اغتصاب معلن

16

# ﺃﻏﺘﺼﺎﺏ _ ﻣُﻌﻠﻦ ‏[ 16 ‏]
ﺑﻘﻠﻢ / ﺳﺤﺮ ﺳﻤﻴﺮ ...
ﺗﻌﺮﻓﻮ ﺍﻥ ﺍﻟﺤﺐ ﺩﺍ ﻣﺆﺫﻱ !
ﻣﻌﻘﻮﻝ ﻓﻲ ﻧﺎﺱ ﺑﺘﻀﺮ ﻛﺪﺍﺍ ﺯﻱ ﺍﻟﻤﻨﻮﻣﺔ ﻣﻐﻨﻄﻴﺴﻴﺎً ﻭ ﺗﺼﺮﻓﺎﺗﻬﺎ ﻛﻠﻬﺎ ﺷﻴﻄﺎﻧﻴﻪ ، ﻏﺎﻳﺘﻮ ﻧﺴﺎﻝ ﺍﻟﻠﻪ ﺍﻟﺴﻼﻣﺔ ..
ﻣﻦ ﺷﻔﺖ ﻣﻨﻈﺮ ﺍﻟﺪﻡ ﻭ ﻧﻈﺮﺍﺕ ﻋﻴﻮﻥ ﻣﻴﺎﺩﺓ ﻭﻣﺮﻭﻭﺓ ، ﻓﻘﺪﺕ ﺍﻟﻮﻋﻲ ﻭﻗﺒﻞ ﺍﻗﻊ ﻣﺮﻭﺓ ﺟﺎﺕ ﻣﺴﻜﺘﻨﻲ ، ﻭﺗﺎﻧﻲ ﺍﻟﻠﻪ ﺍﻋﻠﻢ ﺣﺼﻞ ﺷﻨﻮ ، ﺻﺤﻴﺖ ﻟﻘﻴﺖ ﻧﻔﺴﻲ ﺭﺍﻗﺪﺓ ﻓﻲ ﺍﻟﺒﻴﺖ ﺯﻱ ﺍﻟﺴﺎﻋﻪ 11:30 ﺑﻠﻴﻞ , ﺣﺼﻞ ﺷﻨﻮ ﻓﻲ ﻛﻞ ﺍﻟﻮﻗﺖ ﺍﻟﻔﺎﺕ ﺩﺍ ؟؟
ﻱ ﺭﺑﻲ ، ﺣﺼﻞ ﺷﻨﻮ ﻳﺎ ﺭﺏ ﺍﻧﺎ ﺍﺗﻔﻀﺤﺘﺎ ، ﻱ ﺭﺏ ﺗﻠﻄﻒ ﺑﻲ ﻳﺎ ﺭﺏ ، ﺷﻜﻠﻲ ﺍﺗﻔﻀﺤﺘﺎ ، ﺍﻛﻴﺪ ﻋﺮﻓﻮﻭ ﻟﻤﻦ ﻭﺩﻭﻧﻲ ﺍﻟﻤﺴﺘﺸﻔﻲ ، ﻻﻥ ﻟﻘﻴﺖ ﻓﺮﺍﺷﻪ ﻓﻲ ﻳﺪﻱ ، ﻭﺩﺍ ﺩﻟﻴﻞ ﻋﻠﻲ ﺍﻧﻬﻢ ﺍﺩﻭﻧﻲ ﺩﻡ ﻭﻻ ﺩﺭﺏ ، ﺑﻘﻴﺖ ﺑﺮﺟﻒ ﻭ ﺑﺂﻥ ﻭ ﺑﺰﻥ ﻣﻦ ﺍﻟﺨﻮﻑ ﻭﺑﺘﻬﺰ ،، ﻓﺠﺄﺓ ﻟﻘﻴﺖ ﻣﺮﻭﺓ ﻗﺎﻣﺖ ﻧﺎﻃﺔ ﻣﻦ ﺍﻟﺴﺮﻳﺮ ﺍﻟﺠﻤﺒﻲ ، ﺑﺘﻘﻮﻝ ﻟﻲ ﻣﺎﻟﻚ ﺍﻧﺘﻲ ﻛﻮﻳﺴﻪ ؟ ﺻﺤﻴﺘﻲ ؟ ﺳﻠﻮﺍﻥ ﺭﺩﻱ ﻋﻠﻲ ؟
ﻭﺍﻧﺎ ﺳﺎﻣﻌﺎﻫﺎ ﺑﺲ ﺧﻮﻓﻪ ﻟﺴﺎﻧﻲ ﻣﺮﺑﻮﻁ ﻭ ﺩﻣﻮﻋﻲ ﺩﻱ ﻧﺎﺯﻟﻪ ﺯﻱ ﺍﻟﻨﺎﺭ ، ﻭﺍﻟﻠﻪ ﺍﻟﺒﺖ ﺩﻱ ﻣﺴﻜﻴﻨﻪ ﻳﺎ ﺣﻠﺒﻼ ﺗﻤﺴﺢ ﻟﻲ ﻓﻲ ﺩﻣﻮﻋﻲ ﻭﺗﻘﻮﻝ ﻟﻲ ﻭﺭﻳﻨﻲ ﺑﺲ ﺣﺎﺳﻊ ﺑﺴﻨﻮ ﺑﻄﻨﻚ ﻭﺍﺟﻌﺎﻛﻲ ! ﻓﻲ ﺣﺎﺟﻪ ﻭﺭﻳﻨﻲ ﺍﺩﺍﻳﻜﻲ ﻣﺴﻜﻦ ، ﺭﺩﻱ ﻋﻠﻲ ،، ﺑﺲ ﺍﻧﻔﻘﻌﺖ ﺑﺎﻟﺒﻜﺎ ،، ﻟﻘﻴﺖ ﻳﺪﻫﺎ ﻓﻲ ﺧﺸﻤﻲ ﺑﺘﻘﻮﻝ ﻟﻲ ﺷﺸﺸﺸﺸﺶ ، ﻭﻃﻲ ﺻﻮﺗﻚ ﺍﻧﺎ ﻣﺎ ﺻﺪﻗﺖ ﺍﻣﻚ ﻧﺎﻣﺖ ﺑﻌﺪ ﺍﻗﻨﺎﻉ ، ﺍﺳﻜﺘﻲ ﻋﻠﻴﻜﻲ ﺍﻟﻠﻪ ،، ﻣﺸﺖ ﻓﺘﺤﺖ ﺑﺎﺏ ﺍﻟﻐﺮﻓﻪ ﺗﺎﻭﻗﺖ ﻭ ﺗﺮﺑﺴﺘﻮ ﻭﺟﺎﺗﻨﻲ ،، ﺍﺩﺗﻨﻲ ﻣﻮﻳﺔ ، ﺷﺮﺑﺘﻨﻲ ‏( ﻭﺍﻟﻠﻪ ﺍﻟﺒﺖ ﺩﻱ ﻣﺎ ﺍﻗﺪﺭ ﻋﻠﻲ ﺟﺰﺍﺗﻬﺎ ‏) ..
ﻗﺎﻟﺖ ﻟﻲ ﻟﻮ ﺍﻟﺒﻴﺒﻜﻴﻜﻲ ﺳﺮﻙ ، ﺍﻃﻤﻨﻲ ﺳﺮﻙ ﻓﻲ ﺑﻴﺮ ﻭ ﻣﺎﻓﻲ ﺯﻭﻝ ﻋﺮﻑ ﻏﻴﺮﻱ ، ﺍﻃﻤﻨﻲ ..
ﻳﺎﺥ ﺑﻘﻴﺖ ﺑﺒﻜﻲ ﺗﺎﻧﻲ ﺑﺤﺮﻗﺔ ﻭﺍﻟﻠﻪ ﻣﺎ ﻗﺎﺩﺭﺓ ﺍﺑﻄﻞ ﻭﻻ ﺍﺳﻜﺖ ، ﺍﻧﺎ ﻛﻞ ﻣﺮﺓ ﺑﻠﻌﻦ ﻧﻔﺴﻲ ﻟﻴﻪ ﺍﻧﺎ ﻋﻤﻠﺖ ﻛﺪﺍﺍﺍ ،،
ﻗﺎﻟﺖ ﻟﻲ ﻡ ﺗﺒﻜﻲ ﺍﻣﻚ ﺑﻌﺪ ﻣﻌﺎﻧﺎﺓ ﺍﻗﻨﻌﺘﻬﺎ ﺑﺤﺠﺞ ﻓﺎﺭﻏﻪ ﻭ ﺍﻧﺎ ﺍﺧﻮﻱ ﺑﻌﺪ ﺗﻌﺐ ﻭﺍﻓﻖ ﺍﺑﻴﺖ ﻣﻌﺎﻛﻲ ﻭﺍﻧﺘﻲ ﺑﺎﻟﺒﻜﺎ ﺩﺍ ﺣﺘﺨﺮﺑﻲ ﻛﻞ ﺍﻟﻌﻤﻠﺘﻮ ، ﺭﻭﻗﻲ ﺧﻼﺹ ﺍﻧﺤﻨﺎ ﺑﺸﺮ ﻭ ﻣﺎﻓﻲ ﺑﻨﻲ ﺁﺩﻡ ﻣﻌﺼﻮﻡ ﻣﻦ ﺍﻟﻐﻠﻂ ﻳﺎ ﺳﻠﻮﺍﻥ ، ﺑﺲ ﺍﻧﻜﻢ ﺗﻜﺮﺭ ﻏﻠﻄﻚ ﺗﺎﻧﻲ ﺩﺍ ﻫﻨﺎ ﺍﻟﻤﻐﺰﻯ ﺍﻟﺤﻘﻴﻘﻲ ، ﻓﺎﺍ ﺍﺭﺟﻮﻛﻲ ﺧﻠﻴﻜﻲ ﻗﻮﻳﺔ ﻭﺍﺗﺤﻤﻠﻲ ﻧﺘﻴﺠﺔ ﺍﺧﻄﺎﺋﻚ ...
ﻗﻠﺖ ﻟﻴﻬﺎ : * ﺍﻧﺎ ﻣﺎ ﺣﺄﺑﺮﺭ ﻟﻨﻔﺴﻲ ﺍﻟﻐﻠﻂ ﺍﻟﻌﻤﻠﺘﻮ ﻟﻜﻦ ﻭﺍﻟﻠﻪ ﻏﺼﺐ ﻋﻨﻲ ﻓﺠﺎﻩ ﻟﻘﻴﺖ ﻧﻔﺴﻲ ﻓﻲ ﺍﻟﺪﻭﺍﻣﺔ ﺩﻱ ، ﺗﻌﺒﺖ ﻭ ﺍﻧﺎ ﺑﻌﺎﻧﻲ ﻣﻨﻬﺎ ﺑﺮﺍﻱ ﻳﺎ ﻣﺮﻭﺓ ..
_ ﺣﻤﺪﻟﻠﻪ ﺭﺑﻨﺎ ﻟﻄﻒ ﺑﺤﺎﻟﻚ ﺑﺲ .....
* ﺑﺲ ﺷﻨﻮ ؟
_ ﺧﺎﻳﻔﺎﻛﻲ ﺗﻔﻬﻤﻴﻨﻲ ﻏﻠﻂ
* ﻻ ﻗﻮﻟﻲ ﺍﻥ ﺷﺎﺀﺍﻟﻠﻪ ﻣﺎ ﺑﻔﻬﻤﻚ ﻏﻠﻂ
_ ﺍﻧﺘﻲ ﻋﻤﻠﺘﻲ ﻛﺪﺍ ﻣﺮﺓ ﻭﺣﺪﺓ ؟
* ﺍﻳﻮﺓ ﻳﺎ ﻣﺮﻭﺓ ﺍﻟﺘﻔﻜﻴﺮ ﻡ ﻳﺎﺧﺪﻙ ﺑﻌﻴﺪ
_ ﺍﺳﻔﺔ ﺑﺲ ﺳﻮﺍﻝ ﺧﻄﺮ ﻑ ﺑﺎﻟﻲ ..
* ﺧﺎﻳﻔﻪ ﻣﻦ ﻣﻴﺎﺩﺓ ﺗﺰﻳﻊ ﻟﻠﺤﻠﺔ ﻛﻠﻬﺎ . ﻱ ﻣﺮﻭﺓ ﺍﺳﻮﻱ ﺷﻨﻮ ﺍﻧﺎ ﺍﺳﻲ
_ ﻣﻴﺎﺩﺓﺩﻱ ﻫﻴﻨﺔ ﺍﻟﻔﺖ ﻟﻴﻬﺎ ﻗﺼﻪ ﻭ ﺻﺪﻗﺘﺎ ..
* ﻡ ﺍﻇﻦ ﺗﻘﺘﻨﻊ ﻳﺎ ﻣﺮﻭﺓ ﺑﺲ ﺭﺑﻨﺎ ﻳﺴﺘﺮ ﻣﺎﺍ ﻗﺎﺩﺭﺓ ﺍﻗﻮﻝ ﺣﻤﺪﻟﻠﻪ ﻫﻢ ﻭﺍﻧﺰﺍﺡ ﻟﻜﻦ ﻓﻌﻼً ﻫﻢ ﻭﺍﻧﺰﺍﺡ
_ ﻃﻴﺐ ﺍﻧﺘﻲ ﻟﻴﻪ ﻣﺎ ﻭﺭﻳﺘﻴﻬﻮ ﻳﺼﻠﺢ ﻏﻠﻄﺘﻮ ؟
* ﺩﺍ ﺍﺣﻤﺪ ﺧﻄﻴﺒﻲ ﺍﻟﻠﻪ ﻳﺮﺣﻤﻪ ﻭ ﻡ ﺗﺴﺄﻟﻴﻨﻲ ﺗﺎﻧﻲ ﻋﻠﻴﻜﻲ ﺍﻟﻠﻪ ﺑﺎﻟﺠﺪ ﺑﺘﻤﻨﻲ ﺍﻟﻤﻮﺿﻮﻉ ﺩﺍ ﻳﻨﺘﻬﻲ ﻫﻨﺎﺍ ﻻﻧﻲ ﺗﻌﺒﺖ ﺑﺎﻟﺠﺪ ﻭ ﻧﻔﺴﻴﺘﻲ ﺍﺗﺪﻣﺮﺕ
_ ﺧﻼﺹ ، ﺭﻭﻗﻲ ، ﺍﺭﺟﻌﻲ ﻧﻮﻣﻲ ﺣﺎﺳﻪ ﺑﺘﻌﺐ ؟
* ﻻﻻ ﻡ ﺣﺎﺳﻪ ﺑﺤﺎﺟﺔ
_ ﺧﻼﺹ ﻻﻧﻮ ﺑﻜﺮﺓ ﻻﺯﻡ ﺗﻨﺰﻟﻲ ﺍﻟﺸﻐﻞ ﻋﺸﺎﻥ ﻣﺎﻑ ﺯﻭﻝ ﻳﻼﺣﻆ ﺧﺼﻮﺻﺎ ﻣﻴﺎﺩﻩ ﻭﺍﻣﻚ
* ﺣﺎﺿﺮ ..
ﺑﺎﻟﻔﻌﻞ ﺗﺎﻧﻲ ﻳﻮﻡ ﻃﻮﺍﻟﻲ ، ﺭﻏﻢ ﺍﺭﻫﺎﻕ ﻭﺗﻌﺐ ﺑﺲ ﻗﺎﻭﻣﺘﺎ ﻭ ﻣﺸﻴﻴﻨﺎ ﺍﻟﺸﻐﻞ ﺯﻱ ﺍﻟﻤﺎ ﺣﺼﻞ ﺣﺎﺟﺔ ﺭﻏﻢ ﺍﻧﻪ ﻧﻈﺮﺍﺕ ﻣﻴﺎﺩﻩ ﻡ ﻣﺮﻳﺤﺎﻧﻲ ﻭ ﻣﺎ ﺑﺘﻬﺰﺭ ﻣﻌﺎﻱ ﻛﺎﻟﻌﺎﺩﻩ ....
ﻓﺎﺗﺖ ﺍﻻﻳﺎﻡ ﻋﻠﻲ ﺍﻟﺤﺎﻝ ﺩﺍﺍ ، ﺑﻤﻌﻨﻰ ﺍﺻﺢ ﺍﻣﻲ ﺧﻠﺼﺖ ﺍﻟﻌﺪﻩ ﺣﻘﺘﺎﺍ ﺑﺲ ﺍﻟﻴﻮﻡ ﺩﺍ ﺗﺤﺪﻳﺪﺍً ﻣﺎ ﺟﺎﺕ ﺍﻟﻤﺤﻞ .. ﻛﻨﺖ ﻗﺎﻋﺪﻩ ﻓﻲ ﻣﺤﻠﻲ ﺍﻟﻤﻌﺘﺎﺩ
ﻭﺑﺮﺍﺟﻊ ﺍﻟﻔﻮﺍﺗﻴﺮ ﻓﺠﺎﻩ ﺳﻤﻌﺖ ﺻﻮﺕ :
_ ﺳﻼﻡ ﻋﻠﻴﻜﻢ
* ﻣﺮﺣﺐ ﻭﻋﻠﻴﻜﻢ ﺍﻟﺴﻼﻡ ﺍﺗﻔﻀﻞ .... ‏( ﻋﺎﻳﻨﺖ ﻟﻴﻬﻮ ‏) ﻟﻘﻴﺘﻮ ﺍﻟﺼﻴﺪﻟﻲ ﺩﺍﺍﻙ ﻃﻮﺍﻟﻲ ﻛﺮﻓﺴﺖ ﻟﻴﻬﻮ ﻭﺷﻲ ﻭﺣﺴﻴﺖ ﺟﺪ ﺍﻧﻲ ﻡ ﻃﺎﻳﻘﺎﻫﻮ ..
_ ﻛﻴﻔﻚ ؟
* ﺑﺨﻴﺮ ، ﺍﺗﻔﻀﻞ ...
_ ﺍﺣﻢ ﺹ ﺻﺮﺍﺣﺔ ﺍﻧﺎ ﻙ ﺩﺍﻳﺮ ﺣﺎﺟﺔ ﺑﺲ ﺩﺍﻳﺮ ﺍﺗﻜﻠﻢ ﻣﻌﺎﻛﻲ
* ﻧﻌﻢ ! ﺗﺘﻜﻠﻢ ﻣﻌﺎﻱ ﻓﻲ ﺳﻨﻮ ﻫﻮ ﻳﺘﻜﻠﻤﻮ ﻓﻴﻬﻮ ﻭ ﻣﻌﺎﻙ ﺍﻧﺖ !
_ ﺍﺳﻤﻌﻲ ﻛﻮﻧﻲ ﺟﻴﺖ ﻭﻗﻠﺖ ﺩﺍﻳﺮ ﺍﺗﻜﻠﻢ ﻣﻌﺎﻛﻲ ﺩﺍ ﻡ ﺑﺪﻳﻜﻲ ﺍﻟﺤﻖ ﺗﺘﻜﻠﻤﻲ ﻣﻌﺎﻱ ﺑﺎﻟﺤﺪﺓ ﺩﻱ ﺗﻤﺎﻡ ، ﺩﺍ ﺭﻗﻤﻲ ﻟﻮ ﺣﺒﻴﺘﻲ ﺗﺴﻤﻌﻲ ﺍﻟﺪﺍﻳﺮ ﺍﻗﻮﻟﻮ ﺗﻘﺪﺭﻱ ﺗﺘﺼﻠﻲ ، ﻋﻦ ﺍﺫﻧﻚ .... ﻭﻣﺸﻰ
ﻏﻠﻄﺎﻥ ﻭ ﻛﻤﺎﻥ ﻋﻴﻨﻮ ﻗﻮﻳﻪ ﺍﺗﺼﻞ ﺑﻴﻬﻮ ﻟﻴﻪ ﻛﻤﺎﻥ ﺩﺍ ﺍﻟﻔﻀﻞ ﻭﺍﻟﻠﻪ ﺍﻓﻔﻔﻔﻒ ...
ﺑﻌﺪ ﺍﻟﻜﻼﻡ ﺩﺍ ﺍﻧﺎ ﻣﺸﻴﺖ ﺍﻟﺒﻴﺖ ﻻﻧﻪ ﻡ ﻛﺎﻥ ﻋﻨﺪﻧﺎ ﺷﻐﻞ ، ﻣﺸﻴﺖ ﻋﻠﻲ ﺧﺎﻟﺘﻮ ﺳﻌﺎﺩ ﺍﻃﻤﻦ ﻋﻠﻴﻬﻮﻭ ، ﻡ ﻋﺎﺭﻓﻪ ﻟﻜﻦ ﺑﺘﺨﺘﺼﺮﻧﻲ ﻭ ﻡ ﺑﺘﺘﻜﻠﻢ ﻣﻌﺎﻱ ﺯﻱ ﺍﻭﻝ ،ﻡ ﺭﻛﺰﺗﺎ ﻭ ﻣﺸﻴﺖ ﻋﻠﻲ ﺍﻟﺒﻴﺖ ،، ﻟﻘﻴﺖ ﺳﺎﻣﺮﻳﻦ ﺍﺧﺘﻲ ﻓﻲ ﺍﻟﺒﻴﺖ ﺳﻠﻤﺖ ﻋﻠﻴﻬﺎ ﻭ ﻗﻌﺪﻧﺎ ﻧﺘﻮﻧﺲ ﻭ ﺍﺗﻐﺪﻳﻨﺎ ، ﻭﺩﺧﻠﺖ ﻏﺮﻓﺘﻲ
ﺍﻣﻲ ﺟﺎﺗﻨﻲ ، ﻣﻦ ﺗﺠﻴﻨﻲ ﺑﻌﺮﻑ ﺍﻥ ﻓﻲ ﺣﺎﺟﻪ ﻡ ﺗﻤﺎﻡ ، ﻃﻮﺍﻟﻲ ﻗﻤﺖ ﻗﻌﺪﺕ ﻋﻠﻲ ﺣﻴﻠﻲ ﻗﻠﺖ ﻟﻴﻬﺎ ﺧﻴﺮ ﻳﺎ ﺍﻣﻲ ﻓﻲ ﺷﻨﻮ ؟ ﻗﺎﻟﺖ ﻟﻲ :
_ ﺧﻴﺮ ، ﺑﺲ ﻋﺎﻳﺰﺍﻛﻲ ﻓﻲ ﻣﻮﺿﻮﻉ
* ﻃﻮﺍﻟﻲ ﺍﺣﻜﻲ
_ ﻣﺎ ﻋﺎﺭﻓﻪ ﺣﺘﻔﻬﻤﻴﻨﻲ ﻭﻻﻻ ﺑﺲ ﺍﻧﺎ ﻣﺘﻮﻳﻤﺔ ﻓﻴﻜﻲ ﺍﻟﺨﻴﺮ
* ﺍﻥ ﺷﺎﺀﺍﻟﻠﻪ ﺑﻔﻬﻤﻚ ﺯﻱ ﻣﺎ ﺣﺎﺑﻪ
_ ﺍﻧﺘﻲ ﻋﺎﺭﻓﻪ ﻭﺿﻌﻨﺎ ﺑﻘﻰ ﻛﻴﻒ ﺑﻌﺪ ﻭﻓﺎﺓ ﺍﺑﻮﻛﻲ ،ﻭﺍﻟﻮﺭﺷﻪ ﺑﻘﻴﻨﺎ ﻡ ﺑﻨﺸﻮﻑ ﻣﻨﻬﺎ ﺷﻲ ﻣﻦ ﺷﺮﻳﻜﻮ ﺩﺍ ﺍﻟﻤﻬﻢ ﺍﻣﻮﺭﻧﺎ ﺟﺎﻳﻄﺔ ﻭﺧﺼﻮﺻﺎ ﺍﻟﻤﺤﻞ ﻋﻨﺪﻱ
* ﻡ ﻟﻠﺪﺭﺟﺔ ﺩﻱ ﻳﺎ ﺍﻣﻲ ﻟﻜﻦ ﺣﻤﺪﻟﻠﻪ
_ ﺑﺼﺮﺍﺣﻪ ﻳﺎ ﺳﻠﻮﺍﻥ ﺍﻧﺎ # ﺩﺍﻳﺮﺓ _ ﺍﻋﺮﺱ
# ﺍﺳﺘﻜﻜﺎﻧﺔ