رحت لخالي بس كوة امشي من الخوف.... خالو شنو صاير شي ؟
خالي : مدنك وبيدة جكارة.... اخذ حسرة... وباوع بعيوني.... بوية من اجيتي لهنا.... وجبتج.... وكتلج ذولة ولدي شنو ؟؟؟ 😑
نوال : باوعتله ودموع تجمعت بعيني.... دنكت... ماذكر خالي.... ؟ 😢
خالي : هااا متذكرين اني اذكرج.... كتلج ذولة ولدي اخوانج... صح لو لا نوال ؟؟؟؟ 🤔😐.... اخذ نفس جكارة.... كالي : ليش بوية هيج تسوين ؟ ليش تخلين ام حسام تجيب طاريج بالموزينه ؟؟؟ اني فضلتج عليهم كلهم..... هسة تخلين اليسوة والميسوة يشمر حجي ومرتي تتخوصرلي وتكلي بت اختك.... تواعد ابنك نص الليالي ورود شافتهم ؟؟؟؟ معقولة نوال ؟؟؟ 😑😒...
احجييييي ولج مو جاي احاجيج.... 😡
نوال : نزلت دموعي.... ووكعت على رجله خالي ابوس رجلك وروح اهلي صدكني مابينه شي.... بكر اجاني..... وانطاني فلوس كالي خاف تحتاجين شي لان قبل يوم سمع ورود تغثني وتكلي.... مبهذلة وحتى ملابسج خرك خالي والله ماعندي شي... 😭....
خالي : شنوووو اوكفي خلي افهم.... 😯.... شنو بكر ينطيج فلوس واني وين نواااال ؟ اني مسؤول عنج مو بكر خوش وهذا اني اعلمه صاير رجال البيت واني مادري..... 😒..... يلا روحي ماريد تتكر... باسني من راسي بويه ماريد تجيج حجاية لو تتلفق عليج تهمة.... انتي واكعه بين ورود وام حسام..... ذني يردنج بس تغلطين يابوية وحتى يضلن يعيرني بيج..... بوية الله خليج... تحتاجين شي تردين شي تجيني اني مترحين لاي واحد.....
والا هاي الحقيرة ورود اني اعلمها.... كلش ضايج من وجودها لافايدة ولانفع....
😡 اعتذر بوية منج.... مو قصدي اشك بخلاقج انتي بنية اختي الله يرحمها.... روحي بوية نامي.... 🙁...
نوال ؛: دخلت لغرفتي طكيت من البجي.... وكلت كلش ابد بكر مااوصل يمه ولا احجي ويا.... خلي بحالة واني بحالي..... لا امه تريدني ولا خالي مرتاح لقربة الي وكل يوم يتهموني بي باطل....
خليني عايشة هنا على كد لكمتي اشتغل والحياة تمشي.... اذب نفسي عالدرسة والله كريم....
مرت فترة..... اني بس اشتغل واكمل وادرس معلية باي واحد بالبيت... ورود شكم يوم عد اهلها.... وباقي السنه عدنه بس الايام المو يمنه عندي عيد.... والايام الهي هنا سودة مصخمة.... 🤒...
طلع كلام عليها بالمنطقة موزين بسبب لبسها وحركاتها.... ولزمها حسام كالها اموتج والله العظيم..... وضل يراقبها اسمع هوستهم وعياطهم من وراها وره سوالفها المكسرة.... بس ماادخل ولااطلع.... بكر موجود ماموجود واحد.... معليه بي 😕.....
وليد : علاقتي بنوال(ورود ) تطورت... اهواي.... بس شو هاي الفترة هي كطعت لاتجي ولاتصعد فوك ولاابد.... شنو هاي.... ؟ معقولة تركتني ؟.... شفتها طلعت مرة من بيت ابو حسام.... لبسها هي مو مضبوط.... كلت اراقبها واشوف شنو فلمها.... 😐🤔..... مشيت وراها... واشوفها صعدت سيارة بيضة حديثة وضحك وهاي شنو السالفة ؟؟؟ تضحك عليه ؟؟؟.... 🤔
شويه شفت الولد انطاها فلوس ونزلت.... وتضحك وتتمايل.... هااااا اني الج....
رجعت للشغل شفت شرطه وعالم بباب المحل اوووو هاي شكووو شصاير 😳😱.... ؟
دخلت لزمني ابو المحل ضربني وينك ولك انت تفتر ورا النسوان والمحل مهيته...... ولك الفلوس انباكت... ويلطم ع راسة.... والعالم تهدىء بي... والشرطه اخذونه... وكالي تجيبلي كل فلوسي الانباكت... والا اسجنك.... كتله شكد.... ؟
جان يكول... المبلغ(.....) صدك عبالك واحد ضربني ع راسي 😳 مبلغ خرافي بالنسبة الي... منين اجيب.... كعدت افتر... وافكر... تذكرت نوال(ورود )...
ااااي اجة الوكت الي ترجعين فلوسي.... واذا رفضتي افضحج.... 😠....
لزمتها..... لججج وين هليام مختفية.... ؟
ورود : معليك... وانت شنو وتحاسبني... ومدت لسانها شطوله....
وليد : اعصابببج عيني..... شوفتها الصور والفيديوات الخاصة بيها 😱😳 انصدمت بيهن وضلت تتوسل.... وتكلي شتريد كول ؟ 😭.... كتلها فلوس....
كالت اشكد ؟ كتله المبلغ....جان تفزز.واني منيلي.... ؟
وليد : ماعرف اريد فلوس تبوكين ؟؟؟ تجدين ؟ تاخذين من صحبانج مادري اريد فلوس.... 😎....
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
