Unknowingly Married

60. Sweetie Meethie's Plan

Karan: Whatt? Seriously Kriti? I was madly in love with you aur tum soch rahi thi I wanted you to say no? Like seriously? Mai tumhe dislike karta hu? Matlab kuch bhi lagta hai na tumhe? Ek to tumne bina soche samjhe shaadi ko haa bol diya.. Thank god it was me.. agar koi aur hota to? Aisa karne se pehle ek baar mujhe bataya to hota yaar.. seedhe kisi aur se shaadi? Aur agar tumhari shaadi sachme kisi aur ke saath ho rahi hoti na to mai guest banke nahi aata tumhari shaadi mein badhai dene.. tumhe kidnap karne aata.. kam se kam ek baar tumhe apne dil ki baat bataye bina to aise hi kisi aur ka ho jaane kabhi nahi deta.. aur kya soch rahi thi tum? Sachme itni aasani se mujhe bhool jaati kya kisi aur se shaadi karke? Shukar hai bhagwaan ka.. nahi.. actually meri dadi aur tumhari nani ka ke seedhe seedhe hamari shaadi karwa di.. warna pata nahi tumhe apni dulhan banane ke liye kitne papad belne padte.. ek to kitna overthink karti ho tum? Matlab meri pasand na pasand mujhse jyada jaanti ho par mera pyaar nahi jaan paayi? Tumhe ye kaise pata nahi chala ki Karam Sharma ko kabhi koi kisi baat ke liye force nahi kar sakta jo wo khud nahi karna chahta.. meri family ya koi bhi meri marzi ke khilaaf meri shaadi nahi karwa sakta.. maine tumse shaadi ki kyuki tum meri chahat ho.. isliye nahi ki meri dadi chahti thi mai tumse shaadi karu.. Thank god ye saari situation uss bewakoof ke haat nahi thi warna mai use pasand nahi karta assume karke.. Honestly mai itni jaldi shaadi nahi karna chahta tha par jaldi hi sahi.. at least usise hui na jisase hona chahta tha.. I am happy.. bichari Krits... use laga uski shaadi Viv ke saath kara rahe hai.. (chuckles) aur flirt.. matlab Viv Krits se bhi flirt kar chuka hai.. how weird.. par shaadi mein to he behaved quite normal.. thank god he realised wo uski bhabhi hai ab.. aur straight forward ki baat hai to wo to mai puch raha tha kyuki mujhe lag raha tha she has feelings for Sameer.. upar se mujhe believe hi nahi ho raha tha ki Kriti Singhania.. jo mujhse baat tak nahi kar pati wo bina soche samjhe, jaane bujhe seedhe shaadi ke liye kaise tayar ho gayi.. mujhe lag raha tha shayad uspe kisi tarah ka koi pressure ho isliye I was trying to figure it out aur isiliye maine pucha kya wo Kriti Karan Sharma banana chahti hai.. I just wanted to make sure ki wo forced nahi hai iss shaadi ke liye.. aur kaisi bewakoof ladki hai? Ise lag raha tha mujhe isme koi interest hi nahi hai jab ki uske alawa har koi ek nazar mein samajh raha tha mai uske liye kya feel karta hu.. use bhi kya blame karu.. iss baat mein mai to usase bhi bada bewakoof nikla.. itne saalo tak na uske dil ki baat samajh paya na khudke.. idiottt! Shiv aur Jannu ne kitni baar kaha tha wo mujhe pasand karti hai.. mai hi bewakoof pata nahi kis denial mein jee raha tha aur kyu.. shayad darr.. darr ke kahi mai sachme samajh lu aisa hai aur sach kuch aur nikle to.. shayad isi khayal ne mujhe kabhi apni feelings ke saath roobaru hone hi nahi diya.. Anyways.. back to the diary Karan.. kitna sochega?

(Meanwhile in the canteen, while listening to Ruhi's insult by Sammu, Kriti was having her food and she was shocked with Sammu's speech and as she finished talking, Kriti's food choked and she began to cough)

Sammu: Kriti are you ok? Ye lo.. paani piyo..

Khushi: (rubbing her back) haa Kritss.. paani lo..

Kriti: (takes water and drink in one go) Thanks... (In hurry she gathers her stuff) Khushi... Hame.. lecture hai na? Chal chalte hai.. late ho jayenge...

Yash: Haa.. chalte hai.. Bye ladies.. Bye Chudail and Shiv
(They greet him back and he leaves with Khushi and Kriti away from canteen. Meanwhile, out of his increasing curiosity, Karan keeps reading further and reads all pages until the one after their wedding)

Kriti: What the hell was that guys? (Irritated) Dude ye dono hai kaun? What are they doing here and why are they messing things up? Khushi.. like seriously? Tera bhai bata nahi sakta tha use ki mai uski.. fine.. not wife par girlfriend to bol hi sakta tha na? Accha chalo girlfriend bhi nahi friend hi bol deta.. but no.. what did he introduce me as? Teri bestfriend.. Yaar I know he is not much into this marriage and all lekin yaar ek baar pehle mujhse baat to ki hoti ki uski ek girlfriend bhi hai.. what is that guy planning on doing with one wife and another girlfriend?