اغتصاب معلن

26

# ﺍﻏﺘﺼﺎﺏ _ ﻣُﻌﻠﻦ ‏[ 26 ‏]
ﺑﻘﻠﻢ / ﺳﺤﺮ ﺳﻤﻴﺮ ......
_ ﻋﺎﻳﺰﺍﻧﻲ ﺍﻗﺒﻞ ﺍﺳﻔﻚ ؟
* ﺍﻣﻤﻤﻤﻢ ﻟﻮ ﻣﻤﻜﻦ
_ ﺗﻔﻄﺮﻱ ﻣﻌﺎﻱ ، ﺣﺪﺩﻱ ﺍﻟﻴﻮﻡ ﺍﻟﻴﻌﺠﺒﻚ
* ﺷﻨﻮﻭﻭﻭﻭﻭﻭﻭﻭﻭﻭ !
_ ﺍﺗﺬﻛﺮﻱ ﺍﻧﻚ ﻏﻠﻄﺘﻲ ﻓﻲ ﺣﻘﻲ ﻭ ﻛﺴﺮﺗﻲ ﻗﻠﺒﻲ ﺍﻟﻤﺴﻜﻴﻦ ﻭﺍﻧﻚ ﺯﻋﻠﺘﻴﻨﻲ ﻭ ﺍﻧﻚ ﻗﻠﺘﻲ ﻟﻲ ﻛﻼﻡ ........... ﻗﺎﻃﻌﺘﻮ
* ﻫﻴﻴﻴﻴﻲ ﻫﺎﺍ ، ﺧﻼﺹ ﻃﻮﺍﻟﻲ ﺍﺳﺘﻐﻠﻴﺖ ﻣﻮﻗﻔﻲ ﻟﻲ ﺻﺎﻟﺤﻚ ﻭﺍﻟﻔﺖ ﻟﻲ ﺳﻴﻨﺎﺭﻳﻨﻮﻭﻭ
_ ﺑﺲ ﺍﺗﺰﻛﺮﻱ ﺍﻥ ﺟﺮﺣﻲ ﻋﻤﻴﻖ ﻭﺍﺗﺨﻴﻠﻲ ﺭﺩﻙ ﻟﻮ ﻛﺎﻥ ﻗﺎﺳﻲ ﺍﻟﺠﺮﺡ ﺩﺍ ﻣﻤﻜﻦ ﻳﺤﺼﻞ ﻟﻴﻬﻮ ﺷﻨﻮ
* ﻫﻬﻬﻬﻬﻬﻬﻬﻬﻬﻬﻪ
_ ﺍﻟﻀﺤﻜﺔ ﻋﻼﻣﺔ ﺍﻟﻤﻮﺍﻓﻘﻪ ، ﺧﻼﺹ ﺍﻟﺠﺮﺡ ﺑﺮﺍﺍ
* ﻫﻬﻬﻬﻬﻬﻬﻪ ﻭﺍﻟﻠﻪ ﺍﻧﺖ ﻣﺴﺘﻬﺒﻞ ﺿﺤﻜﺘﻨﻲ ﻭﺍﻧﺎ ﻣﺎ ﻟﻲ ﻧﻔﺲ ﺍﺿﺤﻚ ﺍﻟﻠﻪ ﻳﺪﻳﻚ ﺍﻟﻌﺎﻓﻴﻪ
_ ﺛﺎﻧﻜﻴﻮﻭ ، ﺑﺲ ﺍﻧﺎ ﻛﻤﺎﻥ ﻋﻨﺪﻱ ﺿﻐﻮﻃﺎﺕ ﺑﺘﻔﻘﺪﻧﻲ ﺍﻟﺴﻴﻄﺮﺓ ﺑﺲ ﺍﻧﺎ ﺭﺍﺟﻞ ﺑﺘﺤﻤﻞ ﻻﻧﻲ ﻣﻘﺘﻨﻊ ﺍﻥ ‏( ﺳﻴﻤُﺮ ﻛُﻞ ﻣُﺮ ‏) ﻓﺎﺍ ﺑﺲ
* ﻛﺄﻧﻚ ﺟﺎﻭﺑﺖ ﻋﻠﻲ ﺳﻮﺍﻝ ﻗﺒﻞ ﺍﺳﺄﻟﻮ ﻟﻴﻚ
_ ﺍﻟﻠﻲ ﻫﻮ ؟
* ﺧﻼﺹ ﺟﺎﻭﺑﺖ ﻋﻠﻴﻬﻮ ﻭﺍﻧﺘﻬﻴﺖ
_ ﺑﻜﺮﺓ ﺍﻟﺴﺎﻋﻪ ﻛﻢ ؟
* ﺍﻣﻤﻤﻢ ﺑﺎﺧﺪ ﻟﻲ ﺯﻭﻏﻪ ﻭﺍﻥ ﺷﺎﺀﺍﻟﻠﻪ ﺍﻗﺪﺭ ﻟﻜﻦ ﺑﺤﺎﻭﻝ 11 ﺍﻭﻛﻲ ؟
_ ﺍﻭﻛﻲ ،ﻳﻼ ﻧﻮﻣﻲ ﻋﺸﺎﻥ ﺗﺼﺤﻲ ﺑﺪﺭﻱ
* ﺗﻤﺎﻡ ﺗﺼﺒﺢ ﻋﻠﻲ ﺧﻴﺮ
_ ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ ﻳﺎ ﺻﺤﺒﺘﻲ ﺍﻟﺠﺪﻳﺪﻩ
* ﻫﻬﻬﻬﻬﻬﻬﻪ ﺳﻼﻡ ...
ﺍﻧﺘﻮ ﻋﺸﺘﻮ ﻣﻌﺎﻱ ﺗﻔﺎﺻﻴﻞ ﺍﻟﻤﻜﺎﻟﻤﺔ ﺍﻟﻤﻠﻴﺎﻧﻪ ﺣﺎﺟﺎﺕ ﺍﻧﺎ ﻡ ﺣﻘﺪﺭ ﺍﺷﺮﺣﺎ ﻟﻴﻜﻢ ﺑﺲ ﺑﺎﻟﺠﺪ ﺍﻧﺎ ﻣﺮﺗﺎﺣﻪ ، ﺭﻏﻢ ﺍﻧﻲ ﻓﻌﻼ ﻡ ﺑﻄﻴﻘﻮ ﺑﺲ ﻟﻘﻴﺖ ﺭﺍﺣﺘﻲ ﺑﻴﻦ ﻛﻼﻣﻮ ﺍﻟﻤﺒﻬﻢ ﻭ ﺑﻴﻦ ﺷﺨﺼﻴﺘﻮ ﺍﻟﻐﺮﻳﺒﻪ ، ﺍﻧﺎ ﻓﻌﻼﺍ ﻣﺮﺗﺎﺣﻪ ﻟﺪﺭﺟﺔ ﺣﺴﻴﺖ ﺍﻧﻲ ﻣﺎ ﻋﻨﺪﻱ ﺍﻱ ﻫﻤﻮﻡ ﻓﻲ ﺍﻟﺪﻧﻴﺎ ﺩﻱ .. ﻧﻤﺖ ﻣﺮﺗﺎﺣﻪ ، ﻣﺮﺗﺎﺣﻪ ﺷﺪﻳﻴﻴﻴﺪ ...
ﺻﺤﻴﺖ ﺍﻟﺼﺒﺎﺡ ، ﻭﺍﻧﺎ ﺑﺠﻬﺰ ﻧﻔﺴﻲ ،،
ﺟﺎﺗﻨﻲ ﺳﺎﻣﺮﻳﻦ ، ﻗﺎﻟﺖ ﻟﻲ ﻭﻳﻦ ﻣﺎﺷﻪ ؟ ﻗﻠﺖ ﻟﻴﻬﺎ ﻭﻳﻦ ﻏﻴﺮ ﺍﻟﻤﺤﻞ !
ﻗﺎﻟﺖ ﻟﻲ ﻣﺎ ﻋﺎﺭﻓﻪ ﻟﻜﻦ ﺳﻤﻌﺖ ﺍﻣﻲ ﺑﺘﻘﻮﻝ ﺍﻧﻮ ﺍﻟﻠﻴﻠﻪ ﺟﺎﻳﻨﻨﺎ ﺿﻴﻮﻑ ﻻﺯﻡ ﻧﻜﻮﻥ ﻗﺎﻋﺪﻳﻦ ﻓﻲ ﺍﻟﺒﻴﺖ ، ﻗﺎﻟﺖ ﻛﺪﺍ ﻟﺨﺎﻟﺘﻮ ﺯﻫﺮﺓ ﻓﻲ ﺍﻟﺘﻠﻔﻮﻥ ،، ﻗﻠﺖ ﻟﻴﻬﺎ ﻏﺮﻳﺒﻪ ﻡ ﻭﺭﺗﻨﻲ ﻭﻻ ﻳﺎ ﺭﺑﻲ ﻣﻮﺿﻮﻉ ﺍﻣﺲ ﺑﺘﺎﻉ ﺍﻟﺘﻌﺎﺭﻑ ﺩﺍﺍ ﻭﻻ ﺍﻟﺤﺎﺻﻞ ﺷﻨﻮﻭﻭ ..
ﻃﻠﻌﺖ ﺑﺮﺍ ﻻﻣﻲ ،ﻗﻠﺖ ﻟﻴﻬﺎ :
* ﺻﺒﺎﺡ ﺍﻟﺮﻭﻗﺎﻥ
_ ﺻﺒﺎﺡ ﺍﻟﻮﺭﺩ
* ﺍﻥ ﺷﺎﺀﺍﻟﻠﻪ ﺧﻴﺮ !
_ ﺟﺎﻳﻦ ﺍﻟﺮﺟﺎﻝ ﺑﻌﺪﻳﻦ ﻛﻠﻤﺘﻨﻲ ﺳﻌﺎﺩ
* ﺭﺟﺎﻝ ﻣﻨﻮ ﻭﻟﺸﻨﻮ ؟
_ ﻣﻮﺿﻮﻋﻚ ﻳﺎ ﺳﻠﻮﺍﻥ ، ﻣﻮﺿﻮﻋﻚ ﺍﻧﺘﻲ ﻭ ﻭﻟﻴﺪ ﺑﺲ ﻛﺎﻥ ﺗﻮﺭﻳﻨﻲ ﺍﻧﻚ ﺍﺩﻳﺘﻴﻬﺎ ﺍﻟﻤﻮﺍﻓﻘﻪ ﻱ ﺑﺘﻲ
* ﻫﻲ ﻗﺎﻟﺖ ﻟﻴﻜﻲ ﻛﺪﺍﺍ ﻳﻌﻨﻲ ؟
_ ﺍﻳﻮﺓ ، ﺑﺲ ﻡ ﺗﻜﻮﻧﻲ ﻭﺍﻓﻘﺘﻲ ﻋﺸﺎﻥ ﺍﻟﻨﺎﺱ ﻱ ﺳﻠﻮﺍﻥ ﺍﻧﺘﻲ ﺍﻟﺤﺘﻌﻴﺸﻲ ﻣﺎ ﺍﻟﻨﺎﺱ ﻭ ﺍﻟﺤﻴﺤﺼﻞ ﺟﻮﺍ ﺑﻴﺘﻚ ﺳﻮﺍﺀ ﻣﺸﺎﻛﻞ ﻭﻻ ﻏﻴﺮﻭ ﺍﻧﺘﻲ ﺍﻟﺤﺘﻌﻴﺸﻲ ﻣﻌﺎﻧﺎﺗﻮ ﻣﺎ ﺍﻟﻨﺎﺱ
* ﻟﻴﻪ ﺍﻧﺘﻲ ﺑﺘﻘﻮﻟﻲ ﻛﺪﺍ ؟
_ ﻻﻧﻮ ﻣﺘﺬﻛﺮﺓ ﻛﻮﻳﺲ ﺭﻓﻀﻚ ﻟﻠﻤﻮﺿﻮﻉ ﺩﺍ ﻛﺎﻥ ﻛﻴﻒ ،ﻓﺠﺎﻩ ﺗﻮﺍﻓﻘﻲ ﻳﺎ ﺳﻠﻮﺍﻥ ﺩﻱ ﻣﺎ ﻏﺮﻳﺒﻪ !
* ﻏﺮﻳﺐ ﺍﻟﺸﻴﻄﺎﻥ ﻳﺎ ﺍﻣﻲ ﻭ ﺑﻌﺪﻳﻦ ﻭﻟﻴﺪ ﺭﺍﺟﻞ ﻣﺤﺘﺮﻡ ﻭ ﻡ ﺍﻇﻦ ﺍﻧﺪﻡ ..
_ ﻣﺤﺘﺮﻡ ﻣﺎ ﻗﻠﺖ ﺣﺎﺟﺔ ﺑﺲ ﺍﻧﺘﻲ ﻡ ﻣﻠﺰﻣﺔ ﺍﻭ ﻡ ﻣﺠﺒﺮﺓ ﺗﺘﺰﻭﺟﻴﻬﻮﻭ ..
* ﻟﺨﻴﺮ ﻳﺎ ﺍﻣﻲ ﺍﻧﺘﻲ ﺑﺲ ﺍﺩﻋﻲ ﻟﻲ ...
ﺭﺟﻌﺖ ﻏﺮﻓﺘﻲ ﻭﺍﻧﺎ ﻣﺴﺘﺎﺀﺓ ﺷﺪﻳﺪ ، ﺍﻟﻮﺟﻊ ﻣﺎ ﺩﺍﻳﺮ ﻳﻨﺘﻬﻲ ﻟﺪﺭﺟﺔ ﺣﺎﺳﻪ ﺍﻧﻲ ﺍﺧﺪﺕ ﺣﺼﺘﻲ ﻣﻦ ﺍﻟﻮﺟﻊ ﻓﻲ ﺍﻟﺪﻧﻴﺎ ﺩﻱ ،ﻡ ﻋﻨﺪﻱ ﻓﺮﺣﻪ ﺑﺘﺪﻭﻡ ﻣﻌﺎﻱ ...
ﺑﻘﻴﺖ ﺭﺍﻗﺪﻩ ﺑﺲ ﻭ ﺑﺪﻣﻊ ، ﻟﺤﺪ ﺍﻟﺴﺎﻋﻪ 2 ﺑﻌﺪ ﺍﻟﻈﻬﺮ ،ﺟﺎﺗﻨﻲ ﻣﺮﻭﺓ ﺻﺤﺒﺘﻲ ، ﺷﺎﻳﻠﻪ ﻣﻌﺎﻫﺎ ﺟﺎﺗﻮﻩ ﻭﻛﺪﺍ .. ﺟﺎﺗﻨﻲ ﺩﺍﺧﻠﻪ ﺍﻟﻐﺮﻓﻪ ،، ﺣﻀﻨﺘﻨﻲ ﻭ ﺳﻠﻤﺖ ﻋﻠﻲ .. ﻗﺎﻟﺖ ﻟﻲ ّ:
_ ﻓﻘﺪﺗﻚ ﺍﻟﻠﻴﻠﻪ ﻓﻲ ﺍﻟﺸﻐﻞ
* ﻭﺍﻧﺎ ﻛﻤﺎﻥ ﻭﺍﻟﻠﻪ ﻛﻨﺖ ﺑﻀﻴﻊ ﻭﻗﺖ ﻑ ﺍﻟﺸﻐﻞ
_ ﻛﻨﺘﻲ ﺑﺘﺒﻜﻲ ﺻﺢ ؟
* ﻻ
_ ﻻ ﺷﻨﻮ ﻳﺎ ﺳﻠﻮﺍﻥ ﻳﺎﺥ ﻣﺎ ﺗﺒﻜﻲ ﻋﻠﻴﻜﻲ ﺍﻟﻠﻪ ‏( ﺿﻤﺘﻨﻲ ﻋﻠﻴﻬﺎ . ﻋﻴﻮﻧﺎ ﺭﻗﺮﻗﺖ ‏) ﻳﺎﺥ ﺍﻧﺘﻲ ﻣﺎ ﻣﺠﺒﺮﺓ ﻋﻠﻲ ﺍﻟﺰﻭﺍﺝ ﺩﺍﺍ ﻣﺎﻑ ﺯﻭﻝ ﻣﺎﺳﻚ ﻋﻠﻴﻜﻲ ﺯﻟﺔ
* ﺍﻧﺎ ﺍﻗﺘﻨﻌﺖ ﺍﻥ ﺩﺍ ﺍﺳﻠﻢ ﺣﻞ ، ﺍﻧﺎ ﻣﺶ ﻗﻠﺖ ﻟﻴﻜﻲ ﺍﻥ ﻣﻴﺎﺩﺓ ﻡ ﺣﺘﻘﺘﻨﻊ ﺑﺎﻟﻜﻼﻡ ﺍﻟﻘﻠﺘﻲ ﻟﻴﻬﺎ ، ﻗﺎﻟﺖ ﻻﻣﻲ ﺍﻥ ﺧﺎﻟﺘﻮ ﻣﺮﻳﻢ ﻣﻨﻌﺘﺎ ﺗﺘﻌﺎﻣﻞ ﻣﻌﺎﻱ ﻭﺍﻧﻲ ﻛﻨﺖ ﺣﺎﻣﻞ ﺍﻟﺤﻠﺔ ﻛﻠﻬﺎ ﻗﺎﻋﺪﻩ ﺗﺘﻜﻠﻢ ﻓﻴﻨﻲ ﻗﻄﻌﻮ ﻓﻲ ﻟﺤﻤﻲ ﻡ ﺧﻠﻮ ﻟﻲ ﺟﻤﺒﻪ ﺍﺗﻜﻲ ﻋﻠﻴﻬﺎ ﻳﺎ ﻣﺮﻭﺓ ﺍﻧﺎ ﺗﻌﺒﺖ ﺑﺠﺪ ﻭ ﻧﻔﺴﻲ ﺍﺭﺗﺎﺡ ﺧﻼﺹ ﻣﻦ ﺍﻟﻤﻮﺿﻮﻉ ﺩﺍﺍ ..
_ ﺧﻼﺹ ﺧﻼﺹ ﻡ ﺗﺒﻜﻲ ﻋﻠﻴﻜﻲ ﺍﻟﻠﻪ ، ﺑﺎﻟﻬﺪﺍﻭﺓ ﻭﺍﻟﻤﻨﻄﻖ ﻱ ﺳﻠﻮﺍﻥ ﺩﺍ ﺯﻭﺍﺝ ﻋﺎﺭﻓﻪ ﺍﻧﺘﻲ ﻳﻌﻨﻲ ﺷﻨﻮ ﺯﻭﺍﺝ ! ﻳﻌﻨﻲ ﺩﻱ ﻣﺸﻜﻠﻪ ﺗﺎﻧﻴﻪ ﻭ ﻏﻴﺮ ﻛﺪﺍ ﻭﻟﻴﺪ ﺣﻴﻌﺮﻑ ﺍﻧﻚ ﻣﺎ ..... ﻓﺎﻫﻤﺔ ﻋﻠﻲ ﺍﻧﺘﻲ ؟
* ﻭﻟﻴﺪ ﻋﺎﺭﻑ ﻳﺎ ﻣﺮﻭﺓ ! ﻟﻮ ﻡ ﻋﺎﺭﻑ ﻡ ﻛﺎﻥ ﻋﻤﻞ ﻣﻌﺎﻱ ﺍﻟﻤﻮﻗﻒ ﺩﺍﺍﻙ ﻭﻫﻮ ﺯﺍﺕ . ﻣﺠﺒﺮ ، ﻳﻌﻨﻲ ﻋﻠﻲ ﺍﻻﻏﻠﺐ ﺯﻭﺍﺟﻨﺎ ﺩﺍ ﺣﻴﻜﻮﻥ ﺷﻜﻠﻲ ﺑﺲ ، ﺑﺲ ﻫﻮ ﻡ ﻣﺠﺒﺮ ﻋﻠﻲ ﻓﺎﻫﻤﻪ ﺑﺲ ﺧﺎﻟﺘﻮ ﺳﻌﺎﺩ ﻋﺸﺎﻥ ﺷﺎﻓﺖ ﻣﻨﻈﺮﻧﺎ ﺩﺍﻙ ﺍﺻﺮﺕ ﻋﻠﻲ ﺭﺍﻳﻬﺎ ، ﻳﻌﻨﻲ ﻭﺍﻟﻠﻪ ﻣﺎ ﻋﺎﺭﻓﻪ ﺍﻟﻤﻮﺿﻮﻉ ﻣﻌﻘﺪ ﺷﺪﻳﺪ ..
_ ﻗﻠﺒﻲ ﻣﺤﺮﻭﻕ ﻋﻠﻴﻜﻲ ﻳﺎ ﺳﻠﻮﺍﻥ ﻣﺎ ﻋﺎﺭﻓﻪ ﺍﺳﺎﻋﺪﻙ ﻛﻴﻒ ﻭﻻ ﺍﺳﻮﻱ ﺷﻨﻮ ..
* ﺍﻧﺎ ﻗﺎﻳﻠﻪ ﻧﻔﺴﻲ ﺍﻧﻲ ﺑﻌﺪ ﺳﻘﻄﺘﺎ ﺍﻟﻤﻮﺿﻮﻉ ﺍﻧﺘﻬﻰ ﻟﻜﻦ ﻃﻠﻌﺖ ﻏﻠﻄﺎﻧﻪ ﺩﻱ ﻏﻠﻄﻪ ﺣﻘﻌﺪ ﻋﻤﺮﻱ ﻛﻠﻪ ﺍﺩﻓﻊ ﺗﻤﻨﺎ ﻭ ﻣﺎﻑ ﺣﺎﺟﺔ ﺗﺴﺎﻋﺪﻳﻨﻲ ﺑﻴﻬﺎ ﺑﺲ ﺧﻠﻴﻜﻲ ﻣﻌﺎﻱ ﺍﺧﺘﻲ ﻭﺻﺤﺒﺘﻲ ..
_ ﺗﻌﺮﻓﻲ ! ﻫﻬﻬﻬﻬﻪ ﻣﺤﻤﺪ ﺍﺧﻮﻱ ﺷﺎﻑ ﺻﻮﺭﺗﻚ ﺍﻧﺎ ﺧﺎﺗﺎﻫﺎ ﺧﻠﻔﻴﻪ ﻟﺸﺎﺷﻪ ﺍﻟﻘﻔﻞ ، ﻭﻗﻒ ﻟﻲ ﻓﻲ ﺣﻠﻘﻲ ﺍﻻ ﻳﺘﻌﺮﻑ ﺑﻴﻜﻲ ..
* ﻫﻬﻬﻪ ﺿﺤﻜﺘﻴﻨﻲ ، ﻗﻮﻟﻲ ﻟﻴﻬﻮ ﺟﻴﺖ ﻣﺘﺎﺧﺮ ﻭﺍﻟﻠﻪ ، ﻛﺎﻥ ﺗﺒﺪﺭ ﺷﻮﻳﻪ ..
_ ﻗﺎﻳﻼﻧﻲ ﻡ ﺑﺘﻤﻨﻲ ﻟﻮ ﻛﻨﺘﻲ ﺯﻭﺟﺔ ﻭﺍﺣﺪ ﻣﻦ ﺍﺧﻮﺍﻧﻲ ﺍﺍﺍﺍﺍﺍﺍﺍﺥ ﺑﺲ ﺩﻧﻴﺎ ﻭﺍﻟﺤﻤﺪﻟﻠﻪ ﻋﻠﻲ ﻣﺎ ﺍﺭﺍﺩ ﺍﻟﻠﻪ ..
‏( ﻓﻲ ﺟﺎﻧﺐ ﺗﺎﻧﻲ ‏)
* ﻭﻭﻭﻭﻭﻭﺍﻱ ﻳﺎ ﻫﺪﻱ ﻭﺍﺍﺍﻱ ﻭﺍﺍﻱ ﺣﻴﻌﺮﺳﺎ ﺍﻧﺘﻲ ﻣﺘﺨﻴﻠﻪ ﻭﻭﻭﻭﻭﻭﺏ ﻋﻠﻲ
_ ﻳﺎ ﺑﺖ ﺍﻧﺘﻲ ﻋﻴﺎﻧﻪ ﻓﻲ ﻣﺨﻚ ﺩﺍ ﻭﻻ ﺷﻨﻮ ﻣﺎ ﻳﻌﺮﺳﺎ ﻛﺎﻥ ﻋﺮﺳﺎ ﻓﻴﻬﺎ ﺷﻨﻮﻭﻭ ﻳﻌﻨﻲ ﻋﻠﻴﻚ ﺍﻟﻠﻪ ﻡ ﺗﻜﻮﻧﻲ ﺣﺎﻗﺪﻩ ﻛﺪﺍ ﻳﺎﺥ
* ﻭﺍﻟﻠﻪ ﻣﺎ ﻳﻌﺮﺳﺎ ﺍﻻ ﻋﻠﻲ ﺟﺜﺘﻲ ....
# ﺍﺳﺘﻜﻜﺎﻧﺔ ~|
ﻳﺘﺒﻊ ......