نوال : خلصت ٣ ايام الفاتحه واني وحنان لاناكل ولانشرب بس البجي والطم 😥😢😭..... واصيل ويانه تبجي وتخربطت واخذوها للمستشفى.... وخلولها كانيولا بايدها واهلها اخذوها عدهم......
الجهال مادري بيهم وين ماوين..... 😢😭....
اني مادري بنفسي.... بس اشوف اياد يكولي سامحيني وافز اصرخ وابجي.....
٣ شهداء من بيتنه طلعو فد طلعه 😢😭... عمتي بالمستشفى مصدومه واني بعد الفاتحه لزمتني صخونه بعز الصيف بسبب صدمتي...... حنان اجو اهلها واخذوها..... لان لازم تلزم عده وبعد المن ضالة اخذت جهالها وراحت ودعتني.... 😪😰.... وجيلان ويزن شبعو بواجي وراهم.... مرت عامر اخذتهم عدها يم ابنها.... لان اني منتهية.... ضلت تجي يمي تسوي غدة لعمار ولمؤيد والي بس اني كوة اكل احس الاكل مر بحلكي لو مااله طعم..... واتذكر اياد وسوالفه من يشاقة وياي 🤒اطك من اليجي... استمريت بعدة وماكدر اطلع.... حتى جهالي ماكدر اطلع وراهم 😢.... طلعو عمتي بس مو ذيج الاولية لااااا خطية مكسورة خاطرة تصيح اخذو حيلي وخلص كلبي ٣ اولاد راحولي متت النفس كوة تجرة.... شكل عدها ضغط وسكر وكلهن التمن عليها 😢....
اجو عمامي كعدو بعد العدة...... 😣... وكعدنه كلنه..... عمي الجبير : ابو جعفر : بوية انتي بت اخونه..... وزوجج الله يرحمه مات بوية هذا بيت عمج بيتج بوية بس ميصير يابويه.... تضلين اذا على جهالج نخليهم بعيونه بس البيت بي شباب ٢ والناس تاكل وجوهنه..... بوية احنه تشاورنه بينه.... وطلعنة بحل الج ويرضيج..... تاخذين واحد من حموينج ؟.....
هنا جفلت وضليت ابجي مازوج بعد اياد مستحيل والولد اخواني شتحجون....
مؤيد وعمار.../ عمي اذا علينه احنه مانختلط بيهم معلينه ولا نشوفها وهي اختنه مستحيل عمي 😐.... صار حجي اهواي وبعدين خيروني..... اتزوج واحد من حمويني لو اتزوج واحد من ولدهم.... الحلين رفضتهم....... عايشة عالدموع والحزن ذولة شيحجون عمت عيني ارضى بغير اياد رجال الي 😥....
مرت سنة واني الشال الاسود ماوكع من راسي ولا طلعت بيوم كدام واحد من حمويني....... وجهالي بالمدارس..... والاكل احضرة واخلي لعمار ولمؤيد واصعد فوك.... وهدومي سود..... ومن اروح لمكبرة ازورهم اموت يشيلوني شيل...... 😥😣.... انتهي فد مرة....
ماكدر انسى اياد....... 😥.... متت قهر...
جيلان تجي وتسال ع ابوها مرات اضوج واطردها لان تسال اهواي....... وبعدين اتذكر هاي اول طفلة للمرحوم احضنها وابوسها.....
مرت الايام والسنين وجيلان صارت شابة صف ثاني متوسط..... واني لابسة اسود وعمامي رايحين جايين يحجون وياي...... عمتي توفت ماتحملت مريضة وفكد اولادها موتها ليل ونهار تون وتنوح...... والبيت انباع وتقسم واني وجهالي كعدت عد عامر..... صارو عندة جهال فوك ابنه ٢..... وبيتهم صغير صدك ضلينه نتضايق..... وكلت اطلع بس وين اروح ؟؟؟!...
ابني بطل من الدراسة رسب بالسادس ٣مرات شسوي اني ؟؟؟ كتلهم اطلع وماقبلو.... وعمامي كالو تاخذين واحد من ولدنه.......... فكرت وكتلهم موافقة بشرط زواجنه عالورق..... شتكولون ؟؟؟؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
