اليتيمة للكاتبة ت. ك/

اليتيمة البارت ١٧

نوال : باب السطح يندك بقوة.... واشوف بكر بسبب الصخونه مامركز طلع للباب... منوووو.... منووو.... فتحة ماكو احد جان يتوقف الصوت مال دك الباب... 😱 اكيد شاف بكر وبطل ااااي هذا الحقير ناوي نية سودة... 😵😳 عزة...عزة بس لا يسويها وهنا مرت خالي... يبووو تشهرني والله تصخمني والله يمممه شسوي هسة اني عايزة واحد ارعن مثل هذا... يربي.. 😩
رحت لبكر... الحمدلله عالسلامة.... اشلون صرت... ؟
بكر : الله يسلمج احسن بس ادخل اسبح....
نوال : اخذ راحتك.... اني اسويلك ريوك....
جان يندك باب الشارع ضليت ارجف.... رجف شسوي يربي هذا شيريد.... 😱 تعزيت وتصخمت يمممه.... 😰
اطلع اصيح منووو وبكر هنا  بالحمام قابل شعندي ويا هذا الارعن....
صحت منووو....
سمعت صوت بنت... اني....
فتحت الباب بنية طويلة.... عيونها كبار بيها جاذبية بس ابد مارتاحيتلها كلبي لعب منها..... منو حضرتج ؟
البنية : شنوووو عيني هذا بيت عمتي... انتي منو ؟... 😒...
نوال : اهلا وسهلا هلا بيج مية هلا تفضلي.... دخلت ورافعه خشمها كون كبر حتى كبر عليمن رافعه خشمج 😒🤔....
دخلت وياها جنطة ملابس..... كالت وين غرفتج... كتلها هاي... دخلت هزت ايدها معجبتها غرفتي.... شوية وطلع بكر من الحمام اشو هاي وكفت وفتحت حلكها... 😳....
بكر : شك بنفسة ضل يباع لنفسة.... نسى يسلم عليها.....
هي سلمت عليه اشلونك عيوني بكر شخبارك وين غايب الكمر هههههاي 😚... مشتاقتلك والله...
بكر : رد بثكل..... اني احضر الريوك واذاني يمهم..... كلش ضجت منها 😑 ومن اسلوبها.... بعدين كلت شعلية اني بله يطبها مرض.....
رحت اخذت الريوك لبكر... جان تكول شنو انتي متستحين..؟ كتلها : ليش ؟
جان تكول : عيني اني موجودة غير تجيبلي جاي ماي... ريوك شبيج متعرفين الضيافة..... وتهز بيدها.... بكر ترك الاكل وكام كالها. تفضلي ورود وبطلي افلام محروكه ماشي ؟ 😐....
نوال : كلت بكلبي..... ومرض ماخلت الولد ياكل لكمه وهو مريض... منين اجتني هاي العلة يربي 😪
كعدت تاكل ولاجنها.... هو طالع كال نوال.... محتاجة شي اجيبلج وياي ؟؟؟
رفعت ورود راسها : 😳🤔 وليش بله بس نوال هنا؟ واني شنو خراعة خضرة ؟؟؟ 😒
بكر : اووووف شكد اكرهج... لا عيني اقصد شي للبيت..ٌ وين راح بالج وتفكيرج ؟؟؟ اتزقنبي واسكتي عفية.... 😡 طلعت ماريد تعارك....
نوال : ذبيت الغدة عالطباخ.... ورحت سبحت وبدلت.... صارلي شكد ماطالعه للسوك اوووف اهواااي محتاجة 😣 بس ماكدر افتح حلكي واطلب.... والنوب هاي الطامه اجتني.... يربي كفيني شرها....
كملت جان تترك الصينية وتكوم.... 😱 هاي شبيها ؟ اووووي شكد وصخه.... اموت واعرف ليش اجتنه ؟ وشتريد ؟ 🤔
دخلت سبحت.... وطلعت لابسة دشداشة نيلي مخصرة ولازكه عالجسم.... وجسمها مبين كله لان خفيفة عزززة بعينج ولج والله متستحي.... متكول البيت بي ولد عيب من خالي والله برعه هاي سترك ربي.....
وخلت مكياج وكعدت.... كلت اروح ابعد عنها..... قبل لا اسحلها سحل ماريدها هنا.... كبر 😡
بكر : طلعت من البيت وبالي ضل يم نوال هاي ورود كارثة حقيرة وقمة الدهاء..... ام المصايب.... شجابها اوووف اكيد امي دزتها نسيت اسالها... بوية هو اني من شفتها جزت نفسي ماااصدك شوكت الزم الباب واطلع... 😒نكد.... لعبان نفس مو بنية ومحترمة نفسها... اتمنى متسويلنه مشاكل.... خلي ارجع علمود هاي المسكينه نوال خطية متتحمل هاي الكوبرا ورود..... اخذت مسواك ورجعت.....
دخلت بكر شاف ورود كاعدة بنص الصالة عبالك بيت الخلفوها ورجليها طالعه دنك..... وكال نوال هاج المسواك.... واني بغرفتي خاف تحتاجون شي....
نوال : صدك عجبني تصرف بكر.... وماشال عينه وماباوع لورود هي مثل الي البست..... جان تدخل لبكر لغرفته وتسد الباب.... اني ضليت الوب احس بنار وشبت بيه يمه متت...  يامن يلزمني راسها الا انتفه تنتف مثل الدجاجه ياااابة نااااار ناااار 😡😡😡 معقولة بكر ينطيهة وجه ؟ لا لا مستحيل....
متت الفضول دمرني دمار تقربت عالباب.... وباوعت من الفتحة... شفت ورود كاعدة يم بكر عالجرباية وايدها ع جتفة وتضحك يممممه شصار بروحي نااار تمشي بية مودم 😱😡😬😳
.....
......
..ٌ....
ضجت.... واشتعلت بنار..... كلت حتى محد يحس خلي اسوي كبب.... كباب.... بورك ذني بلكي التهي.... متت سرحت صافنه... جان فزيت اصبعي يصب دم.... لفيته ورجعت اشتغل..ٌ وره شوية.... دخل حسام وويا مرت خالي.....
كمت اسلم عليها.... جان تدفعني وللللي ام المصايب رعنه..... 😡ضجت كلش....حسام : وين ورود ؟
نوال : بالغرفة مال بكر.......
حسام : شنووووو شتكولين انتي ؟
نوال : ماجذب عليك والله.... راحت يم بكر..ٌ
حسام عصب وعيونه دم.... امه كالتله واذا يعني شكو بيها ابن عمتها مو غريب.... وانتي ام المصايب لاتحركين....
خووووش 😠
سكتت..... مابيدي شي..... طلعت ورود.... تتمضحك.... وبوست مرت خالي عمه حبيبتي 😚....
بكر : وجود ورود عدنه قنبلة موقوته امي جابتها حتى تكون كدامي.... وهي ماشالله كلش خفيفة.... وعلى اتفه شي تضحك.... وامي ماترتاحلها جانت بس هسة لا مثل العسل على كلبها..... بعناد نوال... انقهرت ع نوال 😥... راح يكابلنها.... امي ورود.....
كعدنه عالغدة.... خالي مامرتاح وهاي ورود تلاشي وتتمضحك... خزرها خالي.... بوووية نعمة الله كدامكم كااافي.. 😑
هي ولا عبالك واحد يحاجيها.... مستمرة.... الولد سكتو عنها.... وهي وعمتها وحدة وي الاخ كل شوية وتضحك وتباوع لبكر لو تغمز لو مدري شسوي.... حركاتها ابد محلوة.... 😡😠
نوال : معلقت ولا حجيت شعلية بت خالهم وبيت عمتها اني شنو مجرد وحدة يتيمه خلف الله على خالي سكني يمه 😫...
....
...
عرفت هاي جايبتها هي حتى تغثني وتبعدني عن ولدها... 😐
وهي تتخبل مني..... ويكعدن بالساعات هي ومرت خالي يسولفن.... ومرات يذب بسامير اني ولا اهتم....
كملت التنظيف هي راح تمددت على فراش بكر.... وبكر طلع راح يم صاحبة لان تضايق منها... طلعت من شافته هيج وكعدت بالصالة شغلت التلفزيون....
اني تمددت وضليت افكر بهاي البلوة الي مدري منين اجتني... 😐😒... اجت دفعت الباب.... وكعدت تتسال.... ااااا انتي ليش هنا ؟ 😒.... ومو عندج بيت عم ليش ماتسكنين عدهم.... كتلهم ترا ماكاعدة على راسج اني ورود ميلي مني 😡....
كالت : لاااا مو البنية لعمها يعني للاهلهاوتعرفين.... الخال مخلى والعم مدنه... 😏......
نوال ': فدوة معليج بية ورود..... اني هنا بيت خالي ومو يمج.... كوني بعيدة عني.....
وضليت افكر..... هاي قوية وشريرة شسوي....
نمت..... وكعدت هم عشا وتنظيف..... ونمت.... 😥
ثاني يوم..... كعدت من الصبح.... حضرت ريوك....... كعدو الولد وخالي ومرته....
خالي صاحني.... بوية نوال... معليج بهاي المسعورة ورود.... خلي تولي.....  البسيها... وبس تضوجج هي او هاي المخبلة تعاي كولي..... 😚 عندي بوية ملابس وصخه اغسليهن بوية..... الله يرضى عليج 😋
نوال : صار خالو تدلل....
راحو.... ومرت خالي لا اول ولا تالي رجعت نامت.... باوعتلي بتعالي...اااي صار مشاور 😑....
نوال : كملت شغل خليت الملابس بالغسالة.... وكعدت المسعدة ورود..... لاصباح الخير ولا صباح الشر سكته اني هم سكتت..... صاحت ريوووووك 😠...
نوال : وسم كون.... ارد اشوف معوقة لو متندلين المطبخ ؟..... كوووومي وسويلج سم الحسن انشالله... 😡... مااشتغل عندج....
كامت وتدردم....😒
كعدت مرت خالي.... ورود صباح الخير عمه 😚..... هي هلا عمة صباح الخيرات.... فدوة اروحلج عمه....
مرت خالي...  نوال :...... كملتي شغل شبقى عندج...؟...
نوال ': خالة بس اشر الملابس....
مرت خالي : هاااا لا خلي ورود تشرهن انتي كملي الغدة.....
ورود : ااي عمه صار بس اكمل ريوك واسبح....
كملت الغدة والملابس على وضعهن.... طلعت من الحمام لابسة ثوب حصر وقصير..... ضليت صافنه.... 😳 شنو هاي..؟ معقولة الولد على جية وهاي هيج لابسة ؟ واني حسام لعب بية لعب لان لبست دشداشة وشوية جايه عليه زايد وهاي ؟!!!!😱 عزززة شيسوي اليوم ؟
واخذت الملابس وصعدت....
وليد : جنت بالسطح.... اطير حمام.... وجان اسمع باب سطح بيت ابو حسام انفتح..... باوعت اشو هاي غيرها ؟؟؟ شنو الفلم بله ؟؟ 🤔...... اباوع هاي لابسة قصير.... وحصر.... وكمت.... كعدت عالسياج....  صفرتلها..... التفتت الي.... غمزتلها... 😋😉.... اوووف شنو هل الجمال..... هي ابتسم... مبينه مو راحه....
كمت.... عبرت يمها.... شسم الحلو.... ؟...
ورود : صفنت.... خلي اكوله اسمي نوال... وبهاي الحالة اذا صار ماصار..... توكع بيها نوال 😈....
نوال اسمي عيني 😉💋....
وليد : شنو هل الجراة ؟ 😳.... قررت اسوي علاقة وياها اكضي وكت.... يحلوة عود اني اسمي وليد.... 🔥.... واموت عليج يحلوة 😻......
شوية وصاحتها ام حسام.... نواااال... هي كالت يلا اروح.... باي...
عبرت لبيتنه وافكر بهاي.... معقولة بيت ابو حسام عدهم هيج كرايب ؟؟؟؟ لكم هاي تبيع روحي بكلمه شنو السالفه ؟ ذيج وين البنية ؟؟؟....
نوال : هااي اتاخرت اهواي بالسطح.... ومن نزلت ماسالتها مرت خالي....
كملت الاكل.... واجو الولد هي على لبسها.... هم دنكو... ودخلو.... وكالو نوال.... غدانه بغرفنه عود مانريد ننزل....
هي ولايهمها.... شويه ودخل حسام وشافها وجان يفشلها..... ويطردها.... استري نفسج يلا 😡....
حسام : دخلت للبيت شفت هاي ورود لابسة ملابس ضيكه وقصيرة.... شكد ضجت يعني احنه ٣ ولد بالبيت ماستحت ؟ هاي عمتها ماشافتها ماحجت..... اني اعلمها....ودخلت... ورود شنو هل اللبس ترا مايمشي عدنه مفهوم... ؟ ماترتاحين هنا..... ارجعي للاهلج... هناك يمشي لبسج ومكياحج وين مولية ؟ يلاااا امشي استري نفسج يلا 😡.... هي ضلت بس فاتحه عيونها وصافنه....
طلعت مرت خالي..... لعبت بحسام لعب... ورود ضلت تبجي ودخلت للغرفة.... حسام ضل يرعد.....
واني اخذت الاكل للولد بغرفهم.... وكتلهم من تخلصون خلوهن بالسنك