اغتصاب معلن

12

# ﺃﻏﺘﺼﺎﺏ _ ﻣُﻌﻠﻦ ‏[ 12 ‏]
ﺑﻘﻠﻢ / ﺳﺤﺮ ﺳﻤﻴﺮ .....
ﻭﺻﻠﺖ ﻗﺮﻳﺐ ﺍﻟﻤﺤﻞ ، ﻟﻘﻴﺖ ﺻﻴﺪﻟﻴﻪ ، ﻗﻠﺖ ﺍﻧﺰﻝ ﺍﺷﻮﻑ ﻟﻲ ﺍﻱ ﺣﺎﺟﺔ ﺗﻮﻗﻒ ﻟﻲ ﺍﻟﻄﻤﺎﻡ ﺩﺍ ، ﻓﻌﻼً ﺩﺧﻠﺘﺎ ﻟﻘﻴﺖ ﺯﻱ ﺗﻼﺗﻪ ﺍﻧﻔﺎﺭ ﻭﺍﻗﻔﻴﻦ ﻗﺪﺍﻣﻲ ﻭ ﺍﺗﻨﻴﻦ ﺻﻴﺪﻟﻲ ، ﻳﻌﻨﻲ ﺻﻴﺪﻟﻴﻪ ﻣﺎﺷﺎﺀﺍﻟﻠﻪ ، ﺑﻘﻴﺖ ﻣﺎﺧﺪﺓ ﺯﺍﻭﻳﺔ ﻭ ﻭﺍﻗﻔﻪ ﻡ ﻋﺎﺭﻓﻪ ﺯﺍﺗﻮ ﺍﻧﺎ ﺩﺍﻳﺮﺓ ﺷﻨﻮﻭ ، ﺍﻟﻤﺮﺓ ﺍﻟﻮﺍﻗﻔﻪ ﻗﺪﺍﻣﻲ ﻗﺎﻟﺖ ﻟﻴﻬﻮ ﺩﺍﻳﺮﺓ ﺟﻬﺎﺯ ﻛﺸﻒ ﺍﻟﺤﻤﻞ ﺳﺎﻟﻬﺎ ﻛﻢ ﺳﻮﺍﻝ ﻡ ﻓﻬﻤﺖ ﻣﻨﻬﻢ ﺣﺎﺟﺔ ، ﻗﻠﺖ ﺍﻧﺎ ﻛﻴﻒ ﺭﺍﺣﺖ ﻋﻠﻲ ﻓﻜﺮﺓ ﺯﻱ ﺩﻱ ، ﺑﺸﻮﻑ ﻓﻲ ﺍﻟﻤﺴﻠﺴﻼﺕ ﺑﻌﻤﻠﻮ ﻛﺪﺍ ﻟﻜﻦ ﻡ ﺧﻄﺮ ﻓﻲ ﺑﺎﻟﻲ ﺍﻧﻪ ﻣﻤﻜﻦ ﻳﻜﻮﻥ ﻓﻲ ، ﻗﺎﻃﻊ ﺳﺮﻱ ﺍﻟﺼﻴﺪﻟﻲ ، ﺑﻌﺎﻳﻦ ﻟﻲ ﻭ ﻣﺒﺘﺴﻢ ﻗﺎﻟﻲ ﺍﺗﻔﻀﻠﻲ ﻭ ﻣﺎﺩﻱ ﻟﻲ ﻳﺪﻭﻭﻭ ، ﻭ ﺍﻧﺎ ﻣﻦ ﻋﻔﻮﻳﺘﻲ ﻣﺪﻳﺖ ﻳﺪﻱ ﺍﻓﺘﻜﺮﺗﻮ ﺩﺍﻳﺮ ﻳﺴﻠﻢ ﻭﻻ ﺣﺎﺟﺔ ﻡ ﻋﺎﺭﻓﻪ ﻣﺎﻟﻲ ﺑﺲ ﺍﻟﻠﻬﻢ ﻣﺪﻳﺖ ﻟﻴﻬﻮ ﻳﺪﻱ ، ﻋﺸﺎﻥ ﻡ ﻳﺤﺮﺟﻨﻲ ﺳﻠﻢ ﻋﻠﻲ ﻭ ﺍﻧﺎ ﺳﺤﺒﺖ ﻳﺪﻱ ﻭ ﻫﻮ ﺧﺖ ﻳﺪﻭ ﻓﻲ ﺧﺸﻤﻮ ﻛﺘﻢ ﺍﻟﻀﺤﻜﺔ ، ﻭ ﻭﺍﻟﻠﻪ ﻧﻬﺎﺋﻲ ﻡ ﺭﻛﺰﺕ ﻓﻴﻬﻮ ﻣﻦ ﺍﻻﺣﺮﺍﺝ ﺑﺲ ﺷﺨﺼﻴﻪ ﻣﺄﻟﻮﻓﻪ ﺑﺎﻗﻴﻪ ﻟﻲ ، ﻫﻮ ﻣﺪ ﻟﻲ ﻳﺪﻭ ﺍﻧﻪ ﻣﻔﺘﻜﺮ ﻣﻌﺎﻱ ﺭﻭﺷﺘﺔ ،، ﺑﻌﺪ ﻃﻼﻉ ﺭﻭﺡ ﻗﺪﺭﺕ ﺍﻧﻄﻖ ﺍﻟﺪﺍﻳﺮﺍﻫﻮﻭﻭ ، ﻣﻦ ﻗﻠﺖ ﻟﻴﻬﻮ ﺩﺍﻳﺮﺓ ﺟﻬﺎﺯ ﻛﺸﻒ ﺍﻟﺤﻤﻞ ، ﻗﺒﻞ ﺍﺩﺍﻧﻲ ﺿﻬﺮﻭ ﻭ ﻭﻗﻒ ﻣﺴﺎﻓﻪ ﻛﺪﺍﺍﺍ ، ﻭ ﺑﻘﺎ ﻣﺘﻮﺗﺮ ﻭ ﺑﻔﺘﺶ ﺯﻱ ﺍﻟﻤﺴﺘﺠﺪ ﻓﻲ ﺍﻟﻤﻜﺎﻥ ، ﻭ ﻓﺠﺎﻩ ﺑﻨﻬﺮﺓ ﻛﺪﺍ ﻧﻬﺮ ﺍﻟﻤﻌﺎﻫﻮ ﻗﺎﻟﻴﻬﻮ ﻱ ﺍﻟﺰﻓﺖ ﺩﺍ ﺧﺘﻴﺘﻮ ﻭﻳﻦ ، ﻟﻤﻦ ﺩﺍﻙ ﺍﺗﺨﻠﻊ ﻋﺸﺎﻥ ﻡ ﻳﺤﺮﺝ ﻗﺪﺍﻡ ﺍﻟﻨﺎﺱ ﻗﺎﻟﻴﻬﻮ ﻣﺶ ﺍﺗﻔﻘﻨﺎ ﻣﺎ ﻧﻬﺰﺭ ﻣﻊ ﺑﻌﺾ ﻛﺪﺍ ﺍﺛﻨﺎﺀ ﺍﻟﺸﻐﻞ ، ﻫﻬﻬﻪ ، ﺍﻟﻤﻬﻢ ﺍﻟﺰﻓﺖ ﺩﺍ ﺷﻨﻮﻭﻭ ، ﻗﺎﻟﻴﻬﻮ ﺑﺼﻮﺕ ﻭﺍﻃﻲ .. ﻗﺎﻡ ﻃﻠﻊ ﻟﻴﻬﻮ ﻭﺍﺣﺪ ، ﻭﺭﻣﺎﻫﻮ ﻟﻲ ﻗﺪﺍﻣﻲ ، ﻗﺎﻝ ﻟﻠﻤﻌﺎﻫﻮ ﻓﻲ ﺣﺴﺎﺏ ﻫﻨﺎ .. ﻭ ﺩﺧﻠﺘﺮﺟﻮﺍ ﺯﻱ ﻣﺨﺰﻥ ﺍﻇﻦ ﻭ ﻣﺎ ﻃﻠﻊ ﻟﻤﻦ ﻣﺸﻴﺖ ، ﺻﺮﺍﺣﻪ ﺍﺳﺘﻐﺮﺑﺘﺎﺍ ، ﺩﺍ ﻣﺎﻟﻮﻭﻭﻭ ، ﻭﻛﻞ ﺍﻟﺤﺼﻞ ﺩﺍ ﻛﺎﻥ ﻏﺮﻳﺐ ﺷﺪﻳﺪ ﻭ ﻛﺮﻫﺖ ﻧﻔﺴﻲ ﻭ ﺍﺣﺮﺍﺝ ،،
ﺷﻠﺘﻮ ﻟﻔﻴﺘﻮ ﺑﻜﻴﺴﻮ ﺩﺧﻠﺘﻮ ﺟﻮﺍ ﺷﻨﻄﺘﻲ ، ﻭ ﻣﺸﻴﺖ ﻛﻤﻠﺖ ﻣﺸﻲ ﻟﺤﺪ ﺍﻟﻤﺤﻞ ..
ﺩﺧﻠﺘﺎ ﻭ ﺑﻘﻴﺖ ﺟﺎﻳﻄﻪ ﻣﻌﺎﻫﻢ ﺍﺗﻠﻬﻴﺖ ﻓﻲ ﺍﻟﺸﻐﻞ ﻭ ﺑﺼﺮﺍﺣﻪ ﻣﺤﻠﻨﺎ ﺭﻭﺣﻮ ﺣﻠﻮﺓ ﻛﺪﺍ ﻣﺒﻬﺞ ﺷﺪﻳﺪ ﺍﻟﻮﺍﻥ ﻓﺎﺗﺤﻪ ﻭ ﺭﺳﻮﻣﺎﺕ ﻛﻠﻪ ﺷﻐﻞ ﺍﻣﻲ ﺍﺳﺴﺘﻮ ﻣﻦ ﺍﻟﺼﻔﺮ ﺍﻟﻠﻪ ﻳﺪﻳﻬﺎ ﺍﻟﻌﺎﻓﻴﻪ ﻭ ﻣﻦ ﺍﻭﻝ ﻣﺮﺓ ﺣﺒﻴﺖ ﺍﻟﺸﻐﻞ ﻓﻴﻬﻮ ﺑﺎﻟﺠﺪ .. ﻓﻬﻤﺖ ﺍﻟﺸﻐﻞ ﺑﺴﻬﻮﻟﻪ ﻻﻥ ﺷﻐﻠﻲ ﻛﻤﺒﻴﻮﺗﺮ ،، ﺧﻠﺼﻨﺎ ﻭ ﺭﺟﻌﺖ ﺍﻟﺒﻴﺖ ﺑﻌﺪ ﺍﻟﻤﻐﺮﺏ ، ﻣﺮﻫﻘﻪ ﺷﺪﻳﺪ ، ﺍﺗﺼﻠﺘﺎ ﻋﻠﻲ ﺧﺎﻟﺘﻮ ﺳﻌﺎﺩ ﺍﻃﻤﻨﺖ ﻋﻠﻴﻬﺎ ﻭ ﻗﻔﻠﺘﺎﺍ ، ﺍﻣﻨﻴﺘﻲ ﺍﻧﻮﻡ ﻣﺮﺗﺎﺣﻪ ﺑﺎﻟﺠﺪ ..
ﻣﺸﻴﺖ ﺗﺮﺑﺲ ﺑﺎﺏ ﻏﺮﻓﺘﻲ ، ﻭ ﻃﻠﻌﺖ ﺍﻟﺠﻬﺎﺯ ﻣﻦ ﺷﻨﻄﺘﻲ ﻭ ﺍﻧﺎ ﻡ ﻋﺎﺭﻓﻪ ﻛﻴﻒ ﺍﺳﺘﺨﺪﺍﻣﻪ ، ﺩﺧﻠﺖ ﺑﺤﺜﺖ ﻋﻨﻪ ﻓﻲ ﻗﻮﻗﻞ ،، ﻋﺮﻓﺖ ﺍﺳﺘﺨﺪﺍﻣﻪ ، ﻭ ﻣﻦ ﺍﻟﺨﻮﻑ ﻡ ﻗﺎﺩﺭﺓ ﺍﺗﺤﺮﻙ ﻋﺸﺎﻥ ﺍﻣﺸﻲ ﺍﺷﻮﻑ ، ﺑﻘﻴﺖ ﺑﺴﺘﻐﻔﺮ ﻭ ﺍﺗﻮﻛﻠﺖ ﻋﻠﻲ ﺍﻟﻠﻪ ﻭ ﺟﺴﻤﻲ ﻛﻠﻪ ﺑﻴﺮﺟﻒ ، ﺩﺧﻠﺖ ﺍﻟﺤﻤﺎﻡ ﻭ ﻋﻤﻠﺖ ﺯﻱ ﻣﺎ ﻣﻜﺘﻮﺏ ، ﻟﻤﻦ ﺷﻔﺖ ﺍﻟﻨﺘﻴﺠﺔ ﻟﻤﻦ ﺍﻟﺠﻬﺎﺯ ﻭﻗﻊ ﻣﻦ ﻳﺪﻱ ﻓﻲ ﺣﻔﺮﺓ ﺍﻟﺤﻤﺎﻡ ، ﺟﺮﻱ ﻃﻠﻌﺖ ﻣﻦ ﺍﻟﺤﻤﺎﻡ ﻏﺴﻠﺖ ﻭﺷﻲ ﻓﻲ ﺍﻟﻤﻐﺴﻠﻪ ، ﻭ ﺍﻣﻲ ﺑﺘﺘﻜﻠﻢ ﻣﻌﺎﻱ ﻡ ﺭﺩﻳﺖ ﻋﻠﻴﻬﺎ ﺩﺧﻠﺖ ﻏﺮﻓﺘﻲ ﻭﻗﻔﻠﺖ ﺍﻟﺒﺎﺏ ﻣﻦ ﺟﻮﺍﺍ ﻭ ﻗﻌﺪﺕ ﻓﻲ ﺍﻻﺭﺽ ﻭ ﺑﻘﻴﺖ ﺑﺒﻜﻲ ﻭ ﺑﺨﺒﻂ ﻓﻲ ﻧﻔﺲ ، ﺍﻧﺎ ﻛﺎﻥ ﻗﺪﺭﺕ ﺍﺿﺮﺏ ﻧﻔﺴﻲ ﺑﺄﻭﺳﺦ ﺳﻔﻨﺠﺔ ﺣﺄﻋﻤﻼﺍﺍﺍ ، ﺑﻜﻴﺖ ﺑﻜﻴﺖ ﻟﻤﻦ ﺑﻘﻴﺖ ﺍﺷﻬﻖ ﻭ ﺍﻣﻲ ﻣﻦ ﺑﺮﺍ ﺗﻜﻮﺭﻙ ﻟﻲ ﺍﻓﺘﺢ ﺍﻟﺒﺎﺏ ، ﻭ ﻣﺎ ﻗﺎﺩﺭﺓ ﺍﺭﺩ ﻭﻻ ﺍﻗﻮﻝ ﻟﻴﻬﺎ ﺣﺎﺟﻪ ، ﺑﻘﻮﻟﻴﻬﺎ ﺧﻠﻴﻨﻲ ﺍﻧﺎ ﻛﻮﻳﺴﻪ ﻡ ﺗﻘﻠﻘﻲ ﺑﺲ ﺍﺷﺘﻘﺖ ﻷﺣﻤﺪ ﻭﻷﺑﻮﻱ ﺍﻟﻠﻪ ﻳﺮﺣﻤﻪ ، ﻡ ﺗﻘﻠﻘﻲ ﺑﺲ ﺧﻠﻴﻨﻲ ﺑﺮﺍﺍﺍﻱ ،، ﺣﺘﻲ ﺳﻜﺘﺖ ..
ﺑﻘﻴﺖ ﻛﻞ ﻳﻮﻡ ﺍﺷﻴﻞ ﺍﻟﻠﻴﻞ ﺑﻜﺎ ﻟﻠﺼﺒﺎﺡ ،، ﺑﺲ ﺍﺧﺪﺕ ﻗﺮﺍﺭ ﺍﻥ ﻟﺤﺪ ﻣﺘﻴﻦ ﺍﻧﺎ ﺍﺩﻓﻊ ﺗﻤﻦ ﻏﻠﻄﻪ ، ﺍﻱ ﺍﻧﺎ ﻏﻠﻄﺘﺎ ﻟﻜﻦ ﻟﺤﺪ ﻣﺘﻴﻦ ﺣﺎﺗﻌﺬﺏ ﻛﺪﺍﺍﺍ ،، ﻧﻤﺖ ﺳﺎﻋﻪ ﻭﺍﺣﺪﺓ ...
ﺻﺤﻴﺖ ﺗﺎﻧﻲ ﻳﻮﻡ ' ﻡ ﻗﺪﺭﺕ ﺍﻣﺸﻲ ﺍﻟﺸﻐﻞ ﻗﻌﺪﺗﺎ ﻓﻲ ﺍﻟﺒﻴﺖ ، ﻭ ﻣﺮﺕ ﺍﻻﻳﺎﻡ ﺯﻱ ﺍﺳﺒﻮﻋﻴﻦ ﻃﻴﻠﺔ ﺍﻻﺳﺒﻮﻋﻴﻦ ﺩﻳﻞ ﺍﻧﺎ ﻣﻦ ﺍﻟﻤﺤﻞ ﻟﻠﺒﻴﺖ ﻣﻦ ﺍﻟﺒﻴﺖ ﻟﻠﻤﺤﻞ .. ﺣﺘﻲ ﺧﺎﻟﺘﻮ ﺳﻌﺎﺩ ﺑﻘﻴﺖ ﻣﺎ ﻗﻌﺪ ﺍﺷﻮﻓﻬﺎﺍﺍ ...
ﻟﺤﺪ ﻣﺎ ﻓﻲ ﻳﻮﻡ ﻫﻲ ﺟﺎﺗﻨﺎ ﺍﻟﺒﻴﺖ ، ﺳﻠﻤﺖ ﻋﻠﻲ ﺍﻣﻲ ﻻﻥ ﻣﻦ ﺑﺪﺕ ﺍﻟﻌﺪﻩ ﻣﺎ ﺍﺗﻼﻗﻮﻭ ، ﺟﺎﺕ ﻭﺍﻟﻈﺎﻫﺮ ﺍﻧﻪ ﻓﻲ ﻛﻼﻡ ﺩﺍﻳﺮﺓ ﺗﻘﻮﻟﻮﻭ .. ﺍﻣﻲ ﺣﺴﺖ ﻗﺎﻟﺖ ﻟﻴﻬﺎﺍ ﻣﺎﻟﻚ ﻳﺎ ﺳﻌﺎﺩ ﺯﻱ ﺍﻟﺪﺍﻳﺮﺓ ﺗﻘﻮﻟﻲ ﻛﻼﻡ ﻛﺪﺍ ﻭﺍﻟﻠﻪ ﺍﻋﻠﻢ .. ﻗﺎﻟﺖ ﻟﻴﻬﺎ :
_ ﻓﻌﻼﺍﺍ ﻳﺎ ﻓﺎﻃﻤﺔ
__ ﻃﻮﺍﻟﻲ ﺍﺗﻔﻀﻠﻲ
_ ﺍﻟﻜﻼﻡ ﺩﺍ ﻡ ﺯﻣﻨﻮ ﺍﻧﺎ ﻋﺎﺭﻓﻪ ، ﺑﺲ ﻭﺍﻟﻠﻪ ﺍﻝ ......
__ ﺍﻥ ﺷﺎﺀﺍﻟﻠﻪ ﺧﺒﺮ ﺍﺗﻜﻠﻤﻲ ﻃﻮﺍﻟﻲ ﻣﺎﻟﻚ ﺳﻜﺘﻲ ؟
_ ﺑﺼﺮﺍﺣﻪ ﻳﺎ ﻓﺎﻃﻤﺔ ﺍﻧﺘﺪ ﻋﺎﺭﻓﻪ ﺍﻧﺎ ﺑﺤﺐ ﺳﻠﻮﺍﻥ ﺩﻱ ﻗﺪﺭ ﺷﻨﻮ ﻭ ﺑﻌﺘﺒﺮﺍﺍ ﺑﺘﻲ ﺍﻟﻤﺎ ﺟﺒﺘﻬﺎﺍ ، ﻭﻋﺸﺎﻥ ﻛﺪﺍﺍ ﻳﺎ ﻓﺎﻃﻤﺔ ﺍﻟﻜﻼﻡ ﻋﻦ ﺳﻠﻮﺍﻥ ﻛﺘﺮ ﻭ ﺍﻟﻨﺎﺱ ﻡ ﺑﺘﺮﺣﻢ ﻧﺴﺎﻭﻳﻦ ﺍﻟﺤﻠﺔ ﻭﺑﺮﺍﻙ ﻋﺎﺭﻓﺎﻫﻢ ﺑﻴﺎﻛﻠﻮ ﻟﺤﻢ ﺑﻌﺾ ﺍﻛﻞ ﻭ ......
__ ﺳﻌﺎﺩ ﺑﺪﻭﻥ ﻗﻄﻊ ﻛﻼﻣﻚ ﺍﺭﻣﻲ ﺍﻟﺪﺭﺍﺑﻪ ﺍﻟﻔﻲ ﺧﺸﻤﻚ ﺩﻱ ﻋﺪﻳﻞ ﻫﺸﺎﻥ ﺍﻋﺼﺎﺑﻲ ﺑﺎﻇﺖ ﻣﻊ ﺍﻧﻲ ﻣﺎ ﺍﻭﻝ ﻣﺮﺓ ﺍﺳﻤﻊ ﺍﻟﻜﻼﻡ ﺩﺍﺍ ..
_ ﺑﺼﺮﺍﺣﻪ ﻛﻠﻬﻢ ﺑﻴﻘﻮﻟﻮ ﺍﻥ .....
ﺍﺍﺍﺍ ﺍﻥ ....
__ ﺍﻥ ﺷﻨﻮ ؟؟
_ ﻣﻤﻢ ﻣﺎ ﻣﻤﻢ ﻡ ﻋﺎﺭﻓﻪ ﺍﻗﻮﻟﻬﺎ ﻛﻴﻒ ﺑﺲ
ﺍﻧﺎ ﺩﺍﻳﺮﺓ ﻭﻟﻴﺪ ﻳﻌﺮﺱ ﺳﻠﻮﺍﻥ ....
# ﺍﺳﺘﻜﻜﺎﻧﺔ ~»
ﺍﻟﺤﻴﺎﺓ ﺩﻱ ﻣﻼﻧﻪ ﺣُﻔﺮ ، ﺑﻨﻘﻮﻡ ﻭﻧﻘﻊ ﺑﻨﻘﻮﻡ ﻭﻧﻘﻊ ﺑﺲ ﻭﻗﻌﻪ ﻋﻦ ﻭﻗﻌﻪ ﺑﺘﺨﺘﻠﻒ
ﺍﻣﺎ ﺑﺎﻟﻨﺴﺒﻪ ﻟﻲ ﻛﻜﺎﺗﺒﻪ # ﺍﻻﻏﺘﺼﺎﺏ ﻗﻀﻴﺘﻲ ﻓﻲ ﺍﻟﻤﺠﺘﻤﻊ ﺩﺍ ﺑﺲ ﺯﻱ ﻡ ﻗﻠﺖ ﻟﻴﻜﻢ ﻣﺎ ﻛﻞ ﺍﻏﺘﺼﺎﺏ ﻣﻘﺎﺑﻠﻪ ﺑﺘﻜﻮﻥ ﻓﻲ # ﺿﺤﻴﺔ ﻭ ﻣﺎ ﻛﻞ ﺍﻏﺘﺼﺎﺏ ﻳﺴﺘﺤﻖ ﺍﻧﻨﺎ ﻧﺪﺍﻓﻊ ﻋﻨﻪ ..
ﻭ ﺑﺎﻟﻨﺴﺒﻪ ﻟﻲ ﺗﺎﻧﻲ ﺍﻥ ﻳﺎﺩﺍﺏ ﺍﺣﺪﺍﺙ ﺍﻟﺮﻭﺍﻳﻪ ﺩﻱ ﺣﺘﺒﺪﺍﺍ ... ﺧﻠﻴﻜﻢ ﺟﺎﻫﺰﻳﻦ
ﻭ ﺣﺎﺟﺔ ﺍﺧﻴﺮﺓ ﻋﻠﻲ ﺍﻻﻏﻠﺐ ﺑﻜﺮﺓ ﻡ ﺣﻘﺪﺭ ﺍﻧﺰﻝ ﺣﻠﻘﺎﺕ ﻋﻨﺪﻱ ﻇﺮﻓﺰﺳﻌﻤﺒﺘﻮﺗﻲ ﻛﺪﺍ ﻭ ﺍﺣﺘﻤﺎﻝ ﺍﻧﺰﻝ ﻓﻲ ﻛﻞ ﺍﻻﺣﻮﺍﻝ ﺍﺑﻘﻮ ﻛﻤﺎ ﻋﻬﺪﻧﺎﻛﻢ ....
ﻳﺘﺒﻊ .....