اغتصاب معلن

11

# ﺃﻏﺘﺼﺎﺏ _ ﻣُﻌﻠﻦ ‏[ 11 ‏]
ﺑﻘﻠﻢ / ﺳﺤﺮ ﺳﻤﻴﺮ ....
ﺷﻠﺖ ﺍﻟﻠﻴﻞ ﺩﺍ ﻛﻠﻮ ﺻﺒﺎﺣﻲ ﻟﺤﺪ ﺗﺎﻧﻲ ﻳﻮﻡ ﺗﻔﻜﺒﺮ ﻭ ﻗﻠﻖ ﻭ ﺗﻮﺗﺮ ، ﻭ ﺍﺗﺰﻛﺮﺕ ﺍﻥ ﻛﻼﻣﻲ ﻣﻊ ﻭﻟﻴﺪ ﻣﺎ ﺗﻤﻴﺘﻮ ﻭﺍﻧﻪ ﻛﺎﻥ ﺯﻱ ﺍﻟﺒﻴﻠﻤﺢ ﺍﻧﻪ ﻋﺮﻑ ﺷﻲ ﻭﻟﺤﺪ ﺍﺳﻲ ﻣﺎ ﻋﺎﺭﻓﻪ ﺍﺫﺍ ﻓﺘﺢ ﺍﻟﻈﺮﻑ ﻭﻻﻻ ، ﻻﻧﻪ ﻛﺎﻥ ﺑﻴﻘﻮﻝ ﻟﻲ ﺍﻟﺒﺘﻌﻤﻠﻲ ﻓﻴﻬﻮ ﺩﺍ ﻏﻠﻂ ﻭ ﻣﺎ ﺻﺢ .. ﻭﺍﻟﻠﻪ ﺭﺍﺳﻲ ﺿﺮﺏ
ﻗﺮﺭﺕ ﺍﻧﻲ ﺍﺗﻜﻠﻢ ﻣﻌﺎﻫﻮ ﺑﻄﺮﻳﻘﻪ ﻏﻴﺮ ﻣﺒﺎﺷﺮﺓ ﻭ ﻋﺎﺭﻓﻪ ﺍﻧﻬﻢ ﻓﺎﺭﺷﻴﻦ ﻭ ﻓﺘﺮﺓ ﻋﺰﺍﺀ ﺑﺲ ﺣﻌﻤﻞ ﺷﻨﻮ !
ﻟﺒﺴﺖ ﻋﺒﺎﻳﺘﻲ ﻭ ﺟﻴﺖ ﻃﺎﻟﻌﻪ ، ﻡ ﻋﺎﺭﻓﻪ ﺍﻣﻲ ﻣﺎﻟﻬﺎ ﺑﻘﺖ ﺗﺤﻘﻖ ﻣﻌﺎﻱ ﻓﻲ ﻛﻞ ﺗﺼﺮﻑ ﺍﻧﺎ ﺑﻌﻤﻠﻮﻭ ﻭ ﻣﺮﻛﺰﺓ ﻣﻌﺎﻱ ﺷﺪﻳﺪ ... ﻗﺎﻟﺖ ﻟﻲ :
ﻣﺎﺷﻪ ﻭﻳﻦ ؟
ﻗﻠﺖ ﻟﻴﻬﺎ ﺍﻧﺘﻲ ﻧﺎﺳﻴﻪ ﺍﻧﻲ ﺑﺸﺘﻐﻞ ﻭ ﻣﻦ ﺍﻭﻝ ﺍﻣﺲ ﻡ ﻣﺸﻴﺖ ﻭﻻ ﺍﺗﺼﻠﺘﺎ ﻭﻻ ﺍﻋﺘﺬﺭﺗﺎ ﺣﺘﻰ !
ﻗﺎﻟﺖ ﻟﻲ ﻣﺎﺷﻪ ﺗﺸﺘﻐﻠﻲ ﻳﻌﻨﻲ ﻭ ﻛﻼﻣﻨﺎ ﺍﻻﻣﺲ ﻓﻲ ﺷﻨﻮ ﺍﻧﺘﻲ ﻱ ﺑﺖ ﻣﺎﻟﻚ ؟
ﻳﺎ ﺍﻣﻲ ﺍﻧﺘﻲ ﺍﺩﻳﺘﻴﻨﻲ ﻓﺮﺻﻪ ﺍﺷﺮﺡ ﻟﻴﻜﻲ ﻟﻜﻦ ؟ ﺑﺎﻟﻌﻜﺲ ﻳﺎ ﺍﻣﻲ ﺍﻧﺎ ﺍﻟﺪﺍﻳﺮﺓ ﺍﺳﺎﻟﻚ ﺍﻧﺘﻲ ﻣﺎﻟﻚ !!
ﻗﺎﻟﺖ ﻟﻲ ﺑﻲ " ﺗﻤﺘﻤﺔ "
ﻣﻤﻢ ﻡ ﻣﺎﺍﺍﻟﻲ ﺍﻧﺎ ﻑ ﻓﻔﻲ ﺷﻨﻮ !
ﻃﻮﺍﻟﻲ ﻣﺘﻌﺼﺒﻪ ﺍﺳﻲ ﻣﺎ ﺍﺩﻳﺘﻴﻨﻲ ﻓﺮﺻﻪ ﺍﺷﺮﺡ ﻟﻴﻜﻲ ﺣﺎﺟﻪ ، ﻛﻨﺖ ﻋﺎﻳﺰﺓ ﺍﻗﻮﻟﻴﻜﻲ ﻣﺎﺷﻪ ﺑﺲ ﺍﻭﺭﻳﻬﻢ ﺍﻧﻲ ﺣﺨﻠﻲ ﺍﻟﺸﻐﻞ ﻣﻌﺎﻫﻢ ﻭ ﻋﻨﺪﻱ ﻧﺺ ﺷﻬﺮ ﻋﺎﻳﺰﺓ ﺍﺷﻴﻠﻮ .. ﻭ ﺣﻤﺸﻲ ﺍﻃﻤﻦ ﻋﻠﻲ ﺧﺎﻟﺘﻮ ﺳﻌﺎﺩ ..
ﻋﺎﻳﻨﺖ ﻟﻲ ﻭ ﺳﻜﺘﺖ ، ﻗﺎﻟﺖ ﻟﻲ :
_ ﺳﺎﻣﺮ ﻛﻠﻤﻚ ؟
* ﻻﻻ ﻡ ﻻﻗﻴﺘﻮ ﻣﻦ ﺍﻣﺲ
_ ﻃﻴﺐ
* ﻣﺎﻟﻮ ﺳﺎﻣﺮ ! ﻓﻲ ﺷﻨﻮ ؟
_ ﻣﺴﺎﻓﺮ ﺑﻌﺪ ﺑﻜﺮﺓ
* ﻣﺎ ﻗﺎﻝ ﻣﺎ ﺣﻴﺮﺟﻊ ﺗﺎﻧﻲ ﻭ ﺣﻴﻘﻌﺪ ﻣﻌﺎﻧﺎ ﻛﻴﻒ ﻳﺨﻠﻴﻨﺎ ﺑﺮﺍﻧﺎ ؟
_ ﻣﺎ ﻣﺴﺎﻓﺮ ﺍﻟﺴﻌﻮﺩﻳﻪ ، ﺣﻴﻤﺸﻲ ﻗﻄﺮ ﻟﻘﺎ ﻓﺮﺻﻪ ﺷﻐﻞ ﺍﺣﺴﻦ ﻣﻦ ﺷﻐﻠﻮ ﺩﺍ ﺣﻴﺴﺎﻋﺪﻧﺎﺍ
* ﻃﻴﺐ ﻳﺎ ﺍﻣﻲ ﻧﻘﻌﺪ ﺑﺮﺍﻧﺎ ﻣﻦ ﻏﻴﺮ ﺭﺍﺟﻞ ﻛﻴﻒ ؟
_ ﻡ ﺗﺸﻴﻠﻲ ﻫﻢ ﺑﺘﺘﺴﻬﻞ ﺧﻠﻲ ﻳﻤﺸﻲ ﻳﺸﻮﻑ ﻣﺴﺘﻘﺒﻠﻮ ﻭ ﺩﻧﻴﺘﻮ ..
* ﻛﻴﻒ ﻡ ﺍﺷﻴﻞ ﻫﻢ ﻻﺯﻡ ﺭﺍﺟﻞ ﻓﻲ ﻧﺼﻨﺎ ﻳﺎ ﺍﻣﻲ ﺍﻟﻈﺮﻭﻑ ﻣﺎ ﻣﻌﺮﻭﻓﻪ ..
_ ﻗﻠﺖ ﻟﻴﻜﻲ ﺑﺘﺘﺴﻬﻞ ﻳﺎ ﺳﻠﻮﺍﻥ ﺍﻣﺸﻲ ﻣﺸﻴﻜﻲ
* ﻃﻴﺐ ﻟﻮ ﻋﺎﻳﺰﺓ ﺣﺎﺟﺔ ﺍﺗﺼﻠﻲ ﺑﻲ
_ ﻡ ﺗﺘﺎﺧﺮﻱ ﻋﺸﺎﻥ ﺗﺤﺼﻠﻲ ﻣﻴﺎﺩﺓ ﻑ ﺍﻟﻤﺤﻞ ﻡ ﺻﺢ ﺗﺨﻠﻴﻬﺎ ﺑﺮﺍﻫﺎﺍﺍ
* ﻃﻴﺐ ﺣﺎﻣﺸﻲ ﻣﻦ ﻫﻨﺎﻙ ﻋﻠﻲ ﺍﻟﻤﺤﻞ ﻃﻮﺍﻟﻲ
_ ﻃﻴﺐ ﻛﻠﻤﻴﻨﻲ ﺑﺮﺿﻮ ...
ﺍﻱ ﺧﺒﺮ ﺳﻔﺮ ﺳﺎﻣﺮ ﺍﺧﻮﻱ ﺍﺛﺮ ﻓﻴﻨﻲ ﺷﺪﻳﺪ ﻣﺶ ﺷﺪﻳﺪ ﺟﺪﺍﺍﺍ ﻭ ﺍﻧﺎ ﻋﺎﺭﻓﻪ ﺍﻥ ﺍﻟﺒﻠﺪ ﻫﻨﺎ ﻣﺎ ﻓﻴﻬﺎ ﺷﻐﻞ ، ﻭ ﻣﻦ ﻧﺎﺣﻴﺔ ﺗﺎﻧﻴﻪ ﺧﺎﻳﻔﻪ ﺍﺗﻜﺸﻒ ﻭ ﺳﺎﻣﺮ ﺍﺧﻮﻱ ﺻﻌﺐ ﺯﻳﻮ ﺯﻱ ﺍﻱ ﺍﺥ ﺣﻤﻘﻲ ﻣﻤﻜﻦ ﻳﻘﺘﻠﻨﻲ ﻋﺎﺩﻱ ،ﻛﻞ ﻣﺎ ﺍﻓﻜﺮ ﻓﻲ ﺍﺳﻮﺃ ﺍﻻﺣﺘﻤﺎﻻﺕ ﺍﺭﺟﻊ ﺍﻗﻮﻝ ﻳﻤﻜﻦ ﺍﻧﺎ ﺍﺻﻼ ﻣﻤﺎ ﺣﺎﻣﻞ .... ﻭﺻﻠﺖ ﺑﻴﺖ ﺧﺎﻟﺘﻮ ﺳﻌﺎﺩ
ﻟﻘﻴﺖ ﺍﻟﺠﻮ ﺭﺍﻳﻖ ﻓﻲ ﺍﻟﺒﻴﺖ ﻋﻦ ﺍﻻﻳﺎﻡ ﺍﻟﻔﺎﺗﺖ ﻛﻢ ﻣﺮﺓ ﻣﻦ ﻧﺴﺎﻭﻳﻦ ﺍﻟﺤﻠﻪ ،، ﺩﺧﻠﺘﺎ ﺳﻠﻤﺘﺎ ﻭ ﻟﻘﻴﺖ ﺧﺎﻟﺘﻮ ﺳﻌﺎﺩ ﻗﺎﻋﺪﻩ ﻓﻲ ﺍﻟﺴﺮﻳﺮ ﻭ ﺷﻜﻠﻬﺎ ﻳﺤﻨﻦ ﻭﺍﻟﻠﻪ ، ﻭﺍﺧﻮﺍﺗﺎ ﻓﻲ ،، ﺑﺘﻠﻔﺖ ﻣﺎ ﺷﺎﻳﻔﻪ ﻭﻟﻴﺪ، ﻗﻌﺪﺕ ﻣﻌﺎﻫﺎ ﺷﻮﻳﻪ ، ﻭﻗﻠﺖ ﻟﻴﻬﺎ ﻭﻳﻦ ﺣﺎﺟﺎﺕ ﺍﻟﻤﺴﺘﺸﻔﻰ ﺩﺍﻳﺮﺓ ﺍﺗﺄﻛﺪﺩﺩ ﻣﻦ ﻋﻼﺝ ، ﻗﺎﻟﺖ ﻟﻲ ﻓﻲ ﺍﻟﻜﻤﺪﻳﻨﺔ ﺣﻖ ﻏﺮﻓﺘﻲ ..
ﻃﺒﻌﺎ ﺍﻟﺤﺮﻳﻢ ﺩﻳﻞ ﻋﻴﻨﻬﻢ ﻣﻌﺎﻱ ﺭﺍﻳﺤﺔ ﺟﺎﻳﻪ ﻭﻻ ﺍﻧﺎ ﺭﺍﺳﻲ ﺧﻔﻴﻒ ﺍﺷﺎﻥ ﻋﻤﻠﺘﻲ ﺍﻟﻌﻤﻠﺘﻬﺎ ﻭ ﺑﺘﺨﻴﻞ ﻟﻲ ﻛﺪﺍ ﻣﺎ ﻋﺎﺭﻓﻪ ..
ﺧﺸﻴﺖ ﻓﺘﺤﺖ ﺍﻻﻛﻴﺎﺱ ﻭ ﻓﺘﺸﺘﺎ ﻡ ﻟﻘﻴﺖ ﺣﺎﺟﻪ ﺣﺘﻲ ﺍﻻﺩﺭﺍﺝ ﻗﻠﺖ ﻳﻤﻜﻦ ﻓﻲ ﻧﺺ ﺍﻟﺘﺤﺎﻟﻴﻞ ﻳﻜﻮﻧﻮ ﻗﺎﻳﻠﻨﻮ ﺣﻖ ﺧﺎﻟﺘﻮ ﺳﻌﺎﺩ ﻭ ﺷﺎﻟﻮ ، ﺧﺘﻴﺖ ﻛﻞ ﺍﻻﺣﺘﻤﺎﻻﺕ ﻭ ﻡ ﻟﻘﻴﺖ ﻭﻻ ﺍﺣﺘﻤﺎﻝ ﻃﻠﻊ ﻓﻲ ﻣﺤﻠﻮ ...
ﺟﺎﺗﻨﻲ ﻭﺣﺪﺓ ﻣﻦ ﺍﻟﺠﻴﺮﺍﻥ ،، ﻗﺎﻟﺖ ﺍﻣﺮﻗﻲ ﻓﻮﺗﻲ ﺍﻫﻠﻚ ﺍﻟﺠﻴﻪ ﻫﻨﺎ ﻣﺎ ﺻﺢ ،، ﻡ ﺣﺴﻴﺖ ﺑﻨﻔﺴﻲ ﻋﻠﻴﺖ ﺻﻮﺗﻲ ﻓﻴﻬﺎ ، ﻗﻠﺖ ﻟﻴﻬﺎﺍ ﺩﺍ ﺷﻨﻮ ﺍﻟﺘﺨﻠﻒ ﺍﻟﻔﻴﻜﻢ ﺩﺍﺍ ، ﺷﻨﻮ ﻫﻮ ﻣﺎ ﺻﺢ ﻣﺎ ﺻﺢ ﻋﺎﻣﻠﻪ ﺷﻨﻮ ﻏﻠﻂ ﺍﻧﺎﺍﺍ ﻋﺸﺎﻥ ﺗﻘﻮﻟﻮ ﻟﻲ ﻡ ﺻﺢ ﺗﻔﻜﻴﺮﻛﻢ ﻭ ﻣﺨﻜﻢ ﻫﻮ ﺍﻟﻜﻌﺐ ﻋﺸﺎﻥ ﻛﺪﺍ ﺑﺘﺸﻮﻓﻮ ﺍﻟﻨﺎﺱ ﺑﻨﻔﺲ ﻣﺴﺘﻮﻯ ﺗﻔﻜﻴﺮﻛﻢ ، ﺍﻧﺎ ﻡ ﻋﻤﻠﺖ ﺣﺎﺟﺔ ﻏﻠﻂ ﻭ ﺍﻧﺎ ﻣﺎ ﺣﺄﺑﻄﻞ ﺍﺟﻲ ﻫﻨﺎ ﻃﻮﻝ ﻣﺎ ﺧﺎﻟﺘﻮ ﺳﻌﺎﺩ ﻗﺎﻋﺪﻩ ﻫﻨﺎ ....
ﻭ ﻃﻠﻌﺖ ﻭﺍﻧﺎ ﻋﺎﺭﻓﻪ ﺍﻥ ﺍﺳﻠﻮﺑﻲ ﻛﺎﻥ ﻏﻠﻂ ﺷﺪﻳﺪ ... ﻣﺸﻴﺖ ﻟﺨﺎﻟﺘﻮ ﺳﻌﺎﺩ ﻭ ﺩﻋﺘﻬﺎ ﻭ ﻣﺸﻴﺖ ،،
ﺭﻛﺒﺖ ﺍﻣﺠﺎﺩ ﻣﺸﻴﺖ ﻋﻠﻲ ﺍﻟﻤﺴﺘﺸﻔﻲ ، ﻃﻮﺍﻟﻲ ﻣﺸﻴﺖ ﻋﻠﻲ ﺍﻟﻐﺮﻓﻪ ﺍﻟﻜﻨﺎ ﻓﻴﻬﺎ ،، ﺩﺧﻠﺖ ﻃﻮﺍﻟﻲ ﻉ ﺍﺳﺎﺱ ﻓﺎﺿﻴﻪ ، ﻟﻜﻦ ﻟﻘﻴﺖ ﻣﺮﻗﺪﻳﻦ ﻓﻴﻬﺎ ﻣﺮﻳﺾ ﺏ ﺍﻫﻠﻮ ، ﺍﻋﺘﺰﺭﺗﺎ ﻭ ﻃﻠﻌﺘﺎﺍﺍ ..
ﺗﺎﻧﻲ ﺧﺒﻄﺖ ﻟﻴﻬﻢ ﺍﻟﺒﺎﺏ ﻭ ﺩﺧﻠﺘﺖ ، ﻗﻠﺖ ﻟﻴﻬﻢ ﺍﻧﺤﻨﺎ ﻛﻨﺎ ﻣﺮﻗﺪﻳﻦ ﻫﻨﺎ ، ﻭ ﻋﻨﺪﻧﺎ ﻇﺮﻑ ﻓﻴﻬﻮ ﺗﺤﻠﻴﻞ ﻭﻗﻊ ﻣﻨﻨﺎ ﻫﻨﺎ ﺟﻴﺖ ﺍﺷﻮﻑ ﻟﻮ ﻟﻘﻴﺘﻴﻬﻮ ﻭﻻ ﺣﺎﺟﻪ ،، ﻭﻟﺪﻫﻢ ﻗﺎﻟﻲ ﻣﺎﻟﻘﻴﻨﺎ ﺣﺎﺟﺔ ..
ﻗﻠﺖ ﻟﻴﻬﻮ ﺗﻤﺎﻡ ﻭ ﻃﻠﻌﺘﺎﺍ ﻭ ﻋﻴﻮﻧﻲ ﻣﻠﻴﺎﻧﻪ ﺩﻣﻮﻉ ﻡ ﻋﺎﺭﻓﻪ ﺍﺳﻮﻱ ﺷﻨﻮﻭ ، ﻭ ﻡ ﻋﻨﺪﻱ ﻗﺮﻭﺵ ﻝ ﺗﺤﻠﻴﻞ ﺟﺪﻳﺪ ، ﺿﺎﻗﺖ ﺑﻲ ﺷﺪﻳﺪ
ﻳﺎ ﺭﺏ ﺗﻔﺮﺟﺎ ﻭ ﺗﺴﻬﻼ ﻋﻠﻲ ..
ﺍﻣﻲ ﺍﺗﺼﻠﺖ ﻋﻠﻲ ، ﻗﺎﻟﺖ ﻟﻲ ﺍﻧﺘﻲ ﻭﻳﻦ ؟
ﻗﻠﺖ ﻟﻴﻬﺎ ﻣﺎﺷﻪ ﻋﻠﻲ ﺍﻟﻤﺤﻞ ، ﻗﺎﻟﺖ ﻟﻲ ﺗﻤﺎﻡ ..
ﻋﺮﻓﺖ ﺍﻥ ﻛﺪﺍﺍﺍ ﻡ ﻋﻨﺪﻱ ﻃﺮﻳﻘﻪ ﺍﺻﻞ ﺷﻐﻠﻲ ، ﺍﺗﺼﻠﺖ ﻋﻠﻲ ﻣﺮﻭﺓ ﺻﺤﺒﺘﻲ ﺩﻳﻚ ﺗﺘﺰﻛﺮﻭﻫﺎﺍ .. ﻛﻠﻤﺘﻬﺎﺍ ﻭ ﻗﻔﻠﺖ ﻃﻮﺍﻟﻲ ﻟﻤﻦ ﺍﺳﺘﻐﺮﺑﺘﻨﻲ ، ﻟﻜﻦ ﻭﺍﻟﻠﻪ ﺍﻧﺎ ﻋﻘﻠﻲ ﻡ ﻣﻌﺎﻱ ﻡ ﻋﺎﺭﻓﻪ ﺍﺳﻮﻱ ﺷﻨﻮ ﻭﻻ ﺍﺗﺼﺮﻑ ﻛﻴﻒ ﻭﻻ ﺍﻟﻤﻨﺘﻈﺮﻧﻲ ﺷﻨﻮﻭﻭ ..
ﺭﻛﺒﺖ ﻭ ﻣﺸﻴﺖ ﻋﻠﻲ ﺍﻟﻤﺤﻞ ، ﻭ ﺑﻄﻨﻲ ﻏﺎﻣﺔ ﻋﻠﻲ ﺷﺪﻳﺪ ، ﻗﻠﺒﺔ ﺑﻄﻦ ﺑﺲ ﻋﺎﻳﺰﺓ ﺍﺳﺘﻔﺮﻍ ، ﺍﻧﺎ ﻟﻮ ﻭﺻﻠﺖ ﺍﻟﻤﺤﻞ ﺑﻲ ﻭﺿﻌﻲ ﺩﺍ ﺍﻣﺮﻱ ﺣﻴﺘﻜﺸﻒ .....
# ﺍﺳﺘﻜﻜﺎﻧﺔ ~»
ﻳﺘﺒﻊ