نوال : ضلينه طول اسبوع.... ناس رايحه وناس جاية.... بعد الاسبوع.... سالني اياد....
اياد : نونو حبيبي.... شنو ترحين لبيت خالج لو هم يجونج ؟؟؟؟
نوال : ماعرف والله.... الاحسن هم يجون..... تعبانه شويدني 😮...
اياد : اها صاررر هسة اخابر خالج واعزمهم باجر.... 😚.... يلا كومي بدلي خلي نطلع.....
نوال : بدلت... لبست فستان طويل... مشجر وشال بلونه بس سادة.... وجنطه بصلي وبيها حركه حلوة.... وحذاء كعب عالي بصلي بي قوبجة مرتب..... نزلنه ورحنه لمطعم..... طلبنه كص دجاج..... وعصير ليمون.... وضلينه ناكل... ونسولف واياد يباع عليه.... 😏
رجعنه.... ولكيناهم نايمين.... بدلنه ونمنه.... كعدت من الصبح سبحت ولبست دشداشة ردن طويلة لان هو نبهني يريد حشمه..... نزلت صباح الخير جميعا.... 😚
الكل : صباح الخير هلا بالعروس....
تريكت وياهم..... وانطيتهم خبر اليوم بيت خالي معزومين..... الكل رحب بيهم.... وكمل الريوك وكمت وي البنات هن كالن انتي عروس ولازم متشتغلين.... كتلهن ماشي بس اساعدكم... ماعرف اكعد..... 🙂
لزمت ابن حماي لان امه تشتغل خطية....
وحضرن الغدة.... سمج مشوي وتمن برياني ومطبك لحم..... وتشريب ودجاج شوي..... واصناف اهواي وزلاطه واني نظفت الخضرة.... وعصاير سون ولبن.....
وشوية ودخلو بيت خالي... سلمت على مرت خالي وخالي.... ومرت عصام جاية هي وابنها وعصام وحسام وهمام وعيوني تدور بكر.... دخل بكر بس مو هو شخص ثاني.... سلم وهو مدنك ولارفع عيونه..... حيل ضجت عليه.... كعدو بالاستقبال.... واحنه بالصالة...
مرت خالي : كعدت يمي وهمست باذني... نوال انسي كلشي واذا ابالج احد انسي ترا مستحيله رجعتج النه..... خوش. 😐...
نوال : كلش تضايقت من كلامها.... اكيد تقصد بكر.... 😥
نوال : لا خاله الحمدلله مرتاحه هنا ماارجع والله.... لاتشيلين هم ارتاحي... 😑.....
...
...
...
....
...
تغدينه وكملنه البنات شالو السفرة وغسلن المواعين...
مرت عصام : انطتني فلوس وبوستني وصتني اديربالي ع نفسي ورجلي واتمسك بي واخلي يحتويني لان كلام مرت خالي مايطمن وحاجية مرت خالي بالسيارة انو هي ماصدكت خلصت مني.... ومامستعدة تستقبلني مرة ثانية.... صدك ضجت 😥....
بس هي كالت اني هيج اكولج حتى تديرين حياتج بشكل صحيح نوال محد يتحمل احد.... ورجلج خوش ولد اهتمي بي...... حبابة لاتفكرين بيوم تزورين بيت خالج مجرد زيارة ترا ام حسام تموت منج.... احذري منها.... 😐...
ووصتني وعلمتني كلشي.... وتعرفت على زوجة حماي وضلن يسولفن ووصتها وامنتها عليه.... وكالتلها ترا يتيمه وخطية ومحد الها ديري بالج عليها....
المهم راحو.... وبكر ابد مارفع عينه... خالو انطاني فلوس وديباج.... وراحو...
حسام جابلي علب جكليت....
صعدت واني افكر واتذكر كلام حنين مرت عصام..... واحس غصة بكلبي ليش تكرهني مرت خالي اشو عشت عدها خدامه... 😥..... معقولة هيج البشر.... مسحت دموعي.... وكلت الله فتحلي حياة وباب جديد لازم اتغير والتهي بحياتي الجديدة..... وعمتي زينه خوش مرة صباحيتي انطتني كلادة ذهب وعمي ياسر انطاني محبس ذهب وفلوس بظرف جمعت فلوس... وضميتهن..... كلت احتاجهم.... طلعت فلوس بكر النطاها الي بالبيت... وشميتهن.... وضميتهن وي الباقي.... وكلت خلاص..... هنا انتهى كلشي اني لابن عمي... وبيت عمي.... بعد ماروح لبيت خالي بس اخابر خالي..... 😐.لان بس هو جان زين وياي....
مشطت وعدل نفسي.... ودخل اياد كعدنه نسولف ونشاقة.... حسيت براحه وي اياد.... انسان واعي ومتفهم.... ومدللني جابلي حلويات.... 😍...
مرتب وانيق.... ومهتم بشغلة واهله....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يومية من يرجع يجيبلي ورد.... مرات يجيبلي حلويات او كرزات مايدخل وايده فارغه.... ❤
بدت حياتي وياهم......
أنت تقرأ
اليتيمة للكاتبة ت. ك/
General Fictionالقصة تحكي حالة فتاة شاءت الاقدار اصبحت يتيمه بلا ام ولا اب وانتقلت للعيش في بيت جدها اب الاب وبعدها انتقلت الى العيش مع بيت خالها مما لاقته من معاملة قاسية من زوجة عمها وبناتها واخذت تتنقل من بيت الى بيت...
