اليتيمة للكاتبة ت. ك/

اليتيمة البارت ٧

نوال : ضليت ارجف من الخوف......
حسام : اندك الباب وطلع عصام.... وطلعت نوال من المطبخ اني جنت واكف شو هاي ضلت صافنة..... شكو اباوع لك هذا وليد المطيرجي..ٌ.وصافن على نوال اني بلا وعي ركضت على نوال سحلتها من شعرها.... وضليت اضرب بيها..... وامي تبعدني عنها وتعيط واجو اخواني اجووو النوب دخل عصام.... لزمته دك بوكسات خليت خشمه وحلكه يصبن دم ونومته... يم نوال وضربتهم اثنيهم....
بكر : تخبلت من شفت حسام يضرب بنوال...ٌ..... والنواب طبك عصام وضربنم ركضت على نوال سحبتها من ايديه..... دمها يصب وتبجي... دخلتها للغرفة... ولحكني حسام...... صرت كدام نوال كتله موتني واتركها مااخليك تتقرب عليها وتضربها..... 😡 بعصبية... دفعه وشويه ودخل خالي..... حسااااااام تعال هنا 😠
حسام : الا اربيها يابه....
خالي : 🖐 ادب سزز بت عمتك خط احمر على شنو هاي الهوسة.....
حسام : الراشدي مال ابوي خلاني انتبه.... يابه نوال..... نوال... سكتت
رحت طلعت من البيت....
بكر : سديت الباب وضليت وي نوال.... خطية 😔 وجها كله دم... وتبجي جبت كطن من الكنتور.... ووصله نظيفة عندي تراك مالبسة.... شككته وضمدت جروحها.... جانت ناعمه... وضعيفة... ضليت صافن بوجها وبالي هي يتيمه.... وهذا حسام مخبل يتصرف بخبال....
اووف يانوال..... الله يساعدج
نوال لاتخافين فدوة اني يمج والله مااخلي حسام ولا اي واحد يتقرب عليج.... صح اني اصغر واحد بس لاتهتمين..... مسحت ادموعها..... دخلت امي.... ضلت تهدىء بيها...... وهي تبجي... وتبجي...
حسام : طلعت افتر بالسيارة وكعدت على الشط..... اني شسويت ؟؟؟؟؟ 😒 هسة نوال شنو نظرتها الي!!؟؟؟؟ اني عود طالب جامعي...... والمفروض اكون عاقل..... بسسسس اني شسوووويت 😕
ضليت لوقت متاخر ورجعت الكل نايم....
نوال : نمت ماحسيت على نفسي.... بس تذكرت كلام بكر واشلون خايف عليه وضل يبجي..... اتذكر ادموعه.... واشلون خاف عليه وهو جراني من بين ايدين حسام.....
الصبح جسمي مكسر ماكدر اكوم..... ضليت نايمه كعدت ب ٨:٠٠ غسلت وجهي
واشوف عصام وجهه مورم واجه يغسل.... صباح الخير....
عصام : صباح النور... اشلون صرتي...
نوال : زينه... بسس انت ليش وجهك مورم واليوم مامداوم مو!؟
عصام : اي بيا وجه اداوم.......
لكيت مرت خالي محضرة الريوك... كعدنه نتريك خالي كعدت بوسني واعتذر استحيت منه كتله خالو عادي مصار شي اخوي حسام..... وتصير بين الاخوان....
كعد بكر صباح الخير عيونه مورمه وحمر شبيك بويه بكر ؟
بكر : يابه حساسية قويه.... مااداوم اليوم.... طبعا جذب الليل كله شبعت بجي على حال نوال..... وقررت اكون الها الاخ والامان...... 🙁 مالها احد يتيمه...
نوال : رحت اغسل المواعين اجه بكر جاب الصينيه تشكرت منه.... لان ضمد جروحي وخلصني من حسام..... بكر : اريد اغير جو عمي اني اغسل اشلون ثلاثي يالله.... اني عيوني مورمات وعصام وجه مورم ونوال حلكها 😋 شكول عليك حسام.... نوال ضحكت وكملت شغل..... مرت خالي اعتذرت مني... وكالت والله حسام يخاف عليج ويحسبج اخته الله يشهد.....
نوال : خالة خلص هاي هية..... ماصار شي.....