اليتيمة للكاتبة ت. ك/

اليتيمة البارت ٦

نمت بلا تفكير... ولا خوف نمت مرتاحه... كعدت الصبح حسب مااني متعودة ب ٦ ونص غسلت وصليت ورحت حضرت الريوك بدون مااطلع صوت.... وحضرت خبز حار.... كعدت مرت خالي... صباح الخير يمه ليش كاعدة من الصبح.. ؟ ارتاحي يبعد كلبي هناك منال شالعه كلبج... وهنا هم تكعدين من الصبح.. ؟ 😔
نوال : خالة متعودة عالشغل... ماكدر... كملنه ريوك كعدو الولد وخالي.... صباح الخير.... نوال صباح النور هلا....
حسام : ياااابة اليوم مدللين يغمز لخالو.... وخالو يضحك اي يابة اي.. 😂
عصام : يالله بسم الله اكلو يلا....
بكر كعدت يسحل بروحه كوة يمشي.... صباح الخير... 😢 منعس...
خالو : صباح الخير يلا ولك لاتشلع كلبي وتنام عالسفرة مثل كل يوم...
بكر : بابا شنو السالفة فضايح من الصبح... كول بس اليوم مو دائما.... كعد... نوال فدوة حلييييب 😩
نوال : تدلل لاتضوجون بكر.....
بكر ': اي كليلهم يبت عمتي موتني... خالج هذا...
حسام : خزره.... اتزقنب بلا لغوة....
خالو ': استهدو بالله يولد....
كملو.... وكلمن راح لدوامه وخالي هم راح للشغل...... ضلينه اني ومرت خالو....
لميت السفرة والمواعين غسلتهن... دخلت لغرف الولد نظفتهن وجمعت الملابس الوسخة وعلكت الباقيات....
شغلت الغسالة.... ونظفت وبلشت بالغدا.... مرت خالو طلعت للسوك.....
شغلت اغاني وكملت تنظيف.....
صعدت اشر الملابس شريت وكملت واسمع واحد يصفر.... عزززة... شبي هذا كبور اي والله... خليت ونزلت....
وليد : اني وليد جيران بيت ابو حسام.... عندي طيور بالسطح.... يوميه انطيهن اكل واطيرهن مرات..... عمري ١٨ سنه اني الوحيد لاهلي..... اليوم الله يحبني صعدت انطي لطيوري اكل... جان اشوف الشمس نازلة بيت ابو حسام يااااابة بنيه حلوة..... واني اعرف بيت ابو حسام ماعدهم بنات.... بس ولد.. هاي منو...
بس هي من شافتني..... ضاجت وماعرف شحجت وراحت.....
ضليت افكر بيها.....
لازم اعرف منوووو هاي.....
رجعت مرت خالي من السوك واني فرغت المسواك وهي تعبانه دخلت سبحت..... وبكت كلشي نظيف وحاضر والغدة كمل..... حضرت السفرة واجو الولد.... بس حسام يحل ب ٢ الظهر.....
اجه بكر.... السلام عليكم ياااااقوم...
نوال : وعليكم السلام هلا.... يلا بدل بس عفية علك ملابسك.... مو تشمر... نظفت البيت كله.....😰
بكر : صاااااار على راسي اعلكهن.... واغسل واجي لان ميت جوووووع 👻
اجو كلهم..... واجتمعنه ع الاكل.... تغدينه وكملنه.... كلمن راح لغرفته.....
رجع حسام من الدوام..... ب ١ونص صبيتله غدة..... اكل بهدوء ونظفت ورا المطبخ ودخلت سبحت وطلعت.....
اسمعه يحجي وي امه..... يمه وين قمصاني!؟؟؟؟؟
يمه مادري خاف نوال غسلتهن.... اسالها....
حسام : نوال.... نوال...
نوال : هااا....
وين قمصاني... ؟
نوال : اي غسلتهن اليوم هسة اصعد اجيب الملابس التفتت اريد اروح...
صاح.... نوال بعد صعدة للسطح ماكو وعقد حواجبه مفهوم ؟؟؟
نوال : صار... 😵
اكعدي اني انزلهن......
سالت مرت خالي شبي حسام ؟
مرت خالي : خاله مابي شي بس ضاج لان بيتنه ناصي وجيرانه عدهم شباب ويخاف عليج.... بعد انتي اغسليهن واني اصعد اشرهن يمه لاتورطينه بسوالف....
نوال : صار خاله مو قصدي....
صدك ضجت.... وكلش اخذت ع خاطري.... منه ليش اني شسويت... موزين غسلت قمصانه.... مو صوجه.... رحت تمددت.... نمت كعدت العصر.... صعبة اعيش بيت كله ولد.... لبست دشداشة مخصرة شويه وذبيت شال ع راسي..... لكيت حسام كاعد ع التلفزيون الولد يمه كلهم.... رفع حاجبه باوعلي.... ورجع باوع على التلفزيون.....
شبي هذا يالله.....
همام : تعااااي نوال شوفي الفلم هذا يموت ضحك.....
خزرة حسام..... همام ؛: ماكلنه شي عمي بكيفها.....
نوال : اسويلكم جاي!؟
بكر : ااااااي رحمه للاهلج.... فدوة
حسام : لاتضل زعطوط لللللللك... 😡
نوال : رحت ركض للمطبخ.... شبي حسام صدك جذب..... حضرت جاي ومرت خالي جايبه بسكت....... واخذته الهم.... اجت مرت خالي.... شاورتني.... يمه غيري دشداشتج هاي فدوة بعد امج.....
نوال : ليش خاله شبيها. ..!!!؟ ماشي اغيرها.....
شبي حسام ؟؟؟؟ ليش هيج شاد وياي.... ؟ اووووف مامكتوبلي ارتاح... بس يلا احسن من عمي احمد وبناته.... الله كريم...... 😔
بدلت وطلعت..... كعدت بالمطبخ.... اسوي كيك اشغل نفسي....  كملت الكيكه... اندك الباب.... طلع عصام منووووو ؟
اني... اني... وليد.. ياهلا....
راحو بالباب... اني طلعت من المطبخ..... جان الباب مفتوح.... وهذا الغثيث اليوم الشفته الصبح موجود عزززززة ضل يباوعلي..... مشيت اباوع.... حسام صاح على شنو صافنه ؟؟؟؟؟ اجه وشاف وليد صافن ومبتسم......
تتوقعون شراح يصير ؟ حسام شنو راح يسوي لوليد ولنوال ؟ وهل نوال راح تخلص من حسام ؟؟؟؟