شَمـسُ وَطني

البارت السادس والعشرين

اول مطبيت وهنا جانت الصدمه الي ابد مجنت مخططتلا ولا حتى اجا ببالي انو حيصير هالشي لا يربي مدري افرح لو ابجي لو شسوي بالضبط
لكيت كدامي خالي ابراهييم الصغير؟؟؟
لاا مجنت مصدددكه ابدد بسرعه رحت ركض حضنته واني ابجي وهوا يبجي هذا خالي الصغير واحن واحد واكثر واحد جان يحب ماما ويحبنا وبالاخص اني لان مثل مكتكلم اشبه بيبيتي ام امي لذالك يحبني اهوااي لان اشبه والدته
بقينا واحد يبجي بحضن الاخ ويشم بيه ويكول
ابراهيم: اوووف ريحت نهااد
شمس: خاالو ماماات رااحت وتركتنني راحت ويا باباا خالو تركووني
ابراهيم: يروح خالج اني موجود ورجعتلج وماتركج وصتني عليج كبل متمووت وكالتلي مكانج حتى اجذ اخذج
وخرت من يما وكتله
شمس: بس خالو اني مخطوبه هسه من الشيخ ابو وطن وبس حيجون اخواني حيطلبني منهم من جديد
إبراهيم: خالو شهل حجي ماكو هيج شي اني جيت حتى اخذج وياي ادري بيج مخطوبه وادري انتي جنت مضطره هيج تسوين
شمس: لا خالو لا بصراحه اني احبه لابو وطن
إبراهيم: بابا فهمي انتي مكانج مو هناا لا انت مثل طبعهم ولا هما مثل طبعج ممتوالمين وسويتو هالعقد مؤقت
شمس: لاااا اني مااريد ارجع خالو والله احبه لابو وطن وهوا همات يحبني مو هيج ايهاب

اباوع على ايهاب ميباوعلي وحتى مجاوبني استغربت وحتى وجها حسيته ثكيل
إبراهيم: باباااا عقلي وامسي رجعي وياااي
الشيخ عثمان: بويه كعدي حتى نفهمج
كعدت واني گلبي خاايف بس مطمنه كلت لا مستحيل ايهاب يعوفني اي يحبني ماريده اخسره هوا كل حياتي
الشيخ عثمان: شوفي بنيتي انتي كبل مايعقد عليج ابو وطن خبرتنا والدتج وطلبت من الحجيه هالشي ومؤقت ووعدناها وحتى ابو وطن وعدها انو اذا  احد من كرايب امج عليج مثل اخوانها وطلب ياخذج نفسخ هالعقد وتروحين وياه والله يرحمها امج هيا الطلبت هالشي واحنا وعدناها منكدر نكسر بوعدنا
شمس: بس شييخ انيي ماريد ارجع وابو وطن كال حنتزووج بس يجون اخواني
إبراهيم: باعي شمس امج موصتني علييج مستحييل اتركج بعد
شمس: بس خااالو اني احبه وهوا هم يحبني وااللله واني مضايجه من العيشه هنا والله وروح بابا راضيه بالعيشه هنا
إبراهيم: شممممس سمعي الحجيي وصعدي لمي غرااضج كلها يلاا ما الج مكاان هنااا
شمس: خالوووو مارييد اروووح
رحت على ابو وطن جان واكف بالباب ووكفت بوجها
شمس: ايهاااب احجي شي ايهاااب ليش متجاوبنييي تريدني ارووح
احجي وياه ميرد وحتى ميباوعلي رجعت على خالي
شمس: خاللوو الله يخليييك والله احبه لتحرمني منااا
إبراهيم: هوا مديريييدج شيبقييج
شمس: لالااا هوا يحبنييي والله
إبراهيم: يلا اسالي نشوف اذا يريدج او لاا يلااا اسالس هسه كدامنا يابه شيخ انتو مو زواجكم بس بالاسم
الشيخ عثمان: بلي زواجهم بس بالاسم وهسه ينفسخ هالعقد وتروح وياك
رجعت على ابو وطن
شمس: ايهاااب تريدني اروووح؟؟؟ ايهااااب جاااااوب تريدنيييي ارووووح شبيييك مترررد عليييه بس جاوبنييي الله يخليييك
باوع بعيوني وحجه بصوت مبحوح
ابو وطن: شمس منكمل ويا بعض احنا الله وياج روحي ويا خالج رجعي