شَمـسُ وَطني

البارت السادس والثلاثون

فزيت على صوت مبايلي يدك باوعت همام دايتحصل فتحته
شمس: ها عريسنا بشر بيضت وجهنا
همام: هههههههه نزلي يلا نريد نرجع
شمس: هسه
همام: اي هسه لعد شوكت
شمس: اوكف بس خلي اطب اغسل وابدل
همام: لا تتأخرين
شمس: حاااضر
سديته وطبيت غسلت وبدلت ملابسي نفسهم الي اجيت بيهم وشلت ولفيت حجابي صار راسي جبير لان شعري ممشط رجعت فتحت الحجاب وبس ذبيته على راسي مشديته ولميت غراضي ونزلت الكل جان ملتم وكاعد سلمت عليهم ورحت بوست زهراء وهمستلها
شمس: هاا بشري شونه همام وياج
زهراء: ويييي شمممس ويي فدووه شكد حنوون
شمس: هاا شكتلج هههههه الله يديمكم حبيبي
جان كاعد مقابيلي ايهاب وكلشويا واحد يباوع عالاخ ويرفعلي حاجبه واني تجيني الضحكه
كعدنا شويا وكام خالي ترخص نرجع كمنا حتى نروح رحت بوست البنات وحده وحده بالغلط اجا كدامي ايهاب همسلي بصوت ناصي
ابو وطن: اييي ديلااا بالغلط سويها وبوسيني
شمس: يبوووو وتالي ويااك
ابو وطن: احبك يولو
شمس: اموت عليك
عض على شفته الجوا وخرت من يما بسرعه يبووووو ناوي يفضحنيي
طلعنا صعدنا بالسياره زهراء ودعت امها خطيه كامو يبجون حتى زيد دمعت عيونه صعبه هيج تتركم بسرعه
صعدت وسلمنا عليهم وطلعنا الطريق كله تفكر بايهاب والبارحه شون تصالحنا اااخ يربي اجعله من قسمتي ونصيبي انت وحدك تعلم شكد احبه وشكد تعذبت بغيابه
وصلنا نزلنا واول ماطبيت شقتنا كمت اهلهل وهشام وياي يصوفر وبصفك وياي واني اغني عروستنا ماكو مثلهااا وخالو يركص ويانا وهاي زهراء خطيه صايره قطعه حمرا من الخجل وهمام بس يسكت بينا
وراها طب كل واحد لغرفته جنا محضرين غرفه لهمام لان هيا الشقه بيها ثلاث غرف وحده منهن صارت لهمام بس هشام خطيه مدري وين حنذبه يلا ينام يم خالو
طبيت لغرفتي جنت داعزل غراضي طب عليه هشام وتصطح على سريري

شمس: خطيه معنده غرفه ههههههه
هشام: ميهم اصلا اني راجع
شمس: وين راجع
هشام: يعني وين جنت حرجع
شمس: كول والله تشاقه مو
هشام: شبيج بابا ليش اشاقه شغلي هناك ودوامي كلا بالسويد اجيت جم يوم لزواج هشام ولوما خالو لح عليه مجان اجيت
شمس: ليش هيج هشام
هشام: شكو
شمس: يعني انتو الي بقيتولي وانتو اهلي وكل حياتي هيج تفرقوني عنكم
هشام: يعني شسوي مستقره حالتي هناك شنو تريديني اجي هنا عالعراق العظيم الي حتى تعيين مابي
شمس: ليكون عندك وحده هناك وراجع علمودها وماتكدر تتركها
هشام: ههههههههه لا سدينا هالباب من زمان
شمس: شفت منال
هشام: اي بنت الاذيه صايره حلوه حجالي القصه كلها همام على بيت عمو
شمس: اي خطيه
هشام: لا خطتهم الخطيه
شمس: عيب مهما كان بيت عمنا
هشام: هسه شيلينا من هالسالفه يرحم اهلج
شمس: اكول ابقى بس علما تصير حفلة تخرج همام
هشام: شوكت
شمس: بعد اسبوعين هيج
هشام: حيييييل بابا ماكدر طويله البارحه اجاني اتصال من صديقي يكول ابو المحل الي اشتغل بي ديريدني ارجع عاد
شمس: حبااب هيا جم يووم
هشام: لا حباب ولا شي والله ماكدر
شمس: اوووف خبيث ولعد شوكت توجع
هشام: بلكت بعد باجر