شَمـسُ وَطني

البارت الحادي عشر

اجا تقرب وكعد يمي عطره سطرني سطر اني بقيت منزلا راسي واطكطك بأصابيعي وهما بقو يحجون بس مجنت مستوعبه بشنو يحجون فكري مخربط وهم مقهوره على حظي كل ابنيه تتمنى اهلها ولو امها وياها بهيج يوم وبهيح فرحه واني المن عندي لوحدي كلهم تركوني
وهناك ويروح فكري بهمام جان يكلي (بس حيجون يخطبوج اني اصير السيد واعقدلكم حتى بسرعه اخلص منج ويتم العقد قبل ميرجع العريس بكلامه من يشوف لسانج واحنا مصدكنا خلصنا منج) دمعت عيوني اشتاكيت لاخواني ولامي ردت بس اكوم اصعد حنفجر من البجي بس عيب الكل جان كاعد عيب اتركم واصعد

شويا وصاحولنا على العشه رحنا للسفره اني جنت حكعد بنفس مكاني الي كل مره اكعد بي عاطت بيا الحجيه
ام عبد: يمممه ويين شداتسويين تعالي كعدي يم رجلج
رحت يما سحب كرسي وكعدني يممممه عطره سطرني سطر مشاعري اتلخبطت اول مره اتقرب من واحد وغريب وكلشويا احنا وكاعدين ناكل يقرب مني الاكل
همس بأذني
ابو وطن: شبيج ليش مداتاكلين؟
شمس: ها اهم بلي داكل
ابو وطن: ماشفتج اكلتي شي
شمس: بلي والله داكل
باوعت عليه مبتسم ورافعلي حاجبه ابتسمت لا اراديا ومزلت راسي
خلصنا عشه وساعدتهم وبعدين صعدت فوك احس روحي مختنكه طلعت للسطح وبقيت اباوع عالسما والجو جان يخبل مادري شكت بقيت حسيت باب السطح انفتح مانداريت كلت يجوز الاء او زهراء سمعت صوت فزيت

ابو وطن: شداتسوين هنا يولو؟؟
شمس: ها حبيت اشم هواء شويا
ابو وطن: ولي يطلع يشم هواء يبقى ساعتين ونص فوك السطح؟؟
شمس: ها اني محسيت بالوكت
اجا كعد يمي وكال
ابو وطن: سمعي يا بنت الناس صح عقدنا بس عالورق بس مو انو تبقين على تعيشين مثل عيشتج اني هنا شيخ وابن شيخ وهسه الكل راح يدري انو عقدت والكل راح يحسبه رسمي فا لازم تسمعين كلامي ومتنزلين راسي
شمس: اي يعني شسوي؟
ابو وطن: اول شي تسمعين كلامي وثاني شي لبسج هذا تبطلي من باجر انزلج للسوك واشتري دشاديش وتتعودين تلبسين حجاب انتي هسه مكتوبه بأسمي حتى وان عالورق
شمس: شنوو لا اني اخواني مايتحكمون بلبسي
ابو وطن: هسسه اختلف الوضع وبعدين اني شي واخوانج شي ثاني وكتلج مو تبقين تعيشين مثل عيشتج
شمس: ايييه وشبيك تصيح

بسرعه طبيت جوا ياربيييي شون حكدر اكمل وياه وهذا من اول يوم هيج لا والنوب يصيح بله شايف روحه هذا
طبيت على غرفتي ونمت كعدت على صوت الباب الغرفه دايندك تعدلت وكلت
شمس: تفضلي منو
ام عبد: اني يمه اني
شمس: صباح الخير يمه
ام عبد: صباح النور حبيبتي يلا كومي غسلي وبدلي حتى نطلع
شمس: وين؟؟
ام عبد: للسوك حتى نشتري شويا ملابس الج والكل حيجي يبارك اليوم بس هاا وصاني الشيخ انو نشتري كلا طويل ومستور
شمس: يااااا والله مامتعوده اللبس طويل هيج
ام عبد: ميخالف يمه ميخالف اتعودي شتسوين
شمس: اوووف بس صدك يمه شون حنروح للسوك واني....
ام عبد: ماعندج فلوس ادري واني لعد زوجج شدايسوي غير هوا هسه يصرف عليج وبعدين اني مو كتلج متكفلتج
شمس: يااا يمه والله ميصير يعني فوك ما اخذني جبر والنوب يصيرف عليه
ام عبد: انجبي لاجبر ولا شي هو حب يساعدج وهذا مايتسمى جبر
شمس: اي بس ا.........
ام عبد: لا بس ولا شي يلا كومي غسلي وبدلي حتى نطلع كبل ميجونا الضيوف
شمس: تمام دقائق واكون جاهزه

نزلت الحجيه واني طبيت غسلت وسويت شعري كعكه لبست تيشرت احمر وويا بنطرون كيلون من هذا العريض ويصير شويا قصير لونه اسود وحطيت شويا كحل وطلعت صبحت على الي جوا واجت جافتني الحجيه وكالت
ام عبد: يمه صدقه لله شهل جمال
شمس: تسلميلي يمه
ام عبد: بس يايمه ليش مالابسه حجاب؟
شمس: موو ميرهم حجاب واني حاليا ماعندي هدوم مالمحجبات وطويلا عود من اشتري

طلعنا ووصلنا يم الباب اول ما انفتح وكعت عيني بعين ابو وطن جان واكف يم السياره اشو هذا خزرني يمه شبيه اجا تقرب عليه وحجه بحده
ابو وطن: روحي لبسي حجاب
شمس: حجاب ويا بنطرون شون رهمتها
ابو وطن: اي عادي ينزع البنطرون وينلبس شي مستور
شمس: ماعندي غيره زين مني لبست كيلوت مو ضيك
ابو وطن: كيلوت شنو؟؟
شمس: يعني بنطرون عريض
ابو وطن: لا بله ومحلاج تلبسين بنطرون ضيك
شمس: هسه شون يعني ماروح
ابو وطن: لا حتروحين بس مو بهذا اللبس
شمس: كتلك معندي غيره شسوي يعني
ام عبد: يلا يابويه تأخرنا خلونا نروح عاد
ابو وطن: سهله سهله زهرااااااء ولج زهرااااااء
تعصب اهواي بقى يصيح على زهراء اجت بسرعه
زهراء: بلي عمو بلي جيت
ابو وطن: طبي جيبي عبايه وحجاب من عندج
زهراء: حاضر
شمس: شنو هااي ماللبس عبايه اني
ابو وطن: بس هسه حتلبسين
شمس: ماللبس
ابو وطن: لا حوله ولا قوة الا بالله ديلا عاااد زهراااء بسرررعه
زهراء: اجيت اجيت هاك
ابو وطن: شسوي بيهم اني انطيهم لهاي
شمس: هاي عدها اسم
زهراء: لزمي شمس

بقيت اخزره وهوا هم واحد يخزر بالاخ اخذت العبايه ولبستها وجانت مفصله عليع ونوب سديت الازرار مالها صارت حصر ولفيت الحجاب شون من جان بقى صافن عليه كتله بطريقه مستفزه
شمس: ها شرائيك اتبوش؟؟ مو احسن
ابو وطن: لزمي لساااانج يابنيييه
شمس: وانت صوووتك صووتك
ام عبد: يلا خلونا نروووح عااد
ابو وطن: اوكفي لطلعون اني راح اطبب السياره بالكراج

طبب السياره وركبت خلفه والحجيه كدام يما كلشويا تروح عيني للمرايا والكيه ديباوع عليه وارفعله حاجبي بسرعه يخزرني ويرجع يباوع على الطريق
وصلنا على منطقه كلها اسواق نزلنا وبقت الحجيه اطببني من محل لي محل واشترتلي اهواي دشاديش وقسم ملابس طلعه وعبايه وحتى احذيه اشترتلي ما انو اني عندي جايبه مالاتي كلهم واشترتلي جم قطعة حجاب طلعنا ساعه تسعه ونص خلصنا ساعه 12 تكسرت فدد مره
طلعنا لكينا ابو وطن داينتظرنا جنت ضايجه منا لان مدري شون جان ديحجي وياي بحده اليوم
اجا يمنا واخذ من ايدنا العلاليك طخت ايده بيدي بسرعه استحيت وسحبتها باوع عليه وكال
ابو وطن:.....................

للحكايه بقيه...

..................................................................................

#منة الله_الايوبي ✨