺮﺱ ﺑﺎﻟﺮﺧﻴﺺ ﻭﺍﻧﺖ ﻣﺎﺷﺎﺀﺍﻟﻠﻪ ﺭﺑﻨﺎ ﻛﺎﺭﻣﻚ ﻳﻌﻨﻲ ..
_ ﺩﻱ ﻡ ﺑﺘﺴﺘﺎﻫﻞ ﻳﺎ ﺣﺴﺎﻡ ﺩﻱ ﻭﺣﺪﺓ ﺗﺎﻓﻬﻪ ﻣﺎ ﺑﺘﺴﺘﺎﻫﻞ ﻟﻜﻦ ﻭﺍﻟﻠﻪ ﻣﺎ ﺍﺧﻠﻴﻬﺎﺍﺍ
* ﻣﺎ ﺗﺨﻠﻴﻬﺎ ! ﺣﺘﺴﺘﻘﻮﻯ ﻋﻠﻲ ﻣﺮﺓ ﺟﻮﺓ ﺑﻴﺘﻚ ﺑﺪﻝ ﺗﻜﻮﻥ ﻟﻴﻬﺎ ﺍﻣﺎﻥ ﺳﺘﺮﺓ ﻭﻛﺴﻰ !
_ ﻳﺎ ﺣﺴﺎﻡ ﻭﺍﻟﻠﻪ ﺍﻧﺖ ﻣﺎ ﻋﺎﺭﻑ ﺍﻱ ﺣﺎﺟﺔ ﺧﻠﻴﻬﺎ ﺑﺎﻟﻨﻴﻪ ﺑﺲ
* ﻳﻜﻔﻲ ﺍﻟﺒﻌﺮﻓﻮ ﻳﺎ ﻭﻟﻴﺪ ، ﻛﻔﺎﻳﻪ ﺍﻥ ﺍﺳﻤﻚ ﺭﺍﺟﻞ ﻣﻔﺮﻭﺽ ﺗﺘﺼﺮﻑ ﺑﺘﺼﺮﻓﺎﺕ ﺍﻟﺮﺟﺎﻝ ﻭﺷﻴﻢ ﺍﻟﺮﺟﺎﻝ ، ﺍﻧﺎ ﻣﺎ ﻋﺎﺭﻑ ﺍﻧﺖ ﺍﺗﻐﻴﺮﺕ ﻛﺪﺍ ﻣﺎﻟﻚ
_ ﻟﻤﻦ ﺗﻜﻮﻥ ﺑﺘﺤﺐ ﺷﺪﻳﺪ ﻭﺍﻟﺒﺘﺤﺒﻮ ﻳﺨﺬﻝ ﺗﻮﻗﻌﺎﺗﻚ ﻏﺼﺐ ﻋﻨﻚ ﺑﺘﺘﺤﻮﻝ ..
* ﻳﺎﺥ ﻫﻲ ﺍﺻﻼ ﻣﺎ ﻋﺎﺭﻓﻪ ﺑﻲ ﺣﺒﻚ ﺩﺍﺍ ﺗﻜﻮﻥ ﺧﺬﻟﺘﻚ ﻛﻴﻒ ؟
_ ﻣﺎ ﺑﻌﺮﻑ ﺑﺲ ﺣﺮﻗﺔ ﻗﻠﺒﻲ ﺿﻴﻌﺖ ﺗﻼﺗﻪ ﺳﻨﻴﻦ ﻫﺪﺭ ﻭﺍﻧﺎ ﺑﺤﺒﻬﺎ ﻛﻨﺖ ﻣﺨﺪﻭﻉ ﻓﻴﻬﺎ
* ﻡ ﺣﻨﻌﻴﺪﻭ ﺗﺎﻧﻲ ﺑﺎﺧﺘﺼﺎﺭﺭ ﺍﻟﺒﻴﺤﺐ ﻣﺎ ﺑﻴﻜﺮﻩ ﻭ ﺑﺎﺧﺘﺼﺎﺭ ﺗﺎﻧﻲ ﺍﻧﺖ ﺭﺍﺟﻞ ﻡ ﻣﺠﺒﺮ ﺗﺘﺰﻭﺝ ﻭﺣﺪﺓ ﻣﺎ ﺩﺍﻳﺮﻫﺎ ﺍﻣﻚ ﻭ ﺑﺘﻘﺪﺭ ﺗﻘﻨﻌﺎﺍ ، ﻳﺎﺍﺍﺍﺍﺕ ﻧﺸﻮﻭﻭﻭﻭﻯ ﻭﻳﻦ ﺍﻟﺸﺎﻱ !
_ ﻧﻦ ﻧﺸﻮﻯ !
* ﻭﻟﻴﺪ ‏( ﺑﻲ ﻫﺮﺷﻪ ‏) !
ﻏﺮﻳﺒﻪ ﻣﺎﻟﻮ ﻡ ﺍﺗﺼﻞ ﻋﻠﻲ ؟
ﻗﺎﻟﻲ ﻟﻲ ﺑﺮﺟﻊ ﻟﻴﻜﻲ ﺑﻌﺪﻳﻦ ﻭ ﻣﺎ ﺍﺗﺼﻞ ﻋﻠﻲ ..
ﻓﻀﻠﺖ ﻣﻨﺘﻈﺮﺍﻫﻮ ﻟﺤﺪ 12 ﺑﻌﺪﻫﺎ ﻧﻤﺖ ، ﻭ ﺻﺤﻴﺖ ﻋﻠﻲ ﺍﺗﺼﺎﻝ ﻣﻨﻪ ﺍﻟﺴﺎﻋﻪ 7 ﻭﻧﺺ ..
* ﺍﻣﻤﻤﻢ ﺍﻟﻮﻭﻭ
_ ﻟﺴﻪ ﻧﺎﻳﻤﺔ ؟
* ﻡ ﺗﺘﻜﻠﻢ ﻣﻌﺎﻱ
_ ﺍﻭﻭﻑ ﻋﺪﻳﻞ ﻛﺪﺍﺍ ؟
* ﺍﻳﻮﺓ
_ ﻃﻴﺐ ﻡ ﺣﺘﻜﻠﻢ ﻣﻌﺎﻛﻲ ﻗﻮﻣﻲ ﻋﺸﺎﻥ ﺍﻧﺎ ﺟﻌﺎﻥ
* ﻗﻮﻡ ﺍﻛﻞ ﺍﻧﺎ ﻧﻌﺴﺎﻧﻪ ﻋﺎﻳﺰﺓ ﺍﻛﻤﻞ ﻧﻮﻡ
_ ﻻ ﻭﻋﺪﺗﻴﻨﻲ ﻧﻔﻄﺮ ﺳﻮﺍ ﻗﻮﻣﻲ ﻳﺎﺥ ﻭﻋﻨﺪﻙ ﺩﻭﺍﻡ ﻛﻤﺎﻥ
* ﻭﺍﻧﺖ ﻭﻋﺪﺗﻨﻲ ﺍﺗﺼﻞ ﺧﻠﻴﺘﻨﻲ ﺍﻟﻠﻴﻞ ﻛﻠﻮ ﻣﻨﺘﻈﺮﺍﻙ ‏( ﻟﻤﻦ ﺑﻜﻮﻥ ﻧﻌﺴﺎﻧﻪ ﻭﻻ ﺻﺎﺣﻴﻬﺮﻡ ﻋﻨﺪﻱ ﻓﺮﺍﻣﻞ ﺑﺘﻜﻠﻢ ﺑﺎﻟﺠﻮﺍﻱ ﻋﺎﺩﻱ ‏)
_ ﻫﻬﻬﻬﻪ ﻟﻤﻦ ﻧﺘﻘﺎﺑﻞ ﺑﻮﺭﻳﻜﻲ ﺍﻟﺤﺼﻞ
* ﺍﺻﻼً ﻣﻀﻄﺮﺓ ﺍﻗﺎﺑﻠﻚ ﻻﻧﻮ ﺗﺎﻧﻲ ﻡ ﺣﻘﺪﺭ ﺍﻃﻠﻊ
_ ﻛﻴﻒ ﻡ ﺣﺘﻘﺪﺭﻱ ﺗﻄﻠﻌﻲ ؟ ﻓﻲ ﺷﻨﻮ
* ﻣﺎﻓﻲ ﺣﺎﺟﻪ ﻛﺪﻱ ﺧﻠﻴﻨﻲ ﺍﻗﻮﻡ ﺍﺟﻬﺰﺯﻧﻔﺴﻲ ﻋﻠﻲ ﺗﻠﻔﻮﻥ ﺗﻤﺎﻡ
_ ﻃﻴﺐ ﻣﻨﺘﻈﺮﻙ ..
ﻓﺘﺤﺖ ﻋﻴﻮﻧﻲ ﻛﺪﺍ ﻟﻘﻴﺖ ﻣﺮﻭﺓ ﻣﺘﻜﻴﻪ ﻭﺗﻌﺎﻳﻦ ﻭ ﺗﻀﺤﻚ ، ﻗﻠﺖ ﻟﻴﻬﺎ ﺍﻧﺘﻲ ﺍﻟﺠﺎﺑﻚ ﺑﻴﺘﻨﺎ ﺷﻨﻮﻭ ، ﻗﺎﻟﺖ ﻟﻲ ﺻﺒﺎﺡ ﺍﻟﺰﻫﺎﻳﻤﻴﺮ ، ﻗﻮﻣﻲ ﻗﻮﻣﻲ ﻋﺸﺎﻥ ﻧﻤﺸﻲ ﻧﻔﻄﺮ ، ﻗﻠﺖ ﻟﻴﻬﺎ ﻭﺍﻧﺘﻲ ﺍﻟﺴﺎﻳﻘﻚ ﻣﻨﻮ ﻳﺨﺘﻲ ؟
ﻗﺎﻟﺖ ﻟﻲ ﻭﺍﻟﻠﻪ ﺩﻱ ﻃﺮﺩﻩ ﻫﻬﻬﻬﻪ ... ﺍﻟﻤﻬﻢ ﻣﺸﻮﺍﺭﻧﺎ ﻝ ﺧﺎﻟﺔ ﺳﻌﺎﺩ ﻣﺎ ﺯﺍﻝ ﻗﺎﺋﻢ ؟ ﺑﻌﺪ ﺗﺮﺟﻌﻲ ﻭﻻ ﻛﻴﻒ ﻣﻊ ﺑﺮﻧﺎﻣﺞ ﺣﺴﺎﻡ ﺩﺍ ؟
ﻗﻠﺖ ﻟﻴﻬﺎ ﺑﻌﺪ ﺍﻓﻄﺮ ﻣﻌﺎﻫﻮ ﺑﻤﺸﻲ ﺍﻟﻤﺤﻞ ﻭ ﻧﻄﻠﻊ ﻣﻦ ﻫﻨﺎﻙ ﺳﻮﺍﺍ .. ﻗﺎﻟﺖ ﻟﻲ ﺗﻤﺎﻡ ...
ﻗﻤﺘﺎﺍ ، ﺻﻠﻴﺖ ﻭ ﺧﻠﺼﺖ ﺍﻣﻮﺭﻱ ، ﺟﻴﺖ ﺍﻟﺒﺲ
ﻣﺮﻭﺓ ﻗﺎﻟﺖ ﻟﻲ ﺩﺍ ﺷﻨﻮ ﺍﻟﻔﻲ ﻳﺪﻙ ﺩﺍ ؟
ﻗﻠﺖ ﻟﻴﻬﺎ ﻋﺒﺎﻳﺔ ﻟﻴﻪ ؟
ﻗﺎﻟﺖ ﻟﻲ ﺯﺣﻲ ﻛﺪﺍﺍﺍ ، ﺑﺘﻬﺒﺶ ﻓﻲ ﺍﻟﺪﻭﻻﺏ ، ﻃﻠﻌﺖ ﻟﻲ ﺍﺳﻜﻴﺮﺕ ﺍﺳﻮﺩ ﻭ ﺑﻠﻮﺯﺓ ﺷﻴﻔﻮﻥ ﻛﺪﺍ ﻭ ﻃﺮﺣﻪ ، ﻗﺎﻟﺖ ﻟﻲ ﺍﺗﻔﻀﻠﻲ ﺍﻟﻠﺒﺴﻲ ﻭ ﻏﻴﺮﻱ ﺷﻮﻳﺔ ﻣﻦ ﺧﻠﻘﺘﻚ ﺩﻱ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻛﺎﺭﺓ ﻋﺒﺎﻳﺘﻚ ﺩﻱ ﻭ ﻣﺎﺷﻪ ﺑﻴﻬﺎ ..
ﻗﻠﺖ ﻟﻴﻬﺎ ﻻ ﻃﺒﻌﺎﺍً ، ﺧﻠﻴﻨﻲ ﻓﻲ ﻋﺒﺎﻳﺘﻲ ، ﻗﺎﻟﺖ ﻟﻲ ﺣﺮﺍﻡ ﻋﻠﻴﻜﻲ ﻧﻔﺴﻚ ﺍﻟﻬﺎﻣﻼﻫﺎ ﺩﻱ ﻭﺍﻟﻠﻪ ﻏﻴﺮﻱ ﻣﻦ ﻧﻔﺴﻚ ﺧﺎﺭﺟﻴﺎً ﻋﺸﺎﻥ ﻣﻦ ﺣﻮﺍﻛﻲ ﺍﻟﻘﻲ ﻃﺎﻗﺔ ﻭ ﻏﻴﺮ ﻛﺪﺍ ﻋﺸﺎﻥ ﺍﻟﻔﻄﻮﺭ ﺍﻟﻈﺮﻳﻒ ﺩﺍ ﻳﺎﺥ ،، ﺑﻌﺪ ﻧﻘﺎﺵ ﻭ ﻣﺠﺎﺩﻟﻪ ﻟﺒﺴﺘﺎ ..
ﻃﻠﻌﻨﺎ ﺍﻧﺎ ﻭ ﻫﻲ ﻣﺸﻴﻨﺎ ﻓﻲ ﺳﻜﺘﻨﺎ ﻟﻠﻤﺤﻞ ، ﻭ ﺻﻠﻨﺎ ﺟﻤﺐ ﺍﻟﺼﻴﺪﻟﻴﻪ ﻟﻤﺤﺘﺎ ﻭﻟﻴﺪ ،، ﻗﻠﺖ ﻟﻴﻬﺎ ﻣﺮﻭﺓ ﻭﻭﻭﻭﺏ ﻭﻭﺏ ﺍﻗﻴﻔﻲ ﺩﺍ ﻣﺶ ﻭﻟﻴﺪ ﺍﻟﻄﺎﻟﻊ ﻣﻦ ﺍﻟﺼﻴﺪﻟﻴﻪ ﺩﺍ ؟
ﻗﺎﻟﺖ ﻟﻲ ﺷﻔﺘﻮ ﻭﻳﻦ ﺍﻧﺎ ﻗﺒﻞ ﻛﺪﺍ ؟
ﻗﻠﺖ ﻟﻴﻬﺎ ﻳﺎﺥ ﻳﺎﻫﻮ ، ﻳﻌﻨﻲ ﺳﺎﺏ ﺻﻴﺪﻟﻴﺎﺕ ﺍﻟﺨﺮﻃﻮﻡ ﺩﻳﻞ ﻛﻠﻬﻢ ﻭ ﻣﺎ ﻟﻘﺎ ﻏﻴﺮ ﺩﻱ ، ﻋﺸﺎﻥ ﺗﻌﺮﻓﻲ ﺣﻈﻲ ﺯﻓﺖ ﻛﻴﻒ ،، ﺑﻌﺪ ﻣﺸﺎ ، ﺍﺗﺼﻠﺖ ﻋﻠﻲ ﺣﺴﺎﻡ ، ﻭﺭﻳﺘﻮ ﻣﻜﺎﻧﻲ ﻭ ﺛﻮﺍﻧﻲ ﻣﺎﻓﻲ ﻛﺎﻥ ﻋﻨﺪﻧﺎﺍ ، ﻣﺮﻭﺓ ﺍﺳﺘﺄﺫﻧﺖ ﻭ ﻣﺸﺖ
ﻗﺎﻟﻲ ﺍﺗﻔﻀﻠﻲ ﺍﺭﻛﺒﻲ ! ﻗﻠﺖ ﻟﻴﻬﻮ ﻣﻤﻜﻦ ﻧﻤﺸﻲ ﺑﺎﻟﻤﻮﺍﺻﻼﺕ ؟
ﻗﺎﻟﻲ ﺟﺪﺍﺍﺍ ، ﺭﻛﻦ ﺍﻟﻌﺮﺑﻴﻪ ﻭ ﻧﺰﻝ ، ﺻﻔﺮ ﻟﺒﺘﺎﻉ ﺍﻣﺠﺎﺩ ﻭ ﺭﻛﺒﻨﺎ ،ﻣﻦ ﺟﻮﺍﻱ ﺍﺳﺘﻐﺮﺑﺘﺎ ﻃﻮﺍﻟﻲ ﻭﺍﻓﻖ ﻭ ﻡ ﺍﺗﺮﺩﺩ ﻡ ﻋﺎﺭﻓﻪ ﻟﻜﻦ ﺍﺣﺘﺮﻣﺘﻮ ﺷﺪﻳﺪ ،ﻭ ﺷﻜﻠﻮ ﻛﺎﻥ ﻡ ﺭﺍﻳﻖ ، ﺍﻟﻤﻬﻢ ﺳﺎﻛﺘﻴﻦ ﻃﻮﻝ ﺍﻟﻄﺮﻳﻖ ﻟﻤﻦ ﻭﺻﻠﻨﺎ ﻣﻄﻌﻢ ، ﺳﻠﻢ ﻋﻠﻲ ﺑﺘﺎﻉ ﺍﻟﻜﺎﺷﻴﺮ ﺳﻼﻡ ﻣﻌﺮﻓﺔ ﻭ ﺩﺧﻠﻨﺎ ﻗﻌﺪﻧﺎ ..
ﻗﺎﻋﺪﻳﻦ ﻧﻌﺎﻳﻦ ﻟﺒﻌﺾ ﻭ ﺳﺎﻛﺘﻴﻦ ، ﻗﻠﺖ ﻟﻴﻬﺎﻛﻮ ﻣﺎﻟﻚ ﻓﻲ ﺷﻨﻮ ؟ ﻗﺎﻟﻲ :
_ ﻟﻴﻪ ﻡ ﺣﺘﻄﻠﻌﻲ ﺗﺎﻧﻲ ﻣﻦ ﺍﻟﺒﻴﺖ ؟
* ﻇﺮﻭﻑ ﻛﺪﺍ ﺧﺎﻧﻘﺎﻧﻲ ﺍﻧﺎ ﺣﻴﺖ ﻫﻨﺎ ﻫﺮﺑﺎﻧﻪ ﻣﻨﻬﺎ ﻓﺎ ﻡ ﺣﻘﺪﺭ ﺍﺗﻜﻠﻢ ﻓﻴﻬﺎ ..
_ ﺍﻧﺎ ﻗﺪﺭ ﻡ ﺣﺎﻭﻟﺖ ﺍﺳﺘﻨﺘﺞ ﻭﺿﻌﻚ ﺍﻟﻤﺎ ﻗﺎﺩﺭ ﺍﻓﻬﻤﻮ ﺩﺍ ﻡ ﻗﺎﺩﺭ ﻭ ﻑ ﻧﻔﺲ ﺍﻟﻮﻗﺖ ﺍﻧﺎ ﻡ ﻋﻨﺪﻱ ﺻﻼﺣﻴﺔ ﺍﺿﻐﻂ ﻋﻠﻴﻜﻲ ﺍﻭ ﺍﺟﺒﺮﻙ ﺗﺤﻜﻲ ﻟﻜﻦ ﻣﻦ ﺟﻮﺍﻱ ﺍﻧﺎ ﻣﺎ ﻣﺮﺗﺎﺡ ﻳﺎ ﺳﻠﻮﺍﻥ ، ﺍﺣﻜﻲ ﻋﺸﺎﻥ ﺍﺳﺎﻋﺪﻙ ..
* ﻣﺎ ﻟﻠﺪﺭﺟﺔ ﺩﻱ ﻳﺎ ﺣﺴﺎﻡ ، ﻋﺎﺩﻱ ﻇﺮﻭﻑ ﺯﻱ ﺍﻟﻈﺮﻭﻑ ﺍﻟﺒﺘﺤﺼﻞ ﺟﻮﺍﺍ ﻛﻞ ﺑﻴﺖ ..
_ ﻣﺎ ﺍﻇﻦ ...
ﺍﺗﺼﻠﺖ ﺑﻲ ﻣﺮﻭﺓ ، ﻗﺎﻟﺖ ﻟﻲ ﺍﻣﻚ ﺟﺎﺕ ﺍﻟﻤﺤﻞ ﻭ ﺑﺘﺴﺎﻝ ﻣﻨﻚ ، ﺍﻧﺎ ﺍﺗﺤﺠﺠﺘﺎ ﻟﻴﻬﺎ ﺑﺎﻧﻚ ﻧﺴﻴﺘﻲ ﺣﺎﺟﺔ ﻑ ﺍﻟﺒﻴﺖ ﻭ ﺭﺟﻌﺘﻲ ، ﻧﺘﻼﻗﺎ ﻑ ﺍﻟﻤﻜﺎﻥ ﺍﻟﺨﻠﻴﺘﻚ ﻓﻴﻬﻮ ﻧﻨﺠﺰ ﻣﺸﻮﺍﺭ ﺳﻌﺎﺩ ﺩﺍ ﻭﻻﺯﻡ ﺗﻜﻮﻧﻲ ﻓﻲ ﺍﻟﺒﻴﺖ ﻭ ﻇﺎﻫﺮ ﻋﻠﻴﻬﺎ ﺯﻫﺠﺎﻧﻪ ﻭ ﻣﺎ ﻃﺒﻴﻌﻴﺔ ،، ﻗﻮﻣﻲ ﺍﺗﺤﺮﻛﻲ ..
ﻗﻠﺖ ﻟﻴﻬﺎ ﻃﻴﺐ ﻃﻴﺐ .. ﻗﻠﺖ ﻝ ﺣﺴﺎﻡ ﺍﻧﺎ ﺍﺳﻔﻪ ﻻﺯﻡ ﺍﻣﺸﻲ ﺍﺳﻲ ﺣﺼﻞ ﻃﺮﻑ ، ﻗﺎﻟﻲ ﺳﻠﻮﺍﻥ ﻓﻲ ﺷﺘﻮ ﺍﺣﻜﻲ ﻟﻲ ﺍﻧﺎ ﺣﺄﺟﻦ ، ﻓﻲ ﺷﻨﻮﻭﻭ ؟
ﻡ ﺭﺩﻳﺖ ﻋﻠﻴﻬﻮ ﻭ ﺟﺮﻱ ﻃﻠﻌﺘﺎ ﺯﻱ ﺍﻟﻜﻨﺖ ﻛﺎﻳﺴﻪ ﺳﺒﺐ ﻟﻠﻬﺮﻭﺏ ﻣﻦ ﻗﺪﺍﻡ ﺣﺴﺎﻡ ، ﺑﺎﻟﺠﺪ ﻗﺪﺍﻣﻮ ﺑﻔﻘﺪ ﺍﻟﻤﻨﻄﻖ ﻭ ﺑﻔﻘﺪ ﺍﻱ ﺷﻲ ﻓﺠﺎﻩ ﻫﻮ ﻛﻤﺎﻥ ﺩﺧﻞ ﺣﻴﺎﺗﻲ ﺑﺪﻝ ﻳﻜﻮﻥ ﺍﺿﺎﻓﻪ ﺟﻤﻴﻠﻪ ﺑﻘﻰ ﺍﺿﺎﻓﻪ ﻣﺆﻟﻤﺔ ﺷﺪﻳﺪ ..
ﺭﻛﺒﺖ ﺍﻗﺮﺏ ﺍﻣﺠﺎﺩ ﻭ ﺍﺗﺤﺮﻛﺘﺎﺍ ، ﻟﻤﻦ ﻭﺻﻠﺘﺎ ﺍﻟﻤﻜﺎﻥ ﺍﻻﺗﻔﻘﻨﺎ ﻧﺘﻼﻗﻰ ﻓﻴﻬﻮﻭ .. ﻓﻌﻼ ﻭﺻﻠﻨﺎ ﺳﻮﺍ ﺍﻧﺎ ﻡ ﻧﺰﻟﺘﺎ ﺧﻠﻴﺘﺎ ﺭﻛﺒﺖ ﻭﻛﻤﻠﻨﺎ ﻟﺤﺪ ﺣﻠﺘﻨﺎ ، ﻧﺰﻟﻨﺎ ﻓﻲ ﺍﻭﻝ ﺍﻟﺸﺎﺭﻉ ﻭﻛﻤﻠﻨﺎ ﻣﺸﻲ ﻟﺤﺪ ﺑﻴﺖ ﺧﺎﻟﺘﻮ ﺳﻌﺎﺩ ..
ﺧﺒﻄﻨﺎ ﺍﻟﺒﺎﺏ ، ﺑﻌﺪ ﻣﺴﺎﻓﻪ ﻓﺘﺤﺖ ﻟﻴﻨﺎ ﺧﺎﻟﺘﻮ ﺳﻌﺎﺩ ، ﺳﻠﻤﺖ ﻋﻠﻴﻬﺎ ﻭ ﺩﺧﻠﻨﺎ ، ﻭ ﻗﺎﻋﺪﻳﻦ ﻛﻞ ﺯﻭﻝ ﺳﺎﻛﺖ ﻭ ﻳﻌﺎﻳﻦ ﻟﻠﺘﺎﻧﻲ ، ﻓﺠﺎﺓ ﺟﺎﺕ ﺍﻳﻼﻑ ﻃﺎﻟﻌﻪ ﻭ ﻗﺎﻟﺖ ﻟﻲ ﺍﻭﻭﻭﻭﻭﻭﻭﻭﻩ
# ﻣﺪﺍﻡ _ ﺳﻠﻮﺍﻥ _ ﺍﻟﺤﻢﻝ ﻧﻔﻊ ﻣﻌﺎﻛﻲ ﻣﺎﺷﺎﺀﺍﻟﻠﻪ ﻟﻮﻧﻚ ﺯﺍﺗﻮ ﻓﺘﺢ ... ّ.
# ﺍﺳﺘﻜﻜﺎﻧﺔ