اغتصاب معلن

30

# ﺃﻏﺘﺼﺎﺏ _ ﻣُﻌﻠﻦ ‏[ 30 ‏]
ﺑﻘﻠﻢ / ﺳﺤﺮ ﺳﻤﻴﺮ .....
* ﻋﺮﻓﺘﺎ ﺍﻟﻔﻴﻨﻲ ﺷﻨﻮ ؟
_ ﺃﻳﻮﺓ ﻋﺮﻓﺘﺎ ، ﻋﺮﻓﺖ ﻣﻦ ﺍﻭﻝ ﻣﺮﺓ ﻗﺎﺑﻠﺘﻚ ﻓﻴﻬﺎ ، ﺍﻧﺎ ﻣﺎ ﺍﻻﻧﺴﺎﻥ ﺍﻟﺴﻄﺤﻲ ﺍﻟﺒﻴﻌﺎﻗﺐ ﺍﻧﺴﺎﻥ ﻋﻠﻲ ﺯﻻﺕ ﻣﻮﺟﻮﺩﺓ ﻓﻲ ﺣﻴﺎﺗﻮ ﺯﻱ ﻡ ﻗﻠﺘﻲ ﺍﻧﺤﻨﻞ ﺑﺸﺮ ﺑﻨﺨﻄﺄ ﻭ ﻧﺼﻴﺐ ﻭ ﺍﻧﺎ ﻣﺎﺷﻲ ﺏ ﻣﺒﺪﺃ ‏( ﺍﻟﻔﻜﺮﻩ ﻣﺎ ﺇﻧﻮ ﻛﻞ ﺯﻭﻝ ﺃﺩﺭﻯ ﺑﺎﻟﺼﺢ ﻓﻲ ﺣﻴﺎﺗﻮ ﻗﺪﺭ ﻣﺎ ﺇﻧﻮ ﻳﻜﻮﻥ ﻋﺎﺭﻑ ﺇﻧﻮ ﺣﻴﻘﺪﺭ ﻳﺴﺘﺤﻤﻞ ﻋﻮﺍﻗﺐ ﺇﺧﺘﻴﺎﺭﺍﺗﻮ / ﺣﻤﺎﻗﺎﺗﻮ ﻟﻮ ﻃﻠﻌﺖ ﻏﻠﻂ ﻓﻲ ﺍﻵﺧﺮ ﻳﻌﻨﻲ ‏) ، ﻭ ﺍﻧﺘﻲ ﻏﻠﻄﺘﻲ ﺑﻐﺾ ﺍﻟﻨﻈﺮ ﻋﻦ ﻧﻮﻉ ﺍﻟﻐﻠﻂ ﺍﻧﺎ ﻣﺎ ﺍﻟﺰﻭﻝ ﺍﻟﺒﻴﺼﻨﻒ ﺍﻟﻐﻠﻂ ﻭﺍﻧﻪ ﻏﻠﻂ ﻋﻦ ﻏﻠﻂ ﺑﻴﻔﺮﻕ ﻑ ﺍﻟﻨﻬﺎﻳﻪ ﻫﻮ ﻏﻠﻂ ، ﻭ ﻛﻮﻧﻚ ﺍﻧﺘﻲ ﻋﺮﻓﺘﻲ ﺍﻧﻚ ﻏﻠﻄﺎﻧﻪ ﻭ ﺑﺘﺤﺎﻭﻟﻲ ﻡ ﺗﻜﺮﺭﻳﻬﻮ ﻫﻨﺎ ﺑﺘﻜﻤﻦ ﺍﻟﻘﻮﺓ ﻣﺶ ﺍﻧﻚ ﺗﺪﻓﻌﻲ ﻋﻤﺮﻙ ﻛﻠﻮ ﻓﻲ ﺳﺒﻴﻞ ﻏﻠﻄﻪ ﻭﺣﺪﺓ ،،
* ﺷﻜﻠﻚ ﻡ ﻋﺸﺖ ﻓﻲ ﺍﻟﺴﻮﺩﺍﻥ ، ﺑﺲ ﻟﻼﺳﻒ ﺍﻧﺎ ﺿﺪﻙ ﺍﻧﻪ ﻏﻠﻂ ﻋﻦ ﻏﻠﻂ ﺑﻴﻔﺮﻕ ﻳﻤﻜﻦ ﺍﻧﺖ ﻙ ﺭﺍﺟﻞ ﺑﺘﺸﻮﻑ ﻛﻜﺪﺍ ﻣﻦ ﻭﺟﻬﺔ ﻧﻈﺮﻙ ﺑﺲ ﺍﻧﺎ ﻛﺒﻨﺖ ﻓﻲ ﻣﺠﺘﻤﻊ ﻋﺮﺑﻲ ﻟﻼﺳﻒ ﺑﻴﻔﺮﻕ ، ﺑﺲ ﺯﻱ ﻡ ﻗﻠﺘﺎ ﺍﻟﻮﺣﺪ ﻳﺒﻘﻲ ﻑ ﺍﻟﻨﻬﺎﻳﻪ ﻗﺪﺭ ﺣﻤﺎﻗﺎﺗﻮ ﻭﺍﺧﺘﻴﺎﺭﺍﺗﻮ ﻭﺍﻧﺎ ﺍﻟﺮﺍﺟﻴﻨﻲ ﻛﺘﻴﺮ ﻳﺎ ﺣﺴﺎﻡ ﺍﺍﺍﺍﺍﺍﺍﺍﺍﺍﺍﺍﺍﻩ ﺭﺑﻨﺎ ﻳﺴﻬﻞ ﺍﻣﺮﻱ ﺍﺩﻋﻲ ﻟﻲ ﻛﻞ ﻡ ﺗﺘﺰﻛﺮﻧﻲ ..
_ ﻫﻮ ﺍﻧﺎ ﺑﻨﺴﺎﻙ ﻋﺸﺎﻥ ﺍﺗﺰﻛﺮﻙ ﺍﻧﺘﻲ ﻡ ﻋﺎﺭﻓﻬﺮﺣﺎﺟﻪ ﺳﺎﻱ ﻳﺎ ﺳﻠﻮﺍﻥ ، ﻣﺎ ﺑﺮﺍﻙ ﺍﻟﺮﺍﺟﻴﻜﻲ ، ﺍﻧﺎ ﺍﻟﺮﺍﺟﻴﻨﻲ ﺍﻛﺘﺮﺭﺭﺭﺭﺭ
* ﻟﻴﻪ ﺑﺤﺲ ﺍﻧﻚ ﻏﺮﻗﺎﻥ ﻓﻲ ﺍﻟﻤﺸﺎﻛﻞ ؟
_ ﻫﻲ ﻣﺸﺎﻛﻞ ﺍﺳﺮﻳﺔ ﺯﻱ ﻡ ﺑﺘﺤﺼﻞ ﻓﻲ ﺍﻱ ﺍﺳﺮﺓ ، ﻭﺯﺍﺗﺎ ﻡ ﺑﺘﻘﺎﻝ ﻋﻠﻴﻬﺎ ﺍﺳﺮﺓ ﻻﻧﻬﺎ ﻧﺎﻗﺼﻪ ﺍﻫﻢ ﺷﺨﺺ ، ﻋﻤﻮﻭﻭﺩ ﺍﻟﺒﻴﺖ ﺍﻟﻠﻲ ﻫﻲ ﻭﺍﻟﺪﺗﻲ ﺭﺣﻤﺔ ﺍﻟﻠﻪ ﻋﻠﻴﻬﺎﺍﺍ ..
* ﺭﺑﻨﺎ ﻳﺮﺣﻤﻬﺎ ﻭﻳﻐﻔﺮ ﻟﻴﻬﺎ .. ﺍﺗﻮﻓﺖ ﻗﺮﻳﺐ ؟
_ ﻻﻻﻻ ﻣﺘﻮﻓﻴﻪ ﻣﻦ ﺑﺪﺭﻱ ﺍﻧﺎ ﻭﺍﺧﻮﻱ ﺭﺑﺎﻧﺎ ﺍﺑﻮﻱ ﺍﻟﻠﻪ ﻳﺪﻳﻬﻮ ﺍﻟﻌﺎﻓﻴﻪ ﻭ ﺷﺎﻟﺖ ﻣﻌﺎﻫﻮ ﺧﺎﻟﺘﻲ ﻭﻋﻤﺘﻲ ﺍﻟﻤﺴﺆﻟﻴﻪ ﺳﺎﻋﺪﺗﻮ ﻛﺘﻴﺮ ..
* ﺍﺗﺰﻭﺟﺎ ﻟﺨﺎﻟﺘﻚ ﻳﻌﻨﻲ ؟
_ ﻻ ﺍﺑﻮﻱ ﻛﺎﻥ ﺿﺪ ﻓﻜﺮﺓ ﺍﻟﺰﻭﺍﺝ ﺍﻥ ﺯﻭﺟﺔ ﺍﻻﺏ ﻣﺴﺘﺤﻴﻞ ﺗﺒﻘﻲ ﺑﺤﻨﺎﻥ ﺍﻻﻡ ﺍﻻ ﻣﺎ ﻧﺪﺭ ﻳﻌﻨﻲ ﺭﻏﻢ ﺍﻧﻪ ﻭﺿﻌﻮ ﻛﺎﻥ ﺑﻴﺴﻤﺢ ﺑﺲ ﺭﻓﺾ ﺍﻟﺸﻲ ﺩﺍﺍ ﺗﻤﺎﻣﺎً ﻭﻛﺮﺱ ﺟﺰﻭ ﻛﺒﻴﺮ ﻣﻦ ﺣﻴﺎﺗﻮ ﻋﺸﺎﻧﻲ ﺍﻧﺎ ﻭﺍﺧﻮﻱ ..
* ﻃﻴﺐ ﻣﺸﺎﻛﻞ ﻓﻲ ﺷﻨﻮ ؟
_ ﻭﺍﻟﻠﻪ ﻳﺎ ﺳﻠﻮﺍﻥ ﻫﻲ ﻣﺎ ﺑﺘﻘﺪﺭﻱ ﺗﻘﻮﻟﻲ ﻋﻠﻴﻬﺎ ﻣﺸﺎﻛﻞ ﺑﺲ ﺍﻧﻪ ﺧﻼﻓﺎﺕ ﻭﺳﻮﺀ ﺗﻔﺎﻫﻢ ﺍﻟﻤﻮﺿﻮﻉ ﻣﻌﻘﺪ ﺷﻮﻳﺔ ﻭﻣﻠﺨﺒﻂ ﻟﻜﺖ ﻟﻘﺪﺍﻡ ﺑﺘﻌﺮﻓﻴﻬﻮ ﺑﺎﺫﻥ ﺍﻟﻠﻪ .. ﺑﺲ ﺍﻧﺎ ﺑﺼﺮﺍﺣﻪ ﻓﻲ ﺣﺎﺟﺔ ﻣﻀﺎﻳﻘﺎﻧﻲ ﻣﻦ ﺍﻣﺲ ..
* ﺷﻨﻮ ﻫﻲ ؟
_ ﻗﻠﺘﻲ ﻟﻲ ﺍﻥ ﺍﻟﻠﻴﻠﻪ ﺍﺧﺮ ﻣﺮﺓ ﺗﻠﻘﻲ ﻓﻴﻬﺎ ﻃﺮﻳﻔﻪ ﺗﻄﻠﻌﻲ ﺑﻴﻬﺎ ﻣﻦ ﺍﻟﺒﻴﺖ ، ﻟﻴﻪ ﻓﻲ ﺷﻨﻮ ؟
* ....... ......... ﺍﺍ ﻣﻢ
_ ﻓﻲ ﺷﻨﻮ ﺍﺣﻜﻲ ﻟﻲ
* ﻡ ﻫﺴﻲ ﺑﺲ ﺑﺤﻜﻲ ﻟﻴﻚ ﺗﻤﺎﻡ !
_ ﻃﻴﺐ ، ﺍﻧﺎ ﺍﺳﺘﺄﺫﻧﻚ ﻓﻲ ﺍﻟﺼﻴﺪﻟﻴﻪ ﻭﺳﺎﻳﺐ ﺍﻟﺸﻐﻞ ﻛﻠﻪ ﻋﻠﻲ ﺭﺍﺱ ﺻﻬﻴﺐ
* ﺗﻤﺎﻡ ، ﺍﻧﺘﺒﻪ ﻋﻠﻲ ﻧﻔﺴﻚ
_ ﻳﺎﺍﺍﻩ ﺍﻭﻝ ﻣﺮﺓ ... ﺣﺎﺿﺮﺭﺭﺭ ﻳﻼ ﻭﺍﻧﺘﻲ ﻛﻤﺎﻥ ، ﻑ ﺍﻣﺎﻥ ﺍﻟﻠﻪ
* ﻑ ﺍﻣﺎﻥ ﺍﻟﻠﻪ ....
_ ﻳﺎ ﺳﻠﻮﺍﺍﺍﺍﺍﺍﻥ ، ﺳﻠﻮﻭﻭﺍﺍﺍﺍﻥ ﻳﺎ ﺑﺖ
* ﺍﻳﻮﻭﻭﺓ ﻳﺎ ﺍﻣﻲ ﺟﺎﻳﺎﻛﻲ ، ﺧﻴﻴﻴﺮ ﻓﻲ ﺷﻨﻮ ؟
_ ﻣﺎﻟﻚ ﻡ ﺟﻴﺘﻲ ﺍﻟﻤﺤﻞ ؟
* ﺑﻌﺪ ﻃﻠﻌﺘﺎ ، ﻧﺴﻴﺖ ﻣﻮﺑﺎﻳﻠﻲ ﺟﻴﺖ ﺭﺍﺟﻌﻪ ﻛﺴﻠﺖ ﺍﺟﻲ ﺍﻟﻴﻮﻡ ﺯﻫﺞ ﻡ ﻋﺎﺩﻱ
_ ﻃﻴﺐ .. ﺑﻌﺪﻳﻦ ﺟﺎﻳﻨﻨﺎ ﺿﻴﻮﻑ
* ﻋﻢ ﻋﺒﺪﺍﻟﻠﻪ ﺻﺢ ؟
_ ﺍﻳﻮﺓ ، ﻋﺮﻓﺘﻲ ﻛﻴﻒ ؟
* ﻛﻠﻤﺘﻴﻨﻲ ﺍﻧﻪ ﺣﻴﺠﻲ ﻋﺸﺎﻥ ﻧﺘﻌﺮﻑ ﻋﻠﻴﻬﻮ ﻭﻛﺪﺍﺍ ..
_ ﺍﻱ ﺟﺎﻱ ﺑﻌﺪﻳﻦ ﻡ ﻋﺎﺭﻓﻪ ﻣﻨﻮ ﺣﻴﺠﻲ ﻣﻌﺎﻫﻮ ﻟﻜﻦ ﺍﻧﺤﻨﺎ ﻧﻜﻮﻥ ﺟﺎﻫﺰﻳﻦ ﺑﺲ
* ﺟﺪﺍﺍ ﻳﺎ ﺍﻣﻲ ﻳﺸﺮﻑ
_ ﺍﻧﺎ ﺣﻜﻴﺖ ﻟﻲ ﺧﺎﻟﻚ ﻣﺠﺪﻱ ﻭ ﻗﺎﻝ ﺑﺠﻴﻨﺎ ﺑﻌﺪ ﺍﻟﻤﻐﺮﺏ
* ﻃﻴﺐ ﺗﻤﺎﻡ ﻡ ﺗﺸﻴﻠﻲ ﻫﻢ ﺍﺳﻲ ﺑﺮﻭﻕ ﺍﻟﺪﻧﻴﺎ
_ ﺭﺑﻨﺎ ﻳﺴﻌﺪﻙ ﻳﺎ ﺑﺘﻲ ﻭ ﻳﻔﺘﺤﺎ ﻋﻠﻴﻜﻲ ﺩﻧﻴﺎ ﻭﺍﺧﺮﺓ ﻭﻳﻨﻮﺭ ﺩﺭﺑﻚ ﻭﻳﺒﻌﺪ ﻋﻨﻚ ﺍﻭﻻﺩ ﺍﻟﺤﺮﺍﻡ
* ﻳﺎ ﺍﻟﻠﺖ ﻳﺎ ﺍﻣﻲ ﻭﺍﻟﻠﻪ ﻛﻨﺖ ﻣﺤﺘﺎﺟﺔ ﻟﻠﺪﻋﻮﺓ ﺩﻱ ﻳﺎﺥ ﺍﻟﻠﻪ ﻣﺎ ﻳﺤﺮﻣﻨﻲ ﻣﻨﻚ ﻳﺎ ﺭﺏ ...
_ ﻭﻻ ﻣﻨﻜﻢ ﻳﺎ ﺭﺏ ..
ﻗﻤﺘﺎ ﻣﻦ ﻣﺤﻠﻲ ﺷﺪﻳﺖ ﺍﻟﻬﻤﺔ ﻣﺴﻜﺖ ﺍﻟﺒﻴﺖ ﺩﺍ ﻋﻨﻜﺒﺘﻮ ﺭﻛﻦ ﺭﻛﻦ ﻟﻠﺴﻘﻒ ﻛﺎﻥ ﺣﺼﻠﺘﻮ ﻛﺎﻥ ﻏﺴﻠﺘﻮ ﻟﻠﺸﺒﺎﺑﻴﻚ ﻏﺴﻠﺘﻬﺎ ، ﻏﻴﺮﺕ ﺍﻟﻔﺮﺵ ﺧﺎﻟﺺ ﺳﺘﺎﻳﺮ ﻭ ﻣﻼﻳﺎﺕ ﻭﺳﺠﺎﺩ ﻛﻠﻮ ﻏﻴﺮﺗﻮ ﻭ ﻃﻘﻤﺘﻮ ، ﻟﻠﺨﻴﺮﺻﺎﻧﻪ ﺣﻘﺖ ﺍﻟﺤﻮﺵ ﻏﺴﻠﺘﻬﺎ ﻟﻠﺰﺭﻉ ﺳﻘﻴﺘﻮ ﺧﻠﻴﺖ ﺍﻟﺒﻴﺖ ﺩﺍ ﻳﻠﻤﻊ ﻟﻤﻊ ، ﺍﻟﺼﺮﺍﺣﻪ ﺯﻱ ﺍﻟﺒﺘﻔﺸﻰ ﻓﻲ ﺍﻟﺒﻴﺖ ﻭ ﺑﻄﻠﻊ ﻏﻠﻲ ﻓﻴﻬﻮﻭﻭﻭ ، ﻟﻤﻦ ﺍﺗﺘﻬﻴﺖ ﻭﺩﺧﻠﺖ ﺍﻟﻤﻄﺒﺦ ﺟﻬﺰﺕ ﺣﺎﺟﺎﺕ ﺍﻟﻀﻴﺎﻓﻪ ﺍﻧﺎ ﻡ ﻛﻨﺖ ﺣﺎﺳﻪ ﺑﺄﺭﻫﺎﻕ ..
ﻟﺤﺪ ﻭﻗﺖ ﺍﻟﻤﻐﺮﺏ ﺍﺫﻥ ، ﻭﺍﻟﻨﺎﺱ ﺟﻮ ...
ﺍﺳﺘﻜﻜﺎﻧﺔ ~»
ﻳﺘﺒﻊ ......