شَمـسُ وَطني

البارت الاول

شمس...اهواي ننجبر على اشياء بالبدايه نضوج وننقهر لان مو هذا الشي الي نريده ولا جنا مخططيلا بس قضاء الله وحكمته فوك كلشي.. لو نخلي ببالنا السورة(عسى أن تكرهو شيء وهوا خير لكم) جان هسه كلنا راضيين على عيشتنا وعلى القدر الي يصيبنا لان صدك اي شي خير النا بالبدايه منحبه..
كل واحد بينا عندا حلم معين وامنيه يحب يحققها بس تتغير حياتك فجأة وتكعد من الحلم وتتكسر امنياتك وكتها تيأس من كلشي بس هاي مو النهايه هاي البدايه لطريق حياة جديدا  حتحبها لان الله هوا الي مدبرلك اياها وهاي وحدها كافيه،
اي قدر مزعج يصيبك خلفه حياة حلوه...{رب ضارة نافعة}

           …….......................…………………………………

مرحبا اني شمس حتبتدي قصتي بعمر 18 ورا ميتوفه والدي... عندي اخين هشام الجبير وهمام والسطاني واني اخر العنقود المدلله ومعندي خوات، مواصفاتي بيضه وعيوني متوسطين لا اهواي كبار ولا صغار بس لونهم يخبل اخضر على زيتوني طوخ وشعري طويل بابا مجان يخليني اكصه لونه على اشگر الكل جان من يشوفني يستغرب على انو شون عيوني هيج لون واني بيضه على شگراويه بس ماكو شي غريب عند الله طولي مناسب بس جنت مربربه مو سمينه لا مربربه واني ماخذه كل هالجمال من بيبيتي ام امي جنت طالعه عليها اهواي.. ماما غير قوميه عن بابا حبو بعض وواجهو اهواي صعوبات حتى ينجمعون وشاء القدر وجمعهم.. ماما تركت اهلها وناسها ومنطقتها كلهم علمود تبقى ويا بابا.. جنا عائله بسيطه صح جان وضعنا المادي زين واحسن كل عمامي بس ابد ماجنا متكبرين على احد وعائله تعرف دين الله ورسوله...... جانت حياتنا عاديه لحد ما اجا اليوم الي غير كلشي.....بيوم اجانا اتصال انو والدي مسوي حادث جنا بنص شهر الثامن وجانت الدنيا حاره جهنم جان بابا راجع من السوك الظهر وحاره دايخ هوا ودايسوق وسوا حادث مملحكين عليه بسرعه او قضاء الله ومكتوبله يتوفه خيمه سوده ونزلت علينا لمن توفه.... راح سندي وحزام ضهري راح مدللني بحياتي محلكي انسان يحبني ويدللني مثله هوا كل حياتي جنت اطلب شي منا بسرعة البرق الكيه جايبلي اياه تخيلو عاد حالتي لمن راح العافيه.... خلصت ثلاث ايام الفاتحه راحت روحي من الحزن هم على وفاته وهم على امي الي جانت حتفقد بصرها من كد البجي واللطم على بابا..
خلصت ايام الفاتحه اول اسبوع بقينا ببيتنا بس اهل امي عارضو جانو ديريدون امي ترجع عدهم بس ميريدونا النا وبيبيتي الي هيا ام بابا جانت داتريدنا فا عرض على ماما عمي الصغير انو يعقد عليها حتى تتحلل كعدتها احنا وهيا ببيت عمي بس صارت مشاكل بين بيت عمي وبيت خالي كل واحد يريد شي والطائفيه تنط من عيونهم اسبوع كامل احنا معلعلين منعرف وين نروح ووين نبقى وويامن اخر شي بيت خالي خيرو ماما بينا او بين اهلها بس ماما اختارتنا انو نبقى ببيت عمي خلصت عدتها على بابا وعقد عليها عمي بس بالاسم فقط علمود تتحلل كعدتها... لمينا غراضنا من البيت وبايعنا الغراض والاثاث مدري ليش جنا كاعدين ببيتنا ومرتاحين بس بيبيتي مره جبيره وجانت متعلقه بابويه اهواي فا احنا من ريحته يعني