اغتصاب معلن

6

#اغتصاب_مُعلن
-٦-

جريت عليها ، بقول لي ولدها ( اخو احمد الصغير وليد ) ..
قلت ليهو مالا ؟
ردت لي ايلاف ، وحدة ولدها ميت حتكون مالها يعني في رأيك ؟؟
عاينت ليها و ما رديت ، لقيت خالتو سعاد عرقانه و الجسم تلج بس و شفايفا مزرقه ،، وليد قالي ، من جانا الخبر قعدت تبكي تبكي لمن غابت عن الوعي ، قلت ليهو كيف يعني مغيبه و مخليها كدا م معروف حاصل معاها شنوو !
ايلاف ردت قالت ، البت دي مستفزة شديد وحدة.عندها ضغط و سكر بالاضافه لخبر وفاة حيكون عندها شنو غير ضغط ولا سكري ! .. قلت ليها عشان الوضع الانحنا فيهو ما ناقص تنشنة ، حاولي م تردي علي كلام انتي ما فاهماهو و ما تطربقي ساي ، السكر والضغط دا بدخل في الف و ستمية حاجة انحنا في غنى عنهااا ،، وليد لو سمحتا خلينا نوديها المستشفى ، قالي انا قايلو اغماء عادي عشان كدا منتظرها تفوق ،
قلت ليهو لالا خلينا نحصلااا ...
فعلاً لبستها و جا شالها ركبها العربيه ، لاقانا سامر براا كلنا ركبنا حتي ايلاف جات معانا ، و طول الوقت تعاين فيني وتحمر كأنه المكان ولا الزمن مناسب للتفاهات البتسوي فيها دي ،، م اديتا اي اهتمام مع اني م حصل اتلاقيت معاها قبل كدا ولا حصل بينا موقف كدا ولا كداا ، كنت بسمع بيها من خالتو سعاد انها عايشه براا السودان ... المهم
وصلنا المستشفي ، من تحاليل لي كشف لي سحب دم و جرجرة طلع الضغط عالي و مبادئ جلطة ، قدر ولطف حمدلله ،، قاعدين نعاين لي لبعض انحنا الاربعه و ساكتين كل واحد فينا زي العمرو 60 سنة ...
سامر اخوي جاهو اتصال و طلع ، وانا قاعده علي جمب و ماسكة راسي و ايلاف و وليد واقفين بعيد .... حسيت بزول جاي علي ، رفعت راسي لقيتو وليد اداني قزازة موية ، قالي الوقت اتاخر و قعدتنا م منها فايدة ، الله اعلم يرقدوها كم يوم ، عشان كدا انا حأوصل ايلاف و اوصلكم انتي و سامر عشان الوقت اتأخر ....
* انا ما تطلب مني امشي لمكان عشان انا ما حأمشي لو لا قدر الله رقدوها سنة انا الحأقيف فوق راسها ، كفايه الخسرتهم في حياتي كمان اخسر خالتو سعاد !
_انا ما قصدت حاجه بس انا عارف الوضع عامل كيف فجاة الامور جاطت حتي انا ما قادر اتخيل لحد اسي الحصل دا بس لاني راجل لازم اتحمل واكون واقف جمب اهلي لو نار مولعه جوااي مجبور اتحمل ..
*ما بقت فارقه.....
_ المارفارق معاكي شنو ؟
*يعني ماف حاجة تاني اخسراا
_ليه حاسي ان وفاة احمد دي جات بارده علي قلبك ؟
*رب العالمين وحده بيعلم بالنوايا ، ولو عدوي انا ما حرضا ليهو الموت
_م قصدت الفهمتيهو .. بس م عارف هل انتي قوية ولا بتدعي القوة !
* خبطتين في الراس توجع ، اما انا خدرتا عديل ، خبطتين كل وحدة اقوى من التانية حمدلله علي حلو القضاء ومره ..
_حمدلله ..... بس ....
* ممممم كمل بس شنو !
_اول مرة يحصل بينا حوار او نقاش اي هيئتك و طلتك اتعودت عليها بس الكلام معاكي جديد علي ، يمكن عسان خسارتنا وحدة الاتنين خسرنا شخص يعز علينا ، اي نعم الناس بتجي تعزي وتسند بس ما بكونو حاسين بي نارنا ..
*الجمرة.للواطيها ...
_انا حأمشي اطمن علي امي. .
* تمام ... جاني سامر ، قالي امي بتسأل عنك ، يلا اوصلك البيت و ارجع لي وليد, قزت ليهو لا انا قاعده هنا مع خالتو سعاد امشو انتوو ، قالي كيف يعني يعني تقعدي هنا الوقت اتاخر ، قلت ليهو سامر الجواا دي انت عارف بالنسبه لي شنو وانا محال افوت اخليهاا م ليها غيرنا ، كان رقدوها سنة اناا حكون معاها و ما ناويه اخليها وبعدين في سرير جمبها انا حأبيت معاها ، قالي انتي اولى من بنت اختها دي !
قلت ليهو اذا هي عايزة تمشي يبقي الاولى منو فينا ! سامر الزمن دا كل واحد بقول يا نفسي ،، امشي انت عشان امي و سامرين ما يبيتو براهم و م تشيل همي وليد هنا وغير كدا دي مستشفي م بتجيني عوجة ....
قالي طيب خلي بالك من نفسك مع انه قعدتك دي م ليها لازمة ..
قلت ليهو سامررر!! في شنو !
اسي مش اتكلمنا في الموضوع دا وقفلناهو ؟
عليك الله هونا عشان تهون ...
قالي ........

استككانة🙊»~

يتبع....