شَمـسُ وَطني

البارت الرابع

تلكتني ماما جانت كاعده بالمطبخ على الكرسي فزت من شافتني كالت
ام شمس: ها امي طمنيني على اخوانج
شمس: تمام ماما اطمني لكولهم مكان يم صديق همام عندا شقه وراحو عليها
ام شمس: الف الحمدلله ربج مايقطع على احد يلا طبي بسرعه كبل ميشوفج ليث
شمس: شسويله هالقندره وخلي يشوفني
ام شمس: وج سال عنج اهواي واني اكله نايمه واكثر من مره راد يدخلج حتى يتأكد واني امنعه
شمس: هسه هوا شعله بيه
ام شمس: شمدريني ياامي
شمس: اوووووي شكد مكرووه
ام شمس: اششششش ولج لاحد يسمعج
شمس: وخلي يسمعون حتى بحبي وكرهي للبشر حيدخلون بي
ام شمس: هسه امشي طبي خلي ننام

                                   ....................................................

همام: وصلنا شقة عبد القادر طبعا تأخرنا اهواي لان مجان اكو تكسيات بالشارع بس رب العالمين مايگطع على عبده لكينا عالشارع ولد بالسياره ركبنا وياه ووصلنا على شقك عبد القادر نزلنا وتشكرنا من الولد وصعدنا دكينا الباب على عبد القادر فتح الباب وكاللنا
عبد القادر: الساعه ثنتين وخمس دقائق ممنوع الدخول شكلت اني مو كلت لاتتأخروون
همام: ههههههههههه وداعتك مو بقصدنا بس مجان اكو تكسيات بالف يالله لكينا واحد ووصلنالك
عبد القادر: هلمره سماح شسوي عاد
همام: اعتذر والله
عبد القادر: ماتسكت احسن اني بس ضل بالي عليكم لان تأخرتو تعالو طبو يولو تعالو
طبينا جانت بارده الشقه مالته اني من طبعي شويا وجهي متين يعني ما استحي كتله
همام: عبود هاي شنو شو شقتك بارده ثلج
عبد القادر: والله معندي خلق اكوم اشغل التدفئه كوم انت شغله اكوول ماتعرفنا باسم الكريم
هشام: هشام اسمي حبيبي
عبد القادر: عاشت الاسامي يالحبيب يلا اخذو راحتكم البيت بيتكم
جابلنا الفراش فرشنا بالكاع وتمدد هشام
همام: اخذ راحتك هشام اني حطلع اغسل ايدي
طلعت شفت عبد القادر واكف بالبلكونه وديدخن رحت يما صح الجو بارد بس جانت طيبه جنت محتاج اشم هوا اخذت نفس عميييق وغمضت عيوني وبقيت اجر حسرات واتنهد
عبد القادر: شبيك يخوي عسى ما شر شو تاخذ حسرات بكد رحمة الله
همام: تعبان ومو بس تعبان مكسور من داخلي
عبد القادر: افااااا شبييك خليت بالي احجيلي شنهو الكاسرك
همام: شايف الواحد الي تدخل بعينه شعرايه وهوا ايديه مكطوعات هيج اني الي بداخلي
عبد القادر: لا يخوي لتحجي هيج افتحلي گلبك فضفض حتى ترتاح
همام: انذلينا ياعبد انذلينا صعب لمن ينگلب حالك بغمضة عين وللأسوء ينگلب صعب لمن تشوف امك واختك دينذلون ويتأذون من اقرب الناس الكلم من اهلكم الي لازم يصيرون سند الكم وانت مابيدك شي تسويلهم صعب لمن عمك اخو ابوك الي من دمك ولحمك ياخذ املاككم وتعب ابوكم واصعب شي لمن اشوف ابن عمي الي لازم يصير حزام ظهري وعضيدي اشوفه ديتحرش بأختي واعرف بيه ديقسي عليه ابو شغلي حتى يطردني وماالكه مصرف اصرف بي على نفسي واهلي وصعب لمن اشوف اخويه سندي دينذل ويترزل من عمي وكدام الكل علمود وحده جاهله متسوه فلس ااااه يخوي ااخ بعد ماكدر اتحمل...... ماتحملت نزلت دمعتي غصبا عني بسرعه مسحتها