اغتصاب معلن

10

# ﺃﻏﺘﺼﺎﺏ _ ﻣُﻌﻠﻦ ‏[ 10 ‏]
ﺑﻘﻠﻢ / ﺳﺤﺮ ﺳﻤﻴﺮ ....
ﺟﻮ ﺩﺍﺧﻠﻴﻦ ، ﻣﻴﺎﺩﺓ ﺑﺖ ﺟﻴﺮﺍﻧﺎ ﻭ ﺑﺖ ﺧﺎﻟﺘﻲ ﻣﺮﻳﻢ .. ﺳﻠﻤﻮ ﻋﻠﻴﻨﺎ ﻭ ﻭﺷﻬﻢ ﺩﺍﻳﺮ ﻳﻘﻊ ﻣﺎ ﺑﻴﺘﻘﺎﺑﻞ ، ﻭ ﺑﻴﻮﺍﺳﻮ ﻓﻴﻨﻲ ﻭ ﺑﻴﻌﺰﻭﻧﻲ ، ﺍﻟﺸﻲ ﺍﻟﻠﻲ ﺍﻟﻨﺎﺱ ﻣﺎ ﻗﺎﺩﺭﺓ ﺗﻔﻬﻤﻮ ﻭﻻ ﺗﺴﺘﻮﻋﺒﻮ ﺍﻧﺎ ﻡ ﻣﻜﺴﻮﺭﺓ ﻣﻦ ﻣﻮﺗﻪ ﺍﺣﻤﺪ ﻋﺸﺎﻥ ﻋﺮﺳﻨﺎ ﻭﻻ ﻣﺘﺎﺛﺮﺓ ، ﺑﺲ ﺑﺎﻟﺠﺪ ﻣﻮﺗﻮ ﻛﺎﻧﺖ ﺑﺎﺭﺩﺓ ﻋﻠﻲ ﻗﻠﺒﻲ ﺯﻱ ﻡ ﻗﺎﻝ ﻭﻟﻴﺪ، ﺑﺲ ﺯﻱ ﺍﻧﻲ ﻛﻨﺖ ﻛﺎﺭﻫﺎﻫﻮ ﻛﺪﺍ ﻣﻦ ﺍﻟﺤﺼﻞ ﻭﻣﺴﺒﻘﺎً ﻡ ﻛﺎﻧﺖ ﻓﻲ ﻋﻼﻗﻪ ﺣﺐ ﺑﻴﻨﺎ ﺑﺲ ﻛﻨﺖ ﺩﺍﻳﺮﺓ ﻳﺼﻠﺢ ﻏﻠﻄﺘﻮ .. ﻳﻌﻨﻲ ﺍﻟﻨﺎﺱ ﺑﺘﺸﻔﻖ ﻋﻠﻲ ﻭ ﺗﻮﺍﺳﻴﻨﻲ ﻭﺍﻟﺸﻲ ﺩﺍ ﺑﻴﺰﻋﺠﻨﻲ ، ﻳﻌﻨﻲ ﻡ ﻋﺎﺭﻓﻪ ﻣﺘﻴﻦ ﺣﺘﺨﻠﺺ ﺍﻟﻤﺮﺣﻠﻪ ﺍﻟﻔﻲ ﺣﻴﺎﺗﻲ ﺩﻱ ...
ﻡ ﻋﺎﺭﻓﻜﻢ ﺍﺫﺍ ﺍﺳﺘﻨﺘﺠﺘﻮ ﺍﻥ ﺧﻄﻮﺑﺘﻲ ﺩﻱ ﻛﺎﻧﺖ ﺍﻟﺴﺒﺐ ﻓﻴﻬﺎ ﺧﺎﻟﺘﻮ ﺳﻌﺎﺩ ، ﻫﻲ ﺍﻻﺧﺘﺎﺭﺗﻨﻲ ﻷﺣﻤﺪ ، ﻳﻌﻨﻲ ﺍﻧﺤﻨﺎ ﺍﻻﺗﻨﻴﻦ ﻟﻘﻴﻨﺎ ﻧﻔﺴﻨﺎ ﻓﻲ ﺍﻟﻤﻮﻗﻒ ﺩﺍ ﻭﺍﻧﺎ ﻡ ﻛﺎﻥ ﺑﻔﺮﻕ ﻣﻌﺎﻱ ﻻﻧﻪ ﺍﺻﻼ ﻡ ﻋﻨﺪﻱ ﺯﻭﻝ ﻓﻲ ﺣﻴﺎﺗﻲ ﺍﻧﻪ ﻋﺎﺩﻱ ﻳﻌﻨﻲ .... ﻓﺠﺄﺓ ﻗﺎﻃﻌﺖ ﺗﻔﻜﻴﺮﻱ ، ﻣﻴﺎﺩﻩ
ﻗﺎﻟﺖ ﻟﻲ :
_ ﺳﻮﺳﻮ ﻡ ﻗﺎﺩﺭﺓ ﺍﻗﻮﻟﻴﻜﻲ ﺳﺮﺣﺎﻧﻪ ﻭﻳﻦ ﻟﻜﻦ ﻛﻞ ﺣﺎﺟﻪ ﺑﺘﺤﺼﻞ ﻟﻲ ﺧﻴﺮﺭ
* ﻡ ﺳﺮﺣﺎﻧﻪ ﺑﺲ ﻋﻴﻮﻧﻲ ﻭﺍﻗﻌﺎﺕ ﻣﻦ ﺍﻟﺴﻬﺮ ﻟﻜﻦ ﻧﻘﻮﻝ ﺣﻤﺪﻟﻠﻪ ﻋﻠﻲ ﻣﺎ ﺍﺭﺍﺩ ﺍﻟﻠﻪ
_ ﺍﻱ ﻭ ﻛﻠﻪ ﻟﻲ ﺧﻴﺮ ﻟﺴﻪ ﺍﻟﺤﻠﻮ ﻣﺎ ﺟﺎﻱ
* ﺗﻔﺘﻜﺮﻱ ؟
_ ﺍﻳﻮﺓ ﻃﺒﻌﺎً ﻭﻳﻦ ﺛﻘﺘﻚ ﻓﻲ ﺭﺏ ﺍﻟﻌﺎﻟﻤﻴﻦ ؟
* ﻭﺍﻟﻠﻪ ﻱ ﻣﻴﻴﺎﺩﺓ ﺍﻧﺎ ﺑﺤﺒﻚ ﻋﺸﺎﻥ ﻋﺎﻟﻤﻚ ﺑﺮﺍﺧﻮ ﻣﺎ ﻓﻲ ﺯﻭﻝ ﺳﺎﺑﻘﻚ ﻓﻴﻬﻮ ، ﺯﻭﻟﻪ ﻣﺒﻬﺠﺔ ﻟﺪﺭﺟﺔ ﺳﻤﺤﻪ ﺷﺪﻳﺪ . ﻣﺘﻔﺎﺋﻠﻪ ﺭﺑﻨﺎ ﻳﺴﻌﺪﻙ
_ ﺍﻟﺪﻧﻴﺎ ﺩﻱ ﻓﻴﻬﺎ ﺷﻨﻮ ﻋﻠﻴﻜﻲ ﺍﻟﻠﻪ، ﻳﺎﻫﺎ ﺑﺘﻤﺶ ﻣﻬﻤﺎ ﺣﺼﻞ ﻓﻴﻬﺎ ﻫﻲ ﻣﺎﺷﻪ ﺍﻧﺤﻨﺎ ﻧﻘﻴﻒ ﻟﻴﻪ ؟
* ﻓﻌﻼ ﺑﺘﻤﺶ ﻭ ﻣﺎ ﺑﺘﻘﻴﻒ ﻭﺍﻟﻠﻪ ..
_ ﻋﺸﺎﻥ ﻛﺪﺍﺍ ﻛﻞ ﻣﺎ ﺍﻟﺰﻭﻝ ﺍﺗﺠﺎﻭﺯ ﻣﺸﺎﻛﻞ ﻏﻠﻄﺎﺕ ﺣﺎﺟﺎﺕ ﺣﺘﻲ ﻟﻮ ﺍﺗﺠﺎﻭﺯ ﻧﺎﺱ ﻓﻲ ﺣﻴﺎﺗﻮ ﻣﺄﺯﻣﻨﻮ ، ﻭﻳﻌﺎﻳﻦ ﻟﻠﺠﺎﻱ ﻭﺍﻟﻠﻪ ﻣﺎ ﻳﺰﻋﻞ ﺩﺍﻳﻤﺎً ﺍﻟﺒﻌﺎﻳﻦ ﻭﺭﺍﻫﻮ ﻡ ﺑﺸﻮﻑ ﺍﻟﻠﻲ ﻗﺪﺍﻣﻮ
* ﻳﺎﺥ ﺍﻧﺘﻲ ﺍﻟﻠﻪ ﻳﺴﻌﺪﻙ
_ ﻭﻳﺴﻌﺪﻙ ﻛﻤﺎﻥ ﻱ ﺭﺏ ،، ﺍﻫﺎ ﻳﺎ ﺧﺎﻟﺘﻮ ﻓﺎﻃﻤﺔ ﺍﻧﺎ ﺧﻠﻴﺖ ﺷﻐﻠﻲ ﻭ ﺍﺗﻔﺮﻏﺘﺎ ﻟﻴﻜﻲ ﺗﻤﺎﻣﺎً ﻭﺭﻳﻨﻲ ﺍﻟﺒﺮﻧﺎﻣﺞ ...
___ ﺷﻮﻓﻲ ﻳﺎ ﻣﻴﻤﻲ ﺍﻧﺎﺭﻗﺒﻞ ﺗﺠﻮ ﻛﻨﺖ ﻋﺎﻳﺰﺓ ﺍﺗﻜﻠﻢ ﻣﻊ ﺳﻠﻮﺍﻥ ﻓﻲ ﺍﻟﻤﻮﺿﻮﻉ ﺩﺍﺍﻭﻛﻮﻳﺲ ﺟﻴﺘﻲ ﻓﻲ ﻭﻗﺘﻚ ﺯﺍﺗﻮ
_ ﻟﻲ ﺧﻴﺮﺭﺭ ، ﺍﻫﺎﺍﺍﺍ
___ ﺍﻧﺘﻮ ﻋﺎﺭﻓﻴﻦ ﺍﻟﻤﺤﻞ ﻭﺍﻗﻒ ﻋﺪﻳﻞ ﻭ ﻋﻨﺪﻱ ﺍﻳﺠﺎﺭ ﺷﻬﺮ ﻣﺎ ﺳﺪﻳﺘﻮ ﻭﻃﻠﺒﺎﺕ ﻣﻌﻠﻘﻪ ﻭﻳﻤﻜﻦ ﺍﻛﻮﻥ ﺧﺴﺮﺕ ﺯﺑﺎﻳﻨﻲ ﻋﺪﻳﻞ ، ﻭ ﻟﺴﻪ ﻓﺘﺮﺓ ﺍﻟﺤﺒﺲ ﺩﻱ ﺣﺘﻌﻄﻠﻨﻲ ﺍﻛﺘﺮ ﻭ ﻡ ﺣﻘﺪﺭ ﻃﺒﻌﺎً ﺍﺷﺘﻐﻞ ﻏﻴﺮ ﻓﻲ ﺍﻟﺒﻴﺖ , ﻋﺸﺎﻥ ﻛﺪﺍﺍ ﻋﺎﻳﺰﺍﻛﻲ ﺍﻧﺘﻲ ﻭ ﺳﻠﻮﺍﻥ ﺗﻤﺴﻜﻮ ﺑﺪﻟﻲ ﻭ ﻣﻌﺎﻛﻢ ﺍﻟﺒﺘﻴﻦ ﺍﻟﻜﺎﻧﻮ ﺑﺸﺘﻐﻠﻮ ﻣﻌﺎﻱ ﻡ ﺑﻘﺼﺮﻭ ﻣﻨﻜﻢ ..
* ﺍﻣﻲ ﺍﻧﺘﻲ ﻋﺎﺭﻓﻪ ﺍﻧﺎ ﻣﺎﻟﻲ ﻓﻲ ﺷﻐﻠﻚ ﺩﻱ ﻭﻻﺑﻔﻬﻤﻮ ﺍﺗﻜﻠﻤﻨﺎ ﻓﻴﻬﻮ ﻛﺘﻴﺮ ..
_ ﻣﻌﻠﻴﺶ ﻳﻌﻨﻲ ﻳﺎ ﺳﻠﻮﺍﻥ ﺍﻣﻚ ﻣﺤﺘﺎﺟﺔ ﻟﻴﻜﻲ ﺗﻘﻮﻟﻲ ﻡ ﺑﻔﻬﻢ ﻭﻻ ﺑﻌﺮﻑ ، ﺍﺩﻱ ﻧﻔﺴﻚ ﻓﺮﺻﻪ ﺳﺎﻋﺪﻳﻬﺎﺍ ..
___ ﺍﺫﺍ ﻡ ﻋﺎﻳﺰﺓ ﺗﺸﺘﻐﻠﻲ ﻳﺎ ﺳﻠﻮﺍﻥ ﻋﻨﻚ ﻡ ﺍﺷﺘﻐﻠﺘﻲ، ﻣﻨﺘﻬﻲ !
* ﻳﺎ ﺍﻣﻲ ﺍﺳﻲ ﺍﻟﺰﻋﻞ ﻟﺸﻨﻮ ﻭ ﻳﺎ ﻣﻴﺎﺩﺓ ﺍﻧﺎ ﻭﺍﻟﻠﻪ ﻡ ﺑﻌﺮﻑ ﻓﻲ ﻣﺠﺎﻝ ﺍﻟﺤﻠﻮﻳﺎﺕ ﺩﺍ ﻃﻴﺐ ﻭﺭﻭﻧﻲ ﺍﺷﺘﻐﻞ ﺷﻨﻮ ﺑﺎﻟﻀﺒﻂ !
_ ﺍﻗﻌﺪﻱ ﻛﺎﺷﻴﺮ
* ﺧﻼﺹ ﻣﻌﺎﻛﻢ ﻃﻮﺍﻟﻲ ﻟﻜﻦ ﻋﺠﻴﻦ ﻭﺣﺎﺟﺎﺕ ﺯﻱ ﺩﻱ ﻣﺎ ﺑﻘﺪﺭ ﻋﻠﻴﻬﺎﺍﺍ
__ ﻓﻲ ﺣﺎﺟﻪ ﺗﺎﻧﻲ ﺍﻥ ﻻﺯﻡ ﺍﻻﻳﺠﺎﺭ ﻳﺘﺴﺪﺩ ﻗﺒﻞ ﻧﻬﺎﻳﺔ ﺍﻟﺸﻬﺮ ﺩﺍﺍ ، ﻭ ﺳﻴﺪ ﺍﻟﻤﺤﻞ ﺍﺣﻤﺪ ‏( ﺍﺑﻮﻱ ‏) ﺍﻟﻠﻪ ﻳﺮﺣﻤﻪ ﻛﺎﻥ ﺑﻴﺪﻓﻊ ﻟﻴﻬﻮ ،،
_ ﻟﻜﻦ ﻳﺎ ﺧﺎﻟﺘﻮ ﻓﺎﻃﻤﺔ ﺍﻟﺸﻬﺮ ﻓﻀﻞ ﻓﻴﻬﻮ 17 ﻳﻮﻡ ﻣﺴﺘﺤﻴﻞ ، ﻛﻠﻤﻴﻬﻮ ﻳﺼﺒﺮ ﻋﻠﻴﻨﺎ ﻭ ﻳﺎﺧﺪ ﺍﻳﺠﺎﺭ ﺍﻟﺸﻬﺮﻳﻦ ﺑﺎﻟﻤﺮﺓ
___ ﻣﺎ ﺍﻇﻦ ﻳﻮﺍﻓﻖ
* ﺍﻣﻲ ﺍﻧﺘﻲ ﻟﻴﻜﻲ ﻛﻢ ﺳﻨﺔ ﺑﺘﺘﻌﺎﻣﻠﻲ ﻣﻌﺎﻫﻮ ﺍﺳﻲ ﻟﻤﻦ ﺣﺼﻞ ﻇﺮﻑ ﻣﺎ ﺣﻴﺘﺤﻤﻠﻨﺎ !
__ ﻡ ﺑﻌﺮﻑ ﺍﻧﺎ ﻡ ﺣﺼﻞ ﺍﺗﻌﺎﻣﻠﺖ ﻣﻌﺎﻫﻮ ﻛﺪﺍ
* ﻃﻴﺐ ﻣﻦ ﺑﻜﺮﺓ ﺑﺎﺫﻥ ﺍﻟﻠﻪ ﻧﺒﺪﺍ
_ ﺟﺪﺍﺍ ﺍﻧﺎ ﺟﺎﻫﺰﺓ ﻭﺣﺘﻲ ﺟﺒﺖ ﻭﺻﻔﺎﺕ ﻭﺣﺎﺟﺎﺕ ﺟﺪﻳﺪﻩ
___ ﺍﺟﺘﻬﺪﻭﻭ ﻭﺍﻧﺎ ﻣﻦ ﻫﻨﺎ ﺑﺴﺎﻋﺪﻛﻢ ، ﺍﻋﻔﻮ ﻟﻲ ﺿﻐﻄﺖ ﻋﻠﻴﻜﻢ ﺑﺲ ﻛﻠﻬﺎ ﺍﻳﺎﻡ ﻭ ﺑﺎﺫﻥ ﺍﻟﻠﻪ ﺑﺮﺟﻊ ﻟﻠﺸﻐﻞ ...
ﺑﻌﺪ ﻓﺎﺗﻮ ﻭﺧﻠﺼﻨﺎ ﻛﻼﻡ .. ﺣﺴﻴﺖ ﺍﻥ ﺍﻟﺸﻐﻞ ﺩﺍ ﻓﺮﺻﻪ ﻟﻠﺘﺠﺎﻭﺯ ﺑﺲ ﺍﻧﺎ ﺣﺎﺗﺠﺎﻭﺯ ﺷﻨﻮ ؟
ﻣﺎ ﺑﻘﺪﺭ ﺍﺗﺠﺎﻭﺯ ﺑﻄﻨﻲ ﺍﻟﺤﺘﻜﺒﺮ ﻗﺪﺍﻡ ﺍﻟﻨﺎﺱ ﻭﻻ ﻗﺎﺩﺭﺓ ﺍﻃﻠﻊ ﻣﻦ ﺍﻟﺒﻴﺖ ﺍﻣﺸﻲ ﺍﺷﻮﻑ ﻃﺮﻳﻘﻪ ﺍﻟﻈﺮﻑ ﺣﻖ ﺍﻟﺘﺤﺎﻟﻴﻞ ﻳﺎ ﺭﺏ ﻳﻜﻮﻥ ﺿﺎﻉ ﻭ ﻣﺎﻑ ﺯﻭﻝ ﺷﺎﻓﻮ ﻳﺎ ﺭﺏ ﻳﺎ ﺭﺏ ﺗﺠﺒﺮ ﺑﺨﺎﻃﺮﻱ ﻭ ﺗﻠﻄﻒ ﺑﻲ ﻳﺎ ﺭﺏ ﺍﻟﻌﺎﻟﻤﻴﻦ ...
# ﺍﺳﺘﻜﻜﺎﻧﺔ ~»
ﻳﺘﺒﻊ