اغتصاب معلن

31

# ﺃﻏﺘﺼﺎﺏ _ ﻣُﻌﻠﻦ ‏[ 31 ّ[
ﺑﻘﻠﻢ / ﺳﺤﺮ ﺳﻤﻴﺮ ......
ﻣﺮﻭﺓ ﺟﺎﺗﻨﻲ ﻃﺎﻳﺮﺓ ﻗﺎﻟﺖ ﻟﻲ ﻭﻭﻭﺏ ﻭﻭﻭﺏ ﺩﻳﻞ ﻣﻨﻮ ﺍﻟﺒﺮﺍ ﺩﻳﻞ ؟
ﻗﻠﺖ ﻟﻴﻬﺎ ﺍﻧﺘﻲ ﺍﻟﺮﺟﻌﻚ ﺷﻨﻮ ﻣﺶ ﻣﺸﻴﺘﻲ ﺑﻴﺘﻜﻢ ؟
ﺍﻱ ﻣﺸﻴﺖ ﻭ ﻧﺴﻴﺖ ﺍﻟﻤﺤﻔﻈﻪ ﻓﻲ ﺳﺮﻳﺮﻙ ﻳﺎ ﺍﺑﻠﺔ ﺑﻌﺪ ﺭﻛﺒﺘﺎ ﻣﺎ ﻋﺮﻓﺖ ﺍﺣﺎﺳﺐ ﻣﻦ ﻭﻳﻦ ﻟﻮ ﻣﺎ ﻭﻟﺪ ﺣﻼﻝ ﻛﺎﻥ ﺟﻬﺠﻬﻨﻲ ، ﻛﺘﺮ ﺧﻴﺮﻭ ﻭﺍﻟﻠﻪ ﻭﺻﻠﻨﻲ ﻟﺤﺪ ﺍﻟﺸﺎﺭﻉ ﺍﺻﺮﻳﺖ ﻋﻠﻴﻬﻮ ﻳﻨﺘﻈﺮﻧﻲ ﺍﺟﻲ ﺍﺷﻴﻞ ﻗﺮﻭﺵ ﻭﺍﺣﺎﺳﺒﻮ ﺭﻓﺾ ،،
ﺳﺠﻤﻚ ﻃﻴﺐ ﻛﻠﻤﺘﻲ ﻣﺤﻤﺪ ﺍﻧﻚ ﺭﺟﻌﺘﻲ ﺗﺎﻧﻲ ؟ ﻗﺎﻟﺖ ﻟﻲ ﻱ ﺑﺖ ﻭﺍﻟﻠﻪ ﻣﺤﻤﺪ ﺑﻘﺎ ﻡ ﺑﻴﺴﺎﻟﻨﻲ ﻣﻦ ﻳﻌﺮﻓﻨﻲ ﻣﻌﺎﻛﻢ ...
* ﺧﻼﺹ ﻳﻼ ﻳﺪﻙ ﻣﻌﺎﻱ ﻱ ﻣﺮﻭﺓ
_ ﻳﺪﻱ ﺷﻨﻮ ﺍﻧﺎ ﻳﺪﻱ ﻭﻻ ﺑﺘﺠﻲ ﺟﻤﺒﻚ ﻋﺎﻳﺰﺓ ﺍﻛﺸﻒ ﻟﻠﻤﺰ ﺍﻟﺒﺮﺍ ﺩﺍﺍ
* ﻳﺎﺥ ﺍﺩﻳﻜﻲ ﻛﺪﺍ ﻓﻲ ﻭﺷﻚ ﺩﺍﺍﺍ ، ﺭﺻﻲ ﺍﻟﻜﺒﺎﺑﻲ ﺩﻱ ﻓﻲ ﺍﻟﺼﻴﻨﻴﻪ ﺍﻟﺪﻫﺒﻴﻪ
_ ﻫﺮﺷﺘﻴﻨﻲ ﻭﺍﻟﻠﻪ ﻳﺎ ﺳﻮﺳﻮ ﺩﺍ ﺟﺰﺍﻱ ﺑﺪﻝ ﺗﺸﻮﻓﻲ ﻋﺮﻳﺲ ﻟﻲ ﺻﺤﺒﺘﻚ
* ﻳﺎﺥ ﻫﺴﺲ ، ﻛﻢ ﻧﻔﺮ ﺍﻟﺒﺮﺍ ﺩﻳﻞ ؟
_ ﺗﻘﺮﻳﺒﺎً 5 ﺍﻭ 6 ﺑﻲ ﺧﺎﻟﻚ
* ﻃﻴﺐ ﺍﻣﻲ ﻃﻠﻌﺖ ﻟﻴﻬﻢ ؟
_ّﺍﻱ
* ﻳﻼ ﻋﺎﻳﻨﻲ ﺍﻧﺎ ﺣﺄﺩﻳﻜﻲ ﻭﺍﻧﺘﻲ ﻗﺪﻣﻲ ﻣﺶ ﺩﺍ ﺍﻻﻧﺘﻲ ﺩﺍﻳﺮﺍﻫﻮ ﻟﻌﻞ ﻭﻋﺴﻰ ﻳﻌﺎﻳﻦ ﻓﻴﻜﻲ
_ ﻛﻠﺒﺔ ﺍﻧﺘﻲ ﻭﺍﻟﻠﻪ ﻣﺤﺒﻄﺔ ﻳﺎﺥ ، ﺯﺣﻲ ﻛﺪﺍﺍ
* ﻫﻬﻬﻬﻪ ﺑﻬﺰﺭ ﻣﻌﺎﻛﻲ ﻭﺍﻟﻠﻪ ﺧﻼﺹ ﺍﻧﺎ ﺁﺳﻔﻪ
، ﺍﺳﻤﻌﻲ ﺳﺎﻣﺮﻳﻦ ﺩﻱ ﺻﺎﻧﻪ ﻛﺪﺍﺍﺍ ﺣﻤﺸﻲ ﺍﺷﻮﻓﺎ ﻭﺍﻟﺒﺲ ﺑﺎﻟﻤﺮﺓ ، ﺍﺳﻲ ﻛﺪﺍ ﻛﻞ ﺣﺎﺟﻪ ﺟﺎﻫﺰﺓ ﻟﻮ ﻣﺘﺮﺩﺩﺓ ﺑﻨﻘﺪﻡ ﺳﻮﺍ ﺳﻮﺍ ﺗﻤﺎﻡ ..
_ ﺳﻤﺢ ﻣﻨﺘﻄﺮﺍﻛﻲ ..
ﻣﺸﻴﺖ ﺟﻬﺰﺗﺎﺍ ، ﻭ ﻛﻠﻤﺖ ﺳﺎﻣﺮﻳﻦ ، ﻃﺒﻌﺎ ﺳﺎﻣﺮﻳﻦ ﺩﻱ ﻗﺎﻋﺪﻩ ﻓﻲ ﺍﻟﺒﻴﺖ ﺯﻱ ﺍﻟﻤﺎ ﻗﺎﻋﺪﻩ ﻓﻲ ﻋﺎﻟﻢ ﺗﺎﻧﻲ ، ﻫﺎﺩﻳﻪ ﺷﺪﻳﺪ ﺣﻴﺎﺗﺎ ﺩﻱ ﺑﻴﻦ ﺍﻟﻜﺘﺐ ﻭﺍﻻﺑﺘﻮﺏ ﻣﺨﻬﺎ ﺑﺮﺍﻫﻮﻭﻭ ﻛﺪﺍﺍ ، ﻱ ﺑﺨﺘﻬﺎﺍﺍ .. ﺍﻟﻤﻬﻢ ﻟﺒﺴﻨﺎ ﻭ ﻃﻠﻌﺖ ﻋﻠﻲ ﺍﻟﻤﻄﺒﺦ ﻟﻘﻴﺖ ﺍﻟﺼﻮﺍﻧﻲ ﻣﺎﻓﻲ ، ﻋﺮﻓﺖ ﻣﺮﻭﺓ ﺑﺘﻜﻮﻥ ﺷﺎﻟﺘﻬﻢ ، ﻗﻠﺖ ﻝ ﺳﺎﻣﺮﻳﻦ ﻳﻼ ﻧﻄﻠﻊ ﻗﺎﻟﺖ ﻟﻲ ﻳﻼ ﻭﻣﺸﺖ ﻗﺪﺍﻣﻲ ﻣﺎ ﻋﻨﺪﻫﺎ ﺍﻱ ﻓﺮﺍﻣﻞ ،،
ﺩﺧﻠﻨﺎ ، ﺳﻠﻤﻨﺎ ﻣﻦ ﺑﻌﻴﺪ ﺍﻻ ﺧﺎﻟﻮ ﺳﻠﻤﻨﺎ ﻋﻠﻴﻬﻮ ﻭﻣﺸﻴﻨﺎ ﻗﻌﺪﻧﺎ ، ﻋﻤﻮ ﻋﺒﺪﺍﻟﻠﻪ ﻗﺎﻟﻲ :
ﺍﺯﻳﻚ ﻳﺎ ﺳﻠﻮﺍﻥ ، ﺳﻠﻮﺍﻥ ﺻﺢ ؟
ﻗﻠﺖ ﻟﻴﻬﻮ ﺍﻳﻮﺓ ﻳﺎ ﻋﻤﻮ ﺍﻧﺎ ﺑﺨﻴﺮ ﺣﻤﺪﻟﻠﻪ ﻛﻴﻔﻚ ﻭ ﻛﻴﻒ ﺻﺤﺘﻚ ،، ﻗﺎﻟﻲ ﺑﺨﻴﺮ ﺣﻤﺪﻟﻠﻪ ...
ﺍﺗﻜﻠﻤﻮ ﻛﺘﻴﺮ ﻭ ﺍﻟﻮﻧﺴﻪ ﻡ ﻛﺎﻧﺖ ﺯﻱ ﻡ ﻣﺘﺨﻴﻼﻫﺎ ﺑﺎﻟﺠﺪ ﺿﺤﻚ ﻭ ﻫﺰﺍﺭ ﻡ ﺣﺴﻴﺖ ﺍﻧﺤﻨﺎ ﻗﺎﻋﺪﻳﻦ ﻣﻊ ﻧﺎﺱ ﻣﻦ ﺟﻴﻞ ﻣﺨﺘﻠﻒ ﻭﻻ ﻛﺎﻧﺖ ﻓﻲ ﺍﻟﻘﻴﻮﺩ ﺩﻳﻚ ، ﻛﻨﺖ ﻣﺒﺴﻮﻃﺔ ﺑﺲ ﻟﺤﺪ ﻣﺎ ﻋﻢ ﻋﺒﺪﺍﻟﻠﻪ ﻗﺎﻝ ﻛﻼﻡ ﺍﻧﺎ ﻫﻨﺎ ﻣﻼﻣﺤﻲ ﻛﻠﻬﺎ ﺍﺗﻐﻴﺮﺕ ،
ﻗﺎﻟﻲ ﺍﻧﻪ ﺍﻧﺎ ﻭ ﺍﻣﻜﻢ ﺍﺗﻔﻘﻨﺎ ﺍﻧﻜﻢ ﺗﺠﻮ ﺗﻌﻴﺸﻮ ﻓﻲ ﺑﻴﺘﻲ ﻣﻊ ﺍﺳﺮﺗﻲ ﻭ ﻫﻨﺎﻙ ﺑﻴﺘﻲ ﺣﻴﻜﻮﻥ ﻣﺮﻳﺢ ﻟﻴﻜﻢ ﺍﻥ ﺷﺎﺀﺍﻟﻠﻪ ...
ﺍﻧﺎ ﺯﻋﻠﺖ ﺷﺪﻳﺪ ﺩﺍ ﺑﻴﺘﻨﺎ ﻣﻦ ﻓﺘﺤﻨﺎ ﻋﻠﻴﻬﻮﻭ ﻭﻛﻴﻒ ﺍﻣﻲ ﻣﻤﻜﻦ ﺗﻘﺒﻞ ﺑﺤﺎﺟﻪ ﺯﻱ ﻛﺪﺍ ﻭﺣﺴﺐ ﻛﻼﻣﻮ ﺍﻧﻪ ﻋﻨﺪﻩ ﺍﻭﻻﺩ ، ﻭﺍﻟﻠﻪ ﺍﻋﻠﻢ ﺑﻨﺎﺗﻮ ﺣﻴﺘﻘﺒﻠﻮﻧﺎ ﻭﻻﻻ ،، ﺑﺲ ﻡ ﺣﺴﺴﺘﻬﻢ ﺑﻜﺪﺍﺍ ﻭ ﺍﻧﺘﻈﺮﺗﻬﻢ ﻟﻤﻦ ﻣﺸﻮﻭ .. ﺣﺘﻲ ﻡ ﺳﺎﻟﺘﻬﺎ ﻗﻠﺖ ﺍﻓﻀﻞ ﺍﺗﻜﻠﻢ ﻣﻌﺎﻫﺎ ﻓﻲ ﻭﻗﺖ ﺗﺎﻧﻲ ..
ﺭﺗﺒﻨﺎ ﺍﻣﻮﺭﻧﺎ ﻛﻠﻬﺎ ﻭ ﺭﻭﻗﻨﺎ ﺍﻟﺒﻴﺖ ، ﻃﺒﻌﺎً ﺣﺪﺩﻭ ﺑﻌﺪ ﺍﺳﺒﻮﻉ ﺑﻜﻮﻧﻮ ﻋﻘﺪﻭﻭ ..
ﻟﺤﺪ ﺍﻟﺴﺎﻋﻪ 11 ﻛﺪﺍ ﻭ 12 ﺟﺎﺕ ﻣﻨﺘﻈﺮﺓ ﺣﺴﺎﻡ ﻣﺎ ﻛﻠﻤﻨﻲ ﻭﻻ ﺍﺗﺼﻞ ﻋﻠﻲ ، ﺯﻋﻠﺖ ﺷﺪﻳﺪ ﺑﺲ ﺣﺴﻴﺖ ﺑﻔﺮﺍﻍ ، ﺑﺎﻟﺠﺪ ﻓﻘﺪﺗﻮ ، ﻧﻤﺖ ﻭﺍﻧﺎ ﺯﻋﻼﻧﻪ ﻭ ﻣﺎ ﻣﺘﺄﻛﺪﺓ ﺍﺫﺍ ﻗﺎﻟﻲ ﺣﺮﺟﻊ ﻟﻴﻜﻲ ﺑﻌﺪﻳﻦ ﻭﻻﻻ ... ﻧﻤﺖ
ﺻﺤﻴﺖ ﺟﻬﺰﺗﻪ ﻭ ﻟﺒﺴﺘﻪ ﺭﻏﻢ ﺍﻧﻲ ﻋﺎﺭﻓﻪ ﺍﻣﻲ ﻣﻤﻜﻦ ﺗﺮﻓﺾ ﺍﻃﻠﻊ ، ﻟﺤﺪ ﻣﺎ ﻣﺮﻭﺓ ﺻﺤﺖ ﺍﻧﺎ ﻛﻨﺖ ﺟﺎﻫﺰﺓ ، ﻗﻠﺖ ﻟﻴﻬﺎ ﻗﻮﻣﻲ ﺍﺟﻬﺰﻱ ، ﻗﺎﻟﺖ ﻟﻲ ﺍﻧﺘﻲ ﻣﺎﺷﻪ ؟
ﻗﻠﺖ ﻟﻴﻬﺎ ﺍﻳﻮﺓ ﻣﺤﺘﺎﺟﺔ ﺍﻃﻠﻊ ﻣﻦ ﺍﻟﺒﻴﺖ ﻭ ﻋﺎﻳﺰﺓ ﻃﺮﻳﻘﻪ ﺍﻻﻗﻲ ﺑﻴﻬﺎ ﻭﻟﻴﺪ ﺑﺼﺮﺍﺣﻪ ﻳﺎ ﻣﺮﻭﺓ ﺭﺍﺳﻲ ﺟﺎﻳﻂ ﺷﺪﻳﺪ ﻡ ﻋﺎﺭﻓﻪ ﺍﺳﻮﻱ ﺷﻨﻮﻭ ،، ﻗﺎﻟﺖ ﻟﻲ ﺑﺴﻢ ﺍﻟﻠﻪ ﻟﺤﺪ ﺍﻣﺒﺎﺭﺡ ﺑﻠﻴﻞ ﻛﻨﺘﻲ ﻣﺒﺴﻮﻃﻪ ﻭ ﺑﺘﻀﺤﻜﻲ ، ﻗﻠﺖ ﻟﻴﻬﺎ ﺷﻮﻓﻲ ﺑﺮﻏﻢ ﺍﻥ ﻛﻼﻡ ﻋﻢ ﻋﺒﺪﺍﻟﻠﻪ ﺩﺍ ﺿﺎﻳﻘﻨﻲ ﺍﻧﻪ ﻧﻤﺸﻲ ﻧﺴﻜﻦ ﻓﻲ ﺑﻴﺘﻮ ﺩﺍ ﺻﻌﺐ ﻣﻤﻜﻦ ﻳﻔﺘﺢ ﻟﻴﻨﺎ ﺑﺎﺏ ﻣﺸﺎﻛﻞ ﺍﻧﺤﻨﺎ ﻓﻲ ﻏﻨﻰ ﻋﻨﻬﺎ ﻟﻜﻦ ﺣﺎﺳﻪ ﺍﻧﻪ ﻓﺮﺻﻪ ﻛﻮﻳﺴﻪ ﻟﻲ ﺍﺑﻌﺪ ﻣﻦ ﺍﻟﺤﻠﻪ ﺩﻱ ﻭ ﻣﻦ ﺍﻟﻨﺎﺱ ﺩﻳﻞ ﻭ ﻣﺎ ﻣﺠﺒﺮﺓ ﺍﺗﺰﻭﺝ ﻭﻟﻴﺪ ، ﻭ ﺍﻋﺘﻘﺪ ﺍﻥ ﺩﺍ ﻛﺎﻥ ﻗﺼﺪ ﺍﻣﻲ ﻭﻗﺖ ﻗﺎﻟﺖ ﻟﻲ ﺣﻨﻤﺸﻲ ﻣﻦ ﺍﻟﺤﻠﻪ ﺩﻱ .. ﻗﺎﻟﺖ ﻟﻲ ﻫﻮ ﺣﻞ ﻟﻜﻦ ﻛﻼﻡ ﺳﻌﺎﺩ ﻭ ﺍﺻﺮﺍﺭﻩ ﺩﺍﺍ ﻣﺎ ﻋﺎﺩﻱ ﻭ ﻳﺎ ﺳﻠﻮﺍﻥ ﺍﻳﻼﻑ ﺩﻱ ﻳﺪﻫﺎ ﻣﻠﻴﺎﻧﻪ ﻭ ﻧﺎﻭﻳﻪ ﻋﻠﻲ ﺷﺮ ، ﻟﻜﻦ ﺍﻧﺎ ﺍﻟﻠﻴﻠﻪ ﻋﻨﺪﻱ ﻓﻬﻢ ﻓﻲ ﺭﺍﺳﻲ ﻭ ﺣﻌﺮﻑ ﺑﻄﺮﻳﻘﺘﻲ ﺍﻟﻨﺸﺮ ﺍﻟﺨﺒﺮ ﺩﺍ ﻓﻲ ﺣﻠﺘﻜﻢ ﺩﻱ ﻣﻨﻮﻭ ، ﻗﻠﺖ ﻟﻴﻬﺎ ﻣﺎﻓﻲ ﺩﺍﻋﻲ ﻣﺎﺧﻮ ﺍﺗﻨﺸﺮ ﻭ ﺧﻼﺹ ،، ﺑﺘﻜﻠﻢ ﻛﺪﺍﺍ ، ﺣﺴﺎﻡ ﺩﺧﻞ ﻟﻲ ﺑﺎﺗﺼﺎﻝ ،ﻭﺍﻟﻠﻪ ﻟﻤﻦ ﻗﻤﺖ ﻧﺎﻃﻪ ﻣﻦ ﺍﻟﻔﺮﺣﻪ ﺯﻱ ﺍﻟﻤﻀﻴﻌﺔ ﺣﺎﺟﺔ ﻭﻟﻘﻴﺘﺎ ، ﻗﻠﺖ ﻟﻤﺮﻭﺓ ﺍﻣﺸﻲ ﺍﻟﺤﻤﺎﻡ ﻗﻮﻣﻲ ﻗﻮﻣﻲ ﻳﺎﺥ ﺑﺴﺮﻋﻪ ، ﻗﺎﻟﺖ ﻟﻲ ﻗﻮﻟﻲ ﻟﻲ ﻳﺎ ﻣﺮﻭﺓ ﺍﻣﺸﻲ ﺍﻃﻠﻌﻲ ﺑﺮﺍﺍ ﻋﺪﻳﻞ ﻟﻜﻦ ﻡ ﺗﺼﺮﻓﻴﻨﻲ ﻛﺪﺍ ﻫﻬﻬﻪ ،، ﻗﻠﺖ ﻟﻴﻬﺎ ﺣﻴﻔﺼﻞ ﻃﻴﺐ ﻣﻤﻜﻦ ﺗﻄﻠﻌﻲ ،، ﻗﺎﻟﺖ ﻟﻲ ﺍﻳﺎﻣﻚ ﻟﻮ ﺣﺴﺎﻡ ﺩﺍ ﺑﺨﻠﻴﻜﻲ ﺗﻀﺤﻜﻲ ﻛﺪﺍﺍ ﺑﺠﻴﺒﻮ ﺍﺭﺑﻄﻮ ﻟﻴﻚ ﻫﻨﺎﺍﺍ ﻫﻬﻬﻪ ،،
ﺭﺩﻳﺖ ﻋﻠﻴﻬﻮ ..
* ﺻﺒﺎﺡ ﺍﻟﺨﻴﺮ
_ ﺻﺒﺎﺡ ﺍﻟﻨﻮﺭ ﻳﺎ ﺍﻟﻤﺎ ﺑﺘﺴﺄﻟﻲ ﻣﻦ ﺍﻟﻨﺎﺱ
* ﺍﻧﺎ ﻭﻻ ﺍﻧﺖ !
_ ﻻ ﺍﻧﺘﻲ ﻳﺎ ﺍﺳﺘﺎﺫﺓ ﻛﺎﻥ ﻣﺎ ﺍﺗﺼﻠﺘﺎ ﺍﻧﺘﻲ ﻣﺎ ﺑﺘﺘﺼﻠﻲ ..
* ﻛﺪﻱ ﺣﺴﺎﻡ ، ﺻﻮﺗﻚ ﺩﺍ ﻣﺎ ﻳﺎﻫﻮﻭ ﻓﻲ ﺷﻨﻮ
_ ﻭﺍﻟﻠﻪ ﻡ ﺣﻜﺬﺏ ﻋﻠﻴﻜﻲ ﻭﺍﻗﻮﻟﻴﻜﻲ ﻋﺸﺎﻥ ﻳﺎﺩﺍﺏ ﺻﺎﺣﻲ ﻻﻧﻲ ﺍﺻﻼ ﻡ ﻧﻤﺘﻪ
* ﺧﻴﺮ ﻓﻲ ﺷﻨﻮ ﺍﻧﺖ ﻛﻮﻳﺲ ؟
_ ﻣﻤﻜﻦ ﻧﻔﻄﺮ ﻣﻊ ﺑﻌﺾ ﻭﻻ ﻣﺎ ﻣﻤﻜﻦ ، ﺍﺗﺮﺟﺎﻛﻲ ﻳﻌﻨﻲ ﻳﺎ ﺳﻠﻮﺍﻥ ؟
* ﺍﻭﻛﻲ ﻗﺪﺍﻣﻲ ﻋﺸﺮ ﺩﻗﺎﻳﻖ ﻭﺍﻛﻮﻥ ﻓﻲ ﺍﻟﻤﻄﻌﻢ ﺑﺘﺎﻉ ﺍﻟﻤﺮﺓ ﺍﻟﻔﺎﺗﺖ
_ ﻛﺬﺍﺍﺍﺑﻪ ﺑﺘﻬﻈﺮﻱ ﺻﺢ ، ﻃﻮﺍﻟﻲ ﻛﺪﺍﺍﺍ ﻡ ﻣﺼﺪﻕ ﻭﺍﻟﻠﻪ ﺷﻮﻓﻲ ﺍﻧﺎ ﻣﺴﺘﻌﺪ ﺍﺟﻴﻜﻲ ﺑﻲ ﺗﺮﻳﻨﻘﻲ ﺩﺍ ﻳﻼﺍﺍﺍ ﺍﻧﺎ ﻗﺎﻳﻢ .
* ﻫﻬﻬﻬﻪ ﻃﻴﺐ ﻳﻼ ...
ﻃﻮﺍﻟﻲ ﺷﻠﺘﺎ ﺷﻨﻄﺘﻲ ﻭ ﻗﻤﺘﺎ ، ﻭ ﺑﺪﻋﻲ ﺍﻥ ﺍﻣﻲ ﻡ ﺗﺤﻤﻴﻨﻲ ﺍﻟﻄﻠﻌﻪ ، ﻃﻠﻌﺖ ﻟﻘﻴﺖ ﻣﺮﻭﺓ ﻭ ﺳﺎﻣﺮﻳﻦ ﺑﺸﺮﺑﻮ ﻓﻲ ﺍﻟﺸﺎﻱ ، ﺍﺷﺮﺕ ﻟﻲ ﻣﺮﻭﺓ ﺍﻥ ﺍﻣﻲ ﻭﻳﻦ ؟
ﻗﺎﻟﺖ ﻟﻲ ﺑﺼﻮﺕ ﻋﺎﻟﻲ ﺩﻳﻴﻴﻴﻚ ﻟﻴﻬﺎ ﻓﻲ ﺍﻟﻤﻄﺒﺦ ، ﻳﺎﺥ ﻏﺎﻇﺘﻨﻲ ﻏﻴﻄﻪ ، ﺳﺎﻣﺮﻳﻦ ﻗﺎﻟﺖ ﻟﻲ ﻣﺎﻟﻚ ﺑﺘﺘﻠﺒﺪﻱ ﻛﺪﺍ ﺯﻱ ﺍﻟﺤﺮﺍﻣﻴﻪ ﺍﻣﻲ ﻃﻠﻌﺖ ﺍﻟﻤﺤﻞ ﻣﻦ ﺑﺪﺭﻱ ﻭ ﻣﻦ ﻫﻨﺎﻙ ﺣﺘﻤﺸﻲ ﻋﻠﻲ ﺍﻟﺴﻮﻕ ﻋﻠﻲ ﺍﻟﺴﺎﻋﻪ 3 ﻗﺎﻟﺖ ﻧﻼﻗﻴﻬﺎ ،،
ﺟﻴﺖ ﺧﺒﻄﺖ ﻣﺮﻭﺓ ﻓﻲ ﺭﺍﺳﻬﺎﺍ ﻗﻠﺖ ﻟﻴﻬﺎ ﺻﺒﺮﻙ ، ﻗﻠﺖ ﻟﺴﺎﻣﺮﻳﻦ ﺍﻧﺎ ﻋﻨﺪﻱ ﻣﺸﻮﺍﺭ ﻡ ﺑﺘﺎﺧﺮ ﺍﻥ ﺷﺎﺀﺍﻟﻠﻪ ، ﻣﺮﻭﺓ ﺧﻠﻴﻜﻲ ﻣﻌﺎﻫﺎ ﻟﻤﻦ ﺍﺭﺟﻊ ﻃﻴﺐ ،، ﻗﺎﻟﺖ ﻟﻲ ﺧﻼﺹ ﺍﻧﺎ ﺳﻜﻨﺖ ﻫﻨﺎ ﻳﺎ ﺣﻠﻴﻠﻚ ﻳﺎ ﺍﻣﻲ .... ﻗﻠﺖ ﻟﻴﻬﺎ ﻱ ﺭﻳﺖ ﻧﺸﻴﻠﻚ ﺟﻮﻩ ﻋﻴﻮﻧﺎ ، ﻗﺎﻟﺖ ﻟﻲ ﻣﺎﺷﺎﺀﺍﻟﻠﻪ ﻋﻠﻲ ﺍﺳﺎﺱ ﻣﻦ ﺍﺳﻲ ﺷﺎﻳﻠﻨﻲ ﺟﻮﺓ ﻏﻴﻮﻧﻜﻢ ﻭﻗﺒﻞ ﺷﻮﻳﻪ ﻻﺑﻌﺎﻧﻲ ، ﻗﻠﺖ ﻟﻴﻬﺎ ﻛﺬﺍﺑﻪ ﺿﺮﺑﺘﻚ ، ﻫﻮﻱ ﺍﻧﺎ ﻃﺎﻟﻌﻪ ﻳﻼ ﺳﻼﺍﺍﺍﺍﻡ ....
ﺭﻛﺒﺖ ﻣﻦ ﺍﻟﺸﺎﺭﻉ ، ﺍﻣﺠﺎﺩ ﺑﺮﺍﻱ ، ﻭ ﻭﺻﻔﺖ ﻟﻴﻬﻮ ﺍﻟﻤﺤﻞ ...
ﺍﺳﺘﻜﻜﺎﻧﺔ ~<
ﻳﺘﺒﻊ ....