اول يوم بالمدرسة قبلها بيوم طلعت وي عمتي سهاد وعمتي نهاد للسوك واشتريت ملابس للمدرسة وشرايط وفيونكات.... واحذية.. وجنطة واقلام ومساحات... ورجعنه سهى ونهى وياي بنفس الصف وبنفس المدرسة...
بس من شافن الغراض الاشترتهن عمة الي ضلن يبجن وراحن للامهن... وصارت مشكلة بين عمة سهاد ومنال وضلت تعيط منال : شنو هل التفرقة واذا يتيمة تخلنها تشيخ على بناتي وتفرقن هن مو بنات اخوجن ليش ماتشترن الهن وبس لهاي بت سحاب ليش عيني وحد على راسها ريشة ؟؟؟؟
اني دخلت لغرفة عمة سهاد وسديت الباب وجدو ضل يصيح على عمة سهاد.... وكالها ممنوع تتصرفين بقساوة...
صعدت عمة سهاد تبجي حضنتها وضليت ابجي.... عمه فدوة اذا تبجين علمود الغراض اخذيهن ماريدهن انطيهن لسجى ونهى 😭.....
سهاد : لا حبيبتي.....ماريدج تكونين ضعيفة كلما تكونين قويه تكون الج كلمتج لاتضلين هيج طيبة الكلب الزايدة تاذيج نوال..... لازم ماتنطيهن مجال... شوفيهن هن بس بجن وضلن ينقن البيت كله وكف على رجل.... وراح جدج وعمج احمد وبيبتج راح يشترولهن وهن البارحه راحن للسوك واشترهن... برايج ليش ؟؟؟؟
نوال : درت وجهي... وبحسرة وانكسار 😢 لان عدهن ام واب واني... يتيمة 😥
سهاد : نوال لاتخلين هاي العبارة تكسرج وتضعفج.... لج شكم يتيم وهو شحد اليوكف بوجهه لاتصيرين هيج يمعودة تصيرين مكفخه للرايح والجاي نونه ساعدي نفسج حبيبي نونه انتي قويه اني وياج وعمة نهاد وجدو وبيبي....
باجر نروح للمدرسة.... وتتعرفين على صديقات جدد حبابات واهم شي لاتجيبين طاري انتي يتيمه مفهوم...؟
نوال : ليش ؟؟؟
سهاد ؛: احسن حبيبتي حتى محد تضوجج.... واي وحدة تضوجج تجين تسولفيلي خوش... اني امج هنا نونه اوك ؟
نوال : حسيت بتحسن حسيت اني قوية... ومابيه نقص...
الصبح..... الساعه ٧:.. دك المنبه....
كعدت عمة سهاد... كعدتني... صباح الخيررر والتفائل.... حبيبي نونه.... يلا نغسل ونتريك ونبدل ونروح للمدرسة...🙃😚
نزلت عمة سهاد حضرت ريوك.... وصاحتني نزلت... لكيتهم كاعدين صباح الخير....
جدو وبيبي 😚صباح الخير يورده اليوم للمدرسة ترحين 😚...
عمو احمد : صباح الخير هلا بنتي 🤗
منال : هلا 😏 بدون نفس .... عمي ترا سجى ونهى هم اليوم يرحن للمدرسة مو بس نوال... 😒😠
تريكنه وبدلنه وعمو احمد اخذنه بالسيارة.... وعمة سهاد ويانه.... اوووكف احمد فدوة... خلي اشتري لنوال لفة... نسيت ماخليتلها اكل...
نوال : اباوع لسجى ونهى وسهى ميتات قهر 😠😳😠😡 وحدة تشاور الثانية الا اكول لامي شنو بس نوال ؟؟؟؟
جابت اللفة والببسي وخلتهن بجنطتي وكالت : هاي لنوال انتن امجن كل وحدة انطتها فلوس مو عايزات اكل تشترن... 😕
وصلنه للمدرسة.... شفنه البنات بعمري امهاتهن وياهن.....
سهاد : شفت غصة بكلب نوال من شافت البنات وي امهاتهن.... نزلت وياها... امشي ماما بصوت عالي.... حسيتها انتعشت كيفت دخلتها للصف هي والبنات سجى ونهى وسهى جبيرة بصف الرابع... وصيتهن وحدة عالثانية...
نوال : ودعتنه عمة سهاد.... وراحت بقينه بالصف اجتنه معلمه بكد عمه سهاد صباح الخير ياحلوين.... 😋
صباح الخير....
اني معلمتكم المسئولة عن صف الاول اسمي ايمان 😚
نوال : الله شكد حبابه مبينه حبيتها... شنو اسمج ياحلوة....
نوال....
ست ايمان : الله شنو هل الجمال شنو هل الشعر الحلو... والشرايط والفيونكة تخبل 🤗 اباوع لسجى ونهى ميتات قهر وضايجات....
كمل اليوم جان حلو.... اجتنه عمة سهاد وعمو احمد..... صعدنه جانن سجى ونهى ضايجات وكالبات وجوهن.... سالهن عمو احمد شكووو ليش هيج ؟؟؟
سجى : بابا شنو هاي المعلمات يحبون بس نوال.... بعد عمه سهاد تسويلنه شعرنه مثل ما تسوي لنوال... 🤔
سهاد : لا لا لااااا شعركم يتعبني نوال شعرها مي سرح... ماريد...
رجعنه للبيت دخلنه... راحن هن للامهن... واسمع منال تعيط..... وتحجي..
سهاد نزلت تعاركت وياها علمودي...
دخلتني عمه سبحتني وغدتني ونمت... وهي عدها دراسة لان بالجامعه... كعدت سوتلي حليب وكيك.... ومشطت شعري سوته تسريحه حلوة بسيطه رفعته ليفوك.... حلووو 🤗 حبيت... كعدت تدرسني وتعلمني اشلون اكتب الحروف عالخط وتركز عالخط واني استوعب بسرعه.... واسمع منال تصيح على بناتها... غبييات مايعرفن يكتبن ولا يقرن... واجة عمو احمد اخذهن ودرسهن وهم صيح عليهن....
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
