شَمـسُ وَطني

البارت الاخير

كمت طلعت من الغرفه اريد اشوف شكو سمعته وياريتني ماسمعته جان ديحجي ويا ابو ويكوله
ابو وطن: ابووويه شكاعد دكوول بعدني توني متزووج شنو تريد تزوجني بعد
قتحت عيوني حييييل اريد استوعب شكاعد يكوول شنو يزوجه بعد وليش هيج
طلعت وصلت يما بس مانتبه عليه
ابو وطن: ابوويه واني شلي علاااقه هيا مسودنه اني شكووو ليش تلركوها بيه..... يابه اسمعي بس افهمني اهووووووووه يعني ليش هيج
سد المبايل وركعه بالقنفه رحت يما بسرعه
شمس: ايهااب شكو شبييك ليش هيج متعصب شكو وشرايد منك ابوك
ابو وطن: ماكو شي
شمس: لاا اكو احجي حباب لتخبي عليه شي اني مو مرتك
ابو وطن: كتللللج ماكو شييي
سمعت صوت مبايلي يدك وحت ركض عليه جبته لكيت رقم غريب فتحته
اسراء: مرحبا شمس اني اسراء سلفتج مرة مجيد
شمس: اسرااء؟؟ هلا عيني تفضلي اكو شي
اسراء: شمس ربي يرحم امج وابوج الله يخليج اني داخله عندج لترديني
شمس: اسرااء احجي شكوو
اسراء: باعي اختي فاطمه البارحه بالليل محاوله تنتحر ذابه عليها النفط تريد تحرك روحها
شمس:اي واني شكو دادكوليلي هيج
اسراء: مو سمعيني سألناها ليش هيج دكول لان ايهاب راح من ايدي شمس الله يخلييج روحها متعلقه بايهااب
شمس: اييي ويعني شتريديني اسويي هسه
اسراء: خلي يتزوجها ايهاب الله يخليييج اختي راح تروح من بين ايدنا
انصدمت من حجيها بكل وقاحه جايه تطلب مني هيج طلب هههههههههه لا اكيد مقلب ديسوون بيه زين اختها مخبله اني شكو
شمس: ههههههههه لا عفيه احجي غير نكته حلوه جانت هاي
اسراء: اللله يخليييج شمس كاعده اتوسل بيج
شمس: واني ماريييدج تتوسلييين بيييه يابه وخرووو عني عوفوني اعييييش شنوو يعني اختج مخبله ابتلينا بيها اذا هيا زماله وتحب واحد مو الها اني شكوووو على تعاستي اجيبها هااا
اسراء: باااااعي شمممس اجيتج وداحجي وياج بكل احترام وعيني واغاتي ايهاااب راح يتزوج فاطمه يعني راح يتزوجها اذا رضيتي او لا فا صيري عاقله ووافقي
شمس: من كل عقلج هههههه والله خوفتيني واني اكلج لو تموتين انتي واختج وتحركون روحكم ايهاب ميتزوجها

سديته بوجها احس روحي تنعصرت طلعت على ايهاب كاعد ومخلي ايديه على راسه رحت يما وسحبته لحضني
شمس: ميخالف حبيبي ميخالف هاي مخبله انت مالك دخل هسه جم يوم وترجع لعقلها
ابو وطن: شممس ابويه يكلي لو تتزوجها لو اغضب عليك صاير عركه لينه وبين عمي
شمس: شنوووو اي وانت شنو قررت
ابو وطن: مادري
وخرت من يما بسرعه
شمس: يعني شنوو ماتدرين حتتزوجها يعني بعدني ماطلعت سبعتي تروح تتزوجها ايهاااب لتفكر بروحك بس فكر بيييه
ابو وطن: يعني شتريديني اسوي يغضب عليه ابويه علمود وحده
شمس: ايهااااااب يطبها طووووب هيا مخبله ليش هييج شعلييك بيها عوووفها باجر بعد باجر ترجع لطبيعتها
ابو وطن: شممممس يكولولج أكثر من مره محاوله تنتحر علمودييي وتريديني اعووفها
شمس: يعني شنو ايهاب شنو معنا هذا حجيك هسه
محجا شي بقى ساكت وحتى مباوع بعيوني رحت كعدت يم رجليه واباوع بوجها بس هو دايحاول يبعد عيونه من عليه غصب
شمس: ايهاب حبيبي شبييك ليش متجاوبني صددك يعني حتروح تتزوجها زين واني؟ اني شنووو محسييت بيه ايهاااب جاوبني مو كااعده احجي وياااك
ابو وطن: شمممس ابويه هو الي ديكلي اني شعليه لتخلين اللوم بيه
كمت من يما تعصببت اهواي كمت اعيط
شمس: ابويه هيج وابويه هيييج شنو انت مو زلللمه وشيييخ وعندك كلمه شنو هالعيشه الي يدخل بيها ابووك وتالي وياه يعني بكل مكان نابصلنا هييج
ابو وطن: شممممممس كصري لسااانج احترررمي ابووي هذا
شمس: ادري ابوووك لو عدووك خلي شويه يحس بيييك كافي مفروض انت توكفه عاااد حياتك من هسه ديدخل بينا بعد باجر شيسوي كااافي ابوك على عيني وعلى راسي بس ليدخل بحياتنا اذا بنت اخوه اتبسزز وقندره يربيها هو ليش يخرب بين ثنين متزوجين مصارلهم ثلاث ايام
ابو وطن: شممممس والقران ممستحمل احد يمضرط فوك راسي وفري حجيج لخاطر ربج
شمس: يمضرط؟؟ صار حجي الحقيقه تمضرط خلف الله عليك ايهااب بس والقرااان وروح بابا وماما مابقى على ذمتك دقيقه اذا تزوجتها
عفته ورحت للغرفه كعدت عالسرير دارجف اريد بس اهده
متدري شكد بقينا احنا هيج كل وتحد بغرفه
طب عليه اخذ هدومه وطلع محجه كلمه ولا حتى باوعلي شويه ورحع مبدل اجا مشط شعره هالمرايه
شمس: وين رايح
ابو وطن: لبيت اهلي
شمس: امممم مبروك مقدما
ابو وطن: على شنو
شمس: مو رايح تعقد على ست الحسن
ابو وطن: والقران شمس مالي خلقج حبابه
طلعت من الغرفه رحت اشرب مي حلكي يابس سمعت صوت مبايله يدك رحت ركض عليه جان مخليه عالقنفه شلته لكيت اخوه مجيد المتصل فتحته راسا وحجيت بدون وعاتي
شمس: اخت مرتك ضبها واعرف ربيها خبالاتها علينه لطلعها تمام وايهااب ابعدوو عنا عوفو يعيش عاااد مكااافي سنين من عمرنا خسرناهم واحنا ابعاد عن بعض بسببكم كااااافي من عساها تطلع ببنتك عااااد كااااافي
مجيد: اختي اني معندي حجي وياج انطيني ايهاب يلا كوليله وينه
شمس: ايهاااب محيجي لتنتظروووه وكافي عاااد داكلك
بسرعه سحب المبايل من ايدي ايهاب وخزرني خزره متت بيها من الخوف
ابو وطن: اخويه اني هسه جايكم
سده راد يعبر بسرعه رحت وكفت بالباب
شمس: ايهااب لترووح لتروووح حباااب
ابو وطن: شمس وخري عن طريقي الناس داتنتظرني اروح احل الموضوع وارجعلج
شمس: لاااا والله هسه يخلوك تعقد عليها غصب ايهاااب لتخسرني الله يخليك علمود وحده مثل هااي تعرفني شكد احبك وشكد حبنا جبير لتضيعه بسبب وحده جاهله
ابو وطن: شمممممس وخري عن طريقيييي
شمس: ايهاااب وحق من انزل القرااااان اذا عقدت عليها صدكني اسوي شي ميعجبكم لو اعرف احركم بليلة عرسكم
خزرني حيييل ودفعني من عن الباب وطلع كبل ليطل كالي
ابو وطن: تخسسسه حرمه تهدد بيه كافيج جفصاتج كثرت تره
حجا هيج وطلع بقيت ارجف جسمي كلها ترجف كلبي احسه حيوكف اريد احجي شي احس دخت اريد اعيط عليه اصيحه افترت بيه الدنيا كلها بالكوه رحت سحلت روحي وتمددت عالقنفه وجان اكو دولكة مي شربت شويه وغسلت وجهي اريد اصحصح
بقيت اضرب على وجهي اررريد استووعب حلم لو بحقيقه انيي
غصيييت بجي واضرب على خدودي كاااافيييي كضيت عمري كله اني ابجي من وراك
مكافييي يادنيا عروووس بعدني والله العظيييم كافي
يادموووع مخلصتييي كااافي
اعض اصبعييي وابجيي ااااخ ياربي غصصصه بكلبي بكد رحمة الله احس روحي خلصت بعد ماكدر استحمل
مادري شون غفيت عالقنفه
فزيت فتحت عيوني الشقه ظلمه اريد اعرف ساعه شكد اريد ااااعر ايهااب رجع لو بعد
كمت على حيلي طبيت للمطبخ باوعت عالساعه جانت سته ونص المغرب
صخااااااام زوجو للرجااال اخذو منييي الحقراء حسبي الله ونعم الوكييل والقران هذا كله تخطيط من عساها تطلع ببختكم مثل مخربتو عليه عيشتي حسبي اللله تركتكم بيد رب العالمين هو ياخذلي حقي منكم
كمت اعزل بالشقه احس معدتي داتحووص عليه ممكاله شي من البارحه
اريد بس اللهي روحي بأي شي بقيت اعزل وانظف يمكن خمس مرات مسحتها للشقه من كد خبصة روحي
خلصت معرف بعد شسوي ماريد اتصل باايهاب ولا اريد اسمع صوته حتى
طبيت سبحت طلعت لبست دشداشه كصيفه ليل ركبه نص ردن وطبيت للغرفه امشط شعري واباوع على روحي عيوني مورمه من البجي راسي يموتني اني بيه طبع من اتوتر او انقهر راسي يلزمه صداع مو طبيعي
كمت اخلي مكياج عالقسط بس مدري على قسط منو بس هيج اريد ابين لروحي انو هو الي خسرني مو اني خلي ست فاطمه تنفعه رتبت روحي بس خلصت اجا ببالي انو هسه هما كاعدين سوا وعقدلهم المأذون وحيتزوجون بعد جم يوم كمت ابجي حررركه اكو بكلبي كمت اكسر بالغراض الي كدامي تهسترت مجرد فكره سوت بيه هيج لعد لو تصير من تمام شحسوي
اخر شي تعبت انشمرت عالسرير تمدد بالعرض مو بالطول وكعدت ابجي اخر شي محسيت بشي غفيت