نوال ': بعد كلام مرت خالي.... ضليت اتجنب ولد خالي.... اني طبعا من صغري عرفت كلشي بسبب منال وكلامها وي خواتها وكرايبها... وصديقاتها من يجون مرات اسمع شكم شغلة واسئل سهى وهي تحجيلي.... اعرف مايصير البنية تكعد يم ولد ومتحجي ويا... وووو اهواي امور ممنوعه...
بس اكيد خالي ومرته من شافو بكر دوم وياي ضاجو... 😥 اني شعلية.... اهم شي مارجع لبيت عمي احمد.... واشوف ضيم منال الماصدكت اطلع منه 😐...
مرت خالي : نوال... شوكت تباشرين تقرين ؟....
نوال : خالة جاي اقرة..... واني خارجي.... يعني وكت الامتحانات امتحن....
لارد...!
كملت شغل وعصام اجة هو ومرته.... حبابة كامت تشتغل وياي....
وتسولف.... ماحسستني اني اختلف او هنا خدامه او او او.... ابد تسولف وتضحك وياي....
بعد فترة سنة تقريبا..... اجت مرت عصام وحجت وي مرت خالي... بس ماعرف شنو.... واسمع مرت خالي تكول اشوف ابو حسام واردلكم خبر.... هي كالتلها عمة اهم شي.... البنية ترضى....
نوال : مافهمت شنو السالفة 🤔
بكر : هاي الفترة ابتعدت عن نوال حتى مااسببلها مشاكل وي اهلي.... وذبيت تركيزي وبالي يم الدراسة ونجحت ......
ام حسام : مو مثل قبل عيونها تراقب نوال.... وتراقب بكر... بس شافتهم بعاد عن بعضهم..... حست براحة...
مرت عصام حاحتها بموضوع خطوبة نوال لاخوها حيدر..... وام حسام كيفت بس تخاف تنطي كلمة الها الا بعد موافقة ابو حسام...
حجت وي ابو حسام.... كال مو هسة خلي تكمل دراسة وتلحك عالزواج والعزة.... كااافي ماريد هذا الموضوع ينفتح..... رجعي خبر كولي مانريد.... وطلع....
هنا.... تخبلت ام حسام.... وصار همها كله.... اشلون تبعد بكر عن نوال ونوال عن بكر....... 😑..... وتغيرت معاملة ام حسام لنوال.....
نوال : راح ذاك اهتمام مرت خالي وحبها الي.....
ضلت بس تحجي وتنتقد.... حسيت اني ثقل عليهم.... ضلت تجيب وتشمر بالشغل علية.... الملابس كالت اغسليهن باديج.... الغسالة متنظف زين.... 😡....
وصياح وعرك وياي.... حسيت ماتريدني.... 😰......... وين اروح ياربي...
بكر : راجع جنت من المدرسة جنت بصف رابع ادبي.... دخلت للبيت واسمع صوت عياط دخلت اركض 😳... لكيت امي لازمه نوال وتضرب بيها ونوال تبجي وتتوسل بيها..... اني كبيت نااااار 😠😡.... وضليت اصيح.... كلتلها : يممممه شبيج وياها شسوت وهي تضربيها....
معليك لك ولي الا اربيج من جديد....
بكر : دفعت امي وجريت نوال.... خليتها وراي هي تبجي وترجف.... وامي تتهدد وتريد بس تلزمها... وتغلط وتفشر عليها ضليت صافن....
ام حسام : هااااا ولك تدافع وتحاميلها ولك.... 😱 ولج انتي شنو من بشر.... ولج خاتلة ورا ؟!!!! تعاي اليوم اكسرج تكسر ماريدج بيتي.....
بكر : رحت ركض كلت خلي اخابر ابوي يجي يلحك على نوال.... طلعت لمحل كتله بس اخابر.... خابرت ابوي كال هسة جاي مسافة الطريق واريد اشوف امك من تتصرف بكيفها وتضرب نوال اريد اشوف تايهتلها... 😡
نوال : دخلت للغرفة... ومرت خالي تغلط عليه..... وتحجي.... لميت ملابسي.... وخليتهن على جهه.... وكعدت ابجي على حظي وقسمتي..... 😓... شوية واسمع صوت خالي يرعد بنص البيت..... وووووولج انتي شنو بله وتمدين ايدج على نواااال.... 😒😡.... اليوم ايدج اكسرها.... لزمها شبعها كتل.... وهي تعيط تكلة ماريدها بيتي.....
خالي : لللللج مو بكيفج.... هذا بيتي واني اقرر منو يضل ومنو يطلع.... نوال داخلة وانتي طالعه.... شوية وصاحت وووولج ام دروووب شسويتي برجلي وابني...... 😱 والله مالج كعدة بالبيت.... دخل حسام لعب بيها لعب..... يممممه شنو هااااااي فضحتينه الجيران كسرو الباب على عياطج شبيج ؟؟؟؟
ااااااي يمممه الله جابك هاااااي ال.... هجمت البيت علية.... يمه حسااااام كلبت ابوك واخوك عليه يممممممه....
حسام : يمممه كاااااافي صوتج شبيج صدك جذب... نوال خادمتج وحلكها مافتحته وياج..... شبيج اليوم ؟....
نوال : طلعت وشايلة ملابسي.....و
حسام : جنت احجي وي امي.... والتفتت شفت هاي الثانية شايلة ملابسها وووووين..... وين ؟ انشالله ؟
نوال : دموعي تصب.... رايحه لبيت عمي.. 😭..... مابقى هنا....
حسام : شنوووو... شنوووو 😑 ولاحرف ولج فوتي جوووة واذا طلعتي برة البيت رجلج اكسرها يلاااا 😒....
ام حسام : خليها... تولي اني ماريدها.... ولللللي ولج طلعي....
حسام : يممممه بسسسس شنو جهال ؟ 😡 شبيج.. ؟ صوت ماريد اسمع شنو هاي....
خالي راح ورجع.... كالها كووومي ولي لبيت اخوج اذا ماعاجبج ولج فضحتينه لميتي العالم علينه.... شبيجججج 😡...
ضلت تحجي وتتعارك بت اختك ماريدها.... بكر : قفلت الباب ع نوال والمفتاح عندي....
ام حسام : ركضت على غرفة نوال... اطلعي.... يلا ولي... مااطلع من البيت اذا مو بت اختك الكلبة قبلي..... 😠....
خالي : صااااح لجججججج ترا اطلكج لا تجبريني..... وحسام يحجي ويصيح وبكر خايف علية.... 😰.... واني خاتلة بين الجرباية والحايط.... شويه اسمع البيت هدوء.... 😩
اندك باب غرفتي.... اسمع بكر يكول يابة هذا المفتاح اني قفلته عليها حتى امي ماتدخل تاذيها....
فتح الباب خالي شافني خاتلة بالزاوية وارجف وابجي.... صاحني كعدني يمه باس راسي واعتذر.... كالي والله مادامني بالحياة محد ياذيج وهاي اني اعلمها هسة راحت لبيت اخوها.... بس حسابها بعدين 😒....
نوال : لا خالو الله يخليك لاتسوي شي... اني... اني عاندتها حقها هيج سوت... 🙁
خالي : لاااا مستحيل 😖 انتي تسوين شي فلا تذبين الصوج بيج.... اني اعرف علتها شنو.......
باباتي كملتي دراستج وانشالله خير....
طلعت.... احضر غدة.... جان مكمل بس صبيت.... وتغدو.... وشربو جاي محد حجه... بس بكر ماكو....
بكر : ماكدرت اطلع لان دموعي تفضحني.... بجيت وحدي واريد احمي نوال من الكل... بس اشلون ؟!!😒...
لازم ازوجها.... لازم...
نوال : كملت تنظيف المطبخ وغسل المواعين... شوية واندك الباب.... اجه اخو مرت خالي عماد....شنو السالفة خوية ابو حسام ؟؟؟ هاي مامرجية منك 😕..... هيج خوية... ؟ بعد العشرة تشمر مرتك علمود بت اختك... لا لا....
ابو حسام : ثمن كلامك عمااااد شنو هل الحجي ؟؟؟ وبعدين اكو ديوانية ونكعد ونتفاهم مو بنص الحوش تحجي وصوتك شعلاته.... 😡
عماد : زين يابة زين.....
خالي : جاااااي 😑
نوال : خليت القوري عالطباخ وصفنت بحياتي الماعرف شنو تاليها... 😪 هسة هاي مشكلة انحسبت بسببي.... فتحت عيوني.... الجاي يفور... طفيته...ووصبيت ودزيته بيد حسام....
.
.
.
.
اسمعهم يحجون..... لو مرتك لو بت اختك... شكلت ؟؟؟
... 😱 عزة يمه..... هيج صارت يخير خالي لو اني لو مرته.... دخيلك ربي... وين اروح 😵😳....
اسمعهم كبووو عياط وحسام يهدىء بيهم.....
اجاني بكر.....
بكر : سمعت خالي عماد اجه بس مطلعت بقيت بغرفتي... وافكر وادور بدوامه جبيرة.... اشلون وشسوي سمعت عياطهم عرفت قرار مصيبة....ةطلعت....
شفت نوال خايفة وتبجي.... رحت كعدت يمها.....
نوال لاتخافين.... مانستغنى عنج والله....
نوال اريد اكولج شي.... 😬...
نوال : كول بكر كول 😩.....
بكر : اني... اااني...ة🤒... اءءء.. ماكو شي.... 😟 ماكوووو شي ماكووو
نوال : هذا شبي بله وكتها هسة ؟؟؟؟
أنت تقرأ
اليتيمة للكاتبة ت. ك/
Fiksi Umumالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
