نوال : عشت وي عمتي سهاد وجانت حنونه وحبابة... سجى ونهى يكرهوني مرة من المرات خلن المسطرة مال بنية ويانه بالصف بجنطتي والبنية ضلت تبجي... والمعلمة فتشت الجنط ولكتها بجنطتي وضليت ابجي كتلها مو اني والله والله... خابرت عمو احمد كالتله نوال ماخذة المسطرة.... بس طلعت جذبتهن لان بنات ٢شافن سجى ونهى من خلن المسطرة بجنطتي... والمعلمة عاقبتهن وكالت لعمو احمد وعمو ضربهن....
بيوم رجعنه من المدرسة لكينه عماتي ينظفون البيت وعدهم خطار وكالن يلا تغدن بالمطبخ ولان عمة سهاد مشغول بالتنظيف خلو منال تغدينه ومنال غدت بناتها واني ماصبتلي... بقيت كاعدة... 😓😔 ومن كملن انطتني بقايا اكلهن كالت اتسممي... 😡
اكلت واني دموعي توكع بالصحن.. ليش هيج تسوي لان اني يتيمه ؟؟؟ لو امي موجودة جان هسة اني اسعد وحدة... ليش ياربي اخذت اهلي وحرمتني منهم 😰
كملت.... اجت منال.. كالت لج نوال صخام كومي ساعديني انظف المطبخ... صعدت عالكرسي اغسل مواعين ماكدرت دخت... دخلت عمه نهاد شافتني.... وضلت ترزل بمنال وكالت لعمو عليها هي نكرت كالت هي صعدت وحدها طبعا عمو يعرف جذبها... رزلوها كلهم حتى جدو وبيبي.... عمو طردها لغرفتها....
عرفت اليوم راح عمة سهاد تنخطب... يعني بعد ماتنام يمي 😩😰😓
هاي مو بس عمتي هاي امي اشلون ابقى وحدي وذني يكرهني.... ياربي اشلون ؟؟؟
سهاد : شفت نوال ضايجه ودموع بعينها رحتلها شبيج ماما ؟ 🙁 ليش ضايجة شبيج ؟
نوال : انتي راح تتركيني ؟ 😓
سهاد : لاماما مااتركج... بس لازم اتزوج لو بيدي ماتزوج والله بس شسوي اهلي ضلو يحجون... بس لاتخافين مو هسة اتزوج لا لا من تكبرين السنة التجي....
نوال : اخذيني وياج.... ماريدهم
سهاد : لاحبيبتي هنا عمتج نهاد وبيبي وجدو... كلهم يمج... 🤗
نوال :🤔 بس مو مثلج اني احبج انتي امي... بوستني وكالت يلا كومي نسبح ونبدل واسويلج تسريحه تجنن بشعرج الحلو... فرحت 😚
كملنه..... واجو الناس... وعمة لبست فستان حلووو وسوت تسريحه ومكياج طلعت وحدة ثانية بس تجنن... وابد ماخلتني حتى وهي كاعدة تحجي وي خطيبها مخليتني بحضنها.... كالتله هاي بنتي نونه... 😘 اموت عليها.... هو بوسني عمو رعد جان مبين حباب.... وانطاني نستله.... وسجى ونهى وسهى واخوهن زياد كلهم يم امهم بس يباعولي بقهر وحقد.... زياد ضل يبجي يريد نستلتي ومنال ضلت تصيح انطي ولج النستله مو مدلله.... صاحت عليها عمه نهاد وخزرتها هي خافت وجرت زياد وانطته كيكه وسكت....
كملت الحفلة.... وراحو... دخلتني عمة سبحتني ودرستني ونمت....
مرت السنة هاي وكملت واني بالاول.... نجحت للثاني...... جنت فرحانه بس خايفة لان عمه سهاد تزوج... 😔 واخاف اضل وحدي.....
داومت صف ثاني... جنت شاطرة.. واستوعب بسرعه لان اني ذكيه.... بس سجى ونهى غبيات المعلمات يشكن منهن وكل يوم عمو احمد يضربهن ويتعارك وي منال..... منال حامل.... وكوة تدرسهن وزياد كبر وضل يضوجني.... وعماتي يبعدونه عني.....
صار موعد زواج عمة سهاد..... رحت وياها لصالون..... شفتها من لبست البدله ومكياج طلعت تخبل...... وبالزفه كعدتني بحضنها..... وضليت ابجي..... وعمو رعد يسكت بيه وكالي باجر تعاي وشوفيها الصبح.... عمة سهاد كالت : وصيت عليج نهاد وهي تهتم بيج وتجيبج باجر الصبح الي.... وتبقين هنا يمي....
ضليت ابجي اشلون انام.... ؟ 😔 وحدي مامتعودة انام الا بحضنها..... يالله بجيت شكد... عمة نهاد ضلت تحجي وياي وكالت اني امج والله مااخلي شي ينقصج واشتريلج كلشي وادرسج واهتم بيج.... سهاد راحت واني هنا....
كوة نمت كعدت من الصبح بدلتلي عمه نهاد ورحنة لعمتي سهاد الصبح حضنتها وضليت ابجي ولاعبالك ليلة فاركتها.... بجيت شكد وهي تحجي تريد تسكتني... بقيت يمها لليل رجعوني كوة منال ضلت تلغي وتدردم....
اول مارجعت سجى ضربتني ومن ضربتها دارن عليه كلهن ضربني اجت بيبي طردتهن وغسلتلي واخذتني لغرفة عمه نهاد لان غرفة عمة سهاد اخذتها منال غرفة لبناتها....
استمريت وياهم مرات اروح يم عمه سهاد بس بعدين انتقلو لغير بيت بعيد عليه ضلت تجي كل شهر مرة تبقى شكم يوم ومرات لا تروح... تعودت ع عمة نهاد حبابة كلش وطيبة....
واجة اليوم الي تتركني عمة نهاد لان انخطبت..... كلش تعلقت بيها.....
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
