اغتصاب معلن

40

# ﺃﻏﺘﺼﺎﺏ _ ﻣُﻌﻠﻦ
ﺑﻘﻠﻢ ﺳﺤﺮ ﺳﻤﻴﺮ ....
40
ﻓﻲ ﺍﻟﻮﻗﺖ ﺩﺍ ﺧﺎﻟﺘﻮ ﺳﻌﺎﺩ ﻛﺎﻧﺖ ﺑﺘﺤﺎﻭﻝ ﺗﺘﺼﻞ ﻋﻠﻲ ﻭﻟﻴﺪ ، ﺑﻌﺪ ﺳﺎﺭﺓ ﻣﺸﺖ ﻭﻡ ﻗﺪﺭﺕ ﺗﻘﻌﺪ ﺗﻨﺘﻈﺮ ، ﻭ ﻭﻋﺪﺕ ﺧﺎﻟﺘﻮ ﺳﻌﺎﺩ ﺍﻧﻪ ﺗﺠﻴﻬﺎ ﺗﺎﻧﻲ، ﻓﻌﻼ ﺍﻟﺘﻠﻔﻮﻥ ﻓﻲ ﺍﻟﺒﺪﺍﻳﻪ ﺟﺮﺱ ﻭ ﺍﺳﺘﻐﺮﺑﺖ ﻛﻴﻒ ﻳﺪﻳﻬﺎ ﺟﺮﺱ ﻭ ﻭﻟﻴﺪ ﺳﺎﻓﺮ ﺑﺮﺍ ﺍﻟﺴﻮﺩﺍﻥ ، ﻭﺑﻌﺪﺍﻙ ﻭﻟﻴﺪ ﻗﻔﻞ ﺍﻟﺘﻠﻔﻔﻮﻥ ﻋﺸﺎﻥ ﺍﻣﻪ ﻡ ﺗﻜﺘﺸﻒ ﻛﺬﺑﺘﻮﻭﻭ ..
‏( ﻓﻲ ﺟﺎﻧﺐ ﻧﺎﺱ ﺍﻣﻲ ‏)
ﻳﺎ ﺍﺑﻮﻱ ، ﻓﻲ ﻭﺍﺣﺪ ﻓﻲ ﺍﻟﺒﺎﺏ ﺑﻴﺴﺄﻟﻦ ﻋﻦ ﻣﺪﺍﻣﻚ ، ﻗﺎﻟﻴﻬﻮ ﺩﺧﻠﻮ ﻳﺎ ﺣﺴﺎﻡ ﺧﻠﻲ ﻳﺨﺶ ﺑﺴﺮﻋﻪ ،، ﻗﺎﻟﻴﻬﻮ ﺗﻤﺎﻡ ..
ﻓﻌﻼ ﺍﻟﻮﻟﺪ ﺩﺧﻞ ﺑﻐﺺ ﺍﻟﻨﻈﺮ ﻋﻦ ﺍﻧﺒﻬﺎﺭﻭ ﺑﺠﻤﺎﻝ ﺍﻟﺒﻴﺖ ، ﻗﻌﺪ ﻓﻲ ﺍﻟﻄﺮﻑ ﻭ ﻛﺎﻥ ﺑﻴﺮﺟﻒ ، ﺳﺎﻡ ﻋﻠﻴﻬﻮ ﻋﻢ ﻋﺒﺪﺍﻟﻠﻪ ﻭﻗﻌﺪ ﺟﻤﺒﻮ ، ﻭ ﺍﻣﻲ ﻧﺎﺯﻟﻪ ﺟﺎﻳﻪ ﻋﻠﻲ ﺍﻟﻮﻟﺪ ، ﺳﻠﻤﺖ ﻋﻠﻴﻬﻮ ، ﻭ ﻋﺎﻳﻨﺖ ﻟﺤﺴﺎﻡ ﺍﻟﻮﺍﻗﻒ ﻭ ﺣﺎﺗﻢ ﺍﻟﻘﺎﻋﺪ ﺑﻌﻴﺪ ، ﻣﺪﺕ ﻳﺪﻫﺎ ﻟﺤﺴﺎﻡ ﻭ ﺳﻠﻢ ﻋﻠﻴﻬﺎﺍ ﻓﻲ ﺻﻤﺖ ﺑﺲ ﻋﺮﻓﺘﻮ ﺍﻧﻪ ﺍﺧﻮ ﺣﺎﺗﻢ ﻭ ﻭﻟﺪ ﻋﺒﺪﺍﻟﻠﻪ ﺍﻟﻤﺎ ﺣﺼﻞ ﺍﺗﻼﻗﻮﻭ ،، ﻗﻌﺪﺕ ﻣﻘﺎﺑﻞ ﺍﻟﻮﻟﺪ ، ﻗﺎﻟﺖ ﻟﻴﻬﻮ ﺧﻴﺮ ﺍﻧﺖ ﻛﻠﻤﺘﻨﻲ ﻓﻲ ﺍﻟﺘﻠﻔﻮﻥ ﻭ ﺑﺎﻟﺠﺪ ﻭﺗﺮﺗﻨﻲ ﻭ ﻗﻠﻘﺖ ﺑﻲ ﺷﺪﻳﺪ ﻭﺷﺒﻬﻚ ﺩﺍ ﻡ ﻏﺮﻳﺐ ﻋﻠﻲ ﻭﺍﻟﻠﻪ ،، ﻗﺎﻟﻴﻬﺎ ﻓﻌﻼ ﺍﺗﺸﺎﻭﻓﻨﺎ ﻗﺒﻞ ﻛﺪﺍ ﺑﺲ ﺍﻧﺎ ﻣﺎ ﻋﺎﺭﻑ ﺍﻟﺤﺄﻗﻮﻟﻮ ﺩﺍ ﻭﺍﻗﻊ ﺗﺄﺛﻴﺮﻭ ﺣﻴﻜﻮﻥ ﻋﻠﻴﻜﻢ ﻛﻴﻒ ، ﺍﻟﻤﻬﻢ ﺍﻧﺎ ﺍﻟﺴﻮﺍﻕ ﺍﻟﻮﺻﻠﺘﺎ ﺑﻨﺘﻚ ﺍﻻﺗﺰﻭﺟﺖ ﺍﻣﺲ ، ﻗﺎﻣﺖ ﻧﺎﻃﻪ ﻗﺎﻟﺖ ﻟﻴﻬﻮ ﺍﻧﺎ ﺍﺻﻼ ﻡ ﻣﻄﻤﻨﺔ ﺳﻠﻮﺍﻥ ﺑﺘﻲ ﻣﺎﻟﻬﺎﺍ ﻓﻲ ﺷﻨﻮ ﺍﺣﻜﻲ ﻋﻤﻠﺘﻮ ﺣﺎﺩﺙ ﺻﺢ ,, ﻃﻴﺐ ﻟﻮ ﺣﺎﺩﺙ ﺍﻧﺖ ﻛﻮﻳﺲ ﺍﻛﻴﺪ ﻻﻻ ﻓﻲ ﺷﻨﻮ ﺍﺣﻜﻲ ،، ﻃﺒﻌﺎ ﺣﺴﺎﻡ ﺳﻤﻊ ﺍﻻﺳﻢ ﺑﺲ ﺍﺗﺠﺎﻭﺯﻭ ﻋﺎﺩﻱ ﺗﺸﺎﺑﻪ ﺍﺳﺎﻣﻲ ،، ﻗﺎﻟﻴﻬﺎ ﺭﻭﻗﻲ ﻭﺍﺳﻤﻌﻴﻨﻲ ﻭﻛﻼﻣﻲ ﺍﻟﺤﺎﻗﻮﻟﻮ ﺩﺍ ﻛﻠﻮ ﻣﺠﺮﺩ ﺍﻓﺘﺮﺍﺿﺎﺕ ، ﻋﻢ ﻋﺒﺪﺍﻟﻠﻪ ﻗﺎﻟﻴﻬﺎ ﺍﻗﻌﺪﻱ ﻳﺎ ﻓﺎﻃﻤﺔ ﻭﺧﻠﻴﻨﺎ ﻧﺴﻤﻌﻮﻭﻭ ،، ﺣﺎﺗﻢ ﻗﺎﻟﻴﻬﻮ ﺍﻧﺖ ﻣﺎﻟﻚ ﺑﺘﻘﻄﻊ ﻑ ﺍﻟﻜﻼﻡ ﺍﺗﻜﻠﻢ ﻃﻮﺍﻟﻲ ، ﻋﻢ ﻋﺒﺪﺍﻟﻠﻪ ﻗﺎﻟﻴﻬﻢ ﻱ ﺟﻤﺎﻋﻪ ﺍﺻﺒﺮﻭ ﺍﺳﻤﻌﻮ ، ﺍﺗﻜﻠﻢ ﻱ ﻭﻟﺪﻱ ..
ﻗﺎﻟﻴﻬﻢ ﻣﻦ ﺍﻭﻝ ﻟﺤﻈﺔ ﻭﺍﻧﺎ ﺳﺎﻳﻖ ﺍﻟﻌﺮﺳﺎﻥ ﻛﻨﺖ ﺣﺎﺳﻲ ﺑﺸﻲ ﻡ ﺗﻤﺎﻡ ، ﺗﻌﺎﻣﻠﻮ ﺍﻟﻘﺎﺳﻲ ﺭﻭﺩﻭ ﺍﻟﻜﻌﺒﻪ ﺣﺘﻲ ﻟﻲ ﺑﺲ ﺳﻜﺘﻪ ﻭﻓﻀﻠﺖ ﺍﻧﻲ ﺍﺭﺍﻏﺐ ﺑﻌﻴﻨﻮﻭ، ﺣﺘﻲ ﺑﻐﺾ ﺍﻟﻨﻈﺮ ﻋﻦ ﺍﻟﻤﺸﻮﺍﺭ ﺍﻟﻜﺎﻧﻮ ﻣﺘﻔﻘﻴﻦ ﻣﻌﺎﻱ ﻋﻠﻴﻬﻮ ﻓﻲ ﺍﻻﻭﻝ ﺍﻡ ﺍﻟﻌﺮﻳﺲ ﻗﺎﻟﺖ ﻟﻲ ﺍﻟﻤﻄﺎﺭ ﻭ ﻟﻤﻦ ﻃﻠﻌﺖ ﺑﻄﺮﻳﻖ ﺍﻟﻤﻄﺎﺭ ، ﺍﻟﻌﺮﻳﺲ ﻗﺎﻟﻲ ﻻ ﻭ ﻭﺻﻒ ﻟﻲ ﻭ ﺑﻘﻴﺖ ﻣﺎﺷﻲ ﺑﺎﻟﻮﺻﻒ ، ﻓﻀﻠﺖ ﻣﺎﺷﻲ ﺑﻴﻬﻢ ﻣﺴﺎﻓﻪ ﻟﻤﻦ ﻭﺻﻠﻨﺎ ﻣﻨﻄﻘﻪ ﺍﺳﻤﺎ ﺍﻝ ‏( ... ‏)
ﺣﺴﺎﻡ ﻗﺎﻟﻴﻬﻮ ﺩﻱ ﻣﻨﻄﻘﻪ ﻛﻌﺒﻪ ﻭﺑﻌﻴﺪﻩ ﺷﺪﻳﺪ ﺩﺍ ﺍﻛﻴﺪ ﺯﻭﻝ ﻣﺠﻨﻮﻥ ﻭﺍﻧﺘﻲ ﻱ ﺧﺎﻟﻪ ﺗﻌﺮﺳﻲ ﺑﺘﻚ ﻟﻮﺍﺣﺪ ﻣﺠﻨﻮﻥ ،، ﻋﻢ ﻋﺒﺪﺍﻟﻠﻪ ﻗﺎﻟﻴﻬﻮ ﺣﺴﺎﻡ ﺧﻠﻮ ﺍﻟﺰﻭﻝ ﻳﺘﻢ ﻛﻼﻣﻮ ..
ﻗﺎﻟﻴﻬﻢ ﻭﺍﻻﻛﻌﺐ ﻣﻦ ﺍﻟﻤﻨﻄﻘﻪ ﺍﻟﺒﻴﺖ ، ﺑﻴﺖ ﺍﺷﺒﻪ ﺑﺒﻴﺖ ﺍﻟﺮﻋﺐ ﺧﺮﺍﺑﻪ ، ﺣﻴﻮﺍﻥ ﻡ ﺑﻌﻴﺶ ﻓﻴﻬﻮ ، ﺣﺴﻴﺖ ﺑﺨﻮﻑ ﺑﺘﻚ ﺍﻟﺒﺘﺮﻑ ﻭﻧﻔﻮﺭ ﺯﻭﺟﻬﺎ ﻣﻨﻬﺎ ﺣﺘﻲ ﻡ ﻛﻠﻒ ﻧﻔﺴﻮ ﻳﻤﺴﻜﺎ ، ﺣﺎﻭﻟﺖ ﺍ ﺍﺷﺮ ﻟﻴﻬﺎ ﺍﺷﺎﺭﺍﺕ ﺍﻧﻲ ﺍﺳﺎﻋﺪﺍ ﺑﺲ ﻡ ﺍﺗﺠﺎﻭﺑﺖ ﻭ ﺍﺳﺘﺴﻠﻤﺖ ﻭﺭﺟﻌﺖ ﺍﻟﺒﻴﺖ ،، ﻭﺍﻟﻠﻴﻠﻪ ﺍﺗﻌﻤﺪﺕ ﺍﻣﺸﻲ ﺍﻟﻤﻨﻄﻘﻪ ﺩﻳﻚ ﻭ ﻗﺮﺑﺖ ﻣﻦ ﺍﻟﺒﻴﺖ ﻛﻨﺖ ﺑﺴﻤﻊ ﺍﺻﻮﺍﺕ ﻛﻮﺍﺭﻳﻚ ﻭﺻﺮﻳﺦ ﻭ ﺧﺒﻂ ﻭ ﺭﺯﻉ ، ﻭ ﻡ ﻣﻦ ﺣﻘﻲ ﺍﺧﺶ ﻓﻲ ﻣﺸﻜﻠﻪ ﺍﻧﺎ ﻡ ﻃﺮﻑ ﻓﻴﻬﺎ ، ﻛﻞ ﺍﻟﻌﻤﻠﺘﻮ ﺟﻴﺖ ﺍﺑﻠﻐﻜﻢ ﻭ ﻳﺎﺭﻳﺖ ﺗﺤﺼﻠﻮ ﺑﺘﻜﻢ ﻭ ﺍﻧﺎ ﻋﻠﻲ ﺍﺳﺘﻌﺪﺍﺩ ﺍﻭﺩﻳﻜﻢ ﺍﻟﻤﻜﺎﻥ ﺩﺍﺍﺍ ..
ﺍﻣﻲ ﺑﻘﺖ ﺗﻜﻮﺭﻙ ﻭ ﺗﺴﻜﻠﺐ ، ﻭ ﻋﻢ ﻋﺒﺪﺍﻟﻠﻪ ﻓﺎﻡ ﻭﻗﻒ ﻗﺎﻟﻴﻬﻮ ﻗﻮﻡ ﻗﻮﻡ ﻭﺩﻳﻨﺎ ، ﻭﺍﻣﻲ ﺑﻲ ﺗﻮﺑﻬﺎ ﻃﻠﻌﺖ ﺍﻟﺸﺎﺭﻉ ، ﺣﺎﺗﻢ ﺟﺮﺍﺍ ﺩﻭﺭ ﺍﻟﻌﺮﺑﻴﻪ ﺍﻟﻮﺣﻴﺪ ﺍﻟﻤﺎ ﺍﺗﺤﺮﻙ ﺣﺴﺎﻡ ،،، ﻣﺸﻮ ، ﺍﻟﻮﻟﺪ ﻣﺎﺷﻲ ﻭ ﻫﻤﺎ ﻣﺎﺷﻴﻦ ﻭﺭﺍﻫﻮ ﺑﺎﻟﻌﺮﺑﻴﻪ .. ﻣﺸﻮﺍﺭ ﺍﻟﻠﻴﻠﻪ ﺑﻌﻴﺪ ﺷﺪﻳﺪ ،، ﻟﻤﻦ ﻭﺻﻠﻮ ﻛﺎﻥ ﺍﻟﺼﺒﺢ ﺍﺫﻥ ، ﻛﺎﻧﻮ ﻣﺴﺘﻐﺮﺑﻴﻦ ﺑﺸﺎﻋﺔ ﺍﻟﻤﻨﻈﺮ ﻭﺍﻟﻤﻜﺎﻥ ﻭﺍﻟﺮﻳﺤﻪ ﺍﻟﻄﺎﻗﻪ ،، ﺍﻣﻲ ﻗﺎﻟﺖ ﻣﺴﺘﺤﻴﻞ ﺑﺘﻲ ﺗﻜﻮﻥ ﻫﻨﺎﺍ ﺍﻛﻴﺪ ﺍﻧﺖ ﻏﻠﻄﺎﻥ ، ﻗﺎﻟﻴﻬﻬﻢ ﺩﺍ ﺍﻟﺒﻴﺖ ﻭﺍﻟﻠﻪ ﻳﻜﻀﺐ ﺍﻟﺸﻴﻨﺔ ، ﺣﺎﺗﻢ ﻭ ﺍﻟﻮﻟﺪ ، ﺑﻴﻠﺬﻭ ﺍﻟﺒﺎﺏ ﺍﻟﺘﻘﻴﻞ ﺑﺎﻟﺪﻓﺮﻭﻭ، ﻭﻟﻌﻮ ﻛﺸﺎﻓﺎﺕ ﺍﻟﺘﻠﻔﻮﻥ ، ﻭﻋﻢ ﻋﺒﺪﺍﻟﻠﻪ ﻣﺎﺳﻚ ﺍﻣﻲ ﻭﺩﺍﺧﻠﻴﻦ ﺍﻟﺒﻴﺖ ،
ﺣﺎﺗﻢ ﻛﺎﻥ ﻓﻲ ﺍﻟﻤﻘﺪﻣﺔ ﻭﺍﻟﻮﻟﺪ ﻭﺭﺍﻫﻮﻭﻭ ﻭﻣﺎﺷﻴﻦ ﺑﻲ ﺗﺮﻳﺚ ، ﻟﻤﻦ ﺷﺎﻓﻮ ﻧﻮﺭ ﺍﻟﻔﺎﻧﻮﺱ ﺟﺎﻱ ﻣﻦ ﺍﻟﻐﺮﻓﻪ ﺍﻟﻤﻜﺴﺮﺓ ،، ﺑﺲ ﺣﺎﺗﻢ ﻋﺎﻳﻦ ﻟﻘﺎ ﻭﻟﻴﺪ ﻧﺎﻳﻢ ، ﻭ ﻣﺎﻓﻲ ﺍﻱ ﺍﺛﺮ ﻟﻲ ، ﺣﺎﺗﻢ ﻋﺎﻳﻦ ﻟﻌﻢ ﻋﺒﺪﺍﻟﻠﻪ ﻭﺍﻣﻲ ، ﺑﺲ ﺣﺎﺗﻢ ﺧﺒﻄﻮ ﻓﻲ ﺿﻬﺮﻭﻭ ﻗﺎﻟﻴﻬﻮﻭ ﻗﻮﻭﻡ ﺗﻘﻮﻡ ﻗﺎﻳﻤﺘﻚ ﻳﺎ ﻛﻠﺐ ﻭ ﺍﻣﻲ ﻣﺴﻜﺘﻮﻭﻭ ، ﺑﺘﻘﻮﻟﻴﻬﻮ ﺩﺍﺭﺷﻨﻮﺭﻳﺎ ﻭﻟﻴﺪ ﻓﻲ ﺷﻨﻮ ﺑﺘﻲ ﻭﻳﻨﺎ ﻭﻳﻦ ﺳﻠﻮﺍﻥ ﻋﻤﻠﺖ ﻓﻴﻬﺎﺍ ﺷﻨﻮﻭﻭﻭ ؟
ﻋﻢ ﻋﺒﺪﺍﻟﻠﻪ ﻣﺎ ﻛﺬﺏ ﻟﻄﺸﻮ ﻛﻒ ، ﻗﺎﻟﻴﻬﻮ ﻭﻳﻨﺎ ﺍﻟﺒﺖ ، ﻭ ﺍﻟﻮﻟﺪ ‏( ﺍﻟﺴﻮﺍﻕ ﻭﺍﺳﻤﻮ ﻋﻤﺎﺭ ‏) ﺑﻴﻔﺘﺶ ﻓﻲ ﺍﻟﺒﻴﺖ ﺑﺎﻟﻜﺸﺎﻑ ﻫﻮ ﻭﺣﺎﺗﻢ ، ﻭ ﻭﻟﻴﺪ ﻣﺨﻠﻮﻉ ﻡ ﻗﺎﺩﺭ ﻳﻨﻄﻖ ﺯﻱ ﺍﻟﺒﻴﻘﻮﻝ ﺩﻳﻞ ﺍﻟﺠﺎﺑﻬﻢ ﺷﻨﻮﻭ ﻫﻨﺎ ! ، ﺑﺲ ﺍﻣﻲ ﻭﻋﻢ ﻋﺒﺪﺍﻟﻠﻪ ﺳﻤﻌﻮ ﺣﺎﺗﻢ ﺑﻴﻜﻮﺭﻙ ﻳﺎ ﺍﺑﻮﻭﻭﻭﻭﻭﻭﻭﻱ ، ﺟﺮﻭﻭﻭ ﻋﻠﻴﻬﻮﻭﻭ ﻗﺎﻝ ﻻﻣﻲ ﺟﻴﺒﻲ ﻣﻼﻳﺔ ﻭﻻ ﺣﺎﺟﺔ ، ﺍﻣﻲ ﺑﻘﺖ ﺑﺘﺘﻠﻔﺖ ﻟﻘﺖ ﺍﻟﺘﻮﺏ ﻣﺸﺮﻁ ﻭﺍﻗﻊ ، ﺭﻓﻌﺘﻮ ﻭﺟﺎﺕ ﺑﺘﻘﻮﻟﻴﻬﻮ ﻓﻲ ﺷﻨﻮﻭﻭﻭﻭ ، ﺣﺎﺗﻢ ﻗﺎﻟﻴﻬﺎﺍ ﺍﻟﺤﻤﺎﻡ ﺍﻟﺤﻤﺎﻡ ﺍﺳﺘﺮﻳﻬﺎﺍ ، ﻭﺍﻧﺎ ﻓﺎﻗﺪﺓ ﺍﻟﻮﻋﻲ ﺗﻤﺎﻡ ،، ﺍﻣﻲ ﻗﺖ ﻗﻠﺒﻬﺎ ، ﺟﺪﻋﺖ ﻓﻴﻨﻲ ﺍﻟﺘﻮﺏ ، ﺣﺎﺗﻢ ﺟﺎ ﺷﺎﻟﻨﻲ ﺟﺎﺭﻱ ﺑﻲ ﺟﺮﻱ ، ﻃﻠﻌﻨﻲ ﺍﻟﻌﺮﺑﻴﻪ ﺭﻗﺪﻧﻲ ﻭﺭﺍﺍﺍ ،،
ﻋﻢ ﻋﺒﺪﺍﻟﻠﻪ ﻣﺎﺳﻚ ﻭﻟﻴﺪ ، ﻗﺎﻟﻴﻬﻮ ﻭﺍﻟﻠﻪ ﺍﻧﺎ ﻣﺤﺘﺎﺭ ﺍﺳﻮﻱ ﻓﻴﻚ ﺷﻨﻮ ﻻﻥ ﺍﻟﻀﺮﺏ ﻡ ﺣﻴﺴﻮﻱ ﺣﺎﺟﻪ ، ﻭﻓﺎﺕ ﺧﺎﻻﻫﻮﻭ ، ﺣﺎﺗﻢ ﺑﻲ ﺣﻤﺎﻗﺘﻮ ﺷﺎﻝ ﺣﺪﻳﺪﻩ ﻣﻦ ﺍﻟﻌﺮﺑﻴﻪ ﺣﻠﻒ ﺍﻻ ﻳﻀﺮﺑﻮ ﺍﻻ ﻋﻢ ﻋﺒﺪﺍﻟﻠﻪ ﻭﺍﻟﻮﻟﺪ ﻣﺴﻜﻮﻫﻮ ، ﺣﺘﻲ ﺍﻣﻲ ﻣﺴﻜﺘﻮ ﻭﻣﺸﺖ ﻟﻲ ﻭﻟﻴﺪ ﻗﺎﻟﺖ ﻟﻴﻬﻮ ، ﻭﺭﻗﺔ ﺑﺘﻲ ﺗﻮﺻﻠﻨﻲ ﻗﺒﻞ ﺍﻟﺸﻤﺲ ﺗﺸﺮﻕ , ﺩﺍﻳﺮﺓ ﺗﻤﺸﻲ ، ﻗﺎﻟﻴﻬﺎ ﺍﻧﺘﻲ ﺍﻟﻤﻜﺎﻧﻚ ﻳﺒﻮﺱ ﺭﺟﻠﻲ ﺍﻧﻲ ﺳﺘﺮﺕ ﻟﻴﻚ ﺑﺘﻚ ﺍﻟﻄﻠﻌﺖ ﺍﺳﺎﺳﺎً . ﻣﺎ ﺑﺖ ﺍﻟﻔﺎﻛﺔ ﺍﻻﻓﻪ ، ﻭﻗﺒﻞ ﺍﻟﻮﺭﻗﻪ ﺗﺼﻠﻚ ﺣﻴﺼﻠﻚ ﺗﺤﻠﻴﻞ ﺍﻟﺤﻤﻞ ﺣﻘﻬﺎ ﻳﺎ ﺍﻡ ﺳﻠﻮﺍﺍﺍﺍﻥ ... ﻃﺒﻌﺎ ﻛﻼﻣﻮ ﺑﻘﻲ ﻳﺘﺮﺩﺩ ﻓﻲ ﺍﺿﺎﻥ ﺍﻣﻲ ﻭ ﻋﻢ ﻋﺒﺪﺍﻟﻠﻪ ﺟﺮﺍﻫﺎﺍﺍ ﻭﺭﻛﺒﺎ ﺍﻟﻌﺮﺑﻴﻪ .. ﺍﻟﺼﺪﻣﺔ ﺍﻟﻜﺎﻧﺖ ﺩﺍﺧﻠﻪ ﻓﻴﻬﺎ ﺍﻣﻲ ﻡ ﺑﺘﺘﺤﻜﻲ ﻭﻻ ﺑﺘﺘﻮﺻﻒ ، ﺑﻌﺪ ﺍﻟﺤﺎﻟﻪ ﺍﻟﻘﺘﻨﻲ ﻓﻴﻬﺎ ، ﻛﺎﻥ ﺗﻨﺼﺪﻡ ﻓﻴﻨﻲ ﺑﺎﻟﻄﺮﻳﻘﻪ ﺩﻱ ،، ﺍﻟﻮﺣﻴﺪ ﺍﻟﻤﺎ ﺳﻤﻊ ﺍﻟﻜﻼﻡ ﺩﺍ ﻫﻮ ﺣﺎﺗﻢ ﻻﻧﻮ ﺭﻛﺒﻨﻲ ﻓﻲ ﺍﻟﻌﺮﺑﻴﻪ ﺣﻘﺘﻬﻢ ﻭ ﺳﺎﻕ ﻗﺪﺍﻣﻬﻢ ﻭﺧﻠﻰ ﻋﻢ ﻋﺒﺪﺍﻟﻠﻪ ﻭﺍﻣﻲ ﻳﺮﻛﺒﻮ ﻣﻊ ﻋﻤﺎﺭ ﻭﻛﻠﻤﻬﻢ ﺑﺎﻟﺘﻠﻔﻮﻥ ، ﻟﻤﻦ ﻭﺻﻞ ﺑﻲ ﻣﺴﺘﺸﻔﻰ ﺍﻟﻮﺍﻃﻪ ﺻﺒﺤﺖ ﻋﺪﻳﻞ ، ﺍﻗﺴﻢ ﺑﺎﻟﻠﻪ ﺣﺎﺗﻢ ﺩﺍ ﺍﻧﺎ ﻡ ﺣﻘﺪﺭ ﻋﻠﻲ ﺟﺰﺍﻫﻮ ﻋﻨﺪﻩ ﺍﻟﻨﺒﺎﻫﻪ ، ﺩﺧﻠﻮﻧﻲ ﺍﻟﻤﺴﺘﺸﻔﻲ ، ﻭﺑﻴﻦ ﻛﺸﻒ ﻭ ﺗﺤﻠﻴﻞ ﻭ ﺗﻌﻘﻢ ، ﻭ ﻣﺤﻠﻮﻝ ﺩﺭﺑﺎﺕ ، ﺍﻣﻲ ﻣﻦ ﺍﻟﺼﺪﻣﺔ ﻟﻤﻦ ﻡ ﻗﺎﺩﺭﺓ ﺗﺠﻲ ﺟﻤﺒﻲ ، ﻣﻜﺴﻮﺭﺓ ، ﺑﺎﻟﺠﺪ ﺍﻧﺎ ﻛﺴﺮﺗﻬﺎ ﻭﺍﺣﺮﺟﺘﻬﺎ ﻗﺪﺍﻡ ﻋﻢ ﻋﺒﺪﺍﻟﻠﻪ ﺭﻏﻢ ﺍﻧﻬﺮﻣﺎ ﺣﺴﺴﺎ ﺑﺎﻱ ﺣﺎﺟﺔ ،، ﺑﺲ ﻛﺎﻥ ﺍﺗﺼﺎﻝ ﺧﺎﻟﺘﻮ ﺳﻌﺎﺩ ﻛﺎﻥ ﻓﻲ ﻭﻗﺘﻮ ﺍﻟﻤﻨﺎﺳﺐ ، ﺍﻣﻲ ﺣﺎﺳﺔ ﺑﺎﻧﻜﺴﺎﺭ ﻟﺪﺭﺟﺔ ﺍﺗﺮﺩﺩﺕ ﺗﺮﺩ ﻋﻠﻴﻬﺎ ﻭﻻﻻ ، ﺍﺧﺮ ﺷﻲ ﺭﺩﺕ ﻋﻠﻴﻬﺎﺍﺍ ، ﻭ ﻟﻘﺖ ﺧﺎﻟﺘﻮ ﺳﻌﺎﺩ ﺑﺘﺒﻜﻲ ، ﺍﻣﻲ ﻗﺎﻟﺖ ﻟﻴﻬﺎ ﺍﻧﺤﻨﺎ ﻣﺴﺎﻣﺤﻴﻦ ﻱ ﺳﻌﺎﺩ ﻣﺎﻓﻲ ﺩﺍﻋﻲ ﻟﻠﺒﻜﺎ ،، ﺧﺎﻟﺘﻮ ﺳﻌﺎﺩ ﻗﺎﻟﺖ ﻟﻴﻬﺎ ﺗﺴﺎﻣﺤﻲ ﻛﻴﻒ ، ﺍﻧﺘﻲ ﻛﺎﻥ ﺳﺎﻣﺤﺘﻲ ﺳﻠﻮﺍﻥ ﻋﻤﺮﻫﺎ ﻡ ﺣﺘﺴﺎﻣﺢ ﺍﺣﻤﺪ ،، ﺍﻣﻲ ﻗﺎﻟﺖ ﻟﻴﻬﺎ ﺍﺣﻤﺪ ! ﺍﺣﻤﺪ ﻣﺎﻟﻮ ؟
ﻗﺎﻟﺖ ﻟﻴﻬﺎ ﺍﻧﺘﻲ ﻗﻠﺘﻲ ﻣﺴﺎﻣﺤﻴﻦ ﻓﻲ ﺷﻨﻮ ؟
ﺍﻣﻲ ﻗﺎﻟﺖ ﻟﻴﻬﺎ ﺑﻘﺼﺪ ﺍﻟﻌﻤﻠﻮ ﻭﻟﻴﺪ ﻓﻲ ﺳﻠﻮﺍﻥ ﻭﺍﻟﻀﺮﺏ ﻭ ﺍﻻﻫﺎﻧﻪ ﻭﺍﻟﻨﻮﻣﺔ ﻓﻲ ﺣﻤﺎﻡ ﺑﻴﺖ ﻣﻬﺠﻮﺭ ، ﻛﺘﺮ ﺧﻴﺮﻭ ﺳﺘﺮ ﻟﻲ ﺑﺘﻲ ،، ﺧﺎﻟﺘﻮ ﺳﻌﺎﺩ ﻗﺎﻟﺖ ﻟﻴﻬﺎﺍﺍ ﺷﻨﻮﻭﻭﻭﻭ ! ﻭﻟﻴﺪ ﻋﻤﻞ ﻛﺪﺍﺍ ﻓﻲ ﺳﻠﻮﺍﻥ ﺍﻟﻠﻪ ﻻ ﻛﺴﺒﻮ ﺣﺴﺒﻲ ﺍﻟﻠﻪ ﻋﻠﻴﻬﻮ ﺍﻧﺎ ﻣﺎ ﻋﺎﻓﻴﻪ ﻟﻴﻬﻮ ﻛﻴﻒ ﻳﻌﻤﻞ ﻛﺪﺍ ﻓﻲ ﻓﻲ ﺳﻠﻮﺍﻥ ،، ﺍﻣﻲ ﻗﺎﻟﺖ ﻟﻴﻬﺎﺍ ﺩﻱ ﺟﺰﺍﺓ ﺍﻟﺴﺘﺮ ﻭ ﺑﺘﻲ ﺗﺴﺘﺎﻫﻞ ﺍﻱ ﻭﺣﺪﺓ ﺗﻔﺮﻁ ﻓﻲ ﺷﺮﻓﺎ ﺗﺴﺘﺎﻫﻞ ،، ﻗﺎﻟﺖ ﻟﻴﻬﺎ ﺍﻧﺘﻲ ﻋﺮﻓﺘﻲ ﻛﻴﻒ ﻳﺎ ﻓﺎﻃﻤﺔ ؟
ﻗﺎﻟﺖ ﻟﻴﻬﺎ ﻭﻟﻴﺪ ﻗﺎﻝ ﻛﺪﺍﺍ ، ﺍﻥ ﺑﺘﻲ ﻛﺎﻧﺖ ﺣﺎﻣﻞ ﻭ ﻣﻌﺎﻫﻮ ﺍﻟﺘﺤﻠﻴﻞ ﺣﻖ ﺳﻠﻮﺍﻥ ،، ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺍﻟﻠﻪ ﻳﺴﺎﻣﺤﻚ ﻳﺎ ﻭﻟﻴﺪ ، ﻓﺎﻃﻤﺔ ﺍﻧﺎ ﺑﺠﻴﻜﻢ ﺍﻟﻤﺴﺎﺀ ﻓﻲ ﺍﻟﺒﻴﺖ ﻓﻲ ﺣﺎﺟﺔ ﻻﺯﻡ ﺍﻧﺘﻲ ﺗﻌﺮﻓﻴﻬﺎﺍﺍ ،، ﻗﺎﻟﺖ ﻟﻴﻬﺎ ﺍﻧﺤﻨﺎ ﻣﻊ ﺳﻠﻮﺍﻥ ﻓﻲ ﺍﻟﻤﺴﺘﺸﻔﻰ ﻟﻤﻦ ﻧﻄﻠﻊ ﺑﻜﻠﻤﻚ ﻭ ﻗﻔﻠﺖ ﻋﻠﻲ ﻛﺪﺍ ...
ﻟﻠﺤﻈﺔ ﻭﻋﻴﺖ ﻭﺍﻛﺘﺸﻔﺖ ﺍﻧﻲ ﻋﺎﻳﺸﻪ ، ﺳﺎﻣﻌﻪ ﺑﻜﺎﺀ ﺍﻣﻲ ﺍﻟﻤﺴﻜﻴﻨﻪ ، ﻭﺻﻮﺕ ﺍﻟﺪﻛﺘﻮﺭ ﺍﻟﺒﻘﻮﻟﻴﻬﻢ ﺧﺮﺟﻮﻫﺎﺍ ﻡ ﻣﺤﺘﺎﺟﺔ ﺗﻘﻌﺪ ﻡ ﻋﻨﺪﻫﺎ ﺣﺎﺟﺔ ﻛﺎﻧﺖ ﺻﺪﻣﺔ ﻭﺍﻟﺠﺴﻢ ﻓﺎﻗﺪ ﺳﻮﺍﺋﻞ ، ﻭﺍﻧﺎ ﻣﻐﻤﻀﻪ ﻡ ﻋﻨﺪﻱ ﻃﺎﻗﻪ ﺍﻭﺍﺟﻪ ﺑﻴﻬﺎ ﺍﻣﻲ ﻭﻻ ﻋﻢ ﻋﺒﺪﺍﻟﻠﻪ ...
ﺧﺮﺟﻮﻧﺎ ﻣﻦ ﺍﻟﻤﺴﺘﺸﻔﻰ ﻭﻛﻨﺖ ﺳﺎﻣﻌﻪ ﺟﺪﺍﻡ ﺍﻣﻲ ﻣﻊ ﻋﻢ ﻋﺒﺪﺍﻟﻠﻪ ﺍﻥ ﺍﻣﻲ ﻋﺎﻳﺰﺓ ﺗﻤﺸﻲ ﺑﻴﺘﻨﺎ ﻭﻋﻢ ﻋﺒﺪﺍﻟﻠﻪ ﻣﺼﻤﻢ ﻧﻤﺸﻲ ﺑﻴﺘﻮ ، ﻗﺎﻟﻴﻬﺎ ﺑﻴﺘﻚ ﺑﻘﺎ ﻣﻌﺎﻱ ﻱ ﻓﺎﻃﻤﺔ .. ﺍﻧﺠﺒﺮﺕ ﺍﻓﺘﺢ ﻋﻴﻮﻧﻲ ﻭﻣﺎ ﺍﺗﻜﻠﻤﺘﺎ ، ﺑﺲ ﺑﻌﺎﻳﻦ ﻓﻴﻬﻢ ،، ﻛﻞ ﺍﻟﻘﺎﻟﺘﻮ ﻟﻲ ﺍﻣﻲ ﺣﻤﺪﻟﻠﻪ ﻋﻠﻲ ﺳﻼﻣﺘﻚ ، ﺍﻻ ﻋﻢ ﻋﺒﺪﺍﻟﻠﻪ ﺑﺎﺳﻨﻲ ﻓﻲ ﺭﺍﺳﻲ ﻭ ﻗﺎﻟﻲ ﺳﻼﻣﺘﻚ ﻡ ﺗﺸﻮﻓﻲ ﺷﺮﺭ ، ﻣﻦ ﻫﻨﺎ ﻭﺭﺍﻳﺢ ﺣﻴﺎﺓ ﺟﺪﻳﺪﻩ ﻭﻋﺎﻟﻢ ﺟﺪﻳﺪ ﺍﺑﺘﺴﻤﻲ ﻛﺪﺍﺍﺍ ، ﻭ ﻗﺎﻝ ﻻﻣﻲ ﻟﺒﺴﻴﻬﺎ ﺍﻧﺎ ﺣﻨﺘﻈﺮﻛﻢ ﺑﺮﺍﺍﺍ .. ﻡ ﺍﺗﻜﻠﻤﺖ ﻣﻌﺎﻱ ﻧﻬﺎﺋﻲ ، ﺑﺘﻠﺒﺲ ﻓﻴﻨﻲ ﻭ ﺩﻣﻮﻋﻲ ﻡ ﺩﺍﻳﺮﺓ ﺗﻘﻴﻒ ،، ﻗﺎﻟﺖ ﻟﻲ ﺍﻧﺎ ﻡ ﺯﻋﻼﻧﻪ ﻣﻨﻚ ، ﻡ ﺗﺒﻜﻲ ، ﺍﻣﻲ ﻛﺎﻧﺖ ﺑﺎﺭﺩﺓ ﻡ ﻋﺎﺭﻓﻪ ﺩﻱ ﺍﻟﺼﺪﻣﺔ ﻭﻻ ﺩﻱ ﺷﻨﻮﻭﻭ ،، ﺧﺮﺟﻮﻧﺎ ، ﻭ ﺭﻛﺒﺖ ﻗﺪﺍﻡ ﻭﺣﺎﺗﻢ ﺳﺎﻳﻖ ﻭﺍﻣﻲ ﻭﻋﻢ ﻋﺒﺪﺍﻟﻠﻪ ﻭ ﺳﺎﻣﺮﻳﻦ ﻭﺭﺍﺍﺍ ... ّ
ﻭﺻﻠﻨﺎ ﺍﻟﺒﻴﺖ ، ﺑﻴﺖ ﻓﻲ ﻣﻨﺘﻬﻲ ﺍﻟﺠﻤﺎﻝ ، ﻧﺰﻟﺖ ﻣﻦ ﺍﻟﻌﺮﺑﻴﻪ ﻭﺳﺎﻣﺮﻳﻦ ﻣﺎﺳﻜﺎﻧﻲ ، ﺣﺎﺗﻢ ﻗﺎﻟﻲ ﻧﻮﺭﺗﻲ ﺑﻴﺘﻨﺎﺍﺍﺍ ﻳﺎ ﺳﻠﻮﺍﻥ ، ﺑﺎﻟﺠﺪ ﺯﻭﻝ ﻇﺮﻳﻒ ﺷﺪﻳﺪ .. ﺩﺧﻠﻨﺎ ﺍﻟﺒﻴﺖ ، ﺍﻣﻲ ﻗﺎﻟﺖ ﻟﺴﺎﻣﺮﻳﻦ ﺩﺧﻠﻴﻬﺎ ﻏﺮﻓﺘﻚ ، ﻋﻢ ﻋﺒﺪﺍﻟﻠﻪ ﻗﺎﻟﻴﻬﺎ ﻻ ﺳﻠﻮﺍﻥ ﻏﺮﻓﺘﺎ ﺑﺮﺍﻫﺎﺍ ، ﺍﻟﺠﻤﺒﻚ ﻱ ﺳﺎﻣﺮﺑﻦ ﻃﻠﻌﻴﻬﺎ ﺗﺎﺧﺪ ﺭﺍﺣﺘﺎﺍﺍ ،،،ﺩﺧﻠﺘﻨﻲ ﺍﻟﻐﺮﻓﻪ ، ﻭ ﺍﺗﻜﻠﻤﺖ ﻣﻌﺎﻱ ، ﺍﺻﻼ ﺳﺎﻣﺮﻳﻦ ﺍﻧﻄﻮﺍﺋﻴﻪ ، ﺑﺘﻌﺒﺮ ﻋﻦ ﺣﺎﻻﺗﻬﺎ ﺑﺎﻟﺒﻜﺎﺀ ﻡ ﻋﻨﺪﻫﺎ ﺩﻭﺭ ﻓﻲ ﺍﻟﺤﻴﺎﺓ ..
ﺍﻟﻮﺍﻃﻪ ﻣﻐﺮﺑﺖ ﻛﺪﺍ ﺑﻌﺪ ﺻﻠﻮﻭ .. ﺳﺎﻣﻌﻪ ﺻﻮﺕ ﻧﺎﺱ ، ﻃﺒﻌﺎً ﺍﻧﺎ ﻣﻦ ﻣﻜﺎﻧﻲ ﻡ ﺍﺗﺤﺮﻛﺘﺎ ﻭﻣﻦ ﺍﻟﻜﺪﻣﺎﺕ ﺍﻟﻔﻲ ﺟﺴﻤﻲ ﻡ ﻗﺎﺩﺭﺓ ﺍﺗﻘﻠﺐ ﺍﻟﻘﻮﻣﺔ ﻓﻲ ﺗﻠﺘﻠﺔ ....
ﺟﺎﺕ ﺧﺎﻟﺘﻮ ﺳﻌﺎﺩ ، ﻭ ﻣﻌﺎﻫﺎ ﺳﺎﺭﺓ ﻭ ﻣﻌﺎﻫﺎ ﻭﻟﻴﺪ ﺍﻟﺠﺎﻱ ﻣﺠﺒﺮ ﻭ ﻣﺴﺘﻐﺮﺏ ﺍﻥ ﺍﻣﻪ ﺟﺎﻳﺒﺎﻫﻮ ﻟﺒﻴﺖ ﺻﺤﺒﻮ ﺣﺴﺎﻡ ! ، ﻭ ﺧﺎﻟﺘﻮ ﺳﻌﺎﺩ ﺍﻟﻤﺎﻗﺎﺩﺭﺓ ﺗﺮﻓﻊ ﺭﺍﺳﻬﺎ ﻭﺗﻌﺎﻳﻦ ﻻﻣﻲ ..
ﻭ ﻛﺎﻧﺖ ﻗﺎﻋﺪﻩ ﺍﻣﻲ ﻭ ﻋﻢ ﻋﺒﺪﺍﻟﻠﻪ ، . ﻭ ﺟﺎ ﺣﺎﺗﻢ ﻧﺎﺯﻝ ﺷﺎﻑ ﻭﻟﻴﺪ ،، ﻗﺎﻟﻴﻬﻮ ﺑﺄﺳﺘﻐﺮﺍﺏ ﻭﻟﻴﺪ !
ﻗﺎﻟﻴﻬﻮ ﺣﺎﺗﻢ ! ﺣﺎﺗﻢ ﻗﺎﻟﻴﻬﻮﻭ ﺍﻧﺖ ﻫﻮ ﺭﺍﺟﻞ ﺳﻠﻮﺍﻥ ﺍﻻﻣﺲ ! ﻣﺶ ﺍﻧﺖ ﺻﺎﺣﺐ ﺣﺴﺎﻡ ﺍﺧﻮﻱ ، ﺟﻴﺘﻨﺎ ﻫﻨﺎ ﻗﺮﻳﺒﺎﺕ ﺩﻱ !
ﺍﻧﺎ ﻛﻴﻒ ﻡ ﺍﻧﺘﺒﻬﺖ ﻳﻌﻨﻲ ﺣﻀﺮﺕ ﺍﻟﻌﻘﺪ ﻭﺍﻣﺲ ﺑﺎﻟﺠﺪ ﺍﻧﺎ ﻣﺘﻠﺨﺒﻂ ﺑﺲ ﻳﻤﻜﻦ ﻋﺸﺎﻥ ﻡ ﺍﺩﻳﺖ ﺍﻟﻤﻮﺻﻮﻉ ﺍﻫﻤﻴﻪ ، ﻭﻟﻴﺪ ﻡ ﺭﺩ ﻋﻠﻴﻬﻮﻭﻭ ، ﺍﻣﻮ ﻗﺎﻟﺖ ﻟﻴﻬﻮ ﺍﻧﺘﻮ ﺑﺘﻌﺮﻓﻮ ﺑﻌﺾ ؟
ﺣﺎﺗﻢ ﻗﺎﻟﻴﻬﺎ ﻭﺍﻟﻠﻪ ﻡ ﺑﻌﺮﻓﻮ ﺍﻧﺎ ﻭ ﺣﺘﻲ ﻟﻮ ﺑﻌﺮﻓﻮ ﻡ ﺑﺘﺸﺮﻓﻨﻲ ﻣﻌﺮﻓﺘﻮﻭ ، ﻭ ﻃﻠﻊ ﺧﻼﻫﻢ ،، ﺧﺎﻟﻪ ﺳﻌﺎﺩ ﻗﺎﻟﺖ ﻟﺴﺎﺭﺓ ﺍﻧﺎ ﻗﺎﻋﺪﻩ ﻫﻨﺎ ﻋﻠﻲ ﻧﺎﺭﻱ ﺍﺗﻔﻀﻠﻲ ﺍﺣﻜﻲ ﻣﻮﺿﻮﻉ ﺍﺣﻤﺪ ﻛﻠﻮﻭﻭ ،، ﻗﺒﻞ ﺗﺒﺪﺃ ، ﺟﺎ ﺣﺴﺎﻡ ﻣﻦ ﺑﺮﺍﺍ ﺩﺍﺧﻞ ، ﻃﺒﻌﺎً ﻣﺴﺘﻐﺮﺏ ، ﻋﺎﻳﻦ ﻝ ﻭﻟﻴﺪ ﻭ ﻣﺶ ﺣﻀﻨﻮ ﻗﺎﻟﻴﻬﻮ ﻳﺎ ﻋﺮﻳﺲ ﺍﺣﻼ ﻣﻔﺎﺟﺎﻩ ﺩﻱ ﻭﺍﻟﻠﻪ ، ﻣﺘﻴﻦ ﻫﻮ ﻋﺮﺳﺘﺎ ﻭﺟﻴﺖ ، ﺩﻱ ﺍﻛﻴﺪ ﺍﻟﻮﺍﻟﺪﺓ ﺻﺢ ،، ﺳﻠﻢ ﻋﻠﻲ ﺧﺎﻟﺘﻮ ﺳﻌﺎﺩ ، ﻭ ﻋﺎﻳﻦ ﻟﻲ ﺳﺎﺭﺓ ﻗﺎﻟﻴﻬﻮﻭ ﺍﻛﻴﺪ ﺩﻱ ﺍﻟﻤﺪﺍﻡ ﺻﺢ ﻭﺍﻟﻠﻪ ﻣﺎ ﺷﺎﺀﺍﻟﻠﻪ ، ﺑﺎﻟﺠﺪ ﻣﻔﺎﺟﺎﻩ ﺣﻠﻮﺓ .. ﻋﻢ ﻋﺒﺪﺍﻟﻠﻪ ﻗﺎﻟﻴﻬﻮﺭ، ﺣﺴﺎﻡ ﺍﻗﻌﺪ ﺷﻮﻳﺔ ﻓﻲ ﻣﻮﺻﻮﻉ ﺗﺎﻧﻲ !
ﻃﺒﻌﺎ ﺣﺴﺎﻡ ﻫﻨﺎ ﺣﺲ ﺍﻥ ﺍﻟﺠﻮ ﻣﺘﻜﻬﺮﺏ ، ﻗﻌﺪ ﻋﻠﻲ ﻃﺮﻑ ﺍﻟﻜﺮﺳﻲ ..
ﺟﺎﺕ ﺳﺎﻣﺮﻳﻦ ﻧﺎﺯﻟﻪ ، ﻋﻢ ﻋﺒﺪﺍﻟﻠﻪ ﻗﺎﻟﻴﻬﺎ ﺷﻮﻓﻲ ﺳﻠﻮﺍﻥ ﻟﻮ ﺑﺘﻘﺪﺭ ﺗﻨﺰﻝ ﺧﻠﻴﻬﺎ ﺗﻨﺰﻝ ﺍﺳﻲ ..
ﻓﻌﻼً ﺟﺎﺕ ﻛﻠﻤﺘﻨﻲ ، ﺑﻘﻴﺖ ﻣﻦ ﺍﺳﻤﻊ ﺍﺳﻢ ﻭﻟﻴﺪ ﺍﻧﺎ ﺑﻔﻘﺪ ﺍﻟﻤﻨﻄﻖ ﺑﺘﻌﺼﺐ ﻟﺪﺭﺭﺟﺔ ﺳﻨﻮﻧﻲ ﺑﺘﺨﺒﻂ ﻓﻲ ﺑﻌﻀﻬﺎ ، ﺟﺎﺕ ﺍﻣﻲ ﺟﺎﻳﺒﻪ ﻟﻲ ﻋﺒﺎﻳﺔ ﻣﻦ ﺣﻘﺎﺗﻲ ﺍﻟﻜﺎﻧﺖ ﺷﺎﻳﻼﻫﻢ ﻟﻲ ، ﻟﺒﺴﺘﻨﻲ ﻟﻴﻬﺎ ﻭ ﻧﺰﻟﺖ ﻗﺪﺍﻣﻲ ﻗﺎﻟﺖ ﻟﻲ ﻋﺸﺎﻥ ﺍﻟﻨﺎﺱ ﺗﺤﺖ ، ﻗﺎﻟﺖ ﻟﺴﺎﻣﺮﻳﻦ ﺳﻨﺪﻳﻬﺎﺍ ..
ﻭ ﻫﻨﺎ ﺣﺴﺎﻡ ﺑﻴﻌﺎﻳﻦ ﻟﻲ ﻳﺪ ﻭﻟﻴﺪ ﻗﺎﻟﻴﻬﻮ ﻛﻔﺎﺭﺓ ، ﻭ ﻭﻟﻴﺪ ﻡ ﺭﺩ ﻋﻠﻴﻬﻮ ﻫﻮ ﺯﺍﺗﻮ ﺍﺳﺘﻐﺮﺏ ﺑﺲ ﺳﻜﺖ ..
ﺟﻴﺖ ﻧﺎﺯﻟﺔ ﻭ ﻣﻌﺎﻱ ﺳﺎﻣﺮﻳﻦ ، ﺑﻨﺰﻝ ﻭﺣﺪﺓ ﻭﺣﺪﺓ ، ﺣﺴﺎﻡ ﻗﺎﻋﺪ ﻓﻲ ﺍﻟﻜﺮﺳﻲ ﺍﻟﻘﺼﺎﺩ ﺍﻟﺴﻠﻢ ﺑﺲ ﻡ ﻛﻨﺖ ﺷﺎﻳﻔﻪ ﻭﺷﻮﻭ ، ﻋﺎﻳﻨﺖ ﻟﺨﺎﻟﺘﻮ ﺳﻌﺎﺩ ﺩﻱ ﻭﺷﻬﺎ ﻗﻠﺐ ﻣﻦ ﺷﺎﻓﺘﻨﻲ ﺑﻘﺖ ﺗﻤﺴﺢ ﻓﻲ ﺩﻣﻮﻋﺎﺍ ، ﻭ ﻭﻟﻴﺪ ﺩﺍ ﺍﻟﻌﺮﻭﻕ ﻟﻤﻦ ﺑﺮﺯﺕ ﻓﻲ ﻳﺪﻭ ﻣﻦ ﺍﻟﻐﻀﺐ ﻭ ﻗﺒﻞ ﻭﺷﻮ ﻣﻨﻲ ، ﺍﻧﺎ ﺑﺮﺟﻒ ﺭﺟﻒ ﻣﺎ ﻋﺎﺩﻱ ﺳﺒﺤﺎﻥ ﺍﻟﻠﻪ ﻧﺎﺯﻟﻪ ﻣﺬﻟﻮﻟﺔ ﻣﻌﻘﻮﻟﻪ ﺣﻴﻔﻀﺤﻨﻲ ﻗﺪﺍﻡ ﺍﻟﻨﺎﺱ ﺩﻳﻞ ﻭﺍﻟﻜﻨﺖ ﺧﺎﻳﻔﻪ ﻣﻨﻮ ﺣﻴﺤﺼﻞ ، ﺑﺮﺟﻒ ﻣﻦ ﺍﻟﺨﻮﻑ ، ﻋﻢ ﻋﺒﺪﺍﻟﻠﻪ ﺷﺎﻓﻨﻲ ، ﻗﺎﻟﻲ ﺍﻧﺰﻟﻲ ﻋﻠﻲ ﻣﻬﻠﻚ ﻳﺎ ﻣﺎﻣﺎ ﺍﻣﺴﻜﻴﻬﺎ ﻳﺎ ﺳﺎﻣﺮﻳﻦ .... ﻫﻨﺎ # ﺣﺴﺎﻡ ﺭﻓﻊ ﺭﺍﺳﻮ ﺷﺎﻓﻨﻲ ، ﻗﺎﻡ ﻭﻗﻒ ﻋﻠﻲ ﺣﻴﻠﻮﻭﻭﻭ ﻭﻳﻌﺎﻳﻦ ﻓﻴﻨﻲ ﺑﺨﻠﻌﻪ ، ﻛﻠﻬﻢ ﻋﺎﻳﻨﻮ ﻟﻴﻬﻮ ﻭﻓﻲ ﺭﺩﺓ ﻓﻌﻠﻮ ، ﻋﻢ ﻋﺒﺪﺍﻟﻠﻪ ﻗﺎﻟﻴﻬﻮ ﻣﺎﻟﻚ ؟ ، ﻭ ﺣﺴﺎﻡ ﺟﺎﻱ ﻋﻠﻲ ﻻ ﺷﻌﻮﺭﻳﺎً ، ﺍﻧﺎ ﻣﻦ ﺷﻔﺘﻮ ﻭﻗﻔﺘﺎ ﺭﺟﻮﻟﻲ ﺍﺑﺖ ﺗﻤﺸﻲ ، ﺣﺴﺎﻡ ! ﻛﻤﺎﻥ ﻭﻟﻴﺪ ﺟﺎﺏ ﻣﻌﺎﻫﻮ ﺻﺤﺒﻮ ﻭ ﺣﻴﻔﻀﺤﻮﻧﻲ ﻭ ﺣﺴﺎﻡ ﺍﻛﻴﺪ ﺣﻴﻘﻮﻝ ﺍﻧﻨﺎ ﻛﻨﺎ ﺑﻨﺘﻼﻗﺎ ، ﻳﺎ ﺭﺏ ﺩﺍ ﺷﻨﻮﻭ ، ﻗﻠﺒﻲ ﺩﺍ ﺑﻘﻲ ﻳﻀﺮﺏ ﺿﺮﺏ ﻭﺟﺴﻤﻲ ﺩﺍ ﺑﻴﺮﺟﻒ ، ﺣﺴﺎﻡ ﻟﻤﻦ ﺍﻧﺘﺒﻪ ﻟﻨﻔﺴﻮ ﺍﻧﻪ ﺟﺎﻱ ﻋﻠﻲ ﻗﺎﻡ ﻭﻗﻒ ، ﻗﺎﻝ ﻟﻲ ﺳﺎﻣﺮﻳﻦ ﻗﻌﺪﻳﻬﺎ ﻫﻨﺎﺍﺍ ﺑﺨﻠﻌﻪ ﺍﻧﺤﻨﺎ ﺍﻻﺗﻨﻴﻦ ﻣﺨﻠﻮﻋﻴﻦ ،، ﻟﻤﻦ ﻗﻌﺪﺗﺎﺍ ﺧﺎﻟﺘﻮ ﺳﻌﺎﺩ ﻗﺎﻣﺖ ﻭﺣﺎﺕ ﺍﻟﻠﻪ ﺑﺮﻛﺖ ﻑ ﺍﻻﺭﺽ ﺗﺤﺖ ﺭﺟﻮﻟﻲ ﻭ ﺗﺒﻜﻲ ، ﻗﺎﻟﺖ ﻟﻲ ﺳﺎﻣﺤﻴﻨﺎ ، ﻋﻠﻴﻚ ﺍﻟﻠﻪ ، ﺳﺎﺭﺓ ﻗﺎﻟﺖ ﻟﻲ ﺍﻧﺘﻲ ﺳﻠﻮﺍﻥ ؟ ﻗﻠﺖ ﻟﻴﻬﺎ ﺍﻳﻮﺓ ، ﺳﻠﻤﺖ ﻋﻠﻲ ، ﻭﺍﻣﻲ ﻗﺎﻟﺖ ﻟﺨﺎﻟﺘﻮ ﺳﻌﺎﺩ ﻗﻮﻣﻲ ﻗﻮﻣﻲ ﻳﺎ ﺳﻌﺎﺩ ﻡ ﺻﺢ ﺍﻟﻜﻼﻡ ﺩﺍﺍ ، ﻗﺎﻟﺖ ﻟﻴﻬﺎ ﻻ ﺍﻧﺎ ﺍﻟﺴﺒﺐ ﺍﻧﺎ ﺍﻟﺪﻣﺮﺕ ﺣﻴﺎﺓ ﺳﻠﻮﺍﻥ ﻳﺎ ﻓﺎﻃﻤﺔ ﺍﻧﺎ ﺍﻟﺨﻄﺒﺘﻬﺎ ﻻﺣﻤﺪ ﻭﻟﺪﻱ ﻭﻟﻮ ﻡ ﺍﻧﺎ ﻡ ﻛﺎﻥ ﻋﻤﻞ ﻓﻴﻬﺎ ﻛﺪﺍﺍ ، ﺍﻣﻲ ﻣﺴﺘﻐﺮﺑﻪ ﻗﺎﻟﺖ ﻟﻴﻬﺎ ﻋﻤﻞ ﻓﻴﻬﺎ ﺷﻨﻮﻭﻭ ؟ ﻭ ﺣﺴﺎﻡ ﻫﻨﺎ ﺷﺒﻪ ﺍﺑﺘﺪﺍ ﻳﺴﺘﻮﻋﺐ ﺍﻧﺎ ﺳﻠﻮﺍﻥ ﺧﻄﻴﺒﻪ ﺍﺣﻤﺪ ﺍﻟﻜﺎﻥ ﺑﻴﺤﻜﻲ ﻋﻨﻬﺎ ﻭﻟﻴﺪ ﻭﺍﺫﻥ ﺍﻧﺎ ﻧﻔﺲ ﺍﻟﺒﺖ ﺍﻟﺤﻠﻒ ﻟﻲ ﺣﺴﺎﻡ ﺍﻧﻪ ﻳﻌﺬﺑﻨﻲ ﻭ ﻳﺬﻟﻨﻲ ، ﻭ ﻛﻤﺎﻥ ﻗﺪﺭ ﻳﻌﺮﻑ ﺍﻥ ﺍﻟﺤﺎﻟﻪ ﺍﻻﻧﺎ ﻓﻴﻬﺎ ﺩﻱ ﺳﺒﺒﻬﺎ ﻭﻟﻴﺪ .. ﻭ ﻭﺍﻟﻠﻪ ﻣﺎﻑ ﺯﻭﻝ ﺍﻧﺘﺒﻪ ﻟﻲ ﺣﺴﺎﻡ ﻓﺠﺎﻩ ﻟﻒ ﻭﻣﺸﻲ ﻟﻲ ﻭﻟﻴﺪ ﻭﻗﻔﻮ ﻣﻦ ﻛﻮﻟﺔ ﺍﻟﻘﻤﻴﺺ ﻗﺎﻟﻴﻬﻮ ﺍﻧﺖ ﺍﻟﻌﻤﻠﺖ ﻓﻴﻬﺎ ﻛﺪﺍ ﺻﺢ ، ﻋﻢ ﻋﺒﺪﺍﻟﻠﻪ ﻓﺎﻟﻴﻬﻮ ﺣﺴﺎﻡ ! ﻗﺎﻟﻴﻬﻮ ﻟﺤﻈﻪ ﻳﺎ ﺍﺑﻮﻱ ﺍﻧﺖ ﻣﺎ ﻋﺎﺭﻑ ﺣﺎﺟﻪ ﻛﻠﻜﻢ ﻣﺎ ﻋﺎﺭﻓﻴﻦ ﺣﺎﺟﺔ ، ﺍﺫﻥ ﻳﺎ ﻭﻟﻴﺪ ﺩﻱ ﺳﻠﻮﺍﻥ ﺍﻟﻜﻨﺖ ﺑﺘﺤﻜﻲ ﻟﻲ ﻋﻨﻬﺎﺍ ﺻﺢ ،، ﺍﻧﺖ ﺍﻟﺪﻗﻴﺘﻬﺎ ﻛﺪﺍ ﺻﺢ ؟ ﻋﻢ ﻋﺒﺪﺍﻟﻠﻪ ﻗﺎﻟﻴﻬﻮ ﻭﺭﺣﻤﺔ ﺍﻣﻚ ﻱ ﺣﺴﺎﻡ ﻓﻜﻮ ﻟﻮ ﺳﻤﺤﺘﺎ ﺧﻠﻴﻨﺎ ﻧﻔﻬﻢ ،، ﺣﺘﻲ ﺣﺴﺎﻡ ﻓﻜﺎﻫﻮﻭﻭ ،، ﻭ ﻣﻦ ﻫﻨﺎ ﺍﺑﺘﺪﺕ ﺳﺎﺭﺓ ﺗﺤﻜﻲ ﺑﺎﻟﺘﻔﺎﺻﻴﻞ ﻛﻞ ﺍﻟﺤﺼﻞ ، ﺑﺒﻜﻲ ﺏ ﺣﺮﻗﻪ ﻡ ﻗﺎﺩﺭﺓ ﺍﺳﻤﻊ ﺍﻟﻘﺼﻪ ﺍﻟﺘﺎﻧﻲ ﻭﺍﻟﺼﺪﻣﺔ ﺍﻥ ﺍﺣﻤﺪ ﻃﻠﻊ ﻣﺘﺰﻭﺝ ،،ﻗﻤﺖ ﻣﻦ ﺍﻟﻜﺮﺳﻲ ﺣﺎﻭﻟﺖ ﺍﻃﻠﻊ ﺟﺎ ﺣﺴﺎﻡ ﻣﺴﻜﻨﻲ ﻗﺎﻟﻲ ﻟﺤﻈﺔ ،، ﻟﻤﻦ ﺳﺎﺭﺓ ﺧﻠﺼﺖ ﺍﻣﻲ ﺟﺎﺕ ﺍﺩﺗﻨﻲ ﻛﻒ ﻭ ﺣﻀﻨﺘﻨﻲ ﻗﺎﻟﺖ ﻟﻲ ﻛﻞ ﺩﺍ ﺣﺎﺻﻞ ﻋﻠﻴﻜﻲ ﻛﺎﻥ ﻭ ﺳﺎﻛﺘﻪ ﻭ ﻣﺘﺤﻤﻠﻪ ﻟﻴﻪ ﻋﻤﻠﺘﻲ ﻛﺪﺍﺍﺍ ﻟﻴﻪ ﺗﻘﺒﻠﻲ ﺑﺎﻟﺬﻟﻪ ﻭﺍﻻﻫﺎﻧﻪ ،،، ﻭﺍﻟﻠﻪ ﺣﺴﺎﻡ ﻭﻻ ﺍﺗﻔﺎﻫﻢ ﻣﺸﻲ ﺟﺮﺍﻫﻮ ﻗﺎﻟﻴﻬﻮﻭ ﺍﻧﺎ ﻑ ﺍﻟﻠﺤﻈﺔ ﺩﻱ ﻧﺴﻴﺖ ﺻﺪﺍﻗﺘﻨﺎ ﻭﺧﻮﺗﻨﺎ ﻭ ﻋﺸﺎﻥ ﻟﻘﻴﺖ ﻡ ﻋﻨﺪﻫﺎ ﺭﺍﺟﻞ ﻳﺤﻤﻴﻬﺎ ﺗﻬﻴﻨﺎ ﺑﺎﻟﺸﻜﻞ ﺩﺍﺍ ﺩﻱ ﺭﺟﻮﻟﺘﻚ ، ﺍﻫﺎ ﺍﺳﺘﻔﺪﺕ ﺷﻨﻮ ، ﺍﻟﻌﺎﺭ ﻃﻠﻊ ﻣﻨﻚ ﻭﻓﻴﻚ ﺍﻧﺖ ﻭﺍﺧﻮﻙ ﻡ ﺭﺣﻤﺘﻮﻫﺎ ﺍﺧﻮﻙ ﺑﺪﺍﻫﺎ ﻭﺍﻧﺖ ﺗﻤﻴﺘﺎ ﻳﺎ ﻛﻠﺐ ، ﻃﻠﻘﺎﺍﺍﺍ ، ﻃﻠﻘﺎﺍﺍﺍﺍﺍﺍﺍ ، ﻗﺎﻟﻴﻬﻮ ﻫﻲ ﻣﺮﺗﻲ ﺍﻧﺎ ﻣﺎ ﺣﺎﻃﻠﻘﺎ ، ﻗﺎﻟﻴﻬﻮ ﺭﺍﺳﻚ ﻓﻮﻕ ﺭﻗﺒﻚ ﻳﺎ ﻭﻟﻴﺪ ﺍﻟﺰﻓﺖ ﺗﻄﻠﻘﺎﺍﺍﺍﺍ ، ﻭﻋﻤﻮ ﺑﻴﻘﻮﻟﻴﻬﻮ ﺣﺴﺎﻡ ﺑﺮﺍﺣﻪ ﻭﻫﻮ ﺯﺍﺗﻮ ﻣﺴﺪﻭﻡ ﻭ ﻣﺘﺎﺛﺮ ، ﻭ ﻭﻟﻴﺪ ﻣﺨﻠﻮﻉ ﻳﺎﺩﺍﺏ ﻋﺮﻑ ﻫﻮ ﻭﺻﻞ ﻟﻴﺎﺗﻮ ﻣﺮﺣﻠﻪ ﻣﻦ ﺍﻟﺤﻴﻮﻧﺔ ،، ﻗﺎﻝ ﻟﻲ ﺣﺴﺎﻡ ﻓﻜﻨﻲ ﻓﻜﻨﻲ ،، ﺍﺗﻔﻜﺎ ﻣﻦ ﺣﺴﺎﻡ ﻭﺟﺎﻧﻲ ﻗﺎﻟﻲ ، ﻭﺍﻟﻠﻪ ﺍﻋﻮﺿﻚ ﻳﺎ ﺳﻠﻮﺍﻥ ﻭﺍﻟﻠﻪ ﺍﺳﻌﺪﻙ ﺍﺩﻳﻨﻲ ﻓﺮﺻﻪ ، ﻋﻠﻴﻚ ﺍﻟﻠﻪ ﺗﺴﺎﻣﺤﻴﻨﻲ ،، ﻭ ﻭﺷﻮ ﻗﺼﺎﺩﻱ ﻭ ﺑﻴﺘﻜﻠﻢ ، ﺗﻔﻴﺖ ﻓﻴﻬﻮ ﻓﻲ ﻭﺷﺔ ، ﻗﻠﺖ ﻟﻴﻬﻮ ﺷﺎﻳﻒ ﺍﻟﺘﻔﻪ ﺩﻱ !
ﻛﺘﻴﺮﺓ ﻋﻠﻴﻚ ، ﺍﺑﻌﺪ ﻣﻦ ﻭﺷﻲ ﺍﻟﻌﺪ ﺯﺯﺯﺯﺡ ﻣﻨﻲ، ﻃﻠﻌﻮ ﺑﺮﺍ ﻳﺎ ﻋﻤﻮﻭﻭ ﻃﻠﻌﻮ ﺑﺮﺍﺍﺍ ﺍﻧﺎ ﻣﺎ ﺩﺍﻳﺮﺓ ﺍﺷﻮﻓﻮ ﺍﻟﻠﻪ ﻳﺎﺧﺪﻙ ﺍﻃﻠﻊ ، ﺍﻣﻲ ﻗﺎﻟﺖ ﻟﻴﻬﻮ ﻗﺒﻞ ﺗﻄﻠﻊ ﺗﻄﻠﻘﺎﺍ ، ﺑﺄﻧﻜﺴﺎﺭ ﻗﺎﻟﻲ ﺍﻧﺘﻲ ﻃﺎﻟﻖ ، ﺣﺴﺎﻡ ﻗﺎﻟﻴﻬﻮ ﺑﺎﻟﺘﻼﺗﻪ ،، ﻗﺎﻟﻲ ﻃﺎﻟﻖ ﺑﺎﻟﺘﻼﺗﻪ ..
ﺧﺎﻟﺘﻮ ﺳﻌﺎﺩ ﻗﺎﻣﺖ ﺳﺎﻗﺖ ﺍﻟﺒﺖ ﺍﻟﻤﻌﺎﻫﺎ ﺩﻱ ﻭ ﺟﺎﺗﻨﻲ ﺑﺎﺳﺘﻨﻲ ﻓﻲ ﺭﺍﺳﻲ ﻗﺎﻟﺖ ﻟﻲ ﺍﻧﺎ ﺍﺳﻔﻪ ﻭ ﻃﻠﻌﺖ ، ﻭ ﺣﺴﺎﻡ ﻃﻠﻊ ﺑﻲ ﻭﻟﻴﺪ ﺑﺮﺍﺍﺍ ﻡ ﻋﺎﺭﻓﻪ ﻋﻤﻞ ﻓﻴﻬﻮ ﺷﻨﻮﻭﻭ ،، ﺑﺲ ﻛﻞ ﺍﻻﻧﺎ ﻋﺎﺭﻓﻬﻮ ﻡ ﺩﺍﻳﺮﺓ ﺍﺷﻮﻑ ﺯﻭﻝ ﻭﻻ ﺩﺍﻳﺮﺓ ﺍﺗﻜﻠﻢ ﻣﻊ ﺯﻭﻝ .. ﻃﻠﻌﺘﺎ ﺑﺮﺍﻱ ﻓﻲ ﺍﻟﺴﻠﻢ ، ﻟﻤﻦ ﻭﺻﻠﺖ ﺍﻟﻐﺮﻓﻪ ﺩﺧﻠﺘﺎ ﻭ ﻗﻔﻠﺘﺎ ﺍﻟﺒﺎﺏ ﻭ ﻗﻌﺪﺕ ﺍﺑﻜﻲ ﺍﺑﻜﻲ ﻟﻤﻦ ﺣﺴﻴﺖ ﺭﻭﺣﻲ ﺩﻱ ﺣﺘﻄﻠﻊ ، ﻣﻌﻘﻮﻟﻪ ﺧﻼﺹ ﺍﻟﻘﺮﻑ ﺍﻟﻜﻨﺖ ﻓﻴﻬﻮ ﺩﺍ ﺍﻧﺘﻬﻰ ، ﺑﺒﻜﻲ ﺑﺲ ، ﺍﻣﻲ ﺑﺘﺨﺒﻂ ﻟﻲ ﺍﻟﺒﺎﺏ ﻗﻠﺖ ﻟﻴﻬﺎ ﺧﻠﻴﻨﻲ ﻱ ﺍﻣﻲ ﺍﺭﺗﺎﺡ ﺑﺲ ﻋﻠﻴﻜﻢ ﺍﻟﻠﻪ ﺧﻠﻮﻧﻲ ...
ﺣﺒﺴﺖ ﻧﻔﺴﻲ ﻓﻲ ﺍﻟﻐﺮﻓﻪ ﺩﻱ ﺑﻜﺎ ﻟﺤﺪ ﺍﻟﻔﺠﺮ ﻭﻣﻨﻬﺎ ﺍﻻﺫﺍﻥ ﺍﻻﺫﺍﻥ ،، ﻃﻠﻌﺖ ﻋﺸﺎﻥ ﺍﺗﻮﺿﺄ
ﻟﻘﻴﺖ ﺣﺴﺎﻡ ﻓﻲ ﻭﺷﻲ ،، ﻗﺎﻟﻲ : ﻳﺎ ﻫﻼﺍﺍ
ﻃﻮﺍﻟﻲ ﺭﺟﻌﺖ ﻭﻗﻔﻠﺖ ﺍﻟﺒﺎﺏ ،، ﺑﻌﺪ ﺣﺴﻴﺖ ﺑﻴﻬﻮ ﻣﺸﻲ ، ﺭﺟﻌﺖ ﺗﺎﻧﻲ ﻣﺸﻴﺖ ﺍﺗﻮﺿﻴﺖ ﻭﺟﻴﺖ ﺻﻠﻴﺖ ﺭﻏﻢ ﺍﻧﻲ ﻡ ﻋﺎﺭﻓﻪ ﺍﻟﻘﺒﻠﻪ ﻋﻠﻲ ﻭﻳﻦ .. ﻭ ﻧﻤﺖ ﻓﻲ ﺳﺠﺎﺩﺗﻲ ﻟﻠﺼﺒﺎﺡ ،، ﺻﺤﻴﺖ ﺑﺨﺒﻴﻂ ﺍﻟﺒﺎﺏ ، ﻭ ﻛﺎﻥ ﺻﻮﺕ ﻣﺮﻭﺓ
ﻡ ﺣﺴﻴﺖ ﺑﻨﻔﺴﻲ ﺟﺮﻱ ﻓﺘﺤﺖ ﻟﻴﻬﺎ ﺍﻟﺒﺎﺏ ، ﻭﺍﻟﻠﻪ ﺣﻀﻨﻬﺎ ﺑﺎﻟﺪﻧﻴﺎ ﻓﻘﺪﺗﻬﺎ ﺟﺪ ﻭﺍﺷﺘﻘﺖ ﻟﻴﻬﺎ ﺑﺤﺴﻬﺎ ﻣﻠﺠﺄﻱ ﺍﻟﻮﺣﻴﺪ ،، ﺑﺴﻠﻢ ﻋﻠﻴﻬﺎ ﻗﺮﻳﺐ ﻧﺺ ﺳﺎﻋﻪ ، ﺣﺘﻲ ﻟﻤﻦ ﻗﻌﺪﺕ ﻗﻌﺪﺕ ﻭﺍﻧﺎ ﻣﺎﺳﻜﺔ ﻓﻴﻬﺎ ﻭﻛﻞ ﺷﻮﻳﻪ ﺍﺑﻮﺳﻬﺎ ﻭﺍﺳﻠﻢ ﻋﻠﻴﻬﺎ ﺭﻏﻢ ﺍﻧﻲ ﻡ ﻋﺎﺭﻓﻪ ﺟﺎﺗﻨﻲ ﻛﻴﻒ ﺑﺲ ﺍﻛﻴﺪ ﺍﻣﻲ ﺟﺎﺑﺘﺎ ،، ﻳﺎﺩﺍﺏ ﺣﺴﻴﺖ ﺭﻭﺣﻲ ﺭﺩﺕ ﻋﻠﻲ ﻭ ﺑﻘﻴﺖ ﺍﺗﻜﻠﻢ ﻣﻌﺎﻫﺎ ﺑﻲ ﺍﺭﺗﻴﺎﺡ ﺑﺎﻟﺠﺪ ﻫﻲ ﺑﺘﻀﺤﻜﻨﻲ ﻭ ﺑﺘﺸﻐﻼﺍﺍﺍ ﻟﻲ ..
ﺷﺎﻳﻠﻪ ﻣﻌﺎﻫﺎ ﻛﻴﺲ ، ﻗﻠﺖ ﻟﻴﻬﺎ ﺩﺍ ﺷﻨﻮ ؟
ﻗﺎﻟﺖ ﻟﻲ ﻗﻮﻣﻲ ﻗﻮﻣﻲ ﺍﻧﺎ ﻡ ﺩﺍﻳﺮﺓ ﺍﻗﻌﺪ ﻓﻲ ﺍﻟﺒﻴﺖ ﺍﻟﺤﻠﻮ ﺩﺍ ﻗﻮﻣﻲ ﺑﺎﻟﻘﻮﺓ .. ﻓﺘﺤﺖ ﻟﻲ ﺍﻟﻜﻴﺲ ﻓﻴﻬﻮ ﻟﺒﺴﺔ ،ﺍﺟﺒﺮﺗﻨﻲ ﺍﻟﻠﺒﺴﺎ ﻭ ﻣﻜﻴﺠﺘﻨﻲ ، ﻭ ﺳﺎﻗﺘﻨﻲ ﻧﺰﻟﺘﻨﻲ ، ﻣﻦ ﻧﺰﻟﺖ ﺗﺤﺖ ﻛﺎﻧﻮ ﻣﺘﺠﻤﻌﻴﻦ ﻋﻠﻲ ﺍﻟﻔﻄﻮﺭ ، ﺑﺎﻟﺤﺪ ﺷﻜﻠﻬﻢ ﺷﻜﻞ ﻋﻴﻠﺔ ﺣﻠﻮﺓ ﺷﺪﻳﺪ ﺣﺘﻲ ﺣﺴﺎﻡ ﻗﺎﻋﺪ .. ﺻﺒﺤﺖ ﻋﻠﻴﻬﻢ ، ﻋﻢ ﻋﺒﺪﺍﻟﻠﻪ ﻗﺎﻟﻲ ، ﻟﻮ ﻋﺎﺭﻑ ﻣﻔﻌﻮﻝ ﻣﺮﻭﺓ ﺩﻱ ﻛﺎﻥ ﺟﺒﺘﻬﺎ ﻣﻦ ﺑﺪﺭﻱ ﻭ ﻗﻌﺪﻭ ﻳﻀﺤﻜﻮﻭ،، ﻗﺎﻟﺖ ﻟﻴﻬﻢ ﻋﺸﺎﻥ ﺗﻌﺮﻓﻮ ﻗﻴﻤﺘﻲ ﺑﺲ ﺑﻐﺾ ﺍﻟﻨﻈﺮ ﻋﻦ ﺍﻟﺨﻠﻌﻪ ﺩﻱ ﺣﺴﺎﻡ ﻭﻛﺪﺍ ﻫﻬﻬﻪ ﻛﺘﻤﺖ ﺍﻟﻀﺤﻜﺔ .. ﻗﺎﻟﺖ ﻟﻴﻬﻢ ﻳﻼﺍ ﺍﻟﻠﻴﻠﻪ ﺍﻧﺤﻨﺎ ﻃﺎﻟﻌﻴﻦ ، ﺣﺎﺗﻢ ﻗﺎﻟﻴﻬﺎ ﻭﺍﻧﺎ ؟
ﺳﺎﻣﺮﻳﻦ ﻗﺎﻟﺖ ﻟﻴﻨﺎ ﻭﺍﻧﺎ ؟
ﺣﺴﺎﻡ ﻗﺤﺎﺍﺍﺍ .. ﻗﺎﻡ ﻭﻗﻒ ﻭﻗﺎﻟﻴﻨﺎ ﺍﺫﻥ ﻛﺪﺍ ﺍﺭﺡ ، ﻭﻃﻠﻊ ﻗﺪﺍﻣﻨﺎ .. ﻛﻠﻬﻢ ﻗﻌﺪﻭ ﻳﻀﺤﻜﻮﻭ ﻓﺠﺎﻩ ﺣﺼﻠﺖ ﺯﺣﻤﺔ ﻫﻬﻬﻬﻪ .. ﻗﻠﺖ ﻟﻲ ﻣﺮﻭﺓ ﺍﻧﺎ ﻡ ﻃﺎﻟﻌﻪ ﻻ ﺣﺴﺎﻡ ﻣﺎﺷﻲ ﻟﻴﻪ ، . ﻗﺎﻟﺖ ﻟﻲ ﺍﻧﺘﻲ ﻫﺒﻠﻪ ﻭﻻ ﺷﻨﻮﻭ ﻳﻼ ﻳﻼ ﻋﺸﺎﻥ ﻡ ﺍﻛﺮﻙ ﻓﻲ ﺍﻟﺴﻠﻢ ﺩﺍﺍﺍ ... ﻃﻠﻌﻨﺎﺍ ﻣﺎ ﺷﺎﺀ ﺍﻟﻠﻪ ﺣﺎﺗﻢ ﺑﻌﺮﺑﻴﺔ ﺍﺑﻮﻫﻮ ﻭﺣﺴﺎﻡ ﺑﻌﺮﺑﻴﺘﻮ ﺑﺲ ﻛﻠﻨﺎ ﺍﺗﺪﻓﺴﻨﺎ ﻑ ﻋﺮﺑﻴﻪ ﻭﺣﺪﺓ ، ﻭﻣﺸﻐﻠﻴﻦ ﺍﻏﺎﻧﻴﻨﺎ ،
ﻭ ........ * ﺟﺰﺋﻴﺔ ﻣﻌﻠﻘﻪ
# ﺍﺣﺪﺍﺙ _ ﻣﺴﺮﻋﻪ ..
ﺳﺎﻣﺮ ﺍﺧﻮﻱ ﺭﺟﻊ ، ﺭﻏﻢ ﺍﻥ ﻑ ﺷﻮﻳﺔ ﺧﻼﻓﺎﺕ ﻛﺪﺍ ﻟﻜﻦ ﺍﻻﻣﻮﺭ ﻃﻴﺒﻪ ، ﻭﺭﺟﻊ ﺗﺎﻧﻲ ﺑﻌﺪ ﺧﻄﺐ ﻭﺣﺪﺓ ﺑﻴﺤﺒﻬﺎﺍﺍ ..
ﺣﺎﺗﻢ ﻭ ﻣﺮﻭﺓ ، ﺣﺒﻮ ﺑﻌﺾ ..
ﻣﻴﺎﺩﺓ ﻡ ﻧﺸﺮﺕ ﺍﻟﺨﺒﺮ ، ﺍﻟﻨﺸﺮﺗﻮ ﺍﻳﻼﻑ ﻭ ﻑ ﺍﻟﻨﻬﺎﻳﻪ ﺑﺮﺿﻮ ﻋﺮﺳﺖ ﻭﻟﻴﺪ ﻭ ﻋﺎﻧﺖ ﺍﻛﺘﺮ ﻣﻦ ﻣﻌﺎﻧﺎﺗﻲ ﻭ ﺑﻌﺪﺍﻙ ﻫﺞ ﻭ . ﺧﻠﻰ ﺍﻟﺴﻮﺩﺍﻥ ﻭﺧﻼﻫﺎ ﺣﺎﻣﻞ ...
ﻭ ﺳﺒﺤﺎﻥ ﺍﻟﻠﻪ ﻓﻌﻼ ﺍﻣﻲ ﻭﻫﻢ ﻋﺒﺪﺍﻟﻠﻪ ﺑﺎﻟﺘﻔﺎﻫﻢ ﺍﻟﺒﻴﻨﺎﺗﻬﻢ ﻗﺪﺭﻭ ﻳﺄﺳﺴﻮ ﺑﻴﺖ ﻭﺍﺳﺮﺓ ﺟﻤﻴﻠﻪ ،، ﺩﺍ ﺍﻟﺘﻐﻴﺮ ﺍﻟﺘﻐﻴﺮﺍﺕ ﺍﻟﺤﺼﻠﺖ ﻑ ﺍﻟﻤﺤﻞ ... ﻭ ﺍﺧﻴﺮﺍﺍﺍﺍﺍﺍﺍﺍﺍً ...
ﻓﺠﺄﺓ ﺣﺎﺗﻢ ﻭﻗﻒ ﺍﻟﻌﺮﺑﻴﻪ ﻓﻲ ﺍﻟﻜﺎﻓﻴﻪ ﺍﻟﻜﻨﺎ ﺑﻨﺘﻘﺎﺑﻞ ﻓﻴﻬﻮ ﺍﻧﺎ ﻭﺣﺴﺎﻡ ﻭ ﻧﺰﻟﻮ ﻫﻮ ﻭﻣﺮﻭﺓ ﻭﺳﺎﻣﺮﻳﻦ ﻭﺧﻠﻮﻧﺎ ﺑﺮﺍﻧﺎ ﻓﻲ ﺍﻟﻌﺮﺑﻴﻪ .. ﻣﺤﻞ ﺍﺧﺶ ﻡ ﻋﺮﻓﺘﺎﺍ .. ﻗﺎﻡ ﻧﺰﻝ ﻭ ﻓﺘﺢ ﺑﺎﺑﻲ ﻗﺎﻟﻲ ﻃﺒﻌﺎﺍ ﻡ ﺣﺘﻘﺪﺭﻱ ﺗﻨﺰﻟﻲ ﻋﺸﺎﻥ ﻛﺪﺍ ﺍﺳﻨﺪﻱ ﻓﻴﻨﻲ ، ﺑﻘﻴﺖ ﻣﺘﺮﺩﺩﺓ ﺍﻧﺠﺒﺮﺕ ﺍﺳﻨﺪ ﻭ ﻧﺰﻟﺘﺎﺍ ،ﻗﺎﻟﻲ ﻋﺎﺩﻱ ﻣﻤﻜﻦ ﺗﻤﺴﻜﻲ ﻓﻴﻨﻲ ﻳﻌﻨﻲ ، ﻗﻠﺖ ﻟﻴﻬﻮ ﻻ ﺑﻘﺪﺭ ﺍﻣﺸﻲ ﻋﺎﺩﻱ ..
ﻟﻘﻴﺘﻮ ﻣﺸﺎ ﻟﻨﻔﺲ ﺍﻟﻄﺎﻭﻟﺔ ﺣﻘﺘﻨﺎ ، ﻗﻌﺪﻧﺎﺍ ، ﻗﺎﻡ ﻗﺎﻟﻲ ،، ﺍﻧﺎ ﺟﻌﺎﻥ ﻧﻄﻠﺐ ﻧﺎﻛﻞ ﻋﺸﺎﻥ ﻧﺘﻜﻠﻢ ﻭﺍﻧﺤﻨﺎ ﺷﺒﻌﺎﻧﻴﻴﻴﻴﻦ ﻫﻬﻬﻪ ،، ﺧﺘﻴﺖ ﻳﺪﻱ ﻓﻲ ﺧﺸﻤﻲ ﻭ ﺳﻜﺘﺎﺍ ، ﻗﻠﺖ ﻟﻴﻬﻢ ﺍﺣﻢ ﻡ ﺗﺴﺎﻟﻨﻲ ... ﺍﻧﻚ ﺗﺎﻛﻠﻲ ﺷﻨﻮ ﻋﺸﺎﻥ ﻡ ﻋﻨﺪﻙ ﻗﺸﻪ ﻣُﺮﺓ ﺻﺢ ﻫﻬﻬﻬﻬﻪ ﻗﻌﺪﻧﺎ ﻧﻀﺤﻚ ، ﻗﺎﻟﻲ ﻟﻮ ﻣﺘﺬﻛﺮﺓ ﻋﻨﺪﻧﺎ ﻛﻼﻡ ﺍﻧﻘﻄﻊ ﻫﻨﺎ ، ﻭﺍﻧﺎ ﺟﺒﺘﻚ ﻋﺸﺎﻥ ﻧﺘﻤﻮﻭ !
ﺗﺘﺰﻛﺮﻱ ﻭﻗﻔﻨﺎ ﻭﻳﻦ ؟
ﻗﻠﺖ ﻟﻴﻬﻮﻭ ، ﺍﻳﻮﻭﻭﺓ
ﻗﺎﻟﻲ ﻣﺎﺷﺎﺀﺍﻟﻠﻪ ﺯﺍﻛﺮﺗﻚ ﻗﻮﻳﻪ ﺍﻫﺎ ﻭﻗﻔﻨﺎ ﻭﻳﻦ ؟
ﻗﻠﺖ ﻟﻴﻬﻮ ﻓﻲ .. # ﺃﻧﺎ _ ﻛﻤﺎﻥ _ ﺑﺤﺒﻚ
ﻭ ﻗﺎﻝ ﻟﻲ : ﻣﺎ ﻧﺴﻴﺖ ﻣﻼﻣﺢ ﺑﺴﻤﺘﻚ ﻭ ﺍﻧﺎ ﻟﺴﻪ ﻗﺎﺩﺭ ﺍﻭﺻﻔﻪ ﻳﺎﻟﻔﻴﻨﻲ ﻓﻲ ﻛﻞ ﺍﻟﺤﻮﺍﺱ ﻳﺎ ﺍﻟﺴﺎﻛﻨﻪ ﻛﻞ ﺍﻻﺭﺻﻔﻪ
ﺑﺤﺒﻮ ﺣُﺐ ﺃﻛﺒﺮ ﻣﻦ ﺍﻟﺠـﻮﺭ ﻭﺍﻟﻤﺸﺎﻭﻳﺮ ﺍﻟﻤﺴﻔﻠَﺘﺔ ﺑﺎﻟﺘﻌﺐ ، ﻭﺯﻱ ﻣﺎ ﺍﻟﺮﺣﻮﻝ ﻋِﺰ ﺍﻟﻌﺮﺏ ﺃﻧﺎ ﻋِﺰّﻱ ﺿﺤﻜﺔ ﻭﻏﻨﻴﺘﻴـﻦ ﻭﻃﺮﻳﻖ ﻧﻬﺎﻳﺘﻪ ﻋﻴﻮﻧـﻮ ﺗَﺐ
ﻭ # ﻓﻲ _ ﺍﻟﺨﺘﺎﻡ
ﻭ " ﺍﻟﺴﻜﺔ ﻣﺎ ﺻﻌﺒﺔ .. ﺻﻌﺐ ﺍﻟﺮﻓﻴﻖ ﺍﻟﺼﺎﺡ "
ﺗﻤﺖ ﺑﺤﻤﺪﺍﻟﻠﻪ
ﺑﺘﻤﻨﻲ ﺗﻜﻮﻥ ﻧﺎﻟﺖ ﺭﺿﺎﻛﻢ ﻭ ﺍﺳﺘﺤﺴﺎﻧﻜﻢ
ﻭ ﺑﻨﺘﻼﻗﺎ ﻟﻮ ﻑ ﺍﻟﻌﻤﺮ ﺑﻘﻴﺔ .. ﻭ ﺍﻋﻔﻮ ﻟﻲ ﻟﻮ ﺳﻘﻄﺖ ﻣﻨﻲ ﺗﻌﺎﺑﻴﺮ ﺳﻬﻮﺍً ﻭ ﻋﻠﻲ ﺍﻻﺧﻄﺎﺀ ﺍﻻﻣﻼﺋﻴﻪ ﺩﻱ ..