صار الليل.... وعم الهدوء بالبيت.... وطلعت لان جنت كلش جوعانه.... مشيت للمطبخ.... شربت مي.... واشوف بكر اجه اني دنكت مااحجي مااحجي... بقى واكف..... ومدنك ضايج... 😥...
بكر ؛: من عرفت الحقيقة.... كرهت نفسي والي سويته واباوع لايدية اووووف اشلون ضربتها ؟؟؟ 😣.... بهاي الايد داويت جروحها من حسام ضربها ذيج المرة..... و.... بنفس الايد انمدت عليها ضربتها اااااخ احساس بتانيب الضمير قاتل 😪.... اكيد ماتريدني بعد.... اختنكت كلت خلي اطلع.... طلعت واشوف ضوة المطبخ يشتغل.... رحت....
شفتها تشرب مي... وتقربت... ماحجت بس دنكت... شفت وجها واثار الضرب والظلم.... ياربي سامحني اني مو قصدي اذيها بس وليد الكلب من جاب اسمها متت اني.... وهيج سويت بلا وعي...
نوال : ضليت ساكته.... محجيت شي.... كعد هو.... كال : نوال اسفة... 😥.. تنكسر ايديه الاثنين ولا امدهن عليج.... نوال والله... انتي مشفتي وليد من جاب اسمج تخبلت والله..... بس طلعت ورود الكلبه عدها علاقة ويا..... ومن سائلها عن اسمها كايلته الحقيرة اسمي نوال حتى اي شي يصير توكع براسج...... 😐.....
نوال : من سمعت هيج ضليت متبسمرة بمكاني... شنووو وليش هيج تسوي ؟
بكر : وووواضح نوال واضح ورود تكرهج..... بس والله موتتها كتل التمينه عليها وشمرناها بيت اهلها شمرة الكلب والله.... 😒....
نوال : دنكت.... بكر انت اشلون صدكت اني ممكن بيوم اسوي هيج ؟ 🤒😔....
بكر : والله والله.... كلبي ممصدك ممصدك بس الشيطان لعب بعقلي.... خله ايديه على راسة وضل يبجي..... 😥😪....
نوال : ماعرف ليش من ضاج وشفت دموعه انعصر كلبي..... وضجت... بكر الصار صار يلا روح نام... 😐....
واني ماباقية هنا... تحملوني بس هل الاسبوعين..... 😔 بعدها كلمن يذكر صاحبة بخير بكر.... 🤕.... سكتت
بكر : كولي..... ؟
نوال : ماعرف شنو ردت اكول يلا نام.... طلعت من المطبخ ماكلت شي.... انسدت نفسي بعد السمعته..... 😔...
ضليت اتكلب واتذكر كلام بكر وشكله... ومن اتذكر هو صدك واذاني اموت من البجي..... 😭 ياربي ليش لان يتيمه ؟؟؟ هيج اتاذة ؟ لان مالي احد وماوراي احد هيج.... 😢.....
ثاني يوم كعدت ب ٧:٣ ص.... حضرت ريوك عالسريع...... وكعدو تريكو.... وسكته ومحد حجه.... طلعو للدوام وللشغل... خالي قبل مايطلع اعتذر مني... وطلب اسامحه.... واني قدرت وضعه وكتله مسامحتك خالو....
مرت خالي سكته ولاكلمه.... كملت ريوك وراحت للجيران مدري شعدها.....
كملت اني البيت تنظيف وغسل وجريتلي حبل بالطارمه اشر الملابس عليه ماريد اصعد بالسطح ولا اشوف احد ولا احد يتهمني 😐.... يكفيني الاجاني منهم هن شكم يوم ورايحه..... 😣
صارت ب ١١:٢٢ ذبيت الغدة عالنار.... تمن وتبسي.... كمل الغدة.... رجعت مرت خالي وجها مكلوب..... وطبت ركض...
لغرفتها شوية.... وضلت تعيط فلوسي.... فلوسي... انبكت..... 😱.... اني رحت اركض.... 😱 خالة شكو شبيج.....
لزمتني..... وجه الشوم ام المصايب فلوسي وين ؟؟؟؟ 😡... كتلها خالة والله مامخذة شي والله وبعدين غرفتج انتي تقفليها لو طلعتي..... ضلت تحجي وتهدد.... اجه حسام..... يممممه خيرر شكووو منخلص بهل البيت يومية عركه ومكافش شصاير.....
ام حسام : تعااااي يمه انبكت فلوسي مليونين وربع ماكو..... 😱😠😬....
حسام اي ومتهمة نوااال موووو ؟؟؟
ام حسام : وليش عيني اكو غيرها ؟؟؟؟
حسام : يمه يمه الله يخليج جوزي من البنية اني فلوسي ملايين بغرفتي اشو محد باكهن وانتي تطلعين تقفلين الباب بعد شنو هل الفلم ؟؟؟؟ لو بس تردين مشاكل وعرايك...... عوفيهاااا كااافي 😡..
نوال : حلفت ع القران ردت ماكو..... لاغده ولا شي سوتلها مشاكل....شوية واجه اخوها ابو ورود هاد عليها ويا ورود..... لعبو بيها لعب... ومسويات فلم.... وليد يهددها ويريد فلوس وهو مصورها بلا متدري.... ومن ضمن الحجي زلك لسان ورود كالت انطيته لحد الان مليونين وربع قبل شكم يوم..... ..
حسام واكف وجلب بيهم تعاي ولج انتي بايكه فلوس من امي... نكرت طبعا... بس من ابوها كتلها وحسام اعترفت هي باكت الفلوس وانطتهن لوليد حتى ينطيها صورها.....
هنا مرت خالي الفشلة ترست وجها وخالي رزلها رزالة ماكو منها.....
وكالها اهلج حرامية وسفلة.... 😡😠...
راحو... صبيتلهم ماكلو مالهم نفس.... خالي كال : ماجل موعد العقد لمن اثار الضرب تختفي منج... عيب العالم شتكول.... ؟... خابرهم والحمدلله قبلو لان هم عدهم شغلة....
ضليت فترة اختفت اثار الضرب.... واني مالي شغل باي واحد....
بكر : ليلية اتكطع اموت.... واني اعرف نوال راح تزوج وتصير لغيري 😰..... ابجي اوصل للموت.....
مرت خالي مبتعدة عني.... وكلما تنزل للسوك تجيبلي شي ماعرف كتعويض او اعتذار.... مالها شغل بيه خفت عني كلامها المثل السم.... ارتاحيت شوية منها.... بكر اشوفه يوم عن يوم يذبل ماعرف شبي..... واتذكره من ضربني اضوج.... واكول شوكت يجي اليوم الاطلع منا.... وين مااروح الكه الكل عدو واني ماعندي شي وي احد... 🤒....
عصام صار عندة ولد سماه امين.... مايجونه ولا احنه نروحلهم.... ومن يتصل ويعرف المشاكل يبعد اكثر... ومرته هسة حامل....
يوم يجر يوم.... اتصلو بيت عمي ياسر على خالي.ٌ.... وكالو جهزو نفسكم هاي الجمعه العقد..... رحت للصالون وي مرت خالي.... وابست بدلة لونها بنفسجي بدون ردن.... ومكياج حلو.... مو اني وحدة ثانية طلعت.... ومرت خالي تهلهل.... وتصلي على محمد .....
صورة مقاربة لشكل نوال
ودخلت لكيتهم كلهم بالبيت..... والبنات تلكوني.... وهلاهل وصفكه.... جان احساس خوف ممزوج بتوتر.... لمحت بكر بالشارع..... من شافني دنك.... 😔
واجه السيد عقدلنه......
واجه اياد ولبسني الحلقة.... واخذنه صور.... وجابلي فون..... وخط وشاورني موتنسين نحجي عود..... اني ابتسمت....
وانطاني ظرف بي مبلغ..... بس اني ضايجه وخايفة... وامه طايرة بية وكل شويه تبوسني....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
