اغتصاب معلن

3

#اغتصاب_مُعلن
-٣-

الليله ووووووب ، الليلة ووووووووب
يا امي وووووووب يا امي يا امي نقبل وين وتقول يا منو يا امي وووووب ...
_مالك يا بت بتندبي و تلطمي كدا زي الميت ليك زول في شنو مالك اصلك من جيتي داخله البيت دا وشك قالب و مصفر و ما عاجباني كلو كلووو ...
*ابوي يا امي ، ابووووووووووووي يا وجع قلبي عليك يا غالي والله يا امي ماقادرة اتحرك خايفه
_ابووك ! ابوك مالو يا بت اتكلمي !
*اتخيلي يا امي اتصل علي واحد غريب من تلفون ابوي ، وقال لي انو ابوي عمل حادث يا امييييييي
_ووووب علي سجمي سجمي سجمي
*قومي البسي توبك
_ووواي واااي واااي ...
فعلاً طلعنا ما عارفين علي وين ، بس اللهم طلعنا واخدنا لينا امجاد ، اتصلت علي تلفون ابوي لعل وعسى الزول داك يرد يفهمنا حاجة انا من الخلعه قبيل قفلت و ما سألتو عن اي حاجة .. جرسين تلاته حتى رد علي راجل عجوز من خلال صوتو ما الراجل الكلمني اول مرة داك ،،. اتكلمت معاهو و اداني العنوان ،، كلمت بتاع الامجاد بالمكان ، وامي دي طول السكة تولول و تلطم و تكورك لمن وصلنا مكان الحادث ، دنيا وعالمين الناس ملمومة ، نزلنا من العربيه انا رجليني دي دايرة اليجرها لي ، نزلت و بقيت واقفه في مكاني و امي دي جرت دخلت في نص الناس ،، و فجاه فكت الصرخه ، في اللحظة دي بقيت ما قادرة اتحرك بالجد ، انتو عارفين احساس ابوك روحك مافي مافي وصف ممكن اقولو ليكم احساس انتو عارفنو كويس يعني شنو ابو ، حتي لو لاقدر الله كان انسان قاسي او بضربك او بشاكلك او بنق فيك ، ف النهايه بيفضل ابوك مستحيل تشوفو متأذي و ما تتأثر ، و انا حمدلله ابوي نعم الاب و نعم الرجولة يعني ما دايرة اقول ليكم بحبو اكتر من امي ، بس انا لقيت الحنية بزياده فيهوو ،، و علي فكرة انا ما جبت ليكم سيرة عن اخ ولا اخت لي ، انا عندي سامرين اختي الاصغر مني عمرها 24 سنة ( حتعرفوها قدام ) و سامر 30 سنة مغترب سعوديه برضو بيشتغل مع خطيبي ،، المهم دا كلو حتعرفو ..

المهم بقيت شايفة الناس قدامي مهزوزة زي الفي زول ماسك راسي و بيهزو لي ، و ديك عربية الاسعاف واقفه قدامي ، و كوارك امي معجزني اكتر ،، لقيت نفسي ماشه علي الناس و شايفه مرة كدا في عمر امي معاها راجل عجوز ماسكين امي بيقولو ليها يت حجة قولي لا إله الا الله ، استغفري ربك
انا هنا م حسيت بنفسي الا وانا جاريه و بدافر في الناس ، لممن فجاة لقيت روحي واقفه و تحت رجولي ابوي ممد علي الارض و مغطينو بي قطعه بيضا و الدم حولينو في كل مكان ، والله ما كوركتا ولا بكيت ، بس بركتا في الارض و صوت امي والناس فجاه حسيتو بقا م مسموع ،
مديت يدي علي الغطا دايرة افتح وشو ، واحد من المسعغين قالي خلاص وشو اتقفل ، قلت ليهو يعني شنو ؟
قالي يعني صاحب الامانه اخد امانتو ، قلت ليهو بس يمكن دا ما ابوي ،، قالي انا الكلمتك من تلفون ابوك ، قلت ليهو بس اشوف وشو عليك الله عليك الله حلفتك ، و دموعي ديل نزلوو زي موية النار في وشي ، رفع لي الغطا لقيت وشو كله. دم دايرة احضنوو ، مسكوني رفعوني منو ، و شالو بالنقالة في الاسعاف ،
كل دا وانا عندي امل انه حيسعفوهو و لا يودوهو المستشفى و يلقو لسه عايش ، بس ما حصل كداا ، للحظه لقيت نفسي في دوامة بكا و ناس ، و للحظه لقيتهم بقولو لي تعالي ودعي ابوكي واعفي عنه ، للحظة لقيتهم بقولو لي شدي حيلك ، للحظة لقيتهم بيعزو فيني ، للحظة لقيت سامر اخوي جا عشان العزا ، للحظة لقيت بيتنا بقى ما فيهو ابوي للحظة كل حاجه اتغيرت ...
أخاف غياب أبي لأن بروتوكولات الحياة لا تسير إلا بمساندته.. لقد توغل داخلي كشيء يحال نزعه وآمنت به لدرجة أنني بت أعتقد أنه لن يتركني ماحييت.💔

، تلاته يوم فارشين ، خطيبي ما رفع سماعة التلفون قالي ازيك يا سلوان ، ولا البركة فيكي ، في حين ان في نفس يوم وفاة ابوي كان المفروض يحددو عرسي ، بس حصل الحصل ...
بعد العزاء انتهى و رفعنا الفراش ، سادس يوم من وفاة ابوي ، جاتنا خالتو سلوى البيت ..
_ سلوان ...
*تعالي سمر ( سامرين اختي )
_امي قالت ليكي تعالي سلمي علي خالتو سلوى بتسأل منك
*طيب .. بس كدي تعالي انا دايرة اسألك
_ اهااا
*انتي مش مفروض كان عندك امتحان اول امبارح !
_اها يعني يا سلوان مفروض كان امشي امتحن وابوي ميت ؟
*شوفي انا لو عارفه انك ممتحنه اليوم دا م كان خليتك جيتي ، اي ابوي مات و دا قضاء ربنا و قدر ربنا يرحمه ، لكن كمان لو كان حي ما كان حيقبل انك تضيعي امتحانك و انتي عارفه قدر شنو هو بيحب العلم كان مستعد يبيع هدومو عشان يقرينا و يعلمنا ..
_يا سلوان حتي لو كان مشيت امتحنتا انا ما كنت حاقدر احل حاجة انتي ما شايفه حالنا ، انتي م حاسه بالفقد دا ابوي يا سلوان عمود البيت دااا تاني فصل لينا منوو ،
*البركة في امي و في سامر
_سامر كلها كم يوم و حيرجع يتغرب و يخلينا براناا
*انتي م تشغلي بالك كل حاجة حتتحلا اهتمي بقرايتك و انجحي و اتفوقي ، وحققي حلم ابوي الله يرحمه ..
_ حاضر ..
* انا حقوم اطلع اسلم و بعد ارجع نت م كلامنا عندي معاكي موضوع تاني طيب ..
_تمام ...

*خالتو سلوى ازيك ...
_حمدلله حبيبتي انتي لسه بتبكي ، عايني وشك دا ورام كيف يا بتي
*ابوي كان عزيز و غالي والخلعه الدخلت فينا ما اظن تمرق مننا تاني ..
_بعد دا الدعاء هو البينفعو
*ربنا يرحمه و يغفر ليهو ..
_بصراحه انا جيتكم في موضوع يمكن يكون دا ما وقتو اسي ، لكن لا بد نتكلم فيهوو واعفي لي يا فاطمة ..
_ يا سلوى ما تقولي كداا عليكي الله الدنيا ياها بتمش ما بتقيف
_ اي والله بتمش و ربنا يهون علينا وعليكم كل مر يا رب العالمين ..
_ اللهم امين يا رب ..
_طبعاً زي ما عارفين مفروض كنا حنجيكم و نحدد العرس بس الحصل ما بيدنا ، و زي ما عارفين احمد ملزم بي شغلو و اجازتو كانت قصيرة شديد ، عشان كداا اضطر يرجع السعودية ، سافر !

#استككانة 🍕~

يتبع