شَمـسُ وَطني

البارت السابع

طبينا للمطبخ وحضرت وياهم شويا حضرنا السفره صاحو الزلم اول ماطبو وكعت عيني بعين هذا الشاب الضخم اعتقد اسمه ابو وطن رعفلي حاجبه بسرعه داريت وجهي عنه ووخرت عيوني من عيونه...

مر اسبوع واحنا بعدنا عدهم على هذا حالنا الجماعه كلش ممقصرين ويانا وخاصتنا الحجيه.. همام كل يوم يخبرنا ويكوللنا ديصمدون فلوس وديتحضرون حتى يجونا ونطلع لاربيل....صدك عمي جابر جان يروح للبصره ثلاث اسابيع شغله هناك ويرجع يومين للبيت فا لمن شردنا من البيت هوا جان وكتها بالبصره لذلك لحد هسه مرجع للبيت ومرفع دعوه لماما حتى ترجع وبقيت ادعي يطول هناك..
صح جنا مرتاحين وماجانو مقصرين ويانا بس نبقى بمكان غريب وويا عالم غريبه
جان كلما توكع عيني بعين هذا الشاب الضخم ابو وطن يرفعلي حاجبه او مرات اني ارفعله حاجبي ههه مادري شبيه وياي

جنا كاعدين اني وزهراء بغرفتها وكاعده تراويني غراضها وتسولفلي على ايامهم من جانو كبل
اندك الباب الغرفع طبت علينا ماما
ام شمس: ماما شمس تعالي
شمس: شكو
ام شمس: ولج دخابر همام ومديجاوب لا هو ولا هشام
شمس: ياااا ليش
ام شمس: والله مادري وگلبي ديلعب ماطمنه
شمس: لالا لتخافين يجوز فاصل شحن مبايلاتهم
ام شمس: لا شمس لا داكلج گلبي ديوجعني
شمس: اوكفي دقيقه

رحت للغرفه ولزمت مبايلي وبقيت اتصل بيهم اكثر من مره وهم مجاوبو انمسك گلبي بس اصطنعت البرود حتى لا ماما تقلق اكثر
ام شمس: ها ردو عليج
شمس: ها لا يحوز بالشغل او مثل ماكتلج مبايلهم فاصل شحن
ام شمس: لالا همام دائما يخبرني ساعه سته او سبعه من يرحعون من الشغل وهسه ساعه عشره ونص وهو ماتصل وفوكاها مبايله مقفل هو وهشام
شمس: مامااا بس لاتتوترين كولي يالله
ام شمس: يالله فدوه شمس فدوه لگلبج روحي كولي للشيخ خليتصل بعبد القادر الحجيه نايمه هسه وگلبي ماينتظر لي باجر
شمس: ياااااا مالا داعي كتلج لاتخافين ماكو شي
ام شمس: شمس بروح ابوج روحي كوليلا والله حموت
شمس: اووف اوووف شكد تخبصين الواحد لخاطر الله
نزلت كلت اروح للديوان وكفت بالباب تردد اطب لو لا بعدين دكيت الباب سمعت صوت واحد من جوا
ابو وطن: طبو راحو الزلم
طبيت لكيت هذا الشاب الضخم ابو وطن كاعد على القنفه انتبه عليه بسرعه كام وكال
ابو وطن: تفضلي عيوني شكو
شمس: كمت امتمت بالحجي مادري ليش اتوتر من احجي وياه يمكن لان اخاف من ضخامته كتله.... ها اي احم اشسمو جنت جايه حتى اكلك بس ممكن تتصل باخوك عبد القادر اذا ممكن
ابو وطن: رفع حاجبه وكال...لييش؟؟
شمس: دانتصل على اخواني مديجاوبونا فاقلقانين عليهم اني وماما لايكون بيهم شي
ابو وطن: لالا توكلو بالله هسه اتصل بيه واشوف شبيهم
بقيت واكفه اصفن فززني صوته كال
ابو وطن: ها يولو بعد اكو شي
شمس: ها لا ماكو
ابو وطن: لعز عليش بعدج واكفه
شمس: غير دانتظرك تخبر تتصل بعبد القادر
ابو وطن: چا مو الا هسه ترديني اخابره
شمس: لعد شوكت
ابو وطن: ابويه انتي هسه جايين جماعه وطالع للمضيف بعدين اخابره طلعي هسه
شمس: لاعفيه خبره هسه الله يخليك والله بعدين ماما تخبصني خبص
ابو وطن: يولو طلعي هسه كتلج راح يجوني جماعه
شمس: لا حباب دخبره مراحتاخذ من وكتك بس دقائق
ابو وطن: يولو لاتعنديني كتلج جماعه بالطريق جايين وحطلع للمضيف ماكدر هسه اخبره كتلج بعدين
شمس: تعصبت... والقران ماطلع ليما تخابره كدامي
ابو وطن: لتعليين صوتج افتهمنا راح اخبرره
اتصل عليه بقى يدك هو هم مغلق اكثر من مره بقى يدك عليه ويطلع مغلق دمعت عيوني اتأكدت بيهم شي بقيت داصفن جمدت بمكاني
ابو وطن: هيان كدامج خبرته.... باوعت لكيت الزلم حيطبون رحت بسرعه يمها كتلها... يولو طلعي هسه منا اجو الزلم
احاجيها وهيا جامده والزلم وصلو وهاي مفرعه لا حجاب وفوكها لابسه تراك
بسرعه لزمتها من ايدها وفتحت الباب وطلعتها ورحعت طبيت عليهم