ضليت سنين وياهم.... وبقهر وضيم كبرت عالحسرات.... ضليت ارادد منال... ومااخليها تتجاوز عليه بالكلام... سهى انخطبت وخبصتني.... ومشاكلها مخلصت وياي تكلي تغارين مني.... والصدك هي تغار مني حتى متقبل اطلع كدام خطيبها لان اني احلى منها.... طويلة ورشيقة وشعري طويل وثخين.... وعيوني كبار رغم الهم والقهر بس حلوة.... ويتخبلن مني.... حبلت منال فوك مها.... لان مها وزياد بالمدرسة وسجى ونهى بالاعدادية.... واني ضليت خدامه الهن..... وبيبي خطية كبرت وتمرضت وحتى للطبيب محد ياخذها وراتب جدو ياخذو وراتبها مال الرعاية.. تاخذه منال..... وحتى دشداشه جديدة ماعدها.... انقهر عليها واداريها.... ضليت افكر اشلون ادبر فلوس حتى اعالجها بيبي مريضة..... ولكيت الحل.... اتعلم خياطة يم جيرانه(نهلة ) تخيط حلو.... كلت لعمو احمد وعارض.... اكثر من مرة ويتحجج... ساعه بحمل منال والبيت والشغل وساعه ببيبي... بالاخير وكوة وافق.... ضليت اروح الظهر.... اتعلم واني ذكية اتعلم بسرعه خلال اشهر ضبطت الخياطة وضليت اخيط للناس وانعرفت هي نهلة ماقصرت ضلت تدزلي ناس تخيط عندي.... ضليت شهور وسنين اخيط والخير ماشالله.... واعالج بيبي... والباقي اضمهن الي.... منال جابت وضلت تتحجج بالشغل وهوسة الناس... واشلون نريد نرتاح.... فكرت انطي لعمو احمد جزء من فلوس الخياطه حتى يسد حلكها عني.... وتخليني اشوف دربي.... وامن مستقبلي... وهم كوة رضو.... سهى تزوجت وصار عدها طفل ويوميه يمنه.... ومشاكلها ماتخلص.... وسجى خطبوها.... وشويه انعزلت وكفت شرها عني خلصت.... بقت مها ونهى... وزياد يوميه مشكله.... ماتت بيبي.... وعرفت ماكو شخص اتعلق بي واداري يبقى وياي.... الله كريم الله مايكطع باحد.... جنت اتحسر على الام من اشوف بنات عمي يسولفن وي امهن اموت اتحسر...😥 ليش ياربي حرمتني من اهلي ليش.../؟
اجه خالي...... يشوفني وتعذر مني لان جان مسافر....وفتح موضوع وي عمو احمد وطلب منه ياخذني اعيش ويا... وطبعا عمي رفض.... بس خالي هدده يجرجرة بالمحاكم.... ويتهمة ماخذ ورثي وحقي.... خاف عمو احمد ووافق اروح...
جمعت ملابسي.... ورحت ويا... واني افكر ياربي اشلون راح حياتي عدهم.... وشنو ضامتلي الدنية.... 😕 ياالهي اني يتيمه ومالي احد غيرك يارب.... خليت راسي على الجامه.... لمن وصلنه... لبيت جبير وبي بستان.... تلكتني مرت خالي هلت ورحبت وبوستني.... يمه نوال اشلونج شخبارج... عمت عينهم.... منعوج منه.... نوال : خالة شسوي الله كريم 🤒
خالة فدوة تشبهين امج الله يرحمها بس انتي احلا واحلا.... فدوة اروحلج.... انتي امانة المرحومه اخليج بعيوني... دخلت وحضرتلي اكل... وخطية سوتلي كيك... وحضرتلي غرفة يم غرفتهم.... لان عدهم ولد ٤ كبار....
اجه حسام سلم عليه..... اشلونج بت عمتي شخبارج... اهلا وسهلا بيج اعتبريني اخوج الجبير
حسام : الابن البكر لخالي عمره ٢٣ سنه مرحلة اخيرة كلية رياضة... خلوق ومبين عصبي... بعد ماشايفة خيره 🙃
وعصام : عمره ٢٠ مرحله اولى كليه تربية اختصاصة جغرافية... حباب مبين بس خجول
همام : عمره ١٦ سنه طالب اعداديه صف رابع ادبي.... مبين حباب ويستحي...
وبكر : ١٤ سنه بكدي... صف ثاني متوسط....
خالو : بنتي انتي كملتي دراستج لولا ؟
نوال : دنكت لا خالو وصلت خامس ابتدائي وتركت....
خالو : الله ينتقم من عمج ومرته الحية.... ولا يهمج اذا تردين تكملين تدللين اقدملج مسائي وكملي...
نوال : صدك فرحت... وحضنت خالو... كالي بكر يدرسج... او حسام... تدللين...
كملت لميت السفرة وغسلت المواعين خالو ومرته ماقبلو بس اني متعودة.... كعدت...اسولف وي مرت خالي... وبكر يمنه... صاح عليه خالو... كوم لك شعندك كاعد وي النسوان... هو خجل واحنه ضحكنه... باوعلي وكالي ها خوش تضحكين عليه ماشي سهلة... 😝 جكمه
مرت خالي : ولي ولك خايب انت الاجكم هي وردة.... دروح روح... 😒رايح يمه رايح بعتيني 😔
ضحكنه.... اول ليلة انام مرتاحه....
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
