خالي قدملي خارجي حتى اكمل دراستي.... والتهي واخذ شهاده.... وفعلا جابلي كتب... وكعدت ادرس.... وحسام ابد ماتعرضلي...... بكر يساعدني بالدراسة.... السطح ماوصلته ولاشفته....
صادفت ايام امتحاناتي.... وبكر يوصلني وينتظرني لمن اكمل ونرجع.....
بكر : هاي الفترة كلش اهتميت بنوال..... بدراستها امتحاناتها كل احتياجاتها اني اوفرها.....
حسام : قررت مااتعرض لنوال ولا ادخل بشي لان اذيتها اخر مرة.... وقررت اتزوج هاي اخر سنه كلية كلت لامي تدورلي مرة..... وفعلا كالت لكيت خوش بنية.... ومرحلة رابعه بس تكمل نروح نخطبها الك......
نوال : حياتي جانت هادئه وعمو احمد ولا فكر يتصل يسال عني...... ولا اني فكرت بيهم.... اعتبرتهم صفحه وانطوت من حياتي.....
نجحت وجبت كتب سادس حتى ادرس قبل لا تجي المدارس..... بكر صار بصف ثالث وهم جابلة خالو كتب حتى مايعيد الثالث ويطلع من اول دور..... بدينه نحضر لعرس حسام..... نظفنه البيت وحضرنه كلشي.... واجو كرايب مرت خالي..... وماشالو عيونهم عني.....
كمل زواج حسام..... وبلشت بالبيت تنظيف وترتيب وحظرت الريوك الهم ثاني يوم ومرت خالي اخذته الهم.....
باركت لحسام ومرته..... بس مرته تغار مني مادري ليش..... تحجي وياي كوة... هو هم حظي هذا.... 🤔
بعد اسبوع اني اساسا مااختلط وي حسام ومرته.... نسمع صوت بغرفتهم.... اهووو شبسرعه لحك حسام يتعارك.....
صعدت مرت خالي وخالي دكو الباب طلعت البنيه تبجي وشعرها منفوش حسام يعيط لج ماكو عناد وتحترمين نفسج هذا الاسلوب مو وياي تحجي بي يامثقفة.....
نوال : معليه ضليت بالمطبخ.... مرت خالي جابت مرت حسام كعدتها وهي تبجي.... نوال يمه جيبلها ماي فدوة.... جبتلها ماي..... شربت وتبجي... ماحاجيتها شي كملت تنظيف الثلاجه اجه بكر خير شصاير ؟؟؟؟ 😯
نوال : بكر ماكو شي عادي ماتعرف حسام ؟
سهام : ليش هو هيج طبيعته ؟؟؟؟
بكر : اااااي هو عصبي ويرادله واحد يتحمله بااختي سهام..... اسئلي نوال
سهام عقدت حواجبها نوااااال ؟
نوال : شبيها هاي ؟ اااي عيني سهام اني اول مااجيت بعدني شكم يوم الي يمكن يومين..... وهو جنزني والله اني وعصام....
سهام ': وليش شعنده وياج ؟؟؟؟
نوال : هاي شبيها ؟
بكر : يريد يلم السالفة.... هو يعتبرها اختنه وميقبل عليها..... الباب جان مفتوح بالغلط عصام فتحه ووكف يحجي وي ولد صديقة..... ومرت نوال وحسام شافها جان يجنزهم هي وعصام.....
سهام : خافت اكثر..... وراحت لغرفتها
حسام طلع..... وسهام تراقب من فوك تريد تعرف شنو علاقة حسام بنوال ؟؟
حسام طلع كالب وجهه ماحجه وي نوال.... ارتاحت سهام ورجعت تنظف غرفتها.....
الجمعة..... الساعه ب ٩: وربع
كعدت حضرت ريوك..... وكعدو الولد وخالو ومرته وحسام ومرته..... تريكنه سهام ماشالت عيونها عني.... تباعلي وتباع لحسام حسام ياكل وباله مو يمنه مطنكر...... كاره حتى نفسة.... تطمنت....
خلصو..... عصام... مرت اخوي سهام شوكت ناكل من ايدج ؟؟؟؟ لو بعدج عروس ؟
سهام : بنرفزة شنو يالله بعدني عروس والله اذا مو بعد شهر يلا ادخل مطبخكم..... مو قبول.....
حسام : ليش عيني على راسج ريشة ؟؟؟؟ اليوم اذا امي تريد تدخلين للمطبخ وتشاركين بالتنظيف والشغل.... ماعدنه عروس لهسة تضل....
سهام : ضاجت وعيونها صارن حمر.... نوال اني ماافتح حلكي وياهم.....
حسام : نوال.... نواااااال... 😑
نوال : ها حسام ؟
حسام : اليوم سهام تحضر غده ماريد طبخج انتي خوش 😒
نوال : اي صار بكيفك....
بكر : ضجت من طريقة حسام وي نوال شنو هي خادمه قابل حتى هيج يحجي وياها...... حسيتها ضاجت....
والكل ضاج.....
نوال : جمعت الملابس وشغلت الغسالة.... اجة بكر يمي.... نوال لاتضوجين حسام مايعرف يحجي ماعنده اسلوب..... نوال : ماضجت بكر بس سهام شبيها وياي ؟ 😔
بكر : انقهرت..... نوال سهام تغار منج... احلا منها ولج هي جنها شرطي... ضلينه نضحك..... اجت سهام.... على شنو تضحكون بله ؟؟؟ 😒
بكر : هيج على سالفه ليش بله تسالين.... ؟ اليوم اريد اضوك اكلج جنتنه ؟ 👿... سهام :😤 مو صوجك.....
سهام : اني اعلمكم اذا مااسيطر على حسام واخليكم كلكم جوة ايدي مااكون سهام.... بس اصبرو.......
بدت... 👹 دخلت تبجي...
حسام : خير شبيييج 😠 تتبكبكين ؟؟؟
سهام : بكر ونوال يضحكون عليه..... وبكر يكلي اريد اضوك اكلج... 😭
حسام : اي وشكو بيها ؟ يلااااا لاتصيرين طفلة... بكر جاهل شبيج..... اتركي وبعدين اني شفتج رحتي يمهم شوداج ؟؟؟ 😏 تستاهلين يلااااا ولي شوفيلج شي التهي بي وكافي بواجي لا احرك اهلج.....
سهام : اووووف خرب بحظي هاي الزلم تتخبل لو واحد ضوج نسوانهم الا حسام...... خرب..... 🤐
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
