اغتصاب معلن

18

١٨ -
ﻣﻌﻘﻮﻝ ﻗﺎﻋﺪﻩ ﺍﺑﻜﻲ ﻛﺪﺍ ﺯﻱ ﺍﻟﺸﺎﻓﻌﻪ ﻋﻠﻲ ﻣﺰﺣﺔ ! ﻫﻬﻪ ﻭ ﻳﻤﻜﻦ ﺟﺪ ، ﻟﻴﻪ ﺍﻧﺎ ﺣﻜﻤﺖ ﺍﻧﻬﺎ ﻣﺰﺣﻪ ؟ ﻃﻴﺐ ﻓﻴﻬﺎ ﺷﻨﻮ ﻟﻮ ﺍﻣﻲ ﻋﺮﺳﺖ ؟
ﻃﻴﺐ ﻭﺍﻟﻨﺎﺱ ﻳﻘﻮﻟﻮ ﻋﻠﻴﻬﺎ ﺷﻨﻮ ؟ ﻧﺴﺖ ﺭﺍﺟﻼﺍ ﻭ ﺟﺮﺕ ﺗﻔﺘﺶ ﻟﻠﻌﺮﺱ ﻭ ﺍﻭﻻﺩﺍ ﻛﺒﺎﺭ ﻓﻲ ﺳﻦ ﺍﻟﺰﻭﺍﺝ ؟ ﻭﻫﻲ ﺍﻟﻨﺎﺱ ﻣﻦ ﻣﺘﻴﻦ ﺑﻄﻠﺖ ﻛﻼﻡ ؟ ّ
ﻃﻴﺐ ﻟﻴﻪ ﻣﺎ ﻳﻜﻮﻥ ﺍﻟﺰﻭﺍﺝ ﺩﺍ ﺣﻖ ﻣﺖ ﺣﻘﻮﻗﻬﺎ ! ........ ﺑﻘﻴﺖ ﻗﺎﻋﺪﻩ ﺑﺘﻜﻠﻢ ﻣﻊ ﻧﻔﺴﻲ ﻭﺍﺭﺩ ﻭﺍﺳﺄﻝ ﺭﻭﺣﻲ ﺑﺲ ﻓﻲ ﻛﻞ ﺍﻻﺣﻮﺍﻝ ﺍﻧﺎ ﺷﺎﻳﻐﻪ ﻓﻜﺮﺓ ﺍﻥ ﺭﺍﺟﻞ ﻏﺮﻳﺐ ﻳﺠﻲ ﻓﻲ ﻧﺼﻨﺎ ﻭﺍﻧﺤﻨﺎ ﻓﻲ ﺍﻟﻌﻤﺮ ﺩﺍ ﻣﺴﺘﺤﻴﻞ ، ﺍﻧﺤﻨﺎ ﻟﻮ ﺻﻐﺎﺭ ﻭﻣﺤﺘﺎﺟﻴﻦ ﺍﻟﻴﺮﻳﺒﻨﺎ ﻛﺎﻥ ﻣﻤﻜﻦ ﺍﻗﺘﻨﻊ ﺑﺲ ﺍﻧﺤﻨﺎ ﻣﺎ ﺻﻐﺎﺭ ﻭ ﻛﻞ ﻭﺍﺣﺪ ﻓﻴﻨﺎ ﺑﻴﻘﺪﺭ ﻳﺸﻴﻞ ﻧﻔﺴﻮ ، ﻭ ﻣﺎ ﺍﻇﻦ ﺳﺎﻣﺮ ﻟﻮ ﻋﺮﻑ ﺣﻴﻮﺍﻓﻖ ﺻﻌﺒﻪ ﻭﻻ ﻧﻈﺮﺓ ﻣﺠﺘﻤﻌﻨﺎ ﺍﻟﻌﻘﻴﻢ ﺑﺘﺪﻱ ﺍﻟﻤﺮﺓ ﺣﻖ ﺍﻧﻬﺎ ﺗﺘﺰﻭﺝ ﻣﺮﺓ ﺗﺎﻧﻴﻪ !
ﺍﻱ ﺍﻧﺤﻨﺎ ﻛﺒﺎﺭ ﺣﻤﺪﻟﻠﻪ ﻟﻜﻦ ﺍﻣﻲ ﻋﻤﺮﻫﺎ 37 ﺳﻨﺔ ﺍﺗﺰﻭﺟﺖ ﺍﺑﻮﻱ ﺍﻟﻠﻪ ﻳﺮﺣﻤﻮ ﻭﻫﻲ ﺻﻐﻴﺮﺓ ﻭﺣﻤﻠﺖ ﺏ ﺳﺎﻣﺮ ﻃﻮﺍﻟﻲ ﻭﺍﺗﺤﻤﻠﺖ ﻣﺴﺆﻟﻴﺔ ﺑﻴﺖ .. ﻟﻜﻦ ﺑﺮﺿﻮ ﺻﻌﺒﻪ ﻭﺍﻟﻠﻪ ﺻﻌﺒﻪ !
ﻗﺎﻃﻌﺖ ﺗﻔﻜﻴﺮﻱ ﻣﺮﻭﺓ ، ﺍﺗﺼﻠﺖ ﻋﻠﻲ :
_ ﺳﻮﺳﻮﻭﻭ ، ﻭﻭﻭﻭﻭﻳﻨﻚ !
* ﻗﺎﻋﺪﻩ
_ ﺍﻧﺘﻲ ﺑﺘﺒﻜﻲ ؟
* ﻻﻻ ﻛﺎﻧﺖ ﻋﻨﺪﻱ ﻋﺸﺮﺍﻗﻪ
_ ﻋﺸﺮﺍﻗﻪ ! ﻡ ﻋﺎﺭﻓﻪ ﻟﻴﻪ ﻡ ﻣﻘﺘﻨﻌﻪ ﺑﺲ ﻡ ﺗﻨﺴﻲ ﺍﻧﺎ ﻣﻨﻮ ، ﻟﻮ ﻟﻘﻴﺘﻚ ﺩﺍﺳﻪ ﻣﻨﻲ ﺣﺎﺟﻪ ﻭﺍﻟﻠﻪ ﻣﺎ ﺍﻗﻮﻝ ﻟﻴﻜﻲ ﺍﻟﺸﻤﺎﺭ ﺍﻟﻤﺨﻠﻴﻨﻲ ﺩﺍﻗﻪ ﻋﻠﻴﻜﻲ
* ﻻ ﻳﺎ ﻣﻴﺮﻭ ﻡ ﺗﻤﺴﻜﻴﻨﻲ ﻣﻦ ﻳﺪﻱ ﺍﻟﺘﻮﺟﻌﻨﻲ ﻭﺍﻟﻠﻪ ﺑﺤﻜﻲ ﻟﻴﻜﻲ ﻟﻜﻦ ﻣﺎ ﺍﺳﻲ
_ ﻻ ﺍﺳﺴﻲ ﻛﺎﻥ ﻡ ﻋﺮﻓﺖ ﻡ ﺑﻨﻮﻡ ، ﻓﻲ ﻭﺍﺣﺪ ﻣﺘﻘﺪﻡ ﻟﻴﻜﻲ ﻭﻻ ﺷﻨﻮ ؟
* ﻳﺎ ﺭﻳﺖ ﻭﺍﻟﻠﻪ ﻛﺎﻥ ﻋﺮﺳﺘﺎ ﻟﻮ ﺑﻘﺪﺭ ﺍﻋﺮﺱ
_ ﺍﺟﻲ ﺍﺟﻲ ،ﺑﺮﻱ ﻳﺨﺘﻲ ﺩﺍ ﻡ ﻛﺎﻥ ﻛﻼﻣﻚ ﻓﻲ ﺷﻨﻮ ﻣﺎﻟﻚ ؟ ّ
* ﻭﺍﻟﻠﻪ ﻛﺎﻥ ﻭﺭﻳﺘﻚ ﺣﺘﻀﺤﻜﻲ ﻳﺎ ﻣﺮﻭﺓ
_ ﺍﺟﻲ ، ﺳﻤﺢ ﺿﺤﻜﻴﻨﻲ ﻓﻲ ﺷﻨﻮﻭ
* ﺍﻣﻲ
_ ﺧﻴﺮ ﻣﺎﻟﻬﺎ ؟
* ﻗﺎﻟﺖ ﻟﻲ ﺩﺍﻳﺮﺓ ﺗﻌﺮﺱ
_ ﺳﻤﺢ ﻋﺎﺩﻱ ﻭﻳﻦ ﺍﻟﻤﺸﻜﻠﻪ ؟
* ﺍﺟﻲ ﺩﺍ ﻛﻼﻣﻚ ﻳﺎ ﻣﺮﻭﺓ ؟ ﺟﺎﺩﻩ ﺍﻧﺘﻲ ؟
_ ﺍﻳﻮﺓ ﺟﺎﺩﻩ ﺍﻧﺘﻲ ﺍﻟﻤﺎﻟﻚ ﻣﺴﺘﻐﺮﺑﻪ ﻛﺪﺍ ﺯﻭﺍﺝ ﺩﺍ ﺷﺮﻉ ﺍﻟﻠﻪ ﻻ ﻋﻴﺐ ﻻ ﺣﺮﺍﻡ ﺑﻌﺪﻳﻦ ﻛﻞ ﻭﺍﺣﺪ ﻓﻴﻜﻢ ﻣﺼﻴﺮﻭ ﻳﺘﺰﻭﺝ ﻭﺗﺨﻠﻮﻫﺎ ﺑﺮﺍﻫﺎ ، ﻛﺎﻥ ﻻﺧﻮﻛﻲ ﺩﺍ ﻣﻦ ﺍﺳﻲ ﻃﺎﻓﺶ ﻭﺍﺧﺘﻚ ﺑﻜﺮﺓ ﻳﺠﻴﻬﺎ ﻋﺮﻳﺲ ﻭ ﺍﻧﺘﻲ ﻭ ﺗﺨﻠﻮ ﻟﻴﻬﺎ ﺍﻟﺒﻴﺖ ﻓﺎﺿﻲ ، ﻡ ﺗﺒﻘﻲ ﺍﻧﺎﻧﻴﻪ ﻳﺎ ﺳﻠﻮﺍﻥ ﻓﻜﺮﻱ ﺗﻔﻜﻴﺮ ﻣﺴﺘﻘﺒﻠﻲ ..
* ﻻ ﻳﺎ ﻣﺮﻭﺓ ﺍﻧﺎ ﻋﻦ ﻧﻔﺴﻲ ﻣﺎ ﺣﺄﻋﺮﺱ ﻭﺍﻧﺘﻲ ﻋﺎﺭﻓﻪ ﻛﻮﻳﺲ ﻟﻴﻪ ، ﻭ ﺛﻢ ﺗﺎﻧﻴﺎً ﺍﻧﺤﻨﺎ ﻣﺎ ﺷﻔﻊ ﻣﺤﺘﺎﺟﻴﻦ ﺍﻟﻴﺮﺑﻴﻨﺎ ﻋﺸﺎﻥ ﺗﺠﻴﺐ ﻟﻴﻨﺎ ﺭﺍﺟﻞ ﻃﻮﻝ ﺑﻌﺮﺽ ﺗﻘﻌﺪﻭ ﻟﻴﻨﺎ ﻓﻲ ﻧﺼﻨﺎ ،، ﻭﺑﻌﺪﻳﻦ ﺍﻟﻨﺎﺱ ﻳﻘﻮﻟﻮ ﻋﻠﻴﻨﺎ ﺷﻨﻮ ﻭﺍﻋﻤﺎﻣﻲ ﻭﻋﻤﺎﺗﻲ ﻳﻘﻮﻟﻮ ﺷﻨﻮ ؟
_ ﺍﺳﻤﻌﻲ ﻫﻨﺎ ﺳﻮﺍﻝ ﻭﺍﺣﺪ ﻭﺍﻟﻠﻪ ﻭﺍﺣﺪ ﺟﺎﻭﺑﻴﻬﻮ ﻟﻲ ﺑﻌﺪﻩ ﺑﻨﻜﺘﻢ ، ﻣﻦ ﻳﻮﻡ ﺍﺑﻮﻙ ﺩﺍ ﻣﺎﺕ ﻓﻲ ﻋﻢ ﻭﻻ ﻋﻤﺔ ﺭﻓﻊ ﻓﻴﻜﻢ ﺳﻤﺎﻋﻪ ﺗﻠﻔﻮﻥ ﻗﺎﻝ ﺍﻃﻤﻦ ﻋﻠﻲ ﺍﻭﻻﺩ ﺍﺧﻮﻱ ﺩﻳﻞ ﻳﻤﻜﻦ ﻧﺎﻗﺼﻬﻢ ﺷﻲ ؟
* ﻻ ، ﺑﺲ ﺍﻛﻴﺪ ﺍﻟﻨﺎﺱ ﻇﺮﻭ .......
_ ﺳﻠﻮﺍﻥ ﺑﺎﻟﻠﻪ ﻛﻮﻧﻲ ﻭﺍﻗﻌﻴﻪ ﻡ ﺗﻘﻮﻟﻲ ﻟﻲ ﺍﻟﻨﺎﺱ ﻇﺮﻭﻑ ﺍﻟﺘﻠﻔﻮﻥ ﻡ ﺑﻜﻠﻒ ﺷﻲ ﺣﻖ ﺻﻠﺔ ﺍﻟﺮﺣﻢ ﺩﺍﺍ ﻭﺑﺲ ﺍﻧﺘﻮ ﺍﻟﻠﻴﻠﻪ ﻡ ﻣﺤﺘﺎﺟﻴﻦ ﻣﻨﻬﻢ ﻗﺮﺵ ﻭﻻ ﺗﻌﺮﻳﻔﻪ ، ﻋﺸﺎﻥ ﻛﺪﺍ ﻡ ﺗﻘﻮﻟﻲ ﻟﻲ ﺍﻫﻞ ﺍﺑﻮﻱ ، ﻭ ﺛﻢ ﺗﺎﻧﻴﺎً ﺍﻟﻨﺎﺱ ﻳﺎﺗﻮ ﻳﻮﻡ ﺑﻄﻠﺖ ﺗﺘﻜﻠﻢ ، ﺍﻟﻨﺎﺱ ﺩﻳﻞ ﻣﺄﻛﻠﻨﻜﻢ ؟ ﻣﺸﺮﺑﻨﻜﻢ ؟ ﻣﺴﻜﻨﻨﻜﻢ ؟ ﻣﻠﺒﺴﻨﻜﻢ ؟ ﻟﻮ ﺳﻤﺤﺘﻲ ﻡ ﺗﻘﻮﻟﻲ ﻟﻲ ﺍﻟﻨﺎﺱ ، ﺩﻱ ﺣﻴﺎﺓ ، ﺑﻨﻌﻴﺸﺎ ﻣﺮﺓ ﻭﺍﺣﺪﺓ ﺑﺲ ، ﻭﺍﻧﺤﻨﺎ ﺍﻟﺒﻨﻘﺮﺭ ﻧﻌﻴﺸﺎ ﻛﻴﻒ ﻣﺎ ﺍﻟﻨﺎﺱ ، ﺍﻟﻨﺎﺱ ﻻ ﺑﺘﻘﺪﻡ ﻻ ﺑﺘﺄﺧﺮ ، ﻭﻛﻞ ﺯﻭﻝ ﻣﺴﺆﻝ ﻋﻦ ﻗﺮﺍﺭﺗﻪ ، ﺍﺫﺍ ﺍﻣﻚ ﻗﺮﺭﺕ ﺗﺘﺰﻭﺝ ﻓﺎﺍ ﺩﺍ ﻟﻲ ﻧﻘﺺ ﺍﻭ ﻟﺤﺎﺟﻪ ﺍﻧﺘﻲ ﻣﺎ ﺣﺘﺤﺴﻴﻬﺎ ﻭﻻ ﺣﺘﻌﺮﻓﻴﻬﺎ ﺯﻳﻬﺎ ، ﻣﺎﻑ ﺍﻡ ﺑﺘﺮﺿﻰ ﺍﻟﻜﻌﺐ ﻵﻭﻻﺩﻫﺎ ، ﺍﻱ ﺍﻡ ﺑﺘﺘﻤﻨﻲ ﺍﻻﻓﻀﻞ ﻟﺒﻴﺘﻬﺎﺍﺍ ....
.....*
_ ﺳﻜﺘﻲ ﺷﺎﻳﻔﺎﻛﻲ !
* ﺑﻌﺪ ﻧﻀﻤﻴﻚ ﺩﺍ ﻡ ﺧﻠﻴﺘﻲ ﻟﻲ ﺷﻲ ﺍﻗﻮﻟﻮ ، ﺭﺑﻨﺎ ﻳﻜﺘﺐ ﺍﻟﻔﻴﻬﻮ ﺍﻟﺨﻴﺮ ..
_ ﺍﻟﻠﻬﻢ ﺍﻣﻴﻦ ، ﺭﻳﻘﻲ ﻧﺸﻒ ﻭﻧﻌﺴﺘﻲ ﻛﺒﺴﺖ ﻳﻼ ﺍﺗﺨﻤﺪﻱ ﺑﻌﺪ ﺩﺍ ﺑﻜﺮﺓ ﻋﻨﺪﻧﺎ ﻃﻠﺒﻴﺎﺕ ﻛﻤﻴﺔ
* ﻻ ﺍﺻﺒﺮﻱ ﻛﻨﺘﻲ ﺩﺍﻳﺮﺓ ﺗﻘﻮﻟﻲ ﻟﻲ ﺷﻨﻮ ؟
_ ﻻﻻ ﺧﻠﻲ ﺑﻜﺮﺓ ﻭﺍﻟﻠﻪ ﻃﻔﻄﻔﺘﺎ ﺧﻼﺍﺍﺹ
* ﻃﻴﺐ ﺗﺼﺒﺤﻲ ﻋﻠﻲ ﺧﻴﺮ ..
_ ﺗﻼﻗﻲ ﺍﻟﺨﻴﺮ ...
ﺑﺼﺮﺍﺣﻪ ﺍﻧﺎ ﻣﺎ ﺑﻨﻜﺮ ﺍﻧﻲ ﻣﺤﻈﻮﻇﺔ ﻓﻲ ﻣﺮﻭﺓ ، ﻳﻤﻜﻦ ﺩﻱ ﺍﺻﺪﻕ ﺣﺎﺟﺔ ﺣﺼﻠﺖ ﻟﻲ ﻓﻲ ﺣﻴﺎﺗﻲ ﺍﻧﺴﺎﻧﻪ ﺟﻤﻴﻠﺔ ﺷﺪﻳﺪ ﻋﻨﺪﻫﺎ ﻗﺪﺭﺓ ﺗﻘﻠﺐ ﺍﻟﻤﺎﻟﺢ ﺣﻠﻮ ، ﻋﻨﺪﻫﺎ ﻗﺪﺭﺓ ﻋﻠﻲ ﺗﺒﺴﻴﻂ ﺍﻻﻣﻮﺭ ﻣﻬﻤﺎ ﻛﺎﻧﺖ ﻣﺸﻜﻠﻪ ﻛﺒﻴﺮﺓ ﻭﻣﻘﻔﻠﻪ ﺑﻜﻞ ﺍﻻﺗﺠﺎﻫﺎﺕ ، ﺳﺒﺤﺎﻥ ﺍﻟﻠﻪ ﺗﺼﻐﺮﺍ ﻟﻴﻜﻲ ﻭ ﺗﺤﺴﺴﻚ ﺑﺘﻔﺎﻫﺔ ﻭﺣﻼﻭﺓ ﺍﻟﺪﻧﻴﺎ ﺩﻱ ﻓﻲ ﻭﻗﺖ ﻭﺍﺣﺪ ، ﻋﻨﺪﻫﺎ ﻧﻈﺮﺓ ﻟﻠﺤﻴﺎﺓ ﺑﻄﺮﻳﻘﺘﺎ ﻫﻲ ، ﺑﻄﺮﻳﻘﻪ ﻣﺎ ﺍﻋﺘﻴﺎﺩﻳﻪ ، ﺍﻧﺤﻨﺎ ﺑﻄﺒﻌﺘﻨﺎ ﺑﻨﻌﻤﻞ ﻣﻦ ﺍﻟﺤﺒﺔ ﻗﺒﺔ ﺯﻱ ﻣﺎ ﺑﻘﻮﻟﻮ ، ﺍﻻ ﻫﻲ ﺑﺘﺨﻠﻲ ﺍﻟﺤﺒﺔ ﺫﺭﺓ .. ﺍﻟﻠﻪ ﻳﺪﻳﻤﺎ ﻟﻲ ﺻﺪﻳﻘﻪ ..
_ ﻧﻤﺖ ﺑﻌﺪ ﻗﻔﻠﺖ ﻣﻦ ﻣﺮﻭﺓ ، ﻭﺻﺤﻴﺖ ﺍﻟﺼﺒﺎﺡ ﺑﺼﺪﺍﻉ ﻧﻔﺴﻲ ﻣﺆﻟﻢ ﺷﺪﻳﺪ ،، ﻋﺸﺎﻥ ﺍﻗﺪﺭ ﺍﺗﻢ ﻳﻮﻣﻲ ﻣﺸﻴﺖ ﺗﺤﺖ ﺍﻟﻤﻐﺴﻠﻪ ﺑﻠﻴﺖ ﺷﻌﺮﻱ ﺑﻲ ﻣﻮﻳﺔ ﺑﺎﺭﺩﺓ ﻟﻌﻞ ﻭﻋﺴﻰ ﻳﻔﻚ ﻟﻲ ﺍﻟﺼﺪﺍﻉ ﺩﺍ ﺷﻮﻳﺔ ، ﺻﻠﻴﺖ ﻭﺟﻬﺰﺗﺎ ﻟﻠﺸﻐﻞ ﻭ ﻃﻠﻌﺘﺎﺍ ، ﺭﻛﺒﺘﺎ ﻭ ﺍﻟﺼﺪﺍﻉ ﻣﺎﺷﻲ ﻓﻲ ﺯﻳﺎﺩﻩ ، ﺍﻧﺠﺒﺮﺕ ﺍﻧﺰﻝ ﺟﻤﺐ ﺍﻟﺼﻴﺪﻟﻴﻪ .. ﻧﺰﻟﺖ ﻭ ﻓﻀﻠﺖ ﻭﺍﻗﻔﻪ ﺑﺮﺍ ﻣﺘﺮﺩﺩﻩ ﻣﺎ ﺑﻴﻦ ﺍﺧﺶ ﻭﻻﻻ ..
ﻋﺎﻳﻨﺖ ﺑﺎﻟﻘﺰﺍﺯ ﻟﻘﻴﺖ ﺍﻟﺘﺎﻧﻲ ﺩﺍﻙ ﻫﻮ ﺍﻟﺸﻐﺎﻝ ، ﻃﻮﺍﻟﻲ ﻟﺰﻳﺖ ﺍﻟﺒﺎﺏ ﻭ ﺩﺧﻠﺖ ، ﺻﺒﺤﺖ ﻋﻠﻴﻬﻮ ، ﻭ ﺍﺫﺍ ﺑﻪ ﻓﻼﻥ ﺩﺍﻙ ﺟﺎﺍ ﺩﺍﺧﻞ ﺑﻲ ﻭﺭﺍﻱ ..
# ﺍﺳﺘﻜﻜﺎﻧﺔ ~ "
ﻳﺘﺒﻊ .