نوال : كمل العقد وكل راحو..... واني بدلت وغسلت..... وكمت نظفت البيت... احس ظهري انكسر....
اكلت لكمه.ٌ.... ونمت.... اباوع عالحلقة واكول يارب تممها على خير ياربي تعبت وانت ادرى بحالي.... 😢....
بكر : نمت ودموعي بعيني..... اليوم الخفت منه اجه والصار الماحسبت حسابة.... 😭..... واكف وكبالي تنزل نوال لابسة البدلة 😥.... حسيت الكون وكع عليه.... والدنية ضلمه... كلبي تكطع... 😪..... واصفن واكول.... خليها تشوف حياتها لو ضلت هنا او اني اتزوجتها امي راح تعذبها.... خليها....
نوال : كعدت الصبح مثل كل يوم حضرت ريوك وتريكو.... ونظفت... تذكرت الفون يبووووو 😮 نسيته.... رحت ركض لكيت اياد متصل وداز رسائل.... والله عيب هسة شيكول ؟🙄.ٌ.. كمت دزيتله رسالة.... صباح الخير....
واخذت الفون خليته عالميز وكملت تنظيف والباقي... اسمع صوت رسالة.... فتحتها.... صباح الورد... اشلونج البارحه وين ؟... اكدر اتصل هسة ؟
نوال : توترت
....
دزيتله اتصل... ☺.....
دك...... فتحت خط...
اياد : الووو اشلونج..؟
نوال : الحمدلله وانت ؟
اياد : اني تمام.....
عمي شطالعه البارحه تخبلين والله 😍...
نوال : استحيت....
اياد : وين البارحه خابرتج...
نوال : اي صح مو نظفت ونمت.... مادري
اياد : يلا مو اشكال....
محتاجه شي ؟
نوال : سرحت وتذكرت بكر من يسالني محتاجه شي.... انتبهت... لا سلامتك..
اياد : خوش الله يسلمج ترا العرس بعد شهر ابدي جهزي من هسة.... واذا احتاجيتي فلوس كولي بعد اني زوجج 😍😘.....
نوال : انشالله....
اياد : يلا باي
نوال : باي
سديته...... وكعدت.... افكر بحياتي اشلون راح تكون ؟؟؟......
رجعو وصبيت غدة ومر يومي بين تنظيف وعشا وغسل مواعين... بليل اتصل اياد واني استحي....
كتلة اياد ممكن الصبح يكون اتصالك ؟ لان استحي بليل.....
اياد : تدللين صار..... 😘
نوال :تمددت وافكر..... اياد هسة زين وياها صارلة يومين.... متعرفه ولاتعرف طبعه..... بكر مافكرت بي بس كلام ومواقف اياد تذكرني بكر..... واضوج وارجع واكول حرام بعد تفكيري بغير اياد..... بديت اجهز ضلت مرت عصام خطية تجهزني وتطلع وياي..... خوش بنية وحبابة.... اشتريت كلشي... والهموم ضلت تخف..... مرت خالي.... ساكته عني.. ومتحجي شي موزين....
اياد يتصل ونسولف شويه شوية اتعرف على طبعه.... وهو طاير بية ممصدك....
كملت كلشي وخلص الشهر.... وكالو باجر الحنه..... 😍...ٌ
بكر : احس روحي تريد تطلع مو عبالك نوال راح تطلع من بيتنه.... اوووف يربي صبرني....😢 مخنوك اريد هوى.... طلعت برة شفتها..... سلمت عليها.... اشلون حلوة صايرة بعدما حافة حواجبها ووجهها وحتى بيضة وسمنانه تجنن صايرة صفنت عليها....... لهناك انتبهت ع نفسي..... شسوي بكر ؟ البنية لغيرك بعد.... 😢.... انطيتها فلوس هي مقبلت تاخذ.... بس حلفتها بروح اهلها واخذتهن..... وانطيتها رقمي خاف تحتاج شي ومتكدر تكول للابوي او تتردد.... وهي ولارفعت عينها بعيني..... هنا اتاكدت نوال مو الي 😥😪..... رحت وهي راحت واني وكفت والتفتت وهي مالتفتت ابد..... جانت الدموع بعيوني دوم.... 😪......
نوال : شفت بكر.... وخطية شصاير بحالة ادري من وراي.... بس مابيدي شي 😣....انطاني فلوس وماقبلت اخذهن بس من كالي بروح اهلج.... لا انجبرت اخذهن..... وانطاني رقمه وكلي امانه من تحتاجين شي تتصلين عليه.... خاف متكدرين تكولين لابوي.... اسفة نوال على كلشي.... وسامحيني... اني مارفعت عيني عليه.... من باب اني على ذمة غيرة ومن باب ثاني بس اشوفه راح تتخربط مشاعري 😥..... وادخل دوامه وصراع... بقيت مدنكه وساكته بس كلش ضجت عليه.... هو يحبني.... بس اني مابيدي شي امه هسه صارت زينه وياي لان راح اطلع من بيتها.... ولو اخذت بكر لا تشوفني نجوم الظهر.....😪
الاحسن ابتعد عنها... واياد لحد الان زين.... خالي بين فترة وفترة يكلي محتاجه شي..... ومرت عصام خطية تتصل علية وتسالني خاف محتاجه شي...
صارت الحنه..... ولبست بدلة للحنه وعزمت نسوان شارعنه مرت خالي عزمتهم....
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
