كملو غدة وخلو المواعين عالسنك.... خالي سالني ليش الولد اكلو بغرفهم ؟ صدك جذب ؟.... نوال : خالي مادري احسن يرتاحون.... خالي : اهااا خوش يرتاحون مو ؟ اني اعرف شكو....
اسمعه راح على مرته رزلها....
كالها : انتي متستحين ؟ المن جبتي بت اخوج وشمرتيها هنا ؟... جان ترد عليه مثل ماانت جبت بت اختك وبليتني بيها.... كالها حدج عاد ولج.... بت اختي ماشفت منها شي موزين... بس بت اخوج عاااار تعرفين شنو يعني.... هي تحجي وهو يحجي... اجه حسام اني اغسل مواعين ... نوال """".نوال : ها حسام ؟
حسام : شصاير ؟ بيهم اهلي ؟
نوال : سويت نفسي مادري بشي...؟ شقصدك شبيهم... سديت المي... وسمعت العياط... يااااا شكووو 😱...
حسام تركني وراح.... يدك باب غرفتهم... وطلع بكر.... ورود طلعت شكووو.... ورود لابسة تراك ضيك....... هاي شبيهم ؟
حسام.... ورووود دخلي لغرفتج بسرعه... وبدلي ذني لا اكسرج... 😡 ورود : تخوصرت.... والله اذا معاجبك لاتباوع...
حسام : ماتحمل ردها.... وسحلها من شعرها سحل.... وهي تعيط لمت الدنية علينه طلع خالي..... ضل يصيح عليها.... ودافعتلها عمتها....
المهم هدء الوضع.... اجاني بكر.... نوال... نوال... فدوة جوعان... مابقى اكل ؟...
نوال : اي اكو كعدت بالمطبخ عالميز صبيتله..... وكعد ياكل ويباوع ويريد يحجي شي بس ينربط لسانه.... سكتت... كتله بكر شبيك ؟ احس تريد شي بس متكدر تحجي....؟
بكر : هاااا.... اي اكو شي..... اني... اءءء... نوال اني... اح... دخلت ورود...
ورود ؛: رفعت حاجبها ااي عيني بكر اي انت شبيك ؟ اح ؟ شنو ؟.بكر : تنرفزت وكمت اني حمار زين 😡 شنو هل اللعبان نفس واحد مايكدر ياكل براحته.... شكم مرة اكلج نوال جيبي مي وي الاكل....
ورود : جفلت بوجهه.... رجعت عليه اهاااا شعندج خاتلة وي بكر بله ؟ 😒
نوال : احترمي نفسج ورود شنو خاتلة موعيب ؟.....
ورود : اي اي تمسكني اي حسبالج اني غبية فطيرة مثلج هييييييي انتبهي اني ورود اغطج بالشط واطلعج ناشفة ياحلوة لاتفكرين تسوين وياي هيج... مفهوم 😠..... افهمي انتي هنا خادمة لااكثر ولااقل..... 😏😌 لا تباعين ليفوك.... تنكسر ركبتج واذا منكسرت لحالها اكسرها الج....
😡..ٌ
نوال : ردت اتعارك وياها... وبطلت بس ضجت منها ومن كلامها..... ورجعت.... بكر شقصدة يكول ؟ 🤔 كال اني اح... ضحكت من ذكرته من كال حمار 😂
..
...
.... يوم عن يوم ورود تقهرني وتاذيني... وكالت اني اغسل ملابس بعد واني اشرهن.... وتلبس ملابس تخزي كدام الولد.... متستحي.... مرت الايام وصارت امتحاناتي.... ونجحت بس درجاتي كلهن ب ٦٠ لان ظروفي وقهر مرت خالي وقهر ورود ثولني..... وقررت اذب نفسي..... عالدراسة صرت. بصف ثاني متوسط..... وبكر بخامس ادبي.... وخطية يقرة.... ومايختلط ويانه بس كلما يشوفني يبتسم ويسالني اشلونج محتاجه شي بس كولي نوال فدوة......
بيوم جنت اغسل البيت صادفت صيف حارة..... يومية اغسل البيت..... ورود عدنه.... تروح وترجع للاهلها واهلها شامرينها عدنه..... عدها خوات ٤ وهي وكحه وتدور مصايب وخوانها ٢ مزوجين خلصن منها الجناين واحنه بتيلنه بيها....
ضلت تكعد بالسطح تكول ادرس... وادرس.... خلينها براحتها احسن نخلص منه 😒.....
اجه بكر كال نوال تعاي فدوة.... كتله ها بكر خير.... بكر : نوال اني احبج واريد احاجي اهلي بموضوع زواجنه اريدج زوجه الي.... شتكولين نوال ؟....
نوال : ضليت فاتحه حلكي 😳.... شنووو بكر شتكول ؟..... نوال تحبيني فدوة ردي ؟
نوال ؛: هااا 😳.... عفته ورحت ركض...
وافكر بكلام بكر... شبي هذا مخبل ؟ حب شنو ؟ تحبيني شنو... 😱
وليد : هاي الفترة تعرفت ع نوال(ورود ).... ونسولف يومية بالصطح.... وهي لسان.... وهي هيج مجرد علاقة تسلية.... كالت ماعندي فلوس شلتلها مبلغ هاج عمري..... تدللي...
وهي متقصر وياي 😉 شطلب هي تنطي ومرات بلا مااطلب هي تسوي 😂...
ارتاحيت وياها واني انطي فلوس...
بكر : ضليت افكر بجواب نوال تحبني لو راح ترفض واذا رفضت شنو السبب ؟🤔......
نوال : ضليت افكر اني احب بكر لو لا مجرد ابن خالي ؟؟؟؟ 😢 يربي صعب اعرف..... هو يروح ويرجع ويطلع ويرجع يجيبلي حلويات.... بلا محد يحس.... ورود تفتر وراي.... وتذب حجي وتلمح.... ضل بكر يقفل باب غرفته حتى متدخل ورود....
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
