At ngayong 2019, malugod kong inihahandog sa inyo ang pinaka huling miyembro ng grupo. Si Gorien Merrick Raval "Gomer" ang tinaguriang "The Last Pogi". Siya pinaka bagong tauhan na tiyak na hahangaan at mamahalin ninyo kaya naman samahan natin siya...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Book Cover by: JohnLloyd Berzuela
**********
Mag kwentuhan tayo..
Taong 2013 noong mag simula akong mag sulat at sa kaparehong taon ay nag laho rin ako na parang bula dahil hindi ko nagustuhan ang mga masasakit na komento sa mga unang nobela na ginawa ko. Pakiramdam ko noon ay hindi talaga para sa akin ang pag susulat kaya nag pahinga ako. Pero nangako ako sa sarili ko na babalik at sa pag kakataong ito ay mas pag huhusayan ko..
Taong 2014 noong bumalik ako sa wattpad, baon ko ang pinaka unang karakter na tumatak sa kanyang pagiging maangas at mayabang ito ay si Shan Dave o "Ang Hari ng Angas". Nahuli niya ang kiliti ng mga mambabasa dahil sa kanyang mga nakakatawang hirit ng mga kayabangang wala sa lugar. At nag papasalamat ako sa kanya dahil siya ang nag bukas ng daan para likhain ko pa ang mga karakter na inyong kinagiliwan. Kaya naman sa kapareho ring taon ay inilabas ko si Johan ang tinaguriang "Ang Gwapong Gago" na isang mandurugas, snatcher at mala ninja kung dumiskarte. Sa ikalawang pag kakataon ay hindi ako nabigo dahil ramdam kong minahal rin siya ng mga mambabasa.
Taong 2015 noong muli kong maisipan na gumawa ng isa pang karakter na tinawag kong "Alyas Kanto Boy" na kumakatawan sa karakter na si Raul Robles at ang kanyang epic lines na "walang kanto ang puso ko, pero maaari kang tumambay hanggang gusto mo" na hanggang ngayon ay nababasa ko pa rin sa mga quotable quotes sa iba't ibang sites.
Hindi pa ako nakontento, kahit na may kaunting pressure ay sinubukan ko pa ring gumawa ng ikaapat na karakter sa katauhan ni Bogart Linsangan ang tinaguriang "Alyas Pogi" siya ang pinaka leader ng grupo na nilabas ko noong taong 2017.
At ngayong 2019, malugod kong inihahandog sa inyo ang pinaka huling miyembro ng grupo. Si Gorien Merrick Raval "Gomer" ang tinaguriang "The Last Pogi". Siya pinaka bagong tauhan na tiyak na hahangaan at mamahalin ninyo kaya naman samahan natin siya sa kanyang pag lalakad sa Compound ng Sitio Bagong Buhay, Bagong Pag Asa Street at dito ay papatunayan niya na "huli man raw at magaling ay naihahabol rin."
