اغتصاب معلن

17

# ﺍﻏﺘﺼﺎﺏ _ ﻣُﻌﻠﻦ
- ١٧ -
ﺑﻘﻠﻢ / ﺳﺤﺮ ﺳﻤﻴﺮ ..
* ﻡ ﻟﻠﺪﺭﺟﺔ ﺩﻱ ﻳﺎ ﺍﻣﻲ ﻟﻜﻦ ﺣﻤﺪﻟﻠﻪ
_ ﺑﺼﺮﺍﺣﻪ ﻳﺎ ﺳﻠﻮﺍﻥ ﺍﻧﺎ # ﺩﺍﻳﺮﺓ _ ﺍﻋﺮﺱ
* ﻫﻬﻬﻬﻬﻬﻪ ﻗﻠﺘﻲ ﺷﻨﻮ ﻳﺎ ﺍﻣﻲ ؟
_ ﺳﻠﻮﺍﻥ ﻣﺎﻓﻲ ﺷﻲ ﺑﻀﺤﻜﻚ ‏( ﺑﻬﺮﺷﻪ ‏)
* ﺍﺳﻔﻪ ﻳﺎ ﺍﻣﻲ ﺑﺲ ﺍﻭﻝ ﻣﺮﺓ ﺗﺨﻠﻄﻲ ﺍﻟﻬﺰﺍﺭ ﻣﻊ ﺍﻟﺠﺪ ، ﻳﻌﻨﻲ ﺑﻨﺘﻜﻠﻢ ﻓﻲ ﺣﻴﺎﺗﻨﺎ ﻓﺠﺄﺓ ﺟﺒﺘﻲ ﻟﻲ ﺳﻴﺮﺓ ﻋﺮﺱ ﻫﻬﻪ ﺍﺳﻔﻪ ﻣﺮﺓ ﺗﺎﻧﻴﻪ
_ ﺑﺲ ﺍﻧﺎ ﻣﺎ ﻗﻌﺪ ﺍﻫﺰﺭ ﻳﺎ ﺳﻠﻮﺍﻥ
* ﺑﺴﻢ ﺍﻟﻠﻪ ﺍﻣﻲ ﻛﺪﻱ ﻗﻮﻟﻲ ﺑﺴﻢ ﺍﻟﻠﻪ ،ﻣﺎﻟﻚ ﻓﻲ ﺷﻨﻮ ﻟﻴﻪ ﻣﺼﺮﺓ ﺗﻘﻠﺒﻲ ﺍﻟﻬﺰﺍﺭ ﺟﺪ ! ﺑﺘﺨﻮﻓﻴﻨﻲ ﺍﻧﺘﻲ ﻋﻴﺎﻧﻪ ؟ﻓﻴﻜﻲ ﺷﻲ ﻭﺭﻳﻨﻲ ﻋﺸﺎﻥ ﺑﺪﻳﺖ ﺍﺧﺎﻑ !
_ ﺍﺳﺘﻐﻔﺮ ﺍﻟﻠﻪ ، ﻟﻴﻪ ﻳﻌﻨﻲ ﻋﺸﺎﻥ ﻓﻜﺮﺗﺎ ﻓﻲ ﺍﻟﻌﺮﺱ ﺍﺑﻘﻰ ﻣﺮﻳﻀﻪ ﻭ ﻋﻴﺎﻧﻪ ﺍﻟﻐﻠﻂ ﺷﻨﻮ ﻭﻻ ﺍﻟﻬﺰﺍﺭ ﺷﻨﻮ ﻓﻲ ﺍﻟﻤﻮﺿﻮﻉ ﺩﺍ ﻣﻤﻜﻦ ﺗﻔﻬﻤﻴﻨﻲ ؟ ﺣﺮﺍﻡ ﻻ ﺳﻤﺢ ﺍﻟﻠﻪ ؟ ﺟﺮﻳﻤﺔ ؟ ﻭﺭﻳﻨﻲ !
* ﺍ ﺍﺍ ﺍﻣﻢ ﺍﻣﻲ ﻳﻌﻨﻲ ﺍﺍﺍﻧﺘﻲ ﺑﺘﺘﻜﻠﻤﻲ ﺟﺪ ؟
_ ﺍﻳﻮﺓ ﺑﺘﻜﻠﻢ ﺟﺪ ﻳﺎ ﺳﻠﻮﺍﻥ ﻭﺟﺪ ﺷﺪﻳﺪ ﻛﻤﺎﻥ
* ﻃﻂ ﻃﻴﺐ ﻭ ﺍﺑﻮﻱ ؟ ﻧﺴﻴﺘﻴﻬﻮ ؟
_ ﺍﺑﻮﻛﻲ ﺭﺑﻨﺎ ﻳﺘﻮﻻﻫﻮ ﺑﺮﺣﻤﺘﻬﻮﺍﻟﺤﻴﺎﺓ ﺑﺘﻤﺶ ﻣﺎ ﺑﺘﻘﻴﻒ ..
* ﻓﻌﻼً ﺍﺑﻮﻱ ﺍﻟﻠﻪ ﻳﺮﺣﻤﻮ ، ﻋﻦ ﺍﺫﻧﻚ .... ّ
‏( ﻓﻲ ﺟﺎﻧﺐ ﺗﺎﻧﻲ ‏)
* ﻭﺍﻟﻠﻪ ﻣﺎ ﻋﺎﺭﻑ ﻳﺎ ﻭﻟﻴﺪ
_ ﻳﺎ ﺯﻭﻝ ﻛﻴﻒ ﻣﺎ ﻋﺎﺭﻑ ﺍﻧﺖ ﺑﺮﺍﻙ ﻣﺘﻨﺎﻗﺾ ﻗﺒﻞ ﺷﻮﻳﺔ ﻛﻨﺖ ﺑﺘﻘﻮﻝ ﺍﻧﻚ ﻏﻠﻄﺎﻥ !
* ﺍﻧﺎ ﻣﺎ ﻋﺎﺭﻑ ﻣﺎﻟﻲ ﺑﺠﻦ ﻛﻞ ﻣﺎ ﺍﺷﻮﻓﻬﺎ ، ﺑﺲ ﺍﻟﻤﺮﺓ ﺩﻳﻚ ﺯﻭﺩﺗﻬﺎ ﺷﺪﻳﺬ ﻟﺪﺭﺟﺔ ﺑﻘﺖ ﻛﻞ ﻣﺎ ﺗﺸﻮﻓﻨﻲ ﺑﺘﻜﺮﻫﻨﻲ
_ ﻃﻴﺐ ﺍﻋﺘﺬﺭ
* ﻣﺸﻴﺖ ﻟﻴﻬﺎ ﻟﺤﺪ ﻣﺤﻞ ﺷﻐﻠﻬﺎ ﺟﻴﺖ ﺍﺗﻜﻠﻢ ﻟﺴﺎﻧﻲ ﺍﺗﺮﺑﻂ ﻭ ﺍﻟﻤﻜﺎﻥ ﻡ ﻛﺎﻥ ﻣﻨﺎﺳﺐ ﻟﻸﻋﺘﺬﺍﺭ ﻭﻟﻤﻦ ﺭﺩﺕ ﻟﻲ ﺑﻲ ﺯﻋﻞ ﺍﻧﻔﺠﺮﺕ ﻓﻴﻬﺎ ﺑﻨﻔﺲ ﺍﻟﻄﺮﻳﻘﻪ ﺟﺪﻋﺖ ﻟﻴﻬﺎ ﺍﻟﺮﻗﻢ ﻭﺩﺍ ﺍﻟﺘﺼﺮﻑ ﺍﻟﻤﺤﻴﺮﻧﻲ ﻡ ﻋﺎﺭﻑ ﻟﻴﻪ ﺑﻌﻤﻞ ﻛﺪﺍﺍ ..
_ ﻭﺍﻟﻠﻪ ﻳﺎ ﺻﺤﺒﻲ ﺍﻧﺖ ﺑﺘﺤﺒﻬﺎ ﺑﺲ ﻣﻜﺎﺑﺮ ﻭ ﻣﺎ ﺩﺍﻳﺮ ﺗﻌﺘﺮﻑ ﺑﻜﺪﺍ
* ﺑﺼﺮﺍﺣﻪ ﻳﺎ ﻭﻟﻴﺪ ﺍﻧﺎ ﻣﺎ ﻣﺘﻌﻮﺩ ﺍﺩﺱ ﻣﻨﻚ ﺣﺎﺟﻪ ﻟﻜﻦ ﻓﻲ ﺳﺒﺐ ﻣﺎﻧﻌﻨﻲ ﻟﻜﻦ ﺧﻠﻲ ﻓﻲ ﻭﻗﺘﻮ
_ ﺍﺗﻜﻠﻢ ﻓﻲ ﺷﻨﻮ ؟
* ﻻﻻ ﺧﻠﻲ ﻓﻲ ﻭﻗﺘﻮ ، ﺍﻫﺎ ﻣﺎ ﻭﺭﻳﺘﻨﻲ ﻋﻤﻠﺖ ﺷﻨﻮ ؟
_ ﻓﻲ ﺷﻨﻮ ؟
* ﻓﻲ ﺣﺐ ﻋﻤﺮﻙ !
_ ﺣﺴﺎﻡ ﺍﻛﻴﺪ ﺍﻧﺖ ﻣﺎﺟﺎﺩﻱ ، ﻭﻓﺎﺓ ﺍﺣﻤﺪ ﺩﻱ ﻣﺎ ﻏﻴﺮﺕ ﻣﻦ ﺍﻧﻬﺎ ﻛﺎﻧﺖ ﺩﺍﻳﺮﺓ ﺍﺧﻮﻱ ﻓﻲ ﻳﻮﻡ
* ﻻﺣﻮﻻﺍﺍﺍﺍﺍﺍﺍﺍﺍ ﺗﺼﺪﻕ ﻟﻲ ﺳﻨﻴﻦ ﺑﻌﺮﻓﻚ ﻟﻜﻦ ﺍﻭﻝ ﻣﺮﺓ ﺍﻋﺮﻑ ﺍﻥ ﻣﺨﻚ ﺩﺍ ﻣﺘﺮﺑﺲ ، ﻳﺎﺥ ﺍﺧﻮﻙ ﻭ ﺭﺑﻨﺎ ﻳﺮﺣﻤﻪ ، ﻭ ﺛﺎﻧﻴﺎً ﻣﺎ ﻛﺎﻧﺖ ﻓﻲ ﻋﻼﻗﻪ ﺣﺐ ﺑﻴﻦ ﺍﺣﻤﺪ ﺍﻟﻠﻪ ﻳﺮﺣﻤﻮ ﻭﺍﻟﺒﻨﺖ ﺩﻱ ﻭ ﻋﻠﻲ ﻛﻼﻣﻚ ﻭﺍﻟﺪﺗﻚ ﺍﻟﺨﻄﺒﺘﺎ ﻟﻴﻬﻮ ، ﻭﺍﺳﻲ ﺩﻱ ﻓﺮﺻﺘﻚ # ﺗﺜﺒﺖ ﺣﺒﻚ
_ ﺍﻟﺒﻨﺖ ﺍﻧﻄﻮﺍﺋﻴﻪ ﻳﺎ ﺣﺴﺎﻡ ﻭﺣﺘﻰ ﻣﺎ ﻗﺎﺩﺭ ﺍﻋﺮﻑ ﺍﺫﺍ ﻣﻤﻜﻦ ﺗﻘﺒﻞ ﺑﻲ ﻭﻻﻻ ، ﻭﻻ ﺣﺘﻲ ﺍﺫﺍ ﻓﺎﺗﺤﺘﻬﺎ ﻓﻲ ﺍﻟﻤﻮﺿﻮﻉ ﺩﺍ ﻛﻴﻒ ﻣﻤﻜﻦ ﺗﻜﻮﻥ ﺭﺩﺕ ﻓﻌﻠﻬﺎ ﻣﺎﺣﺎﺑﻲ ﺍﺧﺴﺮ ﻧﻈﺮﺗﺎ ﻟﻲ ﻛﺮﺍﺟﻞ
* ﺷﻮﻑ ﻳﺎ ﻭﻟﻴﺪ # ﻧﺼﻴﺤﻪ ﻟﻠﺪﻧﻴﺎ ﻭﺍﻟﺰﻣﺎﻥ ، ﺑﻨﺖ ﺍﻟﻨﺎﺱ ﺍﻟﻤﺤﺘﺮﻣﺔ ﻡ ﺑﺘﻘﻌﺪ ﻓﻲ ﺑﻴﺖ ﺍﻫﻼ ﻛﺘﻴﺮ ﺑﻜﺮﺓ ﺑﻌﺪ ﺑﻜﺮﺓ ﻳﺘﻘﺪﻡ ﻟﻴﻬﺎ ﻭﺍﺣﺪ ﺗﻄﺒﺮ ﻣﻦ ﻳﺪﻙ ﺑﻌﺪﻳﻦ ﺗﺠﻲ ﺗﻐﻨﻲ ﻇﻠﻤﻮﻧﻲ ، ﻋﺸﺎﻥ ﻛﺪﺍﺍﺍ ﺍﻟﺤﺐ ﻡ ﺑﻴﺠﻲ ﻛﻞ ﻳﻮﻡ ﻭﻻ ﺑﻨﻌﻴﺸﻮ ﻛﻞ ﻟﺤﻈﻪ ﻭﻻ ﺑﺎﻟﺴﺎﻫﻞ ﺯﻭﻝ ﺑﻴﺨﺶ ﺟﻮﺍﻙ .
_ ﺍﻗﺒﺾ ﺍﻗﺒﺾ ﻳﺎ ﺯﻭﻝ ﺍﻧﺖ ﻏﺮﻗﺎﻥ ﻟﻶﺧﺮ ﺑﺘﺘﻜﻠﻢ ﻋﻦ ﺍﻟﺤﺐ ﻭﺍﻧﺖ ﺳﺮﺣﺎﻥ ﻭﺍﺣﺮ ﺍﻧﺪﻳﺎﺥ ﻳﺎ ﺻﺤﺒﻲ ﻣﺎ ﻋﻴﺐ ﺍﻟﺮﺍﺟﻞ ﻳﻌﺘﺮﻑ ﻭﻳﻘﻮﻝ ﺍﻧﺎ ﺑﺤﺐ
* ﺍﺣﺴﺎﺱ ﺟﺪﻳﺪ ﻋﺸﺎﻥ ﻛﺪﺍ ﻣﺎ ﻗﺎﺩﺭ ﺍﻋﺮﻑ ﻭﺍﺣﺪﺩ ﺍﺫﺍ ﻛﺎﻥ ﺣﺐ ﻭﻻﻻ ﻳﺎﺍﺍﺍﺍﺍﺍ ﺍﻟﻠﻪ
_ ﺟﺎﺑﺖ ﻟﻴﻬﺎ ﺗﻨﻬﻴﺪﻩ ، ﺍﻟﻠﻪ ﻳﺴﻌﺪﻙ ﻳﺎ ﺻﺤﺒﻲ ﻭ ﻡ ﺗﻨﺴﻰ ﺗﻌﺘﺰﺭ ، ﻣﺎ ﻋﻴﺐ ..
* ﺣﺤﺎﻭﻝ ...
ﺍﻧﺎ ﻣﺼﺪﻭﻣﺔ ﻓﻲ ﺃﻣﻲ ، ﻣﺴﺘﺤﻴﻞ ﺍﻣﻲ ﺗﻜﻮﻥ ﺟﺎﺩﺓ ، ﻣﺴﺘﺤﻴﻞ ، ﺩﻱ ﺍﻣﻲ ﻣﻌﻘﻮﻝ ! ﻣﻌﻘﻮﻝ ﻧﺴﺖ ﺍﺑﻮﻱ ﺑﺎﻟﺴﻬﻮﻟﻪ ﺩﻱ ! ﻣﻌﻘﻮﻟﻪ ﻗﺪﺭﺕ ﺗﻨﺠﺎﻭﺯ ﻟﻤﺘﻨﺎ ﻓﻲ ﺳﻔﺮﺓ ﻭﺣﺪﺓ ؟
ﻣﻌﻘﻮﻟﻪ ﻧﺴﺖ ﺣﺐ ﺍﺑﻮﻱ ﻟﻴﻬﺎ ؟ ﻣﻌﻘﻮﻟﻪ ﻗﺮﺭﺕ ﺑﺎﻟﺴﺮﻋﻪ ﺩﻱ ؟ ﺍﺑﻮﻱ ﻟﺴﻪ ﻣﺎ ﺗﻢ ﺳﻨﺔ ، ﻻ ﻣﺴﺘﺤﻴﻞ ﺍﻣﻲ ﺗﻌﺮﺱ ﻳﺎﺥ ﺩﺍﻳﺮﺓ ﺗﻤﻘﻠﺒﻨﻲ ﺳﺎﻱ ﻫﻬﻬﻬﻬﻪ ﻣﺎ ﺑﺘﺴﻮﻳﻬﺎ ﺍﻣﻲ ، ﻛﺪﻱ ﺍﻗﻮﻡ ﺍﻏﺴﻞ ﻭﺷﻲ ﻭﺍﻣﺸﻲ ﻟﻴﻬﺎ ﺗﺎﻧﻲ ﻣﻌﻘﻮﻟﻪ ﻗﺎﻋﺪﻩ ﺍﺑﻜﻲ ﺯﻱ ﺍﻟﺸﺎﻓﻌﻪ ﻛﺪﺍﺍ ﻋﻠﻲ ﻣﺰﺣﻪ ﺯﻱ ﺩﻱ ، ﻫﻬﻬﻪ
# ﺍﺳﺘﻜﻜﺎﻧﺔ ~»
ﻳﺘﺒﻊ .