نوال : كملو غدة ونظفت وغسلت مواعين.... خطية مرت خالي ظهرها ياذيها..... سويت جاي وشربو.... وغسلت الاستكاين.... للعصر كاعدين... حسام بغرفته.... الباب تكسر تكسر.... عصام يريد يلحك للباب ماكو.... خفنه كل احنه... وحسام نزل يركض...
عصام : طلعت اركض ياستار ياربي منو هيج يدك الباب... فتحت الباب شفتهم اخوان سهام وولد عمها وعمامها ٣...
ضلو يصيحون.. ويغلطون....
عصام : يمعودين شكوو شصاير ؟
ناصر : اخو سهام الجبير.... وين حسام اذا رجال خلي يطلع مو ضام راسة...
عصام : فار دمي من هيج حجه هذا ناصر.. 😡😡😡😡 شوف ناصر احترم نفسك وثمن كلامك الحشيمه للكبار والله جان مددتك بنص الشارع... 😠 كلنة زلم ومحد يضم راسة ومو احنه تمشينه مرة يااا... ناصر 😒
ناصر : لللللك.... 😤👊
حسام : شكوووو خيرررر شعدكم لافين هنا ؟؟؟؟ دفعتكم الست ؟
ناصر : حساااااام 😡 لاتشمر بالحجي... اختي اجتنه مضروبة واخوك هذا وصلها ورااااح شتريدني اسكت لو اصفكلك... ؟😠
ابو علوان : عم سهام... بويه اعصابكم.. احشمونه احنه هنا.... 😤 واحد يشمر على الاخر شنهي مالنه احترام ؟
حسام : عمي اعتذر وحقك ع راسي...
ناصر : كللللش تعرف الاصول من تطرد مرة 😒
ابو علوان : ناااااصر تسكت لو اكسر سنونك بحلكك ؟؟ كااافي ✋😤
حسام : تفضلو عمي.... تفضلووو.. ....
دخلو..... كعدنه وابوي كعد ويانه وسولفنه.صار حجي... وناصر... كل شويه يتهدد ويمسلت بالحجي... واخزرة.... 😒
المهم(تسريع الاحداث )..... طلبو من حسام مايمد ايده على سهام.. طبعا حسام سولفلهم عن سهام ماتحترم تعاند ومتعرف تحجي وتدور طلايب....
اتفقو اذا تلزم السانها وتصير خوش مرة خلي ترجع اذا لا..... فخليها تبقى... ومو اني التكسر كلمتي مرة 😠😡 ✋
ابو احمد : عم سهام الثاني.. بويه اكو بعد شرط بس والله يابويه نستحي نكولك بي... 😑
حسام : تفضل عمي.... بداخلي اكول... يعني شبقى بعد ؟
ابو احمد : بويه تكول ماتريد بت عمتك...تتدخل بشي وماتتقرب يمكم..
حسام: لحظة.... لحظة... عمي شنوووو ؟
بت عمتي شدخلها ؟؟؟ ترا البنية يتيمه.. وحتى ماتحجي وي سهام.... ولاتندك بيها.... وسهام تجاوزت عليها وضربتها.... وهي ممسوية شي.... وسهام تجاوزت على امي وباذني سمعتها... تقبلها عمي ؟؟؟؟ بتكم عايلة وانتم جايين هدادة ؟؟؟؟ سهام لاتتحجج بنوال وامي وفلان وعلان لاااااا لا هي غلطان من راسها لرجليها.... متريد ترجع لاترجع.... لاتضل تطلع حجج وسوالف...
المهم راحووو.....
تعشينه والكل ساكت وخالي حجة وي حسام.... ورفض يرجعها.... تخوفني باخوانها وعمامها.. دازتلي هذا المسربت ؟ حسبالها اخاف 😤😤😡
راح لغرفته وخالي نام.... واني كملت تنظيف ورحت نمت..... 🙁
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
