اليتيمة للكاتبة ت. ك/

اليتيمة

اعرفكم بنفسي اني نوال عمري حاليا ٢٩سنه ارجع وياكم من جان عمري ٥سنوات وشوفو حياتي...
ماما... ماما...
بنتي نوال... احنه رايحين لبيت خالتج هسة خابرونه جابت ولد... ولازم اروح ابوج وياي جاي ابدل للاخوج زيد يلا ماما بدلي ملابسج.... اخوي زيد عمره اشهر... رحت بدلت طلعت بنطرون اسود كابوي وبدي احمر شعري طويل يوصل لنص ظهري وسرح.... سويته ذيل حصان... كملنه واجه بابا ماجر سيارة صعدنه.... نمشي اني ادوخ بالسيارة نمت... فزيت على صوت الناس وسيارات... خايفة مرعوبه.... اخذوني لمركز الشرطه واني اصرخ وابجي اتذكر الدم بالكاع... ومنظر اهلي....
بعدها اتصلو على عمو احمد اجه.. واخذني لبيت جدي اهل بابا.... وراح هو وباقي عمامي....
بيت جدي..: ساكن بي جدي وبيبي وعمو احمد وبناته ٣سهى وسجى ونهى سهى اكبر مني وسجى ونهى توم بكدي....
وعماتي عمة سهاد طالبة اعدادية وعمه نهاد طالبة كلية.... دخلت لبيت جدي ابجي وماعرف شصاير اخذتني عمتي سهاد جانت حنونه احبها... حضنتني وبوستني ونومتني... ومن كعدت جابتلي علاكه حلويات.... ودخلتني سبحتني.... وجابتلي ملابس من سجى ولبستني...
ضليت يمها كلما اسالها عن اهلي تكولي يم خالتج... واكلها ليش اني اجيت هنا تكولي لان السيارة ماتكفي.... المهم الكل لابس اسود وماعرف شكو... وناس رايحه وناس جايه... اجتني سهى... سهى ليش البيت بي ناس ؟ وليش كلهم يبجون ؟؟؟؟ 😢
سهى : لان اهلج ماتوووو 🤔
نوال : شنوووو لا لا سهى ليش هيج تكولين اني احب اهلي 😫😭
اجت عمه سهاد شبيج نونه ؟؟؟ نوال : سهى تكول اهلج ماتو 😭😢...
سهاد : التفتت لسهى ولج امشي ولي اطلعي مسمومه مثل امج ولي 😒😠
سهاد ضلت تحجي وي نوال.... عن الموت واهلها هسة بالجنة بالحدايق جبيرة ونهر عسل ونهر مي وفواكه واخوها زيد طير بالجنة.... ارتاحيت من كلام عمتي سهاد ونمت....
بليل فزيت جوعانه.... لكيت عمتي سهاد تدرس...
سهاد: ها حبيبتي كعدتي ؟ جوعانه مو ؟
نوال : بخجل ☺اي
صار هسة اجيبلج عشا طيب 😘
ضليت اكلب بالكتب مال عمة واباع للصور... تعشيت ونمت...
كعدت الصبح لكيت بنات عمي يم امهن سهى بدلت رايحه للمدرسة امها مشطتها ولبست ملابس المدرسة وبوستها وراحت اني حسيت بشي بداخلي ضجت
ضليت عدهم فترة شهر تقريبا ماعرف مرت عمو احمد حامل ومالها خلك وعمة نهاد عدها امتحانات دائما سادة باب غرفتها وعمه سهاد هم.... وخلوني يم عمو احمد زوجته منال كلش حقيرة تكرهني لان احلى من بناتها شعري طويل وسرح وبناتها شعرهن قصير وعكش ويضلن يبجن من تمشطلهن.... تعلمت اكل وحدي واسبح وحدي....
جنت اتحسر على الام والاب منال تعامل بناتها حلو وتعاملني بقسوة وصياح... ومرات اذا محد يمها تضربني.... بيوم من الايام بناتها كسرن الضوة وكالن نوال كسرتها موتتني ضرب بالصوندة من شافتني عمة سهاد ابجي وشافت اثار الضرب راحت تعاركت وي منال خلتها تبجي وكالت لعمو احمد ورزلها.... ضلت تموت مني وتعلم بناتها على الكره.... وضلن ماينطيني ملابس منهن...  ويصيحلي اليتيمه ماعندج ام وماعندج ابو.... بس عمة سهاد ماتقبل جانت وتضربهن وراحت للسوك واشترتلي ملابس واحذية وفيونكات وخلتهن بغرفتها ومن جنت ابدل بنات عمي يموت قهر....
عشت عدهم وصرت بالمدرسة... جانت اتعس ايام حياتي 😢حسيت اني يتيمه وعرفت شنو يعني يتم