شَمـسُ وَطني

البارت الواحد والاربعون

بدلت والكل تحضر وطلعنا وصلنا لمنطقتهم وذبوني اني وزهراء يم الصالون وهما راحو
استلمتني ام الصالون شوية واجوي ساره ومنال وخاله سعديه وصفيه والاء وحتى اسماء وكل وحده اول ماطب تسفكها بهلهوله تسطر اذني سطر
الحجيه ما اجت راحت للقاعه تستقبل النسوان
اسماء وزهراء كلبو الصالون هوسه وحده تهلهل ووحده تركص واني بس اضحك عليهم بس شنو جنت متوتره اضحك من كثر التوتر الي بيه
خلصت المكياج ورحت بغرفه بالصالون حتى اللبس البدله ساعدوني البنات بيها جانت كلش حلوه والي عجبني بيها هواي هيا النفشه مالتها كمت افتر يم ام الصالون عجبني كلش
سوتلي تسريحه تخبل اباوع على روحي صخااااام منو هااي لااا ممصدكه روحي معقوله اني عرووس ياربي شعوور مو طبيعي كل ابنيه تحلم بهاليوم تحلم تلبس هاي البدله وتعيش هاي اللحظه وبالاخص تكون تاخذ حبيبها
لبست الحذاء وكعدت انتظرهم يخلصون البنات كلهم جانو هم مخلصين وياي وكعدو ياخذون وياي صور والي تهلهل وكل وحده تاخذ الباقه مالورد مالتي وتطك بيها صور جانت باقه كلش بسيطها لونها بنفسجي من هذا الفااتح وبيها ورد ابيض اول مشفتها اتخبلت عليها واخذتها وكعدو النبات يتعاركون على منو تاخذها من بعدي صفيه دكول اني ومنال دكول اني وساره هم صارت تريدها
واني كاعده ومتوتره اعصر بيدي احس روحي ممرتاحه ابد روحي مخبوصه فد نوب

شويه وسمعنا صوت هورنات وهوسه برا عرفنه اجت الزفه يممه كلبي اريد اكوم ماكدر احس رجليه خدرت اريد بس اشوف ابن كلبي شون طالع اريد اشوفه روحي اشوف عريس روحي
كوموني البنات جسني كله يرجف والبنات يضحكون عليه الحقيرات
طلعوني البنات من الصالون اول مافتحو الباب صار بوجهي ايهاب بس داير ظهره علينه سمع صوت الباب انفتح اندار عليه احسه صارت سنه مو لحظات واندار عليه
باوع عليه نظرات عيونه ذوبتني احلى لحظه بحياتي لمن شفته شون ديباوعلي جان لابس دشداشه والغتره والعكال ولابس العبايه هاي مالشيوخ فوك الدشداشه لان شيخ لازم يلبس هيج هما عدهم عاداتهم
اويليييي شكد كايله عليه حلو كبل مستحيييل يجي بحلاة هاليوم وشون جان طالع
تقرب عليه كفخني عطره جسمي يرجف تقرب اكثر رفع الادوار من عن وجهي وبقى يباوعلي نظرات يممه تشل شللل ابتسم وباسني من راسي الكل بقت تهلهل ويذبون فوك راسنا جكليت حجا بهمس بس اني اسمعه
ابو وطن: لخاطر الله انتي هم مصنوعه من الطين مثلنا

خجلني حجيه ابتسمت ونزلت راسي رجع نزله على وجهي ووكف يمي لزم ايدي ومشاني بقى الكل من الشباب يركصون ويهوسون
وصلنا السياره صعدوني البنات جانت بدلتي مضايقتني من طولها والنفش الي بيها احس روحي لعابه
اجا صعد يمي وصديقه مازن هو الي جان ديسوك سيارة الزفه
الشارع انقفل من كد السيارات الي اجت والهوسه وكلها تهوس وتهلهل وتركص
رجع ازم ايدي وباسها وباوع عليه لا اني فتحت حلكي ولا هو كلشي محجينا احس ماكو كلمات تعبر عن الشي الي كاعدين نحس بي وحتى كلبي احس هسه مازن كاعد يسمع نبضاته شكد مجنت متوتره