Mga Tula

"Sa Aking Pag-iisa"

Sa aking pag-iisa.
Muli't muli ika'y naaalala.
Nitong panahong tayo pang dalawa.
Pauli-ulit na nagbabalik at sumasariwa.

Sa aking pag-iisa.
Nasasabik kapag naiisip ka.
Mga masasaya nating ala-ala.
Nakakubli pa rin sa aking memorya.

Sa aking pag-iisa.
Ang yakap mo'y hanap-hanap ko pa.
Pilit kong ginagaya.
Sa larawan mong hawak ko kahit kupas na.

Sa aking pag-iisa.
Lagi kang sinasariwa.
Na nais madama muli.
Ang pagsinta mo kahit man lang sandali.

Sa aking pag-iisa.
Naghihintay pa rin ako na makasama ka.
Hinahanap ka pa rin nitong aking damdamin.
Sigaw nitong puso hanggang ngayon ikaw pa rin.

Sa aking pag-iisa.
Sana makita mo ang lungkot ng aking nadarama.
Sa tuwing mga masasayang kahapon nating nagbabalik.
Nitong aking puso sayo'y nananabik.

Sa aking pag-iisa.
Ikaw pa rin ang nasa isip ko wala ng iba.
Kahit puso ko ma'y magtitiis.
Hindi ka mawawaglit nitong damdaming naghihinagpis.

Sa aking pag-iisa.
Hanap-hanap pa rin kita.
Mula pa man noon at sa hanggang ngayon.
Ikaw pa rin ang nakaukit sa ating kahapon.

Sa aking pag-iisa.
Iniisip ko pa rin na kapiling ka.
Kahit man malabong mangyayari.
Dahil sayo'y mayroon ng pagmamay-ari.

Sa aking pag-iisa.
Lungkot may nadarama.
Pag-ibig ko sayo'y walang hanggan.
Hanggang sa matapos ang magpakailan man.

Sa aking pag-iisa.
Hindi ka pa rin malaya.
Nitong aking pusong nagsusumamo.
Ang pag-irog ko sayo'y hindi maglalaho.

Sa aking pag-iisa.
Iniisip pa rin kita.
Mundo man natin ay magkaiba na.
Ikaw pa rin hanggang sa huli ng aking hininga.