نوال :كلام بكر صح.... لازم اكمل دراستي واخذ شهادة الثالث متوسط واذا رادو زواج اشرط عليهم اكمل.... 🤔..... بس ذكرت ملامح بكر وشكله التعبان.... شبي ؟ من الدراسة اكيد.... خطية صعبة....... 😥....
جاي نتغدة ودك تلفون خالي.....
خالي : الوووو.... هلا ابو اياد.... اشلونك...
هااا... هلا بيكم... تنورون والله.... هلا بيكم... جاهزين.... الف هلا...
سدة....
خالي : باجر بيت عمج ياسر يجون حتى يشوفوج.... حضرو نفسكم....
ام حسام الفرحه بينت بوجها.: هلا بيهم كل الهلا.... باجر احضر غدة وانت اشوي سمج....
وباجر الصبح اخذ نوال للسواك.... اشتريلها ثوب شي....
نوال : ماصدك هاي ام حسام ضليت صافنه 😳..... بس حسيت بشي بداخلي... خوف وتردد وتوتر.... 😵... اكيد لان متعودة على بيت خالي.....
كمت نظفت وعدلت اجت ورود... هاااا... شكووو عليج ؟ راح تزوجين والله حظوظ يالله 😒....
نوال : باوعتلها كلشي قسمه ورود.. 😓...
ورود : احسن واني عمتي كالت بس يكمل بكر سادس السنة التجي تخطبني اله.... 😏.....
نوال : الله يقدم البي الخير..ٌ. 😮😐...
ورود : اااي نوال شوفي الله ماقاسملج واحد من ولد عمتي.... خوش... اني لبكر... واختي لهمام... وحسام ماعرف... 😏😌 كلهم محجوزين عيني....
نوال : اوووف شبيها هاي كل عقلها ؟....
الله يهديج.... هاااا اكول ليش ام حسام تريدني اتزوج واروح... وتكول خاف اكو شي براسج..... وووو..... هنا الحجي 🤔🤐...... احسن الله دزلي ابن عمي.... حتى يخلصني من ام حسام ومن ورود واختها......
كملت..... وكعدت.... كالت ام حسام امشي نروح للسوك ونشتريلج شي لباجر.... 😶..
بدلت لبست بنطرون اسود وقميص نيلي طويل وشال نيلي..... وطلعنه....
بالطريق.... ام حسام بس تذب حجي وتكلي تزوجي... مهما يكون بيت عمج ومردهم الهم..... ووووو... لمن كالت اني مخليه ابالي اخطب ورود لبكر خلي اخاذلها شي وياي.... مادري ليش ضجت واختنكت وعيوني رادت تدمع.. 😥....
اخذت ثوب مشمشي.... طويل ومخصر وبي تطريز وشغلات حلوة.... ويا جنطة....
طول الطريق افكر بكلام ام حسام ليش هيج وياي... وليش ضجت لمن كالت اخطب ورود لبكر.... مالكيت تفسير...
ورود : كعدت تفكر..... هاي نوال راح تروح من طريقي... اشلون بوليد.. ؟.. اشلون اتخلص منه ؟؟؟ 🤔... شويه ودخلو عمتي ونوال....
عمتي تعااااي بنيتي ورود 😚 شوفي شجبتلج... خاف اخطبج هههههها ااي شبيج فدوة تستحي.... 🙄.... اااي اخطبج لبكر خايبة وتضلين يمي.. وتضاحكن...
نوال : ضجت حيل ودخلت خليت راسي على المخدة وبدة حديث الدموع.... 😭 مخنوكه.... اريد اعرف ليش مادري.... واجت ذكريات بكر وياي.... وزادت خنكتني. .... 😢......
بكر : ردت انام ماكدرت.... افكر راح تروح نوال بعد البيت يصير وحشة عليها.... وهاي تحوص وتفتر هنا ورود الغثيثة..... 😥.....
ورود : اتصل عليه وليد كالي هسة اريد اشوفج فوك تعاي اني خفت....
وكتله الولد كاعدين.... كال : خليها على باجر واريد فلوس.... 😏...
ورود : الله ياخذك انشالله شورطني بيك.....
نوال : طلعت برة اشم هوة اختنكت..... كعدت برة واباوع للسمه.... وابجي وابالي بكر...... هوى حلو....😑
شويه التفتت وشفت ورود تتمشى على كيف.... عزة وين رايحه........اوووشعليه اني....
ورود : شفت... نوال واكفه... 🤔 هاي شعدها هنا.... ؟ لازم مواعدة... 😏....
ضليت اباوع لمن دخلت لغرفتها..... اكيد ضربها بوري ومااجاها.... اني اعلمج نوال..... باجر... 🙄
الصبح......
نوال : كعدت غسلت وحضرت ريوك..... وكعدو يتريكون.... وام حسام... تكول اليوم طبخ وشغل.... ورود..: اني عندي امتحان اعتذر..... بس اكو ناس مضروبين بوري يمكن..... بكر : رفع راسه حسبالة الحجي يخصه... 😐 ورود كاااااافي 😡
......
.....
.ٌ...
نوال : حسيت كلامها يخصني.... سكتت وشلت المواعين وغسلتهن وكملت.... وبلشت بالغدة... تمن برياني... وشويت دجاج...... وتشريب وحسام جاب روبه وخضرة..... ونظفت خضرة..... وكملت كلشي...... دخلت سبحت ولبست.... اندك الباب.....
طلع حسام : اسمعه يكول مية هلا.ٌ تفضلووو....
دخلن نسوان ٢ وبنات ٣.... وولد ٢ ورجال جبير....
سلمن على مرت خالي.... وسلمن عليه.... بوسني.... وهن وحدة تشاور الثانية... واعتقد يحجن عليه او على ملابسي مادري بس النسوان ٢ ماشالن عيونهن عني......
تغدو..... وكمت نظفت وهن يسولفن وي مرت خالي..... والبنات اجن يسولفن وياي ويسالني... سالتهن عن... بيت عمي احمد.... كالن : سهى اتطلكت... وسجى تزوجت وعدها طفل.... ومها رسبت وبطلت.... وزياد كل يوم مشكله.... ونهى تزوجت.... من فترة....
ضلن يحجن.... كملت شغلي وسويت جاي وشربنه جاي....
وضلن يحجن بموضوع الخطوبة كتلهم اريد ادرس واكمل.... هن وافقن... كالن احنه منحب الكسلان والكاعد بالبيت... وهو اخونه هم مثقف وخريج كلية ادارة واقتصاد..... ويشتغل وي ابوي.... بالعقارات......... وانتي عد اهلج ومن هذا الحجي..... مرت خالي حارت شتمدح وتكول..... حتى بس اتزوج وابعد اني شفت نفسي شكد ثكيلة عليها....
وشفت ابن عمي اياد.... ولد اسمر عيونه كبار جوزي وشعرة بي شكار.... وطويل ومعضل....
وهو هم شافني.... وكال لاهله اي هاي هية موافق.....
حددو موعد العقد بعد اسبوعين.... عدهم شغل يكملو.....
....
.....
.....
شتتوقعون قرارها صح ؟
وبكر شنو موقفة ؟ هل صحيح راح يتزوج ورود ؟؟؟.... وليد شراح يسوي ؟
واياد ابن عم نوال هل هو الزوج المناسب لنوااال ؟؟؟؟؟؟
يتبع
أنت تقرأ
اليتيمة للكاتبة ت. ك/
Aktuelle Literaturالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
