شَمـسُ وَطني

البارت الثاني عشر

اجا يمنا واخذ من ايدنا العلاليك طخت ايده بيدي بسرعه استحيت وسحبتها باوع عليه وكال
ابو وطن: ها اشتريتو السوك كله لو باقي شكم محل
شمس: لتخاف شكو هدوم تنفع للحج اشتريتها
وابتسمت بوجها ابتسامه باهتا رفعلي حاجبه وكال
ابو وطن: كفووو من الحجيه لو ما هيا وياج جان رحتي اشتريتي من هذا الكبلوت مدري شسمه ولا من هذاك البردسول مالحيمجيه
تعصبت لان قلد على لبسي واموت ولا احد يقلد على شي مالتي ويستهزء
شمس: اولا اسمه كيلوت هذا البنطرون وثاني شي البردسول يسموه اووفر وهذا مديله مو شرط بس الحيمجيه عدهم منا
ابو وطن: والله عاد اني بديرتنا ماشايف بس الحيمجيه يلبسون منا
شمس: واذا بديرتكم مالبست شي معناها العالم كله ميلبس منا؟؟
ام عبد: هسه شووون حتبقوون تتناكرون بالشارع
شمس: يمه ماسمعتي شون ديقلد على هدومي
ام عبد: ديلا ميخالف زوجج تره

رحنا صعدنا بالسياره ووصلنا للبيت لكيت مليان نسوان وخبصه وهوسه شنو هاي طبت الحجيه هم والكل اجا عليها يبوسها سلمو عليه هم وكعدو يباركولي بس جان اكو وحده بقت تخزر بيا صدك شكلها يخوف اتخرصت منهم وصعدت لغرفتي لحكتني زهراء واسماء
اسماء: هاااا ششتريتي رواييينا
زهراء: يلا اشوف
بقيت افتح العلاليك واراويهم الملابس هذولا ينسطرون لان اغلب الاشياء اشتريتها على ذوقي
شمس: اكول
اسماء: كولي
شمس: اكو وحده جوا جانت كاعده ولابسه عبايه بنص النسوان وبس داتخزر بيه
زهراء: يوووو شمس كلهم جوا لابسين عبايات ياهي منهم
شمس: لابسه عبايه سوده ومن الصدر لونها احمر ولابسه حجاب اخضر طوخ مادري شملوصه بروحها
اسماء: هاي الي جانت داتباوع عليج؟
شمس: اي بالضبط هاي منو هاي؟؟
اسماء: ولج هاي فاطمه بنت عمو سيف اخت اسراء
شمس: ياااااا مدري شبيها وياي اول ماطبيت بقت داتباوع عليه من فوك لي جوا
زهراء: يعني على اساس متعرفين ليش
شمس: لا والله ليش
زهراء: لان تحب ابو وطن وبقى الكل يقرا بدماغها انو ابو وطن راح يتزوجها لان بنت عمه ومن هالحجي
شمس: اهاااا وليش لحد هسه لعد متزوجها
اسماء: جان قاطع موضوع الزواج نهائيا كلما جانت امي او ابويه من يفتحوله موضوع الزواج جان يتعصب ويبقى يعيط واصلا ميحب فاطمه يكول اضوج منها احسها ملعبه مارتاحلها
شمس: اي صدك اني هم هيج حسيتها من الحجاب الاخضر مادري ليش
اسماء: بعدين خيه الله كاتبله انتي قسمته ونصيبه
شمس: هههههههههه يلا هسه طلعو اريد اسبح وشويا ارتاح تعبت من السوك
زهراء: ماتتغدين؟
شمس: لا ممشتهيا اريد بس انااام

طلعو وطبيت غسلت وبدلت هدومي لبست دشادشه وطلعت اصفط الهدوم الجديده
اخ شكد جنت اتمنى ماما تحضرلي جهاز عرسي بس هيا وينها ماما او بالاول خلي يكون اكو عرس هوا اصلا احنا هاهيه هسه بعتبار زوجته شرعا
هناك ويروح فكري لمن جان الصبح ديصيح عليه شكد كرهتا اووف
خلصت رحت تصطحت ونمت فزيت هم على زهراء داتحسسني
زهراء: ولج خايبه دكعدي عااد
شمس: شبييج دعوفيني نايمه
زهراء: ولج دكعدي غير قبل شويا كبت عركه
بسرعه تعدلت وكتلها
شمس: شكو ياستار
زهراء: ولج احنا وجنا دانتغدا ابو وطن ما اجا للغدا كال ممشتهي بقى بالديوان هو بس وبقت فاطمه تلح عليه لحد مازكح بيها كدام الكل كامت تعيط وكالتله شنوو احنا مو كد المقام تاكل ويانا الا لان ست الحسن مو هنا وكام عاط عليها هيا بقت تغلط عليج الكل صيح عليها لحد ما الحجيه كالتلها طلعي برا بيتي يلا واسراء بقت ادافع الها وكالت يا اني يا هاي البنيه شمس عمو ابو وطن كال الف مره مع السلامه ولمت هدومها ويا اختها وراحت بس بناتها بقو
شمس: ياااااااا كل هذا صار واني نايمه
زهراء: ولج بس لو تشوفين شون دافع عنج ابو وطن يبووووو
شمس: اي غير بحسبة زوجته شون ميدافعلي
زهراء: لا حبيبه شكله مو بس جان علمود زوجته
شمس: لعد شنو
زهراء: خليها انتي تلكفيها مثل ما اني لكفتها
شمس: امانه احجي شكو
زهراء: والقران ماحجي يلا كومي نزلي عاد
شمس: لا استحي
زهراء لويش تستحين
شمس: اي مو صارت عركه بسببي وانوب عمج مجيد حيكرهني
زهراء: انجبي شهل حجي انتي مالج دخل فاطمه هيا الي تجاوزت وغلطت
شمس: اي مو......
زهراء: لا مو ولا فو يلا كومي نزلي مدانشوفج هلكد متنامين
شمس: اووف حاظر حاظر حنزل