بدت تحضيرات لزواج عمة نهاد... كعدت ابجي.. ياربي ليش كل الاتعلق بيهم يرحون ويتركوني ؟؟؟😔🙁😭
منو بقالي ؟؟؟ جدو رجال جبير وبيبي هم ماتكدر.... كبرت وتعبت.... راحت عمة نهاد.... تزوجت رجعت نمت يم بيبي صرت بصف ٤ مستواي مو هلكد المعلمات يشكن مني راح عمو احمد للمدرسة وكالهم هي يتيمة وجانت عمتها مهتمة بيها وعمتها تزوجت بغير محافظة.... ملو مني لان مواد صعبة.....
قررت منال تبطلني من المدرسة... 😢منو الي ؟ محد يوكف بوجهها... عمة سهاد صار عدها طفل والتهت بالطفل وبيتها ضلت ماتجي وعمة نهاد بغير محافظة.... بقيت وحدي تركت المدرسة... بدت مرحلة وايام سودة من حياتي.... تنظيف وشغل وصرت خدامة لمنال وبناتها جدو تمرض.... وكع براسي اني اهتميت بي بعدني طفلة صغيرة وتحملت مسئولية بيت كامل... منال تعاملني معاملة الخادمه زياد كبر وضليت ادرسة... واخته الاصغر منه مها ابتليت بيها منال يوميه عزوماتها..... صار البيت الها خواتها وبنات خالاتها دوم يمها وهوسة وهم كيك وجاي وعصاير وكلها براس نوال.... بناتها يلبسن احسن لبس وياكلن احسن اكل واني حسرة عليه لبسة جديدة..... 😢😥..... صارت سهى بالمتوسطة وسجى ونهى بصف سادس
واني ضليت... اخدم بيهم.... مرت سنين... من تجي عمة سهاد توكف وياي بس عمو احمد يوكف بوجهها يكلها معليج سهاد منال تريد تعلمها على شغل البيت هي لامدرسة ولاشي عاد خليها تداري اهلي... سهاد خطية مابيدها شي تضوج وتشبع قهر وتروح..... اني لازم اعتمد على نفسي.... جدو مريض واصل الموت باي لحظة يموت...... وبيبي هم مرة جبيرة ماتكدر لمنال يجون اخوانها صغار يلعبون بالبيت لعب وهي سكته..... اخوانها همج.... وشحد اليحاجيهم.... توكف تلاسن بيبي وتلعب بيها لعب... وهم لسانات يراددون يكولون لبيبي هذا بيت منال.... بيبي تضوج... خطية اني انقهر عليها....... 😥
بيوم من الايام كعدت الصبح مثل كل يوم غسلت وبدلت وحضرت ريوك وانطيت علاج جدو وبيبي.... والكل راح للمدرسة ضليت بس اني منال نايمه للظهر الخدامه نوال مكانها..... مها عليه اني ربيتها.....
اسمع بيبي تعيط..... يمه شكو ياستار....
رحت اركض اكلب جدو مابتحرك خابرت عمو احمد..... وكعدت منال تصيح وتغلط شكوووووو شنو هاي الهوسة... شبيجن...
نوال : جدو مات منال... شبيج تعيطين... 😒 منال : انجبي لج ادب سزز ترادديني حقيرة بنت الكلب....
نوال : تخبلت من شتمتني.... كتلها انتي بنت الكلب لاتغلطين.... لزمتني من شعري بهاي الاثناء..... دخل عمو احمد لزم منال كسرها تكسر لج ادب سزز ابوي ميت...وانتي تضربين هاي ضلت تعيط... ضليت ابجي..... جدو مات وبيبي انتهت ورا ضلت كوة تمشي..... حملت ضيم
منال لعبت بيه لعب.... اجه خالي ومرته اول مرة دك الباب وجانت منال تعد وتغلط وتسب واني ارد فتحت الباب سهى ودخلو لكو منال تضرب بية.... خالي تخبل ضل يصيح... كالها مو حرام عليج متخافين من الله البنيه امانة عدج وانتي..... هيج تعامليها...
نوال : اني خالي ماعرفة اول مرة اشوفة اليوم
منال : وانت منو وشعليك هاي وحدة مامرباية..... طايحت حظ.... لومااحنه جان هسة هي بالشوارع...
احترمي نفسج.... ماتكعد بالشارع واني خالها موجود..... شنو وليتي البنية وليه من يوم الاجت عدكم....
هدت عليها مرت خالي.... اجه عمو احمد.... كعدو يحجون وطلب خالي اعيش عندة... طبعا عمو احمد رفض وتعذر... وهو عمي وهو اولى....... ومنال رفضت خدامة اني اشلون تقبل اروح... منو الها..... اصر خالو اروح ويا.... وعمو احمد ماقبل نهائيا وكالة بيبتها مريضة ومتعلقة بيها بت المرحوم هاي... خالي كالة انتو تعاملوها انكس معاملة..... وهذا الشي مايصير البت يتيمه... حراااااام
صار حجي وتدخلت منال.... وخالي ومرته سكتوها وكالولوها مو دخلنه لكيناج تعدين وتصفين وتغلطين ع نوال...
عمو احمد : خزر منال.... كالهم اني احاسبها ع تصرفها..... وماقبل اروح وياهم.... وكالة خوية جيتك عزيزة بس ماكدر اسمحلك تاخذ نوال بت اخويه تعيش عندك وانت عندك ولد كبار لاخوية.....
خالي من ايس طلع... وانطاني فلوس طبعا عمي اخذهن ونزلهن بجيبة وتعارك وي مرته عليهن.....
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
