نوال : طول هاي الفترة اشوف بكر يحاجيني بعيونه بس اني مااهتم.... 😢... الى ان ذاك اليوم جنت انظف بالخضرة ومرت خالي طلعت لبيت جيرانه.... وصادف يوم جمعه.... اجه كعدت كبالي.....
بكر : اباوع بوجه نوال.... 🙁 اريد اعرف ليش هيج تعاملني اني شنو سويت ؟ بشنو ضوجتها..؟..... نوال : بكر محتاج شي ؟ ترا كعدتك هيج محلوة ومالها داعي 😐.... بكر : نوال فدوة شبيج اني ضوجتج بشي ؟ ضايقتج بشي ؟ عليج الله كولي ؟
نوال : صفنت..... كتله لا ابد ماطلع منك شي..... ورجعت انظف خضرة....
بكر : دمعت عيوني ومسحتهن... ليش هيج صاده عني مو مثل كبل ؟.... 🤒.. اني ابن خالج الي عرفتج وحبج من اول يوم اجيتي بي هنا..... ودافع عنج بالرغم من صغرة.... 😓.... وداوه جروحج من ضربج حسام.... ليش هيج نوال ؟ 😑 انطيني مبرر لتعاملج وياي.... ؟
نوال : جريت حسرة وذبيت الرشاد من ايدي.... ونزلت دمعه جان بكر مسحها وكال : لا نوال لا مو اني يمج ليش دمعتج تنزل ؟ 🙁.......
نوال : بكر الله يخليك اني ماعندي شي وياك.... بس ماريد مشاكل.... والله اني بلا شي متهومه.... والنوب انت تجي تكعد يمي..... روح بكر اني مافيدك فدوة خليني عايشة بامان هنا مالي خلك مصاب من امك ورود وخالي ياخذ حسرة عليه فدوة اتركني بكر.... 😢..
بكر : هااا.... خوش هاي هية بس اني موجود نوال اي شي تحتاجينه تجيني مترحين لغيري.... وعد ؟؟؟؟؟
نوال : وووعد ومسحت دموعي ورجعت انظف الخضرة وسارحه بافكاري.... الوحيد الارتاحله هو بكر.... ياربي احفظة الي.... 😓مالي احد يربي ويتيمه وهاي الناس مدري شبيها وياي....
كملت وغسلت الخضرة.... وحضرت عشا.... وتعشينه مثل كل يوم نظفت ونمت..... وهاي الليلة ابد مانمت.... بالي كله يم بكر ويم حياتي.... مرت خالي موزينه وياي واني ممسوية شي....
وضلت فكرة تجيبني وفكرة توديني....
😒😓....... وقربت امتحانات.... واني ادرس بس هاي الهموم كتلتني... 🙁
شبيدي اني بكر تحبني وانت خوش ولد والله بس مو بيدي.... ماريد نظرة خالي تتغير الي ويكول مو خوش بت اختي.... وماريد اكسر كلبك واكلك ماريدك.... 😢😭 ضليت ابجي.... اسمع الاذان كمت توضيت وصليت وردت انام مكدرت.... رحت طلعت طحين وعجنت..... وشويه لمن اختمر طلعت بالترك خبزت.... شكم خبزة حارة..... صارت الساعه ب ٦الا ربع.... خليت الجاي عالنار..... وحضرت ريوك... كعدت خالي توضه وصلى خالو صباح الخير.... ليش كاعدة ع وكت ؟ مانمتي ؟..... نوال : صباح الخير خالي والله مكدرت ارجع انام صليت وبقيت كعدت خبزت خبز حار وي الريوك.... كملت صلاة واجه كعد تريكنه سوة.... وكالي : بويه نوال عليج الله مرتاحه هنا ؟ محتاجه شي ؟..... نوال : خالو الله يخليك الي مامحتاجه شي...ومرتاحه رحم الله والديك.....
خالي : ووالديج..... بويه نوال..... اليوم جهزي نفسج...اخذج للسوك من زمان ماطلعتي.... يرادلج شكم لبسة....
نوال : ماتقصر خالو الله يرضى عليك.... خالي : تتدلين بنتي.... شعندي غيرج.... 😘.....
نوال : فرحت... صح اني معشت اهواي وي اهلي.... بس خالي عوضني.... ولو الاهل مايتعوضون... 😣.... كملت تنظيف وغسل وترتيب... صارت ب ٩:٠٠ص...... كلشي كملت....
بدلت.... ورحت للسوك وي خالي... افتريت بالسوك.... موديلات حلوة بنات بكدي البس شنو وترتيب شنو.... ضليت اباوع على اظافرهن اشلونها.... واني اظافري من الغسل والمي مكسرات وشحالهن.... 😥
مشيت.... اشتريت الاريدة ورجعت ب ١ الظهر..... دخلت تعبانه..... مهدود حيلي....
دخلت الغراض.... وبدلت.... ودخلت للحمام سبحت الجو حار موت برة.... وطلعت شربتلي مي بارد... احس راسي دايخ وحرارة تطلع منه.... حتى مااكلت شي..... جريت مخدة ونمت بالكاع.... غفيت ..... ليلة كاملة مانايمه وشغل وتنظيف..... وسوك.... متت رجلية خيوط.... 😴.....😴...😴
فزيت ب ٥العصر.... صداع موتني... 😫... كمت اشلون ماجان حضرت العشا كليت كبة وبتيته....... وفطاير..... وحضرت زلاطه وخضرة..... اكلتلي شويه وياهم... وكمت.... راسي.... 😪....
مرت خالي ؛: وووين خاتون ؟؟؟ 😏
نوال : راسي خاله.... ماكدر....
ام حسام : اهاااا اي حقه راسج من السوك شكد افتريتي..... والمواعين ولج ؟؟؟ شنو اليوم قابل نخيس اذا جنابج مصدعه.... خالي : بسسس 😡... ترا نوال مو خدامه بيتج مفهوم وانتي مو مكرمه حتى هي تخدمج..... خلي عندج اسلوب لا والله تعرفين شسوي....
نمت.... فزيت ب ٢:٤٤.... كلت خلي اكوم انظف المطبخ.... رحت لكيت كلشي نظيف ومرتب.... ورجعت نمت... اكيد مرت خالي بعد الرزالة..... عدلت ونظفت ونامت....
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
