شَمـسُ وَطني

البارت الثامن عشر

خليت راسي وغفيت فزيت على صوت هلاهل من جوا
لبست حجاب ونزلت لكيت الكل ملتم بالاستقبال وجان اكو شابين ووياهم مره جبيره كاعدين
شفت زهراء رحت يمها همستلها كلتها
شمس: زهراء شكو ومنو هذول وشنو هاي صوت الهلاهل
زهراء: لج هذول عائلة احمد خطيب عمه أسماء جايين عدنا وحددو موعد الزواج
طكتها هاي المره الجبيره بهلهوله فزيت من صوتها
شمس: ايييي وشوكت
زهراء: الخميس الجاي
شمس: يااا اليوم شنو
زهراء: اعتقد احد
شمس: يااااااا وشون حتلحك تجهز روحها
زهراء: باجر حتنزل للسوك وتكمل جهازها
شمس: ووين حيسوون العرس
زهراء: هنا بالبيت

شفت اسماء رحت حضنتها وبوستها
شمس: لج اسومه الف مبروك عمري
اسماء: الله يباركلج حبيبة گلبي اتمنيت اعرفج من زمان مقضيت اهواي وياج
شمس: هههههههه يلا خومو مراح تجين ببيت اهلج
أسماء: لا ولج ثالث يوم العرس حنروح نسكن ببغداد علمود دوام احمد
شمس: يااااااا حرامات يلا حب الله يتمملج على خير
اسماء: اشكرج عمري يوم الالج

رحت على احمد هم جان كاعد يم ابو وطن كلتله من بعيد
شمس: بالمبارك عيني
احمد: هلا هلا خيتي الله يباوك بعمرج
ام احمد: خيه مني هاي الحلوه
ام عبد: هاي جنتي زوجة الشيخ ابو وطن
ام احمد: يووووو فدوه يوم النفرح بجهالهم ان شاء الله
شمس: شكرا خاله
ابتسمت وطبيت للمطبخ داشرب مي حسيت احد وراي انداريت لكيت ابو وطن دخزرني
شمس: ها خير شكو
ابو وطن: ميحتاج كلمة العيني
شمس: وييه شبيك خومو شكلت باركت للولد بس
ابو وطن: اي ميحتاج العيني جان مبروك كلتي وخلص
شمس: ياااا شبييك شو داحسك واكفي عالزله
ابو وطن: موو هييج بس اني زوجج ماسمع منج هيج كلمات بس لسان طويل
شمس: تمام عيني خوش هيج عيني
خنزر بوجهي وطلع.. هسه هذا شبيه ليش ضاج
طبت زهراء عليه
زهراء: شبيه عمو ابو وطن معصب
شمس: شمدريني بس امبور كلت لاحمد عيني طنكر تره مبيها شي
زهراء: يمه يمه الغيره
شمس: بس انجبي زهراء غيرتيش انتي الخ
زهراء: خوش خوش

طلعو احمد وامه والزلم راحو للديوان جنت واكفه بالمطبخ ويا البنات دانحضر العشى شويا واجا عليه عبد الله
عبد الله: شمس
شمس: ها حبيبي
عبد الله: حبوبه تصيحج
شمس: وينها
عبد الله: بغرفتها

رحت دكيت الباب وطبيت جانت كاعده بالكاع رحت يمها
شمس: بلي يمه صحتيلي
ام عبد: اي يمه مادري ليش اشتاقيتلج صارلنا اهواي مكاعدين سوا ونسولف
رحت دخلت بحضنها وهيا تمسح على راسي
ام عبد: اي يمه سولفي
شمس: على شنو
ام عبد: على زوجج انتي وياه شونكم
شمس: يااااا يمه لتجيبين سيرته شكد ديضوجني
ام عبد: ليش يمه شصاير بينكم
شمس: اليوم الظهر جنت بالحديقه اني والبنات وزيد جنا كاعدين ودنضحك طلع رزلني وراد يضربني لوما زيد هداه وهسه قبل شويا اجا وراي للمطبخ رزلني لان كلت لاحمد عيني وميخليني اطلع للسطح وهما البنات اربعه وعشرين ساعه بالسطح بس اني لا لييش يعني
ام عبد: يبووووو الحمدلله
شمس: على شنو!!!!
ام عبد: هاا لا ماعلى شي بس اريد اكلج شي يايمه
شمس: شنو
ام عبد: درب الحب يابنيتي خوف على العزيز من نظرة الغريب
شمس: يعني شنو مفتهمت!
ام عبد: ارجع واكلج هيا لمن تطلع من صاحبها احلى صبري وحتفهمين كلشي
شمس: ياااا يمه والله مدافهم شي
ام عبد: يبووو دماغج ثخيين شسويلج المهم باجر تعالي ويانه للسوك نجهز اسماء وانتي همات اشتريلج فستان للزواج مالاسومه
شمس: تمام
اندك الباب وطب ابو وطن راسا تعجب من شافني بحضن الحجيه بقى يباوع عليه
ام عبد: ها وليدي
ابو وطن: كالو ناديتيلي
ام عبد: اي يمه اريد اطلب منك باجر تنزلنا للسوك علمود نحضر جهاز اخيتك
ابو وطن: والله يمه مشغول ومالي خلك
ام عبد: لعد اشوف اخيك ابو زيد هوا ينزلنا
ابو وطن: اي خلي اهو ينزلكم هوا بس انتي واسماء
شمس: واااني
ابو وطن: انتي شكو حتروحين
ام عبد: يمه اريد اشتريلها بدله لزواج اسومه
شمس: خومو تريدني اطلع بالدشداشه
ابو وطن: اووووف لعد تحضرو باجر اني اوديكم
شمس: انت مو كلت مشغول ومالك خلك ومدري شنو
ابو وطن: وانتي شعليج عليج اوصلج للسوك وبس
شمس: ميحتاج نتعبك خلي عمو ابو زيد يوصلنا
ابو وطن: اااااني اوديييكم
شمس: ايييه وليش تصييح
ام عبد: يبووووووو حتتناكرون كومو طلعو يلا اخذ مريتك واطلع يلا