اغتصاب معلن

29

# ﺃﻏﺘﺼﺎﺏ _ ﻣُﻌﻠﻦ ‏[ 29 ‏]
ﺑﻘﻠﻢ / ﺳﺤﺮ ﺳﻤﻴﺮ .....
ﻭ ﻗﺎﻋﺪﻳﻦ ﻛﻞ ﺯﻭﻝ ﺳﺎﻛﺖ ﻭ ﻳﻌﺎﻳﻦ ﻟﻠﺘﺎﻧﻲ ، ﻓﺠﺎﺓ ﺟﺎﺕ ﺍﻳﻼﻑ ﻃﺎﻟﻌﻪ ﻭ ﻗﺎﻟﺖ ﻟﻲ ﺍﻭﻭﻭﻭﻭﻭﻭﻭﻩ
# ﻣﺪﺍﻡ _ ﺳﻠﻮﺍﻥ _ ﺍﻟﺤﻢﻝ ﻧﻔﻊ ﻣﻌﺎﻛﻲ ﻣﺎﺷﺎﺀﺍﻟﻠﻪ ﻟﻮﻧﻚ ﺯﺍﺗﻮ ﻓﺘﺢ ... ّ.
ﻣﺮﻭﺓ ﻗﺎﻟﺖ ﻟﻴﻬﺎ : ﻣﺪﺍﻡ ﺳﻠﻮﺍﻥ ﻭ ﺣﻤﻞ ﻫﻬﻬﻪ ﺷﻨﻮ ﻳﺎ ﺧﺎﻟﻪ ﺳﻌﺎﺩ ﺣﺒﺸﻴﺘﻜﻢ ﺩﻱ ﻣﺎﻟﻬﺎ ﺍﺫﺍ ﻋﻨﺪﻫﺎ ﺍﺳﻼﻙ ﺿﺎﺭﺑﻪ ﻋﺎﻟﺠﻮﻫﺎﺍ ﻭ ﻻ ﻛﻴﻴﻴﻒ !
ﺍﻳﻼﻑ ﺑﻲ ﺯﻋﻞ ﻗﺎﻟﺖ ﻟﻴﻬﺎ ، ﻫﻴﻴﻲ ﺍﻧﺘﻲ ﻳﺎ ﺍﺳﻤﻚ ﺣﺒﺸﻴﻪ ﻓﻲ ﻋﻴﻨﻚ ﺍﻟﺰﻣﻲ ﺧﺪﻙ ﻳﺎ ﻣﺎﻣﺎ ﻭ ﺍﻋﺮﻓﻲ ﺍﻧﺘﻲ ﺑﺘﺘﻜﻠﻤﻲ ﻣﻊ ﻣﻨﻮﻭﻭ ، ﻗﺎﻝ ﺣﺒﺸﻴﻪ ﻗﺎﻝ ﻣﺎﻟﻮ ﻛﻼﻣﻲ ﻭﺟﻌﻜﻢ ﻣﺎ ﺩﻱ ﺍﻟﺤﻘﻴﻘﻪ ..
ﻗﻠﺖ ﻟﻴﻬﺎ ‏( ﺑﺄﺑﺘﺴﺎﻣﺔ ‏) ، ﺍﻳﻼﻑ ﺣﺒﻴﺒﺘﻲ ﺍﻋﺼﺎﺑﻚ ﻳﺎ ﻣﺎﻣﺎ ﻣﺎﻟﻚ ﻣﻦ ﺟﻴﺘﻲ ﻣﻌﺼﺒﻪ ﻋﺎﻳﻨﻲ ﻋﺎﻳﻨﻲ ﺍﻟﻌﺮﻕ ﺍﻟﻔﻲ ﺟﺒﻬﺘﻚ ﺩﺍ ﻟﻤﻦ ﻧﻄﺎ ﻫﻪ ﻣﺎ ﻛﺪﺍ ﺣﺒﻴﺒﺘﻲ ﺭﻭﻗﻲ ، ﻭﺗﻌﺎﻟﻲ ﻗﻨﺒﻲ ﺟﻤﺒﻲ ﻫﻨﺎ ﻭﺭﻳﻨﻲ ﻣﺸﻜﻠﺘﻚ ﺷﻨﻮ ﺑﺎﻟﻀﺒﻂ !
ﻗﺎﻟﺖ ﻟﻲ ﻭﺍﻟﻠﻪ ﻟﻜﻦ ﻟﻘﻴﺘﻚ ﻣﺎ ﻫﻴﻨﻪ ﻛﻤﺎﻥ ﺑﺘﻤﺜﻠﻲ ﺍﻟﺒﺮﺍﺀﺓ ﻟﻜﻦ ﺑﺠﻴﻜﻲ ﻳﻮﻡ ﻳﺎ ﺳﻠﻮﺍﻥ ﻭ ﺍﻟﻨﺎﺱ ﺗﻌﺮﻑ ﺣﻘﻴﻘﺘﻚ ..
ﻗﻠﺖ ﻟﺨﺎﻟﺘﻮ ﺳﻌﺎﺩ ، ﺷﺎﻳﻔﺎﻛﻲ ﺳﺎﻛﺘﻪ ، ﻋﻠﻤﻲ ﺑﺖ ﺍﺧﺘﻚ ﻣﺎ ﺗﻄﻌﻦ ﻓﻲ ﺍﻏﻼﻁ ﻓﻲ ﺍﻟﻨﺎﺱ ﻭﺍﻧﻬﺎ ﺑﻨﺖ ﻭﻟﻴﻬﺎ ﺍﺧﻮﺍﺕ ﺑﻨﺎﺕ ﻭ ﺍﻟﻐﻠﻂ ﻣﺎ ﺣﺒﺎﺑﻮ ﺍﻧﺎ ﻟﺤﺪ ﺍﺳﻲ ﻣﺤﺘﺮﻣﺎﻫﺎ ﻋﺸﺎﻥ ﺧﺎﻃﺮﻙ ﺣﺘﻲ ﺻﻮﺗﻲ ﻣﺎ ﺭﻓﻌﺘﻮ ﻓﻴﻬﺎﺍﺍ ، ﻋﻦ ﺍﺯﻧﻜﻢ ﻳﻼ ﻳﺎ ﻣﺮﻭﺓ ... ﺧﺎﻟﺘﻮ ﺳﻌﺎﺩ ﻣﺎ ﻧﻄﻘﺖ ﺑﻲ ﺣﺮﻑ ﻭﻻ ﻛﻠﻤﺔ ﺑﺲ ﺑﺘﻌﺎﻳﻦ ﻓﻴﻨﺎﺍﺍﺍﺍ ، ﻟﻤﻦ ﻃﻠﻌﻨﺎﺍﺍ ،ﻣﺮﻭﺓ ﻗﺎﻟﺖ ﻟﻲ :
_ ﺷﻮﻓﻲ ﻳﺎ ﺳﻠﻮﺍﻥ ﺍﻗﻄﻊ ﻳﺪﻱ ﺧﺎﻟﺘﻮ ﺳﻌﺎﺩ ﺩﻱ ﻋﻨﺪﻫﺎ ﻓﻬﻢ ﻳﺎ ﻣﺎﻣﺎ ﺧﻠﻴﻜﻲ ﻭﺍﺛﻘﻪ ﻓﻴﻨﻲ ﺍﻗﺴﻢ ﺑﺎﻟﻠﻪ ﻳﺎ ﺳﻠﻮﺍﻥ ﺍﻧﺎ ﻧﻈﺮﺗﻲ ﻓﻲ ﺍﻟﻨﺎﺱ ﻋﻤﺮﻫﺎ ﻣﺎ ﺧﺎﺑﺖ ..
* ﺷﻮﻓﻲ ﻳﺎ ﻣﺮﻭﺓ ﺍﻧﺎ ﻡ ﻓﺎﺭﻕ ﻣﻌﺎﻱ ﺣﺎﺟﺔ ﺑﺲ ﺗﻘﺮﻳﺒﺎ ﺍﻟﻈﺮﻑ ﺣﻖ ﺍﻟﺘﺤﻠﻴﻞ ﻭﻗﻊ ﻓﻲ ﻳﺪ ﺍﻳﻼﻑ ﻭﺍﻧﺎ ﻻﺯﻡ ﺍﺟﻴﺒﻮ ، ﻭﺍﻟﺤﺎﺟﻪ ﺍﻟﺘﺎﻧﻴﻪ ﺍﻧﺎ ﺑﺎﻟﺠﺪ ﻣﻮﺿﻮﻉ ﺯﻭﺍﺟﻲ ﺩﺍ ﻛﺎﻥ ﻗﺎﻫﺮﻧﻲ ﻭ ﻣﺆﺛﺮ ﻓﻴﻨﻲ ، ﻟﻜﻦ ﺍﻧﺎ ﺣﺎﻟﻴﺎً ﻣﺼﻤﻤﺔ ﻋﻠﻴﻬﻮ ﻟﺴﺒﺒﻴﻦ ،ﻭﻗﺒﻞ ﺍﻗﻮﻟﻬﻢ ﻟﻴﻜﻲ ﻧﻜﻮﻥ ﻋﻘﻼﻧﻴﻦ ﺗﻤﺎﻡ ..
ﺍﻻﻭﻝ ﻳﺎ ﻣﺮﻭﺓ ﺍﻧﺎ ﻓﻌﻼ ﺳﻤﻌﺘﻲ ﻣﻠﺖ ﻭﻋﺒﺖ ﺍﻟﺤﻠﺔ ﺭﻏﻢ ﺍﻥ ﻡ ﺑﻔﺮﻕ ﻣﻌﺎﻱ ﻛﻼﻡ ﺍﻟﻨﺎﺱ ﻟﻜﻦ ﺗﻔﺮﻕ ﻧﻤﻌﺎﻱ ﺳﻤﻌﺔ ﺍﺑﻮﻱ ﺍﻟﻠﻪ ﻳﺮﺣﻤﻮ ﻋﻈﺎﻥ ﻣﺎﻑ ﺯﻭﻝ ﻳﻄﻌﻦ ﻓﻴﻬﻮ ﻭﻫﻮ ﻣﻴﺖ ﻭﻳﻘﻮﻝ ﻡ ﻋﺮﻑ ﻳﺮﺑﻲ ﺍﻭ ﺑﺘﻮ ﺑﻘﺖ ﻻﻓﻪ ﺑﻌﺪ ﻭﻓﺎﺓ ﺍﺑﻮﻫﺎ ، ﻭ ﺳﻤﻌﺔ ﺍﻣﻲ ﺑﺮﺿﻮ ﻭﺍﻗﺮﺏ ﻣﺜﺎﻝ ﺧﺎﻟﺘﻮ ﻣﺮﻳﻢ ﺑﻘﺖ ﻣﻘﺎﻃﻌﺎﻫﺎ ﻭﺍﻣﻲ ﻣﺘﺄﺛﺮﺓ ﺑﺲ ﻣﺎ ﻣﺤﺴﺴﺎﻧﻲ ﺑﻜﺪﺍﺍﺍ ، ﺭﻏﻢ ﺛﻘﺔ ﺍﻣﻲ ﻓﻴﻨﻲ ﻭ ﻛﻼﻣﻬﻢ ﻣﺎ ﻫﺰﺍﻫﺎ ﺑﺲ ﺣﻴﺠﻲ ﻳﻮﻡ ﺑﻌﺪ ﺍﻟﻜﻼﻡ ﻳﻜﺘﺮ ﺣﺘﺸﻚ ﺣﺘﻘﻮﻝ ﺍﻟﻨﺎﺱ ﺩﻳﻞ ﻛﻼﻣﻬﻢ ﺍﻟﺒﻴﻘﻮﻟﻮ ﺩﺍ ﻣﺴﺘﻨﺪ ﻋﻠﻲ ﺷﻨﻮ ! ﻭﻗﺘﻬﺎ ﺍﻧﺎ ﺣﺎﻧﻜﺸﻒ ﻭﻣﺎﻓﻲ ﺯﻭﻝ ﺣﻴﺼﺪﻕ ﺍﻟﺤﻘﻴﻘﻪ ،، ﺍﻟﺤﺎﺟﻪ ﺍﻟﺘﺎﻧﻴﻪ ، ﻫﻲ ﺍﻳﻼﻑ ...
_ ﺍﻳﻼﻑ ﺩﻱ ﻡ ﺳﺒﺐ ﺑﺲ ﻟﻜﻦ ﺑﺎﻗﻲ ﻛﻼﻣﻚ ﻣﻘﻨﻊ ، ﻟﻜﻦ ﻳﺎ ﺳﻠﻮﺍﻥ ﺣﺘﻮﺍﺟﻬﻲ ﻭﻟﻴﺪ ﻛﻴﻒ ﺑﻌﺪ ﺍﻟﺰﻭﺍﺝ ؟
* ﻭﻟﻴﺪ ﺯﺍﺗﻮ ﻣﺎ ﻋﺎﻳﺰﻧﻲ ﻭ ﻣﺠﺒﺮ ﻋﻠﻲ ﺩﺍ ﻋﺮﻓﺘﻮ ﻣﻦ ﺭﺩﺓ ﻓﻌﻠﻮ ، ﻭ ﺍﻧﺎ ﺣﺄﺗﻔﻖ ﻣﻌﺎﻫﻮ ﺯﻭﺍﺟﻨﺎ ﺩﺍ ﻋﻠﻲ ﺍﻟﺮﻭﻕ ﻟﻔﺘﺮﺓ ﻣﺤﺪﺩﺓ ﻭﻳﻄﻠﻘﻨﻲ
_ ﻡ ﺍﻇﻦ ﻳﻮﺍﻓﻖ ﺑﺲ ﻭﺍﻟﻠﻪ ﻛﺎﻥ ﺍﻟﺸﻔﺘﻮ ﻗﺒﻴﻞ ﺩﺍﻙ ﻭﻟﻴﺪ ﻭﺍﻟﻠﻪ ﻳﺎ ﺳﻠﻮﺍﻥ ﺣﻼﺗﻮﻭﺍﺳﻤﺤﻲ ﻟﻲ ﺍﻗﻮﻝ ﻟﻴﻜﻲ ﺍﻧﻚ ﻣﺤﻈﻮﻇﺔ . ﺷﺪﻳﺬ ﻭﺍﻟﻠﻪ ،ﺑﺲ ﻣﺘﺄﻛﺪﺓ ﺍﻥ ﻓﻲ ﻃﺮﻑ ﺗﺎﻟﺖ ﺑﻴﺤﺒﻚ ﻭ ﻣﺘﻮﺳﻢ ﻓﻴﻜﻲ ﺍﻟﺨﻴﺮ ﺑﺘﻤﻨﻲ ﻡ ﺗﻜﺴﺮﻱ ﺑﺨﺎﻃﺮﻭ ﻭ ﺍﻧﺎ ﺣﺴﺐ ﻧﻈﺮﺗﻲ ﻓﻲ ﺍﻟﻨﺎﺱ ﺑﺎﻟﺠﺪ ﺍﻟﺰﻭﻝ ﺩﺍ ﺑﻴﺸﺒﻬﻚ ﻭ ﻣﻨﺎﺳﺐ ﻟﻴﻜﻲ ﺷﺪﻳﺪ ..
* ﻭﻭﻭﻭﺏ ﺍﻧﺘﻲ ﻋﺎﺭﻓﻪ ﺍﻧﺎ ﻗﺒﻴﻞ ﺧﻠﻴﺘﻮ ﻗﻲ ﺍﻟﻤﺤﻞ ﻭ ﻃﻠﻌﺘﺎ ﻣﻦ ﻏﻴﺮ ﻡ ﺍﺷﺮﺡ ﻭﻻ ﺍﺑﺮﺭ ﻭﻣﺎ ﻓﻄﺮﻧﺎ ﺣﺘﻲ ، ﻭﺍﻟﻠﻪ ﻳﺎﺥ ﻣﺎ ﻋﺎﺭﻓﻪ ﻟﻴﻪ ﺣﻈﻮ ﺩﺍ ﻛﻌﺐ ﻣﻌﺎﻱ ﻛﺪﺍ ﻟﻴﻪ ﻳﺎﺥ ..
_ ﺍﻭﻭﻭﻭﻑ ﺑﺎﻟﻠﻪ ﺩﺍ ﺯﻭﻝ ﻳﺘﻨﺴﻲ ﺍﺳﺘﻐﻔﺮﺍﻟﻠﻪ ﺑﺲ ، ﺍﻫﺎ ﺣﻨﻤﺸﻲ ﻋﻠﻲ ﺍﻟﻤﺤﻞ ﻭﻻ ﻛﻴﻒ !
* ﻣﺶ ﻗﻠﺘﻲ ﻻﻣﻲ ﺍﻧﺎ ﺭﺟﻌﺖ ﺍﻟﺒﻴﺖ ،ﺣﻘﻮﻟﻴﻬﺎ ﻛﺴﻠﺖ ﺍﺭﺟﻊ ﺑﺲ
_ ﻃﻴﺐ ﺭﺍﻳﻚ ﺷﻨﻮ ﺍﻧﺎ ﺍﻣﺸﻲ ﺑﻴﺘﻨﺎ ﻭﺍﻟﻠﻪ ﻓﻘﺪﺕ ﺍﻣﻲ ﻓﻲ ﺍﻟﻴﻮﻡ ﺩﺍ ﻭ ﺍﻧﺘﻲ ﺗﻤﺸﻲ ﺳﺎﻋﺔ ﺳﺎﻋﻪ ﺯﻣﻦ ﺗﺠﺒﺮﻱ ﺑﺨﺎﻃﺮ ﺻﺤﺒﻚ ﺩﺍﺍ ﻋﺸﺎﻥ ﺗﺎﻧﻲ ﻃﻠﻌﺘﻚ ﺣﺘﺒﻘﻰ ﺻﻌﺒﻪ
* ﺻﻌﺐ ، ﻳﻌﻨﻲ ﺍﻟﻠﻴﻠﻪ ﻡ ﺣﺘﺒﻴﺘﻲ ﻣﻌﺎﻱ ؟
_ ﺍﺍﻻﻻ ﻳﺨﺘﻲ ﺑﻴﺘﻨﺎ ﺑﺲ ﻭﺍﻟﻠﻪ ﺍﺷﺘﻘﺖ ﻻﺧﻮﺍﻧﻲ
ﻟﻜﻦ ﻭﺍﻟﻠﻪ ﻳﺎ ﺳﻠﻮﺍﻥ ﻋﺠﺒﻨﻲ ﺭﺩﻙ ﻟﻠﺤﻴﻮﺍﻧﻪ ﺩﻱ ﻫﻬﻬﻬﻬﻪ ﻡ ﻫﻴﻨﻪ ﻳﺨﺘﻲ
* ﺍﺻﻼ ﻣﺎ ﻫﻴﻨﻪ ﺑﺲ ﻡ ﺑﺤﺐ ﺍﻃﻠﻊ ﺍﻟﻜﻌﺐ ﺍﻟﺠﻮﺍﻱ ﺩﺍ ﺑﺴﻬﻮﻟﻪ ، ﺍﻟﻤﻬﻢ ﺧﻠﻴﻨﺎ ﻧﻤﺸﻲ ﺍﻧﺎ ﺟﻌﺘﺎﺍ ...
_ ﺍﺭﺡ ، ﻧﻔﻄﺮ ﻭ ﺑﻌﺪﺍﻙ ﺑﻤﺸﻲ
* ﻳﻼﺍﺍ ..
‏( ﻓﻲ ﺟﺎﻧﺐ ﺗﺎﻧﻲ ‏)
ﺍﺗﺼﻞ !
ﻣﺎ ﺍﺗﺼﻞ ! ﺍﺗﺼﻞ ! ﻣﺎ ﺍﺗﺼﻞ
ﺍﻣﻤﻤﻢ ﺣﺄﺗﺼﻞ ، ﻻﻻﻻ ﻣﺎ ﺣﺄﺗﺼﻞ ، ﻫﻲ ﻛﺎﻥ ﻣﻔﺮﻭﺽ ﺗﺘﺼﻞ ، ﺑﺲ ﻫﻲ ﻋﻨﺪﻫﺎ ﻣﺸﺎﻛﻞ ﻋﺸﺎﻥ ﻛﺪﺍ ﻣﻔﺮﻭﺽ ﺍﺗﺼﻞ ﺍﻃﻤﻦ ، ﻻﻻﻻ ﻡ ﺣﺘﺼﻞ ، ﻳﺎﺥ ﺧﻼﺹ ﺣﺄﺗﺼﻞ ...
ﺍﺗﻮﻛﻠﺖ ، ﺍﺣﻢ ... * ﺟﺮﺱ *
* ﺣﺴﺎﻡ
_ ﻋﻴﻮﻧﻮ
* ﺍﺯﻳﻚ
_ ﻓﻲ ﺍﺣﺴﻦ ﺣﺎﻝ
* ﺍﻧﺎ ﺍﺳﻔﺔ ﻭﺍﻟﻠﻪ ﻓﺘﺮﺕ ﻣﻦ ﺍﻻﺳﻒ ﺍﻟﻜﺘﻴﺮ ﻟﻜﻦ ﺍﻧﺖ ﻗﻠﺒﻚ ﻛﺒﻴﺮ ﻭﺍﻛﻴﺪ ﺍﻧﺎ ﺍﺳﺘﺎﻫﻞ ﻫﻪ
_ ﻛﻤﺎﻥ ﻟﻴﻜﻲ ﻧﻔﺲ ﺗﻀﺤﻜﻲ
* ﺍﺳﻔﻪ ﻭﺍﻟﻠﻪ ﻭ ﻣﺎ ﺣﺄﺗﺤﺠﺞ ﻟﻴﻚ ﺍﻭ ﺍﺑﺮﺭ ﻟﻴﻚ ﻻﻧﻲ ﻏﻠﻄﺎﻧﻪ ﺗﺼﺮﻓﻲ ﻛﺎﻥ ﺳﺨﻴﻒ
_ ﺻﺮﺍﺣﻪ ﺳﺨﻴﻒ ﺷﺪﻳﺪ ﻟﻜﻦ ﺍﺫﺍ ﻋﺎﻳﺰﺍﻧﻲ ﻣﺎ ﺍﺯﻋﻞ ﻓﻲ ﻳﺪﻙ ﺗﻌﻤﻠﻲ ﺣﺎﺟﻪ ﻭﺣﺪﺓ ﺑﺲ
* ﺍﻣﻤﻤﻢ ﺷﻨﻮ ﻫﻲ ؟
_ ﺗﺪﺧﻠﻴﻨﻲ ﻓﻲ ﺯﺣﻤﺔ ﻇﺮﻭﻓﻚ
* ﺍﻓﻔﻒ ﺣﻴﺎﺗﻲ ﺩﻱ ﺍﻧﺎ ﺩﺍﻳﺮﺓ ﺍﻃﻠﻊ ﻣﻨﻬﺎ ﺍﻧﺖ ﺩﺍﻳﺮ ﺗﺨﺶ ﻓﻴﻬﺎ ﺑﺮﻱ ﻭﺍﻟﻠﻪ ﻣﺎ ﺑﻨﺼﺤﻚ ﻟﻜﻦ ﻛﺎﻥ ﻣﺼﻤﻢ ﺗﺘﺤﻤﻞ ﺍﻟﺒﺠﻴﻚ
_ ﻳﺎ ﺯﻭﻟﻪ ﺍﻧﺘﻲ ﻣﺎﻟﻚ ﺍﻱ ﺑﺘﺤﻤﻞ
* ﻃﻴﺐ ﺗﺤﺐ ﻧﺒﺪﺍ ﻣﺘﻴﻦ ؟
_ ﺍﺳﻲ ﻃﻮﺍﻟﻲ
* ﺣﺎﺭ ﺣﺎﺭ ﻛﺪﺍ . ﻃﻴﺐ ﺍﻣﻤﻤﻢ
ﺍﻧﺤﻨﺎ ﻳﺎ ﺣﺴﺎﻡ ﺭﺑﻨﺎ ﺧﻠﻘﻨﺎ ﺑﺸﺮ ، ﺑﻤﻌﻨﻲ ﺍﻧﻪ ﻣﺎ ﻣﺠﺮﺩﻳﻦ ﻣﻦ ﺍﻻﺧﻄﺎﺀ ﻭ ﻣﻜﻤﻠﻴﻦ ، ﺍﻟﻜﻤﺎﻝ ﻟﻠﻪ ﻭﺣﺪﻩ ، ﺭﻏﻢ ﺍﺧﻼﻗﻨﺎ ﺍﻟﺤﻠﻮﺓ ﺍﻟﺰﺭﻋﻮﻫﺎ ﺟﻮﺍﻧﺎ ﺍﻫﺎﻟﻴﻨﺎ ﺍﻻ ﺍﻧﻪ ﻏﻠﻄﻪ ﻭﺣﺪﺓ ﺑﺲ ﻫﻔﻮﺓ ﻛﺪﺍ ، ﺗﻤﺴﺢ ﻛﻞ ﺩﺍﺍﺍ ، ﻭﺍﻧﺎ ﻋﺎﺭﻓﻪ ﺍﻧﻪ ﻏﻠﻂ ﻋﻦ ﻏﻠﻂ ﺑﻴﻔﺮﻕ ﺑﺲ ﻛﻤﺎﻥ ﺍﻧﺎ ﺑﺸﺮ ﻣﻦ ﺣﻘﻲ ﺍﻏﻠﻂ ، ﻳﻤﻜﻦ ﺍﻧﺎ ﺍﻧﺴﺎﻧﺔ ﺧﻠﻮﻗﻪ ﻭﻣﺤﺘﺮﻣﺔ ﻭﺑﻌﺮﻑ ﺭﺑﻨﺎ ، ﺑﺲ ﺍﺭﺗﻜﺐ ﻏﻠﻄﻪ ﻛﺒﻴﺮﺓ ﺷﺪﻳﺪ ﻭﺍﻋﺘﺮﻑ ﺑﻴﻬﺎ ﻭﺍﻧﺪﻡ ، ﺑﺲ ﺑﺮﺿﻮ ﺣﺘﻔﻀﻞ ﺯﻱ ﺍﻟﻌﻤﻞ ﺍﻻﺳﻮﺩ ﻓﻲ ﺣﻴﺎﺗﻲ ، ﻟﻸﺳﻒ ﺍﻧﺤﻨﺎ ﻋﺎﻳﺸﻴﻦ ﻓﻲ ﻣﺠﺘﻤﻊ ﻣﺎ ﺑﻴﺮﺣﻢ ، ﻣﺠﺘﻤﻊ ﻣﻨﺘﻈﺮ ﺍﻧﻚ ﺗﻐﻠﻂ ﻏﻠﻄﻪ ﻳﻤﺴﻜﺎ ﻋﻠﻴﻚ ﺯﻟﻪ ، ﻳﺘﻜﻠﻤﻮ ﻋﻠﻴﻚ ﻳﺎﻛﻠﻮ ﻓﻲ ﻟﺤﻤﻚ ﻳﻐﺘﺎﺑﻮﻙ ﺣﺘﻲ ﻣﻦ ﻏﻴﺮ ﻣﺎ ﻳﺘﺄﻛﺪﻭ ، ﻣﺠﺘﻤﻊ ﻡ ﺑﻴﺮﺣﻢ ﻓﻲ ﺣﻴﻦ ﺍﻧﻪ ﺭﺏ ﺍﻟﻌﺎﻟﻤﻴﻦ ﺑﻴﺴﺎﻣﺢ ، ﺍﻻ ﺍﻧﺤﻨﺎ ﺍﻟﺒﺸﺮ ﺑﻨﺰﻝ ﺑﻌﺾ ،،
ﻏﻠﻄﻪ ﻭﺣﺪﺓ ﺑﻨﺪﻓﻊ ﺗﻤﻨﺘﺎ ﻋُﻤﺮ ﻛﺎﻣﻞ ....
# ﺍﺳﺘﻜﻜﺎﻧﺔ ~|
ﻳﺘﺒﻊ