نوال : مالكيت حل اني وجهالي كاعدين عد عامر وعامر هو ومرته وجهاله بيتهم صغير..... واني مااطلع كدام عامر استحي.... وناس يردون ياخذون راحتهم..... حنان سمعت راح تزوج وجهالها عد اهلها.... عدها ٢ولد.... مثل حالي.... نسوان اخوتها كلهن بالبيت ومتضايقين.... اصيل اخذت ابن عمي....
واني راح اخذ سلطان ابن عمي(عايد).... اكبر مني ومزوج بس زوجته مريضة وعندة ٤جهال كلهم ولد..... واتفقنه زواجنه عالورق.... حمويني انطوني فلوس الي وللجهال.... وزعلو وبعدين بعد الحجي قبلو..... 😥....
بليل ابجي وابجي واحجي وي اياد واطلب السماح منه... 😭.... غفيت.... عندي بنية والبنية شابة ويراد والي الي ولجهالي 😢.... اوووف يربي اوووف...
حضرت ملابسنه وغراضنه...... وودعتهم ورحنه السيارة تدك بينه بنتي خطية متتحمل تتمرض.... رحنه وصلنه طلع سلطان واحد ضخم عمره تقريبا ب ٣٩سنه اكثر شويه.... سلم علينه ودخلنه البيت جبير بس بي ٣عوائل.... وجهال عبالك مدرسة جهالي استغربو.... بتي جلبت بيه خافت اكثريتهم ولد واكبار....
صدك اني خفت.... عامر وياي.... كالي اريد اكلج شغلة.... كتله شنو هي ؟ جان يكول اريد اخطب جيلان لبني حسن شتكولين ؟..... الصدك اني اريدها تستقر وهنا ماامن عليها صح كرايبنه....... بس ماعرف.... اريدها تاخذ ابن عمها وتكعد ومرته زينه احسن من غيرها.... كتله انشالله خير احاجيها ونشوف عني نفسي موافقة..... راح وكال ارجع اخر الاسبوع اريد اعرف رد جيلان......
دخلت راسي دايخ وبيتهم هوسة رحت وي سلطان وعمي عقدلنه..... وبقيت..... عدهم اسبوع بس مارتاحيت... اسمع حجي من جنتهم غريبة هاي اميرة.... وحدة اعوذ بالله منها....
حجيت وي جيلان.... وجيلان قبلت... الحمدلله... واجه عامر وكتله موافقة....
المهم......
بدينه نحضر لعرس جيلان صارت بثالث متوسط....
خلال شهرين تزوجت جيلان امنت عليها جنت خايفة.... بقى بس يزن....
سلطان يشتغل ويرجع وصرفه ع جهاله وعلاج مرته..... اني حالي حال خادمه بالبيت..... انام بغرفة اني ويزن.... والحجي بذيالي مامرتاحه تمرمرت.....
تسريع الاحداث..ٌ.
جيلان صار عدها ولد.... ويزن قررت اخطبله.... وخطبتله بت ابن عمي.... وزوجته يمي..... مرت سلطان توفت....
واخت مرت اخوة خلت عينها عليه.... وضلت تروح وترجع وتسولف وقربت الجهال منها ولده مايحبوني.... 😢..
ويكولون انتي موتي امنه مانريدج.... وهاي تحضر وتجيب الكيك والكبه وهو مرتب..... ضلت تحوم عليه..... هو رادها.... المهم اني ماعتبره زوج.... ابن عمي.... فقط
تزوجها.... وشوفني نجوم الظهر... 😭😪... انام على دموع.... رغم صغري بس تعبت حيل من الضيم الخبز والشغل عليه..... واني ولاكانما موجودة....
سمعت خالي توفه.... ومتت بجي حسيت بنفسي تيتمت ٣مرات مرة من توفو اهلي وثاني مرة من استشهد اياد وهاي الثالثة توفة خالي.... طلبت من سلطان اروح لبيت خالي كال : خلي اخوي عون يوصلج ٣ايام ويرجعج..... حضرتلي ملابس وابجي.... خالي ماقصر وياي.... ضليت وحيدة المن صفيت ؟؟؟؟ 😪...
رحت واجواء الفاتحه تاخذ الروح.... مرته متوفية واني مادري محد كالي....
شفت بكر سلمت عليه واخذت من خاطرة.....
هو يباع عليه ودموع بعينه.... 😥...
كالي : انتي هسة مامزوجه نوال.... تقبلين تزوجيني ؟؟؟! ضليت صافنة.... كتله ليش متزوجت ؟....
بكر : جر حسرة.... لا اني تزوجت....... اتزوجت.. ورود بضغط من امي..... 😪..
نوال :😳😱.... اي ؟
بكر : وخانتني هنا لزمتها بيدي وي وليد... 😠😒...
نوال : لا بكر ماكدر اني بنتي تزوجت وصرت بيبيه.... العالم شتكول ؟ لا بكر ماكدر....
بكر : فدوة لاترفضيني مرة ثانية المانع الجان قبل راح.... الله يخليج واقفي وخلينه نعيش سوة....
نوال : لا بكر ماكدر تريد العالم تضحك علية...... باجر ارجع....
بكر : نوال والله سلطان يتركج وزواجكم لاشيء.... مرته حية تسويلج مصيبة والله.....
نوال : صح شبعانه ضيم..... اخذت رقم بكر.... ورحت......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.....
افكر بيني وبين نفسي..... يربي اشلون ؟..... 🤒حيرة اقبل ببكر ؟ لو اضل ؟ بهذا العذاب ؟؟؟؟؟
بعدين قررت اخليها ع الله.... ورجعت للذلة والضيم.... وسلطان يم مرته.... وصار عندة طفل.... منها...... واني شبعت ضيم وقهر وحجيهن سم....
تسريع الاحداث.... سلطان ضابط بالجيش.... وصارت المعارك مال جرف الصخر(جرف النصر )...... واستشهد....
ولازم ماابقى..... ويزن طلع هو مرته وبنته للخارج......
وجيلان صارو عدها ولد ٢..... وعايشة وي عامر..... وبخير...
ضليت اني.... قررت اقبل ببكر.......
وفعلا تزوجت بكر..... وضليت ويا.... عيشني عيشة تخبل عوضني عن كلشي عن القهر والمر..... وحبلت بولد منه وممصدكه..... 😋😑😍.....
وعشنه
النهاية #
النهايات تصنع البدايات احيانا
فلا تياسوا فالحياة فرص ومحطات وكل محطة لها حكاية..... فكونو اقوياء بالصبر....
تحياتي
#الكاتبة ت/ك #
ترقبو القصة القادمة بعنوان(ماساة)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
