اغتصاب معلن

14

# ﺃﻏﺘﺼﺎﺏ _ ﻣُﻌﻠﻦ ‏[ 14 ‏]
ﺑﻘﻠﻢ / ﺳﺤﺮ ﺳﻤﻴﺮ ......
ﻃﻴﺐ ﺍﻧﺎ ﻟﻴﻪ ﻣﺎ ﻓﻜﺮﺗﺎ ﺍﻧﺰﻟﻮ !
ﻻﻻﻻ ﺣﺮﺍﺍﻡ ﻣﻬﻤﺎ ﻛﺎﻧﺖ ﺍﻟﻤﺸﻜﻠﻪ ﺍﻟﺤﺄﻗﻊ ﻓﻴﻬﺎ ﺑﺮﺿﻮ ﻡ ﺍﻛﺘﻞ ﺭﻭﺡ ﺭﺑﻨﺎ ﺧﻠﻘﺎ ..
ﻃﻴﺐ ﻭﻟﻴﺪ ﻟﻮ ﻋﺮﻑ ﻭﻻ ﺍﻣﻪ ﻭﻻ ﺍﻣﻲ ، ﻳﺎﺍ ﺭﺑﻲ ﻣﻘﻔﻠﻪ ﻣﺴﺘﺤﻴﻞ ﻳﻘﺒﻞ ﺑﻲ ، ﻳﺎ ﺍﻟﻠﻪ ﺍﺣﺴﻦ ﺣﺎﺟﺔ ﺍﻧﺎ ﺍﺗﻨﺎﺳﻰ ﻓﻜﺮﺓ ﺍﻟﺰﻭﺍﺝ ﺩﻱ ﻛﻠﻮ ﻛﻠﻮﻭ ﻣﺴﺘﺤﻴﻞ ﺍﻧﺎ ﺗﺎﻧﻲ ﺍﻓﻜﺮ ﻓﻲ ﺍﻟﺰﻭﺍﺝ ...
ﺍﻫﺮﺏ !
ﻟﻴﻪ ﻻ ! ﺍﻣﺸﻲ ﺑﻌﻴﺪ ﻣﻜﺎﻥ ﻣﺎﻑ ﺯﻭﻝ ﺑﻴﻌﺮﻓﻨﻲ ﻓﻴﻬﻮ ! ﻃﻴﺐ ﺳﺎﻣﺮﻳﻦ ﻭﺍﻣﻲ ﺣﻴﺤﺼﻞ ﻓﻴﻬﻢ ﺷﻨﻮ ؟ ﻳﺎ ﺭﺑﻲ ﺍﻧﺎ ﺍﻛﻴﺪ ﺟﻨﻴﺖ ﻣﻌﻘﻮﻝ ﺗﻮﺻﻞ ﺑﻲ ﻟﻠﻬﺮﻭﺏ ، ﻣﻌﻘﻮﻝ ﺩﻱ ﻧﻬﺎﻳﺘﻲ !!
ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻳﺎ ﺭﺏ ﺍﺳﺘﻐﻔﺮ ﺍﻟﻠﻪ ..
ﻧﻤﺘﻪ .. ﻭ ﺻﺤﻴﺖ ﺍﻟﺼﺒﺎﺡ ، ﺻﻠﻴﺖ ﺻﻼﺗﻲ ﻭ ﺟﻬﺰﺗﺎ ﻭ ﻃﻠﻌﺘﺎ ﻋﻠﻲ ﺍﻟﺸﻐﻞ ، ﻛﺎﻟﻌﺎﺩﻩ ﻣﻜﺘﺌﺒﻪ ﻭ ﺍﺧﻼﻗﻲ ﺿﺎﻳﻘﻪ ..
ﻭﺻﻠﺖ ﺍﻟﻤﺤﻞ ﻣﺘﺎﺧﺮﺓ ، ﻟﻘﻴﺖ ﻧﻘﺎﺵ ﺣﺎﺻﻞ ﻗﺪﺍﻣﻲ ، ﻣﻊ ﺣﺎﺟﺔ ﺯﻳﻨﺐ ، ﺩﻱ ﺷﻐﺎﻟﻪ ﻣﻊ ﺍﻣﻲ ﻭ ﻫﻲ ﺍﻟﺒﺘﻨﺠﺰ ﺍﻏﻠﺒﻴﻪ ﺍﻟﺤﻠﻮﻳﺎﺕ ، ﻭ ﻣﻴﺎﺩﻩ ﻭ ﺭﺍﺟﻞ ﻛﺪﺍﺍ ﻛﺒﻴﺮ ﻳﻌﻨﻲ ، ﺑﻴﺘﻨﺎﻗﺸﻮ ﺑﺲ ﺻﻮﺗﻬﻢ ﻋﺎﻟﻲ ،، ﺻﺒﺤﺖ ﻋﻠﻴﻬﻢ ﻭ ﺳﻜﺖ
ﻋﺸﺎﻥ ﻳﺘﻤﻮ ﻛﻼﻣﻬﻢ ﻭﺍﻋﺮﻑ ﺍﻟﻤﺸﻜﻠﻪ ﻭﻳﻦ !
ﻟﻘﻴﺖ ﺧﻠﻠﻪ ﺯﻳﻨﺐ ﺑﺘﻘﻮﻝ ﻟﻴﻬﻮ ، ﺍﺻﺒﺮ ﻋﻠﻴﻨﺎ ﻭ ﺍﺧﺪ ﺍﻟﺸﻬﺮﻳﻦ ﻣﻊ ﺑﻌﺾ ، ﻗﺎﻟﻴﻬﺎ ﺍﻧﺎ ﻛﻼﻣﻲ ﻣﻊ ﺍﺧﺖ ﻓﺎﻃﻤﺔ ، .. ﻛﺪﺍ ﺍﻧﺎ ﻓﻬﻤﺖ ﺍﻟﻤﻮﺿﻮﻉ ، ﻗﻠﺖ ﻟﻴﻬﻮﻭ ، ﺍﺯﻳﻚ ﻳﺎ ﻋﻤﻮﻭ ، ﺍﻧﺎ ﺳﻠﻮﺍﻥ ﺑﺖ ﻓﺎﻃﻤﺔ ،، ﺳﺒﺤﺎﻥ ﺍﻟﻠﻪ ﺳﻠﻢ ﻋﻠﻲ ﺑﻲ ﺣﺮﺍﺭﺓ ﻭﻣﻼﻣﺢ ﻭﺷﻮ ﻧﻮﺭﺕ ﻭﺍﻟﻌﻘﺪﻩ ﺍﻟﺒﻴﻦ ﺣﻮﺍﺟﺒﻮ ﻓﻜﺖ ،، ﻗﺎﻟﻲ ﺍﺯﻳﻚ ﻳﺎ ﺑﻨﺘﻲ ﺍﻥ ﺷﺎﺀ ﺍﻟﻠﻪ ﺍﻧﺘﻲ ﻛﻮﻳﺴﻪ ،، ﻗﻠﺖ ﻟﻴﻬﻮ ﻓﻲ ﻧﻌﻤﺔ ﻣﻦ ﺍﻟﻜﺮﻳﻢ ﺣﻤﺪﻟﻠﻪ ، ﻃﺒﻌﺎ ﻳﺎ ﻋﻤﻲ ﺍﻧﺎ ﻓﻬﻤﺖ ﻣﻦ ﺧﻼﻝ ﻛﻼﻣﻜﻢ ﺍﻧﻚ ﺩﺍﻳﺮ ﺍﻻﻳﺠﺎﺭ ﺣﻖ ﺍﻟﻤﺤﻞ ، ﻭﺍﻧﺖ ﻋﺎﺭﻑ ﺍﻥ ﺍﻟﻔﺘﺮﺓ ﺍﻟﻔﺎﺗﺖ ﺩﻱ ﻣﺎ ﻛﻨﺎ ﺷﻐﺎﻟﻴﻦ ﺑﺴﺒﺐ ﻭﻓﺎﺓ ﺍﺑﻮﻱ ﺍﻟﻠﻪ ﻳﺮﺣﻤﻮﻭ ، ﻭ ﻃﺒﻌﺎ ﺍﻣﻲ ﻓﻲ ﺍﻟﻌﺪﻩ ﻭﺍﻧﺤﻨﺎ ﺍﻟﻤﺎﺳﻜﻴﻦ ﺍﻟﺸﻐﻞ ﻭ ﺑﻨﺤﺎﻭﻝ ﻧﻤﺸﻲ ﺍﻟﻮﺿﻊ ﻭﺣﺎﻟﻴﺎً ﺍﻟﻤﻴﺰﺍﻧﻴﻪ ﻣﺎ ﺑﺘﺴﻤﺢ ﺍﺫﺍ ﻗﺪﺭﺕ ﺗﺼﺒﺮ ﻋﻠﻴﻨﺎ ﺗﻜﻮﻥ ﻣﺎ ﻗﺼﺮﺗﺎﺍ ...
ﻗﺎﻟﻲ ، ﺭﺑﻨﺎ ﻳﺮﺣﻤﻮ ﺍﻥ ﺷﺎﺀ ﺍﻟﻠﻪ ﻭ ﺍﻋﻔﻲ ﻟﻲ ﻭﺍﻟﻠﻪ ﺍﻧﺎ ﻣﺎ ﻗﺼﺪﺗﺎ ﺍﺿﻐﻂ ﻋﻠﻴﻜﻢ ﻭﻻ ﺣﺎﺟﻪ ﺑﺲ ﻡ ﻛﻨﺖ ﻋﺎﺭﻑ ﺍﻟﻈﺮﻭﺏ ﺍﻟﻜﻨﺘﻮ ﻣﺎﺭﻳﻦ ﺑﻴﻬﺎ . ﺍﻟﻤﻬﻢ ﺑﻠﻐﻲ ﺳﻼﻣﻲ ﻟﻠﻮﺍﻟﺪﻩ ﻭ ﺑﻠﻐﻴﻬﺎ ﺍﻟﺘﻌﺎﺯﻱ ،، ﻳﺒﻠﻎ ﺍﻥ ﺷﺎﺀﺍﻟﻠﻪ ...
ﻣﻴﺎﺩﺓ ﻗﺎﻟﺖ ﻟﻲ ﻭﺍﻟﻠﻪ ﻃﻠﻌﺘﻲ ﻣﺎ ﻫﻴﻨﻪ ﻳﺎ ﺳﻠﻮﺍﻥ ﻗﺪﺭﺗﻲ ﺗﺤﻨﻜﻴﻬﻮ ﻟﻜﻦ ، ﺍﻧﺤﻨﺎ ﻟﻴﻨﺎ ﻗﺮﻳﺐ ﺳﺎﻋﻪ ﻧﻠﻐﻠﻎ ﻣﻌﺎﻫﻮ ﻭﻻ ﺟﺎﻳﺐ ﺧﺒﺮ ﺭﺍﺳﻮ ﻭﺍﻟﻒ ﺳﻴﻒ ﺩﺍﻳﺮ ﻗﺮﻭﺷﻮ ﻫﻬﻬﻬﻪ
ﻗﻠﺖ ﻟﻴﻬﺎ ﺍﻟﻤﻨﻄﻖ ﺑﻴﻘﻨﻊ ﻫﻮ ﺯﻭﻝ ﻃﻴﺐ ﻟﻜﻦ ﺷﻜﻠﻮ ﺑﻴﺤﺐ ﺍﻻﻧﻀﺒﺎﻁ ﻭﺍﻟﺸﻐﻞ ﺷﻐﻞ ، ﺍﻟﻠﻪ ﻳﺪﻱ ﺍﻟﻌﺎﻓﻴﻪ ﺯﻛﺮﻧﻲ ﺏ ﺍﺑﻮﻱ ﺍﻟﻠﻪ ﻳﺮﺣﻤﻪ ..
ﺍﻟﻠﻪ ﻳﺮﺣﻤﻮ ّ. . ﻳﻼ ﺷﻮﻓﻲ ﻱ ﺳﻠﻮﺍﻥ ﺍﻟﻠﻴﻠﻪ ﻋﻨﺪﻧﺎ ﻛﻴﻜﺔ ﻓﺮﺍﻭﻟﻪ ﻟﻌﻴﺪ ﻣﻴﻼﺩ ﺗﻼﺗﻪ ﺍﺩﺍﻭﺭ ، ﺷﻜﻠﻬﺎ ﺑﺘﺎﻋﺖ ﺟﻼﺑﺔ ، ﺑﺎﻟﻠﻪ ﺩﺍﻳﺮﻳﻦ ﻧﺠﺘﻬﺪ ﻭ ﻃﺎﻟﺒﻴﻦ 12 ﺩﻭﻧﺎﺗﻪ ﻣﻴﻜﺲ , ﻓﺎﺍ ﺩﺍﻳﺮﻳﻦ ﻳﺪﻙ ﻣﻌﺎﻧﺎ ، ﻭﺗﺴﺎﻋﺪﻭﻧﻲ .. ﻗﻠﺖ ﻟﻴﻬﺎ ﺍﻧﺘﻲ ﺍﻟﻨﺰﻟﺘﻲ ﺍﻟﺪﻭﻧﺎﺕ ﺩﺍ ﻓﻲ ﺍﻟﻤﻨﻴﻮ ﺍﻧﺘﻲ ﺗﺘﺤﻤﻠﻲ ﻣﺴﺆﻟﻴﺘﻮ ، ﺧﺎﻟﻪ ﺯﻳﻨﺐ ﻣﺎ ﺣﺼﻞ ﻋﻤﻠﺘﻮﻭﻭ ،، ﻗﺎﻟﺖ ﻟﻲ ﻻﺯﻡ ﻧﺠﺪﺩ ﻭﺍﻥ ﺷﺎﺀﺍﻟﻠﻪ ﺣﻴﺰﺑﻂ ﺑﺲ ﻳﺪﻛﻢ ﻣﻌﺎﻱ ﻭ ﻛﻞ ﺍﻟﻌﻠﻴﻜﻲ ﺗﻌﻤﻠﻴﻬﻮ ، ﺗﻮﺻﻠﻲ ﺍﻟﻤﺎﺭﻛﺖ ﻧﺠﻴﺒﻲ ﻟﻲ ﺷﻜﻮﻻﺗﻪ ﺧﺎﻡ ﻭ ﻗﺸﻄﻪ ﻃﺒﺦ ..
ﻗﻠﺖ ﻟﻴﻬﺎ ﻃﺒﺦ ! ﺣﺘﻄﺒﺨﻲ ﺍﻟﻜﻴﻜﺔ ،، ﻗﺎﻟﺖ ﻟﻲ ﻱ ﻏﺒﻴﻪ ﻳﻌﻨﻲ ﺑﺘﺨﺶ ﺍﻟﻨﺎﺭ ﺍﻟﻤﻬﻢ ﺟﻴﺒﻴﻬﻢ ﻟﻲ ، ﺩﻱ ﻛﻞ ﺷﻐﻠﺘﻚ ، ﺍﻫﺎ ﺗﻌﺒﺘﻚ ؟
ﻗﻠﺖ ﻟﻴﻬﺎ ﺻﺮﺍﺣﻪ ﻻﺍﺍ ....
ﻣﺸﻴﺖ ، ﺟﺒﺖ ﻟﻴﻬﺎ ﺍﻟﻄﻠﺒﺎﺕ ﻭ ﺟﻴﺖ ﺭﺍﺟﻌﺔ ﻗﻌﺪﺕ ﻓﻲ ﻣﺤﻠﻲ ، ﻟﺤﺪ ﺍﻟﺴﺎﻋﻪ 5 ﻛﺪﺍﺍ ، ﻭﻗﻔﺖ ﻋﺮﺑﻴﻪ ﻗﺼﺎﺩ ﺍﻟﻤﺤﻞ ، ﻧﺰﻟﺖ ﻣﻨﻬﺎ ﺑﻨﺖ ، ﻭ ﺗﺎﻧﻲ ﻡ ﻋﺎﻳﻨﺘﺎ ، ﻟﻤﻦ ﻭﺻﻠﺖ ﺑﻘﺖ ﺗﺘﻜﻠﻢ ﻣﻊ ﻣﻴﺎﺩﻩ ، ﻓﺠﺄﺓ ﺳﻤﻌﺖ ﺻﻮﺕ ﻭﺍﻗﻒ ﻗﺪﺍﻣﻲ ، ﻗﺎﻟﻲ :
_ ﺳﻼﻡ ﻋﻠﻴﻜﻢ ..
* ﻳﺎ ﻫﻼ ﻭﻋﻠﻴﻜﻢ ﺍﻟﺴﻼﻡ .... ﺭﻓﻌﺖ ﺭﺍﺳﻲ ﻋﺎﻳﻨﺎ ﻟﺒﻌﺾ ﻓﻲ ﻧﻔﺲ ﺍﻟﻠﺤﻈﺔ ..
_ ............. ﺍﻧﺘﻲ !
* ﺍﺍﺍ ﺍﺍ ، ﺍﺣﻢ ﺍﺍ ﺍﺍﻱ
_ ﺑﺘﺸﺘﻐﻠﻲ ﻫﻨﺎ ﺍﻧﺘﻲ !
* ﺍﺍ ﺍﺍﻱ
_ ﺗﻤﺎﻡ ، ﺍﻟﻔﺎﺗﻮﺭﺓ ﻟﻮ ﺳﻤﺤﺘﻲ؟
* ﻟﺤﻈﺔ ، .... ﺍﺗﻔﻀﻞ
_ ﺗﻤﺎﻡ .. ﻋﻦ ﺍﺯﻧﻚ ....
ﺟﺎﺗﻨﻲ ﻣﻴﺎﺩﻩ ، ﻣﺒﺤﻠﻘﻪ ﻓﻴﻨﻲ ، ﻗﺎﻟﺖ ﻟﻲ :
_ ﺳﻠﻮﺍﻥ ! ﺑﺘﻌﺮﻓﻴﻬﻮ ؟
* ﻻ ﻣﺎ ﺑﻌﺮﻓﻮ
_ ﻱ ﺑﺖ ﻛﺎﻥ ﺑﺘﻜﻠﻢ ﻣﻌﺎﻛﻲ ﻭ ﺑﻴﻌﺎﻳﻦ ﻓﻴﻜﻲ ﻣﻦ ﺟﺎ ﺩﺍﺧﻞ ﺍﻟﻤﺤﻞ ﻛﻴﻒ ﻻ !
* ﺍﺗﻼﻗﻴﻨﺎ ﺑﺎﻟﺼﺪﻓﻪ
_ ﺩﺍ ﺷﻐﺎﻝ ﻓﻲ ﺻﻴﺪﻟﻴﻪ ﺍﻭﻛﺴﺠﻴﻦ ﺍﻟﺠﻤﺒﻨﺎ ﺩﻳﻚ ﺑﻌﺪ ﺍﻟﻴﻮﺗﺮﻥ ..
* ﺍﻫﺎﺍﺍﺍ ﻛﻮﻳﺲ ﻭﺍﻟﻠﻪ . ﺍﻫﺎ ﺍﻧﺎ ﺗﻌﺒﺖ ﻣﻦ ﺍﻟﻘﻌﺪﻩ ﺗﺎﻧﻲ ﻓﻲ ﺣﺎﺟﻪ ؟
_ ﻻﻻ ﺧﻼﺹ
* ﺍﻟﻠﻴﻠﻪ ﺍﻟﺪﺧﻞ ﻭﺍﻭ ﺣﻤﺪﻟﻠﻪ ﻏﺎﻳﺘﻮ ﺑﻔﻀﻞ ﺭﺑﻨﺎ ﺛﻢ ﻣﺠﻬﻮﺩﻙ ﺍﻧﺘﻲ ﻭﺧﺎﻟﺘﻮ ﺯﻳﻨﺐ ﻡ ﻧﻨﺤﺮﻡ ﻣﻨﻜﻢ ﻳﺎ ﺭﺏ ..
_ ﻳﺎﺭﺏ ﻭﻟﺴﻪ ﺍﻟﺠﺎﻱ ﺍﺣﻼ ﺑﺄﺫﻥ ﺍﻟﻠﻪ ..
* ﺑﺎﺫﻥ ﺍﻟﻠﻪ ..
ﻛﺎﻥ ﺻﺎﺑﺢ ﺍﻟﺠﻤﻌﺔ ..
ﻓﻲ ﺻﺒﺎﺡ ﺍﻟﺠﻤﻌﻪ ﺩﺍ ، ﺟﺎﺗﻨﻲ ﻣﺮﻭﺓ ﻓﻄﺮﺕ ﻣﻌﺎﻧﺎ ﻭ ﻗﻌﺪﺕ ﻣﻌﺎﻧﺎ ﻟﻠﻤﻐﺮﺏ ، ﻭ ﺍﺗﻔﻘﺖ ﻣﻊ ﺍﻣﻲ ﺗﺸﺘﻐﻞ ﻣﻌﺎﻧﺎ ، ﻣﻨﻪ ﺗﻮﻧﺴﻨﻲ ﺯﺍﺗﻮﻭ ..
ﺻﺒﺎﺡ ﺍﻟﺴﺒﺖ ، ﻛﺎﻟﻌﺎﺩﻩ ﻣﺎﺷﻪ ﺳﺮﺣﺎﻧﻪ ﻭ ﻣﺴﻬﻤﺔ ﻓﻲ ﺍﻟﺸﺎﺭﻉ ، ﻧﺰﻟﺖ ﻗﺒﻞ ﺍﻟﻤﺤﻞ ﺑﺸﺎﺭﻉ ، ﻓﺠﺎﺓ ﺑﻘﻴﺖ ﺳﺎﻣﻌﻪ ﺍﺻﻮﺍﺕ ﺍﻟﺒﻮﺭﻱ ﻭﺍﻟﻜﻠﻜﺴﺎﺕ ، ﻟﻤﻦ ﺍﺗﻠﻔﺖ ﻟﻘﻴﺖ ﻧﻔﺴﻲ ﻣﺎﺷﻪ ﻓﻲ ﺷﺎﺭﻉ ﺟﺎﻧﺒﻲ ﻭﻣﻨﻪ ﻳﻮﺗﺮﻥ ، ﻭ ﺩﺍ ﺑﺎﻟﻌﺮﺑﻴﻪ ﻳﻀﺮﺏ ﻓﻲ ﺍﻟﻜﻠﻜﺲ ...
ﻧﺰﻝ ﻣﻦ ﺍﻟﻌﺮﺑﻴﻪ ﺭﺯﻉ ﺍﻟﺒﺎﺏ ، ﻭ ﻳﺎﻫﻮ ﺯﺍﺗﻮ ﺯﻭﻝ ﺍﻟﺼﻴﺪﻟﻴﻪ .. ﻗﺎﻟﻲ :
_ ﺍﻧﺘﻲ ﻣﺘﺨﻠﻔﻪ ! ﻃﺮﺷﺔ ﺍﻧﺘﻲ ؟؟ ‏( ﺑﻲ ﻛﻮﺭﺍﻙ ‏)
* ﻓﻲ ﺷﻨﻮ ﺑﺲ ﺍﻧﺎ ﻣﺎ ﻛﻨﺖ ﺍﺍ ...
_ ﻛﻨﺘﻲ ﺷﻨﻮ ﻭﻣﺎ ﻛﻨﺘﻲ ﺷﻨﻮ ﺍﺳﻲ ﺍﻧﺎ ﻟﻮ ﺿﺮﺑﺘﻚ ﻛﺘﻠﺘﻚ ﻣﺎﻓﻲ ﺯﻭﻝ ﺣﻴﻠﻮﻣﻨﻲ ﺟﺎﺩﻋﻪ ﻟﻲ ﻧﻔﺴﻚ ﻓﻲ ﻧﺺ ﺍﻟﻄﺮﻳﻖ ﻟﻮ ﺩﺍﻳﺮﺓ ﺗﻤﻮﺗﻲ ، ﺍﻣﺸﻲ ﻣﻮﺗﻲ ﺑﻌﻴﺪ ﻋﻨﻲ ﻣﺎ ﺗﺒﻠﻴﻨﺎ ﻣﻌﺎﻙ ، ﺍﻭﻭﻭﻭﻭﻭﻑ ﻧﺎﺱ ﺗﻘﺮﻑ ﻣﻦ ﺻﺒﺎﺡ ﺭﺑﻨﺎﺍ ... ‏( ﺭﻛﺐ ﻋﺮﺑﻴﺘﻮ ﻭﻓﺎﺕ ‏) ..
ﻭ ﺍﻧﺎ ﻭﺍﻗﻔﻪ ﺩﻣﻮﻋﻲ ﺩﻳﻞ ﻋﺸﺮﺓ ﻋﺸﺮﻭ ﻭ ﻣﺎ ﻓﺎﻫﻤﻪ ﺣﺼﻞ ﺷﻨﻮ ﻭﻻ ﺍﻧﺎ ﺟﺎﺑﻨﻲ ﻓﻲ ﻧﺺ ﺍﻟﻄﺮﻳﻖ ﺩﺍ ﺷﻨﻮﻭﻭ ، ﺑﺲ ﻭﺍﻗﻔﺔ ﻭ ﺑﺒﻜﻲ ..
# ﺍﺳﺘﻜﻜﺎﻧﺔ ~»
ﻳﺘﺒﻊ