اليتيمة للكاتبة ت. ك/

اليتيمة البارت ١٥

نوال : ضليت اصفن.. وافكر لا مرت خالي تعاند وتكول مارجع واني ماريد اخرب بيت احد... اووف 😱😰....
رجعت اباوع لبكر اشوفه مامرتاح بعيونه حجي... ويفتر.... شويه طلع عماد.... واجه خالي يحجي عصبي.... خلي تولي. .... شحسبالها تلوي ايدي... شعندي اني جهال قابل ويبجون وعود اردها خلي تروووح طزززز الاجت ياهلا بيتها ومكانها معززة مكرمه.... 😡.... واذا ضلت بسوالف الزعاطيط يطبها مررررض....
دخل للغرفة....  ضليت كاعدة ماعرف شسوي.... كلت التهي بالعشا...  عجنت وسويت كباب عروك وبيذنجان وبتيته اصابع.... ونظفت خضرة.... 😩... بس بالي مو وياي.... وراها كليت وحضرت ورحت اخبز....
بكر : كعدت مالكيت نوال... 😳.. رحت للمطبخ ماكووو شفتوالعشا وهي ماكو... معقولة وين راحت.... ؟..... اوووف ياربي بس لا راحت منا منا... 😱... شسوي شسوي... ضليت افتر.... شوية واسمع طكطكه.... رحت بالترك.... شفتها تخبز...  شكد فرحت وارتاحيت 😚 😵
نوال : شفت بكر جاي بتجاهي... سويت نفسي ماادري ملتهية بالخبز....كال : هااا تخبزين ؟؟.... نوال : ماجاوبت....
بكر : استغربت.... ردها.... سكتت اخذت خبزة.... واكل بيها.... نوال... نوال... خبزج ماصخ... مابي ملح....
نوال : 😱 ياااا شسويله يلا.... اتحملو...
بكر : اريد احجي الي بكلبي.... كعدت اكل من الخبزة.... نوال تتوقعين امي ليش هيج وياج ؟....
نوال : اءءءء شمعرفني.... 🙄
بكر : شفتها ارتبكت.... سكتت...
اريد اكولها اني احبج.... بس الساني انربط...... 😥
شوية ونسمع صوت خالي.... اجه...
بكرررررر شعندك هناااا ؟ 😡
بكر ضل يباع عليه.... اني خفت.   كتلة خالي اعصابك اني دزيته يجيب ملح الخبز مابي ملح.... حتى شوف هاي الخبزة...  خلاها بحلكه كال..... اااي صح يلا بكرررر جوة خزرة.....😠
نوال : خلصي وفوتي جوة....  ماريد تضلين برة.... اي خالي صاررر
متت خوف بس ارجف يربي فدوة ارحمني راح اموت من كدما اخاف..... اوووف 😳.... استعجلت طكيت ٥ خبزات فوك ذينج وطفيت وعزلت المكان وشلت الخبز ودخلت للمطبخ.... اجه بكر شرب مي ويحوص احس بكلبي حجي وميكدر يحجي.....
حضرت العشا.... وخليته بالصينية والخضرة والطرشي والزلاطه واخذته بالصالة.... كعدنه....   وخالي ضايج كوة ياكل..... والكل ساكت....
شوية اندك الباب.... كام حسام.... صاح خالي... اذا عليه كولهم ماموجود.. 😠 مالي خلك سوالف وحجي....
شوية.... ودخل حسام بوية هذا خالي جاسم.... كتله ماموجود...
خالي : خلي يولووون بدو يتلافوون عليه وين جانووو ؟ 😡 كام من الاكل...
والكل كام.... شلت ونظفت وكملت كعدت افكر..... شسوي هسة يكولون كله بسبب نوال... شسوي...
ضلت مرت خالي.... عند اهلها اسبوع....
قررت احاجي خالي.... واكلة رجعها خوماتضل عد اهلها.... اجه خالي هسة مزاجه زين كلت احجي ويا.... تغدة وشرب جاي...كتله خالي ميخالف احجي وياك بموضوع.... 😐🤔
خالي : اي بنتي كولي ناقصج شي تردين شي.... كولي...
نوال : خالي فدوة لخاطري رجع خالتي لبيتها.... فدوة العالم شتكول علينه... 😥
خالي : بوية شعندي وياها... ؟ هي مدري شبيها شدت وياج وانتي بت اختي عزيزتي.... اشلون هيج تعاملج وانتي تعامليها مثل بتها.... وهي تكول ماريدها بيتي.... اريد اشوف هو مو بيتي ؟ بس بيتها خلي تولي بوية خلي تتادب... وتحترم نفسها... 
نوال : خالي مرتك وعشرة عمر وام اولادك ردها خالي فدوة....  بيتها هذا... واذا على كلامها عني اني اكلك ساعة عصبية.... وصارت خالي اذا الي خاطر عندك رجعها....
صفن..... كال والله يانوال.... اشوف... لاتهتمين....  🤔
رحت..... تمددت اريد انام... اتكلب....
فكرت ببكر شنو موضوعه!؟؟؟ 🤔😐 ليش من يشوفني يضل يفتر مثل واحد يريد يحجي شي ويسكت.... 🙄
بكر : الليل كله منمت... افكر بنوال...  خاف احد يخطبها وتروح لغيري ياربي انشالله نوال الي من قسمتي....
تتوقعون شنو راح يصير ؟؟؟