Capturing Mine

Chapter 13: Realization

Simula noong umalis si Jacob, parang mas lalo ko siyang nagustuhan. Alam niyo 'yon, mapupuna mo kung anong kulang sa araw mo, maiisip mo na sana, nahahawakan mo ang mga kamay niya. Alam kong hindi puwede, pero masisisi niyo ba ako? Nami-miss ko na rin siya! Alam niyo ba, syempre, hindi pa kaya heto, ipaaalam ko na. Si Andrew, dapat sasagutin ko na siya nang umalis si Jac, pero hindi ko kaya. Ayaw ko namang maging panakip-butas ko siya eh, saka parang may something. Hindi ko maipaliwanag, magulo. Simula kasi nang maghiwalay sina Cara at Aaron, parang hindi naman na ako ang pinopormahan ni Andrew kun'di si Cara. Baka nga sila talaga ang para sa isa't isa? Hahaha, who knows, as long as happy ang bawat isa, go! Parang nawala na rin kasi talaga ang feelings ko for Andrew — siguro? Ah, basta! All I know now is I really, really miss my beb. Hindi man lang siya nawala sa isip ko kahit saglit, pero hindi puwede ito. Hindi ako puwedeng ma-in love sa bestfriend ko. Masasaktan lang ako. Bakla si Jac, at parang kapatid lang ang tingin niya sa akin.

Jacob's POV

Damn, Philippines! I miss the Philippines. Kung hindi naman para sa akin at para sa pamilya ko ay hindi ako aalis ng Pilipinas. Isa rin sa dahilan kung bakit umalis ako ay si Martina. Ang sakit kasi na makitang may kaharutan siyang iba. Hindi alam nina Iris ito. Of course, she won't tell her twin, ayaw kaya niya kay Vincent for Martina. Should I ask Matt to do something about this? But Matt gets what he wants, baka hindi na talaga niya pakawalan si Martina once na gumawa siya ng paraan para mapaghiwalay ang dalawa. Parang mas masakit namang tingnan na pinsan ko pa talaga ang magiging kaharutan ng babaeng mahal ko, 'di ba? Pero mukhang mas okay naman kung si Matthew, kasi sigurado ako sa nararamdaman niya para sa babaeng minamahal ko rin. Hays, I remember our conversation before I leave the Philippines.

“Matt, I told Martina about you and I even showed her your picture, but she told me that you are not her type. She really hate guys like you. She also told me na back off 'cause that Rafael Vincent Mortel is her boyfriend.”

Matthew's eyebrows furrow, “What, Jac? No! That is not true. I am going to talk to her. I have decided, magpapakilala na ako sa kaniya—”

“No, my cousin, hindi na puwede. You are too late. Gugustuhin mo bang makasira ng relasyon ng iba para sa pag-ibig mo sa kaniya na hindi mo naman siguradong matatanggap nga niya? She only saw you once, and do you think she'll still remember that? Masakit man pero 'yun ang totoo. Kahit nga ako, walang nagawa eh.”

I know, it is wrong, but that is the only way. Hindi ko alam kung ano ba talaga ang status ni Martina at Vincent, but with the kisses, hugs, alam kong may something sila. Umamin din ako kay Martina, ilang araw bago ko tuluyang sabihin sa kanila na aalis nga ako. Ang sakit lang dahil doon ko na-confirm na si Vince and mahal niya.

“I have feelings for you, Martina.”

Napatingin siya sa akin. Hindi ko masabi pero 'yung mga tingin niya, may bahid ng lungkot at saya.

“Jac, bakit ngayon lang?” medyo natawang tanong niya.

“I'm sorry, what do you mean by that?”

Hinarap niya ako at hinawakan ang pisngi ko, “I started liking you. Akala mo ba, hindi ko napapansin 'yung efforts mo? 'Yung panghaharang mo sa mga manliligaw ko? 'Yung pagtatapon mo sa mga bulaklak na bigay nila for me, I am seeing all of that. The way you look at me is different from the way you look to the other girls.” She smiles, “But you should open your eyes wider, Jac. There are more precious women out there, waiting for you to notice. Isa sa kanila, paniguradong mapapasagot mo. Alam mo, sayang talaga. I really, really like you more than you know kahit na bakla ka, but you're way too late. I have Vincent.”

“Sinagot mo na ba siya? Mahal mo na ba siya?” I held her hands.

“Hindi pa, but he is special. Jac, come on, open your eyes evenly, baka obsessed ka lang sa akin. Like I've said, you look at me differently. 'Yun bang may eagerness ka to get me? Pero kay Diane, comfort, compassion, respect, love — marami pang iba, Jac, pero ang point ko, you are much more possessive to her than me. Naisip ko na, baka siya talaga ang gusto mo pero ako lang ang tinitingnan mo.”